(1)

Sonraítear i Rialachán Tarmligthe (AE) 2022/803 ón gCoimisiún (2) na rialacha nós imeachta is infheidhme maidir leis an Údarás Eorpach um Urrúis agus Margaí (‘ESMA’) maidir le feidhmiú na cumhachta fíneálacha a fhorchur, dá dtagraítear in Airteagal 38h de Rialachán (AE) Uimh. 600/2014, nó íocaíochtaí pionósacha tréimhsiúla a fhorchur, dá dtagraítear in Airteagal 38i den Rialachán sin, maidir le soláthraithe seirbhísí tuairiscithe sonraí. Bhí raon feidhme an Rialacháin Tharmligthe sin teoranta do shocruithe formheasta maidir le foilsiú agus do shásraí tuairiscithe formheasta atá faoi réir mhaoirseacht ESMA. Le raon feidhme an Rialacháin Tharmligthe sin, níor cumhdaíodh soláthraithe seirbhísí tuairiscithe sonraí eile atá faoi réir mhaoirseacht ESMA, lena n-áirítear soláthraithe teilitéipe comhdhlúite (‘CTPanna’). Bhí an raon feidhme sin teoranta mar gheall nach raibh soláthraithe seirbhísí tuairiscithe sonraí ag soláthar seirbhísí teilitéipe comhdhlúite san Aontas agus mar gheall ar an athbhreithniú a bhí ar feitheamh le Rialachán (AE) Uimh. 600/2014, a leasaíodh le Rialachán (AE) 2024/791 ó Pharlaimint na hEorpa agus ón gComhairle (3) (‘athchóiriú MiFIR’). Tháinig athchóiriú MiFIR i bhfeidhm an 28 Márta 2024.

(2)

Le hathchóiriú MiFIR, cuireadh deireadh leis na bacainní a bhí ar theacht chun cinn CTPanna san Aontas agus leagadh síos amlíne le haghaidh ESMA chun CTP le haghaidh bannaí, CTP le haghaidh scaireanna agus cistí arna dtrádáil ar an malartán agus CTP le haghaidh díorthaigh thar an gcuntar a roghnú agus a údarú. I bhfianaise an phróisis údaraithe CTP atá ar na bacáin, is gá raon feidhme Rialachán Tarmligthe (AE) 2022/803 a leasú chun a áirithiú go gcumhdófar leis gach soláthraí seirbhísí tuairiscithe sonraí atá faoi réir mhaoirseacht ESMA, lena n-áirítear CTPanna.

(3)

Ba cheart, dá bhrí sin, Rialachán Tarmligthe (AE) 2022/803 a leasú dá réir sin,

(1)

Cuirtear an méid seo a leanas in ionad Airteagal 1: