(1)

Chun é a chur ar a gcumas d’údaráis inniúla a mheas an gcomhlíonann daoine dlítheanacha nó gnóthais eile a bhfuil údarú mar sholáthraí seirbhísí cripteashócmhainní á lorg acu i gcomhréir le hAirteagal 62 de Rialachán (AE) 2023/1114 (‘iarratasóirí’) na ceanglais is infheidhme a leagtar síos i dTeideal V agus, i gcás inarb ábhartha, i dTeideal VI den Rialachán sin, ba cheart an fhaisnéis atá le soláthar in iarratas ar údarú mar sholáthraí seirbhísí cripteashócmhainní arna chur isteach i gcomhréir le hAirteagal 62(1) den Rialachán sin (‘iarratas ar údarú’) a bheith mionsonraithe agus cuimsitheach go leor gan ualach míchuí a fhorchur.

(2)

Ba cheart sonraí a bheith san iarratas ar údarú maidir le céannacht an iarratasóra, na socruithe rialachais agus na sásraí rialaithe inmheánaigh, oiriúnacht chomhaltaí an chomhlachta bainistíochta agus dea-cháil leordhóthanach na scairshealbhóirí nó na gcomhaltaí a bhfuil sealúchais cháilitheacha acu. I gcomhréir le prionsabal an íoslaghdaithe sonraí mar a chuirtear in iúl in Airteagal 5(1), pointe (c) de Rialachán (AE) 2016/679 ó Pharlaimint na hEorpa agus ón gComhairle (2), ba cheart an fhaisnéis sin a bheith leordhóthanach chun é a chur ar a gcumas d’údaráis inniúla measúnú cuimsitheach a dhéanamh ar iarratasóirí, agus ar a gcumas ceanglais ábhartha Rialachán (AE) 2023/1114 a chomhlíonadh. Thairis sin, ba cheart an fhaisnéis sin a bheith leordhóthanach chun a chur ar a gcumas do na húdaráis inniúla a fhíorú nach bhfuil aon fhoras oibiachtúil agus inléirithe ann chun an t-údarú dá dtagraítear in Airteagal 63(10), pointí (a) go (d), den Rialachán sin a dhiúltú.

(3)

Chun a áirithiú go bhfuil measúnú na n-údarás inniúil bunaithe ar fhaisnéis chruinn, ba cheart d’iarratasóirí cóipeanna dá ndoiciméid chorparáideacha a sholáthar, lena n-áirítear a n-aitheantóir eintitis dhlítheanaigh, na hairteagail chomhlachais, cóip dá gclárú i gclár náisiúnta na gcuideachtaí agus, i gcás ina bhfuil sé beartaithe ag iarratasóirí ardán trádála a oibriú, an t-ainm tráchtála a úsáidtear.

(4)

I gcomhréir le hAirteagal 62(2), pointe (d), de Rialachán (AE) 2023/1114, beidh clár oibríochtaí in iarratas ar údarú. Ba cheart go sonrófaí sa chlár sin struchtúr eagraíochtúil agus straitéis na n-iarratasóirí maidir le seirbhísí cripteashócmhainní a sholáthar dá gcliaint spriocdhírithe agus a n-acmhainneacht oibríochtúil ar feadh 3 bliana tar éis a n-údaraithe. Agus an straitéis a úsáidtear chun díriú ar chliaint á sonrú acu, ar chúiseanna trédhearcachta, ba cheart do na hiarratasóirí tuairisc a thabhairt ar na modhanna margaíochta atá beartaithe acu a úsáid, lena n-áirítear suíomhanna gréasáin, feidhmchláir fón póca, cruinnithe duine le duine, preaseisiúintí, nó aon chineál modhanna fisiciúla nó leictreonacha, lena n-áirítear uirlisí feachtais na meán sóisialta, fógraí nó meirgí idirlín, athdhíriú ar fhógraíocht, comhaontuithe le tionchairí, comhaontuithe urraíochta, glaonna, seimineáir ghréasáin, aon chuireadh chuig imeacht, feachtas cleamhnachta, teicnící cluichithe, cuireadh chun foirm freagartha a líonadh isteach nó cúrsa oiliúna, cuntais taispeána nó ábhair oideachais a leanúint.

(5)

Chun é a chur ar a gcumas d’údaráis inniúla measúnú a dhéanamh ar athléimneacht na n-iarratasóirí chun suaití airgeadais seachtracha a sheasamh, lena n-áirítear iad siúd a bhaineann le luach cripteashócmhainní, ba cheart d’iarratasóirí cásanna struis a áireamh ina n-iarratas ar údarú lena n-ionsamhlaítear teagmhais dhiana ach shochreidte ina ríomhanna réamhaisnéise agus ina bpleananna chun a gcistí dílse a chinneadh.

(6)

Bíonn cliaint neamhchosanta ar rioscaí féideartha a bhaineann leis na soláthraithe seirbhísí cripteashócmhainní. Chun é a chur ar a gcumas d’údaráis inniúla measúnú a dhéanamh ar cé acu a chomhlíonann nó nach gcomhlíonann iarratasóirí na ceanglais stuamachta a leagtar amach in Airteagal 67 de Rialachán (AE) 2023/1114 chun cliaint a chosaint ar rioscaí den sórt sin, ba cheart faisnéis a bheith in iarratas ar údarú ina sonraítear coimircí stuamachta an iarratasóra.

(7)

Chun a áirithiú go gcomhlíonann soláthraithe seirbhísí cripteashócmhainní a n-oibleagáidí a leagtar síos i Rialachán (AE) 2023/1114, ba cheart d’iarratasóirí a léiriú go bhfuil socruithe rialachais leordhóthanacha agus láidre agus sásraí rialaithe inmheánaigh acu, lena n-áirítear socruithe agus sásraí atá riachtanach do bhainistiú fónta agus stuama soláthraithe seirbhísí cripteashócmhainní.

(8)

Sa chóras seirbhísí airgeadais, tá an t-am riachtanach. Chun éaradh a sheachaint toisc go bhféadfadh iarmhairtí móra airgeadais, rialála agus clú a bheith acu do na soláthraithe seirbhísí cripteashócmhainní agus do na margaí cripteashócmhainní i gcoitinne, tá sé ríthábhachtach oibríochtaí nó feidhmeanna riachtanacha soláthraithe seirbhísí cripteashócmhainní ar a laghad a choinneáil ar bun agus aga neamhfhónaimh de bharr cur isteach gan choinne, lena n-áirítear cibirionsaithe agus tubaistí nádúrtha, a íoslaghdú. Dá bhrí sin, ba cheart faisnéis mhionsonraithe a bheith in iarratas ar údarú maidir le socruithe an iarratasóra chun leanúnachas agus rialtacht a áirithiú i soláthar seirbhísí cripteashócmhainní, lena n-áirítear tuairisc mhionsonraithe ar a rioscaí agus ar a phleananna leanúnachais gnó.

(9)

Tá gá le sásraí, córais agus nósanna imeachta éifeachtacha a chomhlíonann Treoir (AE) 2015/849 ó Pharlaimint na hEorpa agus ón gComhairle (3) agus Rialachán (AE) 2023/1113 ó Pharlaimint na hEorpa agus ón gComhairle (4) chun a áirithiú go dtabharfaidh iarratasóirí aghaidh go hiomchuí ar na rioscaí agus na cleachtais a bhaineann le sciúradh airgid agus maoiniú sceimhlitheoireachta i soláthar seirbhísí cripteashócmhainní. Dá bhrí sin, ba cheart d’iarratasóirí faisnéis mhionsonraithe a sholáthar ina n-iarratas ar údarú maidir lena sásraí, a gcórais agus a nósanna imeachta arna gcur i bhfeidhm chun rioscaí a bhaineann lena ngníomhaíochtaí gnó a chosc i ndáil le, inter alia, frithsciúradh airgid agus maoiniú frithsceimhlitheoireachta.

(10)

I gcomhréir le hAirteagal 62(2), pointe (g), de Rialachán (AE) 2023/1114, ní mór cruthúnas a bheith in iarratas ar údarú go bhfuil dea-cháil leordhóthanach ar chomhaltaí an chomhlachta bainistíochta agus go bhfuil an t-eolas, na scileanna agus an taithí iomchuí acu chun an soláthraí seirbhísí cripteashócmhainní sin a bhainistiú. Go háirithe, ba cheart d’iarratasóirí an fhaisnéis uile a sholáthar do na húdaráis inniúla faoi chiontuithe coiriúla a rinneadh roimhe seo agus faisnéis maidir le himscrúduithe coiriúla atá ar feitheamh, cásanna sibhialta agus riaracháin, pionóis, gníomhaíochtaí forfheidhmiúcháin agus imeachtaí breithiúnacha eile de chuid chomhaltaí an chomhlachta bainistíochta a bhaineann leis an dlí tráchtála, an dlí dócmhainneachta, frithsciúradh airgid, maoiniú frithsceimhlitheoireachta, calaois, dliteanas gairmiúil. Chun faisnéis leordhóthanach a sholáthar d’údaráis inniúla maidir le dea-cháil chomhaltaí an chomhlachta bainistíochta, ba cheart d’iarratasóirí an fhaisnéis le haghaidh na gcásanna sin a bhaineann go díreach leis an gcomhalta nó a bhaineann le heagraíocht a raibh post ag an gcomhalta inti mar chomhalta den chomhlacht bainistíochta, mar scairshealbhóir nó mar chomhalta ag a bhfuil sealúchais cháilitheacha nó mar shealbhóir príomhfheidhme. Chun a áirithiú go bhfaighidh na húdaráis inniúla faisnéis leordhóthanach maidir le clárúcháin, údaruithe nó comhaltais, inter alia, a dhiúltaítear nó a tharraingítear siar a bhaineann le soláthar seirbhísí cripteashócmhainní ag na hiarratasóirí, ba cheart d’iarratasóirí faisnéis den sórt sin a sholáthar faoi aon chomhalta den chomhlacht bainistíochta. Thairis sin, ba cheart d’iarratasóirí faisnéis ábhartha a sholáthar, do gach comhalta den chomhlacht bainistíochta, chun a chur ar chumas na n-údarás inniúil measúnú a dhéanamh ar a n-eolas gairmiúil, ar a scileanna gairmiúla agus ar a dtaithí ghairmiúil i raon feidhme an phoist atá á lorg agus tuairisc ar leasanna airgeadais agus neamhairgeadais uile chomhaltaí an chomhlachta bainistíochta a d’fhéadfadh coinbhleachtaí leasa ábhartha féideartha a chruthú a d’fhéadfadh difear suntasach a dhéanamh d’iontaofacht na gcomhaltaí i bhfeidhmiú a sainordaithe.

(11)

Maidir leis an gceanglas i ndáil le dea-cháil scairshealbhóirí agus comhaltaí a shealbhaíonn sealúchais cháilitheacha go díreach nó go hindíreach in iarratasóir, ba cheart an fhaisnéis go léir a bheith san iarratas ar údarú faoina gciontuithe roimhe sin agus faoi imscrúduithe coiriúla atá ar feitheamh, cásanna sibhialta agus riaracháin agus imeachtaí breithiúnacha eile, agus faisnéis ábhartha a bhaineann le cinnteacht agus tionscnamh dlisteanach na gcistí a úsáidtear chun iarratasóirí a chur ar bun agus a ngnó a mhaoiniú ionas gur féidir measúnú a dhéanamh ar aon iarracht nó amhras faoi sciúradh airgid nó maoiniú sceimhlitheoireachta.

(12)

Mar gheall ar chineál díláraithe agus digiteach na gcripteashócmhainní, tá rioscaí suntasacha cibearshlándála ann do sholáthraithe seirbhísí cripteashócmhainní agus is iomaí cineál riosca cibearshlándála atá ann. Chun a áirithiú go mbeidh iarratasóirí in ann sáruithe ar shonraí agus caillteanais airgeadais a d’fhéadfadh a bheith ina gcúis le cibirionsaithe a chosc, ba cheart go n-áireofaí san fhaisnéis maidir le córais TFC imscartha na n-iarratasóirí agus faoi shocruithe slándála gaolmhara, dá dtagraítear in Airteagal 62(2), pointe (j), de Rialachán (AE) 2023/1114, na hacmhainní daonna atá tiomnaithe d’aghaidh a thabhairt ar rioscaí cibearshlándála.

(13)

Le leithscaradh cripteashócmhainní agus cistí cliant, cosnaítear cliaint ar chaillteanais an tsoláthraí seirbhísí cripteashócmhainní agus ar mhí-úsáid a gcripteashócmhainní agus a gcistí. Dá bhrí sin, ceanglaítear le hAirteagal 70 de Rialachán (AE) 2023/1114 ar sholáthraithe seirbhísí cripteashócmhainní socruithe leordhóthanacha a dhéanamh chun cearta úinéireachta na gcliant a choimirciú. Tá feidhm ag an gceanglas sin freisin maidir le soláthraithe seirbhísí cripteashócmhainní nach soláthraíonn seirbhísí cumhdaigh agus riaracháin. Tá sé tábhachtach, dá bhrí sin, go n-áireofaí san iarratas ar údarú faisnéis maidir le leithscaradh cripteashócmhainní cliant.

(14)

Chun é a chur ar a gcumas d’údaráis inniúla measúnú a dhéanamh ar leordhóthanacht rialacha oibriúcháin ardáin trádála na n-iarratasóirí le haghaidh cripteashócmhainní, ba cheart don iarratasóir eilimintí sonracha a mhionsonrú sa tuairisc ar na rialacha sin. Go háirithe, ba cheart d’iarratasóirí mionléiriú a dhéanamh ar ghnéithe de na rialacha oibriúcháin a bhaineann le cripteashócmhainní a ligean isteach chun a dtrádála, a thrádáil agus a shocrú. Maidir le cripteashócmhainní a ligean isteach chun a dtrádála, ba cheart d’iarratasóirí faisnéis mhionsonraithe a sholáthar faoi na rialacha lena rialaítear cripteashócmhainní a ligean isteach chun a dtrádála, faoin gcaoi a gcomhlíonann na cripteashócmhainní a ligtear isteach rialacha na n-iarratasóirí, faoi na cineálacha cripteashócmhainní nach ligfidh iarratasóirí isteach ar a n-ardán trádála agus faoi na cúiseanna atá leis na heisiaimh sin, agus faoi tháillí a bhaineann le ligean isteach chun a dtrádála. Maidir le trádáil cripteashócmhainní, ba cheart d’iarratasóirí na heilimintí de na rialacha oibriúcháin lena rialaítear forghníomhú agus cealú orduithe, trádáil ordúil, trédhearcacht agus coimeád taifead a shonrú. Ar deireadh, ba cheart d’iarratasóirí a áireamh sa tuairisc ar na rialacha oibriúcháin na heilimintí lena rialaítear socrú idirbheart cripteashócmhainní a thugtar i gcrích ar an ardán trádála, lena n-áirítear cé acu a thionscnaítear nó nach dtionscnaítear an tsocraíocht sa Teicneolaíocht Mórleabhar Dáilte (DLT), an tréimhse ama ina dtionscnaítear an forghníomhú, an sainmhíniú ar an tráth a mbeidh an tsocraíocht críochnaitheach, na fíoruithe uile is gá chun socrú éifeachtach an idirbhirt a áirithiú, agus aon bheart chun teipeanna socraíochta a theorannú.

(15)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin, agus a forbraíodh i ndlúthchomhar leis an Údarás Baincéireachta Eorpach.

(16)

An tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (5).

(17)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (6) agus thug an Maoirseoir barúlacha foirmiúla an 21 Meitheamh 2024,

(a)

ainm dlíthiúil, uimhir theileafóin agus seoladh ríomhphoist an iarratasóra;

(b)

aon ainm tráchtála nó trádála a úsáideann nó a úsáidfidh an t-iarratasóir;

(c)

aitheantóir eintitis dhlítheanaigh (LEI) an iarratasóra;

(d)

ainm iomlán, feidhm, seoladh ríomhphoist agus uimhir theileafóin an phointe teagmhála ainmnithe nó an duine ainmnithe;

(e)

foirm dhlíthiúil an iarratasóra dá dtagraítear in Airteagal 62(2), pointe (b) de Rialachán (AE) 2023/1114, lena n-áirítear faisnéis maidir le cé acu duine dlítheanach nó gnóthas eile é an t-iarratasóir, agus, i gcás ina mbeidh fáil uirthi, uimhir aitheantais náisiúnta an iarratasóra, agus fianaise ar a chlárú le clár náisiúnta na gcuideachtaí;

(f)

dáta agus Ballstát chorprú nó fhondúireacht an iarratasóra;

(g)

i gcás inarb infheidhme, na hionstraimí comhdhéanaimh, na hairteagail chomhlachais dá dtagraítear in Airteagal 62(2), pointe (c), de Rialachán (AE) 2023/1114 agus fodhlíthe;

(h)

seoladh cheannoifig an iarratasóra agus, i gcás nach ionann iad, seoladh oifig chláraithe an iarratasóra;

(i)

faisnéis faoin áit a n-oibreoidh na brainsí, más ann dóibh, agus a n-aitheantóirí eintitis dhlítheanaigh (LEI), i gcás ina mbeidh sí ar fáil;

(j)

ainm fearainn gach suímh gréasáin a oibríonn an t-iarratasóir agus cuntais meán sóisialta an iarratasóra sin;

(k)

i gcás nach duine dlítheanach é an t-iarratasóir, doiciméadacht chun measúnú a dhéanamh ar na nithe seo a leanas:

(l)

i gcás ina bhfuil sé beartaithe ag an iarratasóir ardán trádála le haghaidh cripteashócmhainní a oibriú:

(a)

tuairisc ar choimircí stuamachta an iarratasóra a leagtar amach in Airteagal 67 de Rialachán (AE) 2023/1114, ina mbeidh an méid seo a leanas:

(b)

ríomhanna agus pleananna réamhaisnéise chun cistí dílse a chinneadh, lena n-áirítear:

(c)

i gcás gnóthais nó daoine dlítheanacha eile atá gníomhach cheana féin, i gcás ina bhfuil fáil orthu, ráitis airgeadais na 3 bliana deireanacha arna bhformheas, i gcás ina ndearna iniúchóir seachtrach iniúchadh orthu;

(d)

tuairisc ar nósanna imeachta pleanála agus faireacháin an iarratasóra maidir le coimircí stuamachta i gcomhréir le hAirteagal 67(1) de Rialachán (AE) 2023/1114;

(e)

cruthúnas go gcomhlíonann an t-iarratasóir na coimircí stuamachta a leagtar amach in Airteagal 67 de Rialachán (AE) 2023/1114, lena n-áirítear:

(a)

measúnú an iarratasóra ar na rioscaí bunúsacha agus iarmharacha a bhaineann le sciúradh airgid agus maoiniú sceimhlitheoireachta a bhaineann lena ghnó, lena n-áirítear na rioscaí a bhaineann leis an méid seo a leanas:

(b)

na bearta atá curtha i bhfeidhm ag an iarratasóir nó a chuirfidh an t-iarratasóir i bhfeidhm chun na rioscaí sainaitheanta a chosc agus na ceanglais is infheidhme maidir le frithsciúradh airgid agus maoiniú sceimhlitheoireachta a chomhlíonadh, lena n-áirítear próiseas measúnaithe riosca an iarratasóra, na beartais agus na nósanna imeachta chun ceanglais díchill chuí custaiméara a chomhlíonadh, agus na beartais agus na nósanna imeachta chun idirbhearta nó gníomhaíochtaí amhrasacha a bhrath agus a thuairisciú;

(c)

faisnéis mhionsonraithe maidir leis an gcaoi a bhfuil na sásraí, na beartais agus na nósanna imeachta rialaithe inmheánaigh sin leordhóthanach agus comhréireach leis an scála, leis an gcineál, leis an riosca bunúsach a bhaineann le sciúradh airgid agus maoiniú sceimhlitheoireachta, leis an raon seirbhísí cripteashócmhainní a sholáthraítear, le castacht na samhla gnó agus leis an gcaoi a n-áirithíonn na sásraí, na beartais agus na nósanna imeachta sin comhlíonadh Threoir (AE) 2015/849 agus Rialachán (AE) 2023/1113;

(d)

céannacht an duine atá i gceannas ar chomhlíonadh ceanglas maidir le frithsciúradh airgid agus maoiniú sceimhlitheoireachta a áirithiú, agus fianaise ar eolas, scileanna agus taithí an duine sin;

(e)

socruithe, acmhainní daonna agus airgeadais lena n-áirithítear go gcuirfear oiliúint iomchuí ar fhoireann an iarratasóra maidir le cúrsaí a bhaineann le frithsciúradh airgid agus maoiniú sceimhlitheoireachta a chomhrac (tásca bliantúla) agus maidir le rioscaí sonracha a bhaineann le cripteashócmhainní;

(f)

cóip de bheartais, nósanna imeachta agus córais frithsciúrtha airgid agus frithsceimhlitheoireachta an iarratasóra;

(g)

minicíocht an mheasúnaithe ar leordhóthanacht agus éifeachtacht na sásraí rialaithe inmheánaigh, na mbeartas rialaithe inmheánaigh agus na nósanna imeachta rialaithe inmheánaigh sin, agus an duine nó an fheidhm atá freagrach as an measúnú sin.

(a)

eagraghram mionsonraithe de struchtúr sealúchais an iarratasóra, lena n-áirítear miondealú ar a chaipiteal agus ar a chearta vótála agus ainmneacha na scairshealbhóirí nó na gcomhaltaí a bhfuil sealúchais cháilitheacha acu;

(b)

i gcás gach scairshealbhóra nó comhalta ag a bhfuil sealúchas cáilitheach díreach nó indíreach san iarratasóir, an fhaisnéis agus na doiciméid a leagtar amach in Airteagail 1 go 4 de Rialachán Tarmligthe (AE) 2025/414 (8) ón gCoimisiún [C(2024)6907] de réir mar is infheidhme;

(c)

céannacht gach comhalta den chomhlacht bainistíochta a stiúrfaidh gnó an iarratasóra agus a cheapfaidh an scairshealbhóir sin nó an comhalta sin a bhfuil sealúchais cháilitheacha aige nó aici, nó a cheapfar tar éis ainmniúcháin ón scairshealbhóir nó ón gcomhalta sin;

(d)

i gcás gach scairshealbhóra nó comhalta ag a bhfuil sealúchas cáilitheach díreach nó indíreach san iarratasóir, faisnéis maidir le líon agus cineál na scaireanna nó na sealúchas eile a suibscríobhadh, a luach ainmniúil, aon phréimh a íocadh nó a bheidh le híoc, aon leas urrúis nó aon ualú, lena n-áirítear céannacht na bpáirtithe urraithe;

(e)

faisnéis dá dtagraítear in Airteagal 6, pointí (b), (d) agus (e), agus Airteagal 8 de Rialachán Tarmligthe (AE) 2024/414 ón gCoimisiún [C(2024)6907].

(a)

doiciméadacht theicniúil na gcóras TFC, an bhonneagair DLT a bhfuiltear ag brath air, i gcás inarb ábhartha, agus na socruithe slándála, lena n-áirítear tuairisc ar na socruithe agus na hacmhainní TFC agus daonna imscartha arna mbunú chun Rialachán (AE) 2022/2554 ó Pharlaimint na hEorpa agus ón gComhairle a chomhlíonadh (9)mar a leanas:

(b)

má tá sí ar fáil, tuairisc ar iniúchadh cibearshlándála arna dhéanamh ag iniúchóir cibearshlándála tríú páirtí a bhfuil taithí leordhóthanach aige i gcomhréir le Rialachán Tarmligthe lena mbunaítear caighdeáin theicniúla arna nglacadh de bhun Airteagal 26(11), an ceathrú fomhír de Rialachán (AE)2022/2554 lena gcumhdaítear, go hidéalach, na hiniúchtaí nó na tástálacha seo a leanas:

(c)

tuairisc ar na hiniúchtaí a rinneadh ar na córais TFC, más ann dóibh, lena n-áirítear bonneagar DLT úsáidte agus socruithe slándála;

(d)

tuairisc ar an bhfaisnéis ábhartha dá dtagraítear i bpointe (a) agus i bpointe (b) i dteanga neamhtheicniúil.

(a)

faisnéis faoi na hacmhainní daonna agus teicniúla a leithdháiltear ar láimhseáil gearán;

(b)

faisnéis faoin duine atá i gceannas ar na hacmhainní atá tiomnaithe do ghearáin a bhainistiú, mar aon le curriculum vitae ina luaitear oideachas ábhartha, oiliúint ghairmiúil agus taithí ghairmiúil lena dtugtar bonn cirt don eolas, do na scileanna agus don taithí chun na freagrachtaí a leithdháiltear ar an duine sin a chomhlíonadh;

(c)

an chaoi a n-áirithíonn an t-iarratasóir comhlíonadh an Rialacháin Tharmligthe ón gCoimisiún lena mbunaítear caighdeáin theicniúla arna nglacadh de bhun Airteagal 71(5) de Rialachán (AE) 2023/1114;

(d)

conas a chuirfidh an t-iarratasóir cliaint nó cliaint ionchasacha ar an eolas faoin bhféidearthacht gearán a chomhdú saor in aisce, i gcás ina mbeidh an fhaisnéis sin ar fáil ar shuíomh gréasáin an iarratasóra, nó ar aon ghaireas digiteach ábhartha eile a fhéadfaidh cliaint a úsáid chun rochtain a fháil ar na seirbhísí cripteashócmhainní agus ar ábhar na faisnéise arna soláthar

(e)

socruithe an iarratasóra maidir le taifid a choimeád i ndáil le gearáin;

(f)

an amlíne a thugtar i nósanna imeachta láimhseála gearán an iarratasóra chun imscrúdú a dhéanamh, freagairt agus, i gcás inarb iomchuí, bearta a dhéanamh mar fhreagairt ar ghearáin a fhaightear;

(g)

conas a chuirfidh an t-iarratasóir cliaint nó cliaint ionchasacha ar an eolas faoi na leigheasanna atá ar fáil;

(h)

príomhchéimeanna nós imeachta an iarratasóra maidir le cinneadh a dhéanamh ar ghearán agus conas a chuirfidh an t-iarratasóir an cinneadh sin in iúl don chliant nó don chliant ionchasach a rinne an gearán.

(a)

tuairisc ar na socruithe a bhaineann leis an gcineál cumhdaigh a thairgtear do chliaint, cóip de chomhaontú caighdeánach an iarratasóra maidir le cripteashócmhainní a chumhdach agus a riar thar ceann cliant de bhun Airteagal 75(1) de Rialachán (AE) 2023/1114 agus cóip den achoimre ar an mbeartas cumhdaigh a chuirtear ar fáil do chliaint i gcomhréir le hAirteagal 75(3) de Rialachán (AE) 2023/1114;

(b)

beartas cumhdaigh agus riaracháin an iarratasóra, lena n-áirítear tuairisc ar fhoinsí sainaitheanta rioscaí oibríochtúla agus TFC chun na cripteashócmhainní a choimeád slán agus a rialú nó na modhanna rochtana ar chripteashócmhainní cliant, mar aon le tuairisc ar an méid seo a leanas:

(c)

faisnéis faoin gcaoi a sainaithnítear na cripteashócmhainní agus na modhanna rochtana ar chripteashócmhainní na gcliant;

(d)

faisnéis faoi shocruithe chun an riosca go gcaillfí cripteashócmhainní nó chun modhanna rochtana ar chripteashócmhainní a íoslaghdú;

(e)

i gcás ina bhfuil soláthar cumhdaigh agus riar cripteashócmhainní thar ceann cliant tarmligthe ag an soláthraí seirbhísí cripteashócmhainní do thríú páirtí:

(a)

tuairisc ar an mbeartas tráchtála a bunaíodh i gcomhréir le hAirteagal 77(1) de Rialachán (AE) 2023/1114;

(b)

tuairisc ar an modh chun praghas na gcripteashócmhainní a bheartaíonn an t-iarratasóir a mhalartú ar chistí nó ar chripteashócmhainní eile a chinneadh i gcomhréir le hAirteagal 77(2) de Rialachán (AE) 2023/1114, lena n-áirítear an tionchar a bhíonn ag méid agus luaineacht mhargaidh na gcripteashócmhainní ar an sásra praghsála.

(a)

na socruithe lena n-áirithítear gur thug an cliant toiliú maidir leis an mbeartas forghníomhaithe roimh fhorghníomhú an ordaithe;

(b)

liosta de na hardáin trádála le haghaidh cripteashócmhainní ar a mbeidh an t-iarratasóir ag brath chun orduithe a fhorghníomhú agus na critéir chun measúnú a dhéanamh ar ionaid forghníomhaithe a áirítear sa bheartas forghníomhaithe i gcomhréir le hAirteagal 78(6) de Rialachán (AE) 2023/1114;

(c)

na hardáin trádála a bhfuil sé beartaithe ag an iarratasóir a úsáid le haghaidh gach cineáil cripteashócmhainní agus deimhniú nach bhfaighidh an t-iarratasóir aon chineál luacha saothair, lascaine ná sochair neamhairgeadaíochta mar mhalairt ar orduithe a fhaightear a ródú chuig ardán trádála ar leith le haghaidh cripteashócmhainní;

(d)

an chaoi a gcuirtear san áireamh leis an bhforghníomhú praghas, costais, luas, dóchúlacht an fhorghníomhaithe agus na socraíochta, méid, cineál, coinníollacha cumhdaigh na gcripteashócmhainní nó aon tosca ábhartha eile a mheastar a bheith mar chuid de na céimeanna uile is gá chun an toradh is fearr is féidir a fháil don chliant;

(e)

i gcás inarb infheidhme, na socruithe chun cliaint a chur ar an eolas go ndéanfaidh an t-iarratasóir orduithe a fhorghníomhú lasmuigh d’ardán trádála agus conas a gheobhaidh an t-iarratasóir toiliú sainráite roimh ré óna chliaint sula bhforghníomhóidh sé na horduithe sin;

(f)

conas a thugtar rabhadh don chliant go bhféadfadh aon treoir shonrach ó chliant cosc a chur ar an iarratasóir na bearta is gá a dhéanamh, i gcomhréir leis na socruithe atá bunaithe agus curtha chun feidhme ag an iarratasóir ina bheartas forghníomhaithe, chun an toradh is fearr is féidir a fháil ar fhorghníomhú na n-orduithe sin i ndáil leis na heilimintí a chumhdaítear leis na treoracha sin;

(g)

an próiseas roghnúcháin le haghaidh ionad trádála, na straitéisí forghníomhaithe a úsáidtear, na socruithe a úsáidtear chun anailís a dhéanamh ar cháilíocht an fhorghníomhaithe a fhaightear agus an chaoi a ndéanann an t-iarratasóir faireachán agus fíorú go bhfuarthas na torthaí is fearr is féidir do chliaint;

(h)

na socruithe chun cosc a chur ar fhostaithe an iarratasóra mí-úsáid a bhaint as aon fhaisnéis a bhaineann le horduithe cliant;

(i)

na socruithe agus na nósanna imeachta maidir leis an gcaoi a nochtfaidh an t-iarratasóir faisnéis do chliaint faoi bheartas forghníomhaithe orduithe agus an chaoi a dtabharfaidh sé fógra dóibh faoi aon athrú ábhartha ar a mbeartas forghníomhaithe orduithe;

(j)

na socruithe chun comhlíonadh Airteagal 78 de Rialachán (AE) 2023/1114 a léiriú don údarás inniúil, arna iarraidh sin don údarás inniúil sin.

(a)

tuairisc mhionsonraithe ar na socruithe a chuir an t-iarratasóir i bhfeidhm chun Airteagal 81(7) de Rialachán (AE) 2023/1114 a chomhlíonadh, lena n-áirítear an méid seo a leanas:

(b)

go bhfuil an t-eolas agus an inniúlacht is gá ag na sásraí chun eolas agus inniúlacht na ndaoine nádúrtha a thugann comhairle thar ceann an iarratasóra a rialú, a mheasúnú agus a choinneáil ar bun go héifeachtach, de réir na gcritéar le haghaidh measúnú den sórt sin a úsáidtear sa reachtaíocht náisiúnta, chun an measúnú oiriúnachta dá dtagraítear in Airteagal 81(1) de Rialachán (AE) 2023/1114 a dhéanamh.

(a)

mionsonraí maidir leis na cineálacha cripteashócmhainní a bhfuil sé beartaithe ag an iarratasóir seirbhísí aistrithe a sholáthar ina leith;

(b)

tuairisc mhionsonraithe ar na socruithe a chuir an t-iarratasóir i bhfeidhm chun Airteagal 82 de Rialachán (AE) 2023/1114 a chomhlíonadh, lena n-áirítear faisnéis mhionsonraithe maidir le socruithe agus acmhainní TFC agus daonna imscartha an iarratasóra chun aghaidh a thabhairt ar rioscaí go pras, go héifeachtúil agus go críochnúil le linn seirbhísí aistrithe do chripteashócmhainní a sholáthar thar ceann cliant, agus teipeanna oibríochtúla féideartha agus rioscaí cibearshlándála á gcur san áireamh;

(c)

i gcás ina mbeidh sí ar fáil, tuairisc ar pholasaí árachais an iarratasóra, lena n-áirítear ar chumhdach an árachais ar aimhleas chripteashócmhainní an chliaint a d’fhéadfadh a bheith mar thoradh ar rioscaí cibearshlándála;

(d)

socruithe chun a áirithiú go bhfuil cliaint curtha ar an eolas go leordhóthanach faoi na beartais, na nósanna imeachta agus na socruithe dá dtagraítear i bpointe (b).