(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Údaraíodh ullmhóid d’ion-1,3(4)-béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 ar feadh 10 mbliana mar bhreiseán beathaithe le haghaidh éanlaith chlóis, bainbh scoite agus muca lena ramhrú le Rialachán Cur Chun Feidhme (AE) Uimh. 290/2014 ón gCoimisiún (2), agus le haghaidh cránacha le Rialachán Cur Chun Feidhme (AE) Uimh. 1138/2014 ón gCoimisiún (3).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide d’ion-1,3(4)-béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 a athnuachan mar bhreiseán beathaithe le haghaidh gach speicis éanlaithe clóis, bainbh scoite, muca lena ramhrú agus cránacha, iarratas inar iarradh go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 26 Samhain 2024 (4) go bhfuil an ullmhóid d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 fós sábháilte do gach speiceas éanlaithe clóis, bainbh scoite, muca lena ramhrú agus cránacha, do thomhaltóirí agus don chomhshaol faoi na coinníollacha úsáide atá údaraithe faoi láthair. Tháinig sé ar an gconclúid freisin go bhfuil an ullmhóid d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536, i ngach foirmliú di, neamhghreannach do na súile agus don chraiceann ach gur cheart a mheas gur íogróir riospráide í, agus gur cheart a mheas gur íogróir deirmeach freisin gach foirmliú soladach di. Thug sé le fios freisin nach gá measúnú a dhéanamh ar éifeachtúlacht na hullmhóide d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536, ós rud é nach gcuimsítear san iarratas ar athnuachan an údaraithe aon togra maidir le coinníollacha na n-údaruithe bunaidh a leasú nó a fhorlíonadh, rud a mbeadh tionchar aige ar éifeachtúlacht an bhreiseáin. Níor mheas an tÚdarás go raibh gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar ar thángthas le linn an mheasúnaithe a rinneadh i ndáil leis an modh a úsáidtear chun anailís a dhéanamh ar an ullmhóid d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 mar bhreiseán beathaithe i gcomhthéacs na n-údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointe (c), de Rialachán (CE) Uimh. 378/2005 ón gCoimisiún (5), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar údarú na hullmhóide d’ion-1,3(4) béite-ghlúcanáis agus ion-1,4-béite-xiolanáis arna táirgeadh le Talaromyces versatilis IMI CC 378536 a athnuachan mar bhreiseán beathaithe, ba cheart Rialachán Cur Chun Feidhme (AE) Uimh. 290/2014 agus (AE) Uimh. 1138/2014 a aisghairm.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,