(1)

Le Rialachán (CE) Uimh. 1924/2006, déantar foráil go bhfuil toirmeasc ar mhaímh shláinte a dhéantar i leith bianna ach amháin má tá siad údaraithe ag an gCoimisiún i gcomhréir leis an Rialachán sin agus curtha ar an liosta de mhaímh shláinte cheadaithe.

(2)

De bhun Airteagal 13(3) de Rialachán (CE) Uimh. 1924/2006, leagadh síos le Rialachán (AE) Uimh. 432/2012 (2) ón gCoimisiún liosta de mhaímh shláinte cheadaithe a dhéantar i leith bianna, seachas na maímh sin lena dtagraítear do laghdú riosca galair agus maidir le forbairt agus sláinte na leanaí.

(3)

Foráiltear le Rialachán (CE) Uimh. 1924/2006 freisin go bhféadfaidh oibreoirí gnólachtaí bia iarratais ar údaruithe i leith maímh shláinte a chur faoi bhráid údarás inniúil náisiúnta de chuid Ballstáit. Ní mór don údarás inniúil náisiúnta iarratais bhailí a chur ar aghaidh chuig an Údarás Eorpach um Shábháilteacht Bia (‘an tÚdarás’) le haghaidh measúnú eolaíoch, agus chuig an gCoimisiún agus na Ballstáit chomh maith, ar mhaithe le faisnéis.

(4)

Déanfaidh an Coimisiún cinneadh maidir le maímh shláinte a údarú agus an tuairim ón Údarás, aon fhoráil ábhartha de dhlí an Aontais agus tosca dlisteanacha eile a bhaineann leis an ábhar atá faoi chaibidil á gcur san áireamh aige.

(5)

Chun nuálaíocht a spreagadh, déanfar cineál údaraithe brostaithe ar mhaímh shláinte atá bunaithe ar fhianaise eolaíoch nuafhorbartha agus/nó a bhfuil iarraidh ar chosaint sonraí dílseánaigh ina cuid de.

(6)

Tar éis iarratas a fháil ó Zespri International Limited (‘an t-iarratasóir’), iarratas a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt faoin mbunús eolaíoch atá le maíomh sláinte maidir leis an gcíobhaí glas (Actinidia deliciosa‘Hayward’) agus dífhaecú normálta a choimeád ar siúl (Ceist Uimh. EFSA- Q-2020-000562).

(7)

Is mar seo a leanas a bhí an fhoclaíocht sa mhaíomh a mhol an t-iarratasóir ar dtús: ‘Trí chíobhaí glas a thomhailt go tráthrialta, cuirtear le compord gastraistéigeach’ nó ‘trí chíobhaí glas a thomhailt go tráthrialta, laghdaítear pian ghastraistéigeach’. Agus an gaol sláinte a moladh á chur san áireamh ag an Údarás, agus i gcomhaontú leis an iarratasóir, d’athraigh an tÚdarás foclaíocht an mhaímh arna mheasúnú chuig an bhfoclaíocht seo a leanas: ‘Trí chíobhaí glas a thomhailt go tráthrialta, coimeádtar dífhaecú normálta ar siúl’.

(8)

An 11 Meitheamh 2021, d’fhoilsigh an tÚdarás tuairim eolaíoch uaidh maidir leis an maíomh sin (3), inar thángthas ar an gconclúid ar bhonn na sonraí a cuireadh faoina bhráid, go raibh gaol cúise agus éifeachta suite idir tomhailt an chíobhaí ghlais (Actinidia deliciosa‘Hayward’) agus dífhaecú normálta a choimeád ar siúl. Is é an pobal i gcoitinne an spriocphobal. Dá réir sin, maíomh sláinte ina léirítear an chonclúid sin, ba cheart a mheas go gcomhlíonann sé ceanglais Rialachán (CE) Uimh. 1924/2006 agus ba cheart é a chur le liosta an Aontais de mhaímh shláinte cheadaithe, arna bhunú le Rialachán (AE) Uimh. 432/2012.

(9)

Tar éis don Choimisiún iarraidh a fháil ón iarratasóir maidir le foclaíocht atá níos soiléire do thomhaltóirí, dheimhnigh an tÚdarás go raibh an fhoclaíocht ‘Trí chíobhaí glas a thomhailt, cuirtear le gnáthfheidhmíocht na bputóg trí mhinicíocht faecais a mhéadú’ ag teacht leis an bhfianaise eolaíoch.

(10)

Thug an Painéal dá aire sa tuairim eolaíoch uaidh nárbh fhéidir teacht ar aon chonclúid a thabharfadh bunús eolaíoch leis an maíomh ar bhonn na staidéar a rinneadh le bianna seachas cíobhaíonna glasa úra.

(11)

Is éard a fhoráiltear le hAirteagal 13(3) de Rialachán (CE) Uimh. 1924/2006 nach mór na coinníollacha riachtanacha uile (lena n-áirítear srianta) maidir lena n-úsáid a bheith ag gabháil le maímh shláinte cheadaithe. Dá réir sin, ba cheart foclaíocht na maíomh maille lena gcoinníollacha úsáide sonracha, agus i gcás inarb infheidhme, coinníollacha nó srianta úsáide agus/nó ráiteas nó rabhadh breise, a chuimsiú sa liosta de mhaímh shláinte cheadaithe, i gcomhréir le Rialachán (CE) Uimh. 1924/2006 agus i gcomhréir le tuairimí an Údaráis.

(12)

I gcomhréir le hAirteagal 20 de Rialachán (CE) Uimh. 1924/2006, ba cheart Clár na maíomh maidir le cothú agus sláinte ina bhfuil gach maíomh sláinte údaraithe a thabhairt cothrom le dáta.

(13)

Dá bhrí sin, ba cheart Rialachán (AE) Uimh. 432/2012 a leasú dá réir.

(14)

Chuathas i gcomhairle leis na Ballstáit,