(a)

Is é a bheidh san údarás inniúil ar a mbeidh freagracht as formhaoirseacht a dhéanamh ar eagraíochtaí a sholáthraíonn seirbhísí láimhseáil ar talamh ag aeradróm a thagann faoi raon feidhme Rialachán (AE) 2018/1139 an t-údarás arna ainmniú ag an mBallstát ina bhfuil an t-aeradróm lonnaithe.

(b)

Gan difear a dhéanamh do phointe (a), maidir leis an údarás inniúil ar a mbeidh freagracht as an dearbhú a fháil ó ghrúpáil ghnó aonair eagraíochtaí láimhseáil ar talamh nó ó oibreoir aerárthaí féinseirbhíse láimhseála a bhfuil a phríomháit ghnó i mBallstát agus a sholáthraíonn seirbhísí láimhseáil ar talamh i níos mó ná Ballstát amháin, is é a bheidh san údarás inniúil sin an t-údarás a ainmneoidh an Ballstát ina bhfuil a príomháit ghnó ag an eagraíocht.

Measfar an dearbhú sin a bheith curtha faoi bhráid na n-údarás inniúil uile lena mbaineann má chomhlíontar an dá choinníoll seo a leanas:

(c)

A luaithe a chuirfear isteach é, beidh an dearbhú bailí agus aithneofar é i ngach Ballstát gan ceanglais ná meastóireacht bhreise, i gcomhréir le hAirteagal 67(1) de Rialachán (AE) 2018/1139.

(d)

Is é a bheidh san údarás inniúil ar a mbeidh freagracht as formhaoirseacht a dhéanamh ar eagraíochtaí dá dtagraítear i bpointe (b) an t-údarás arna ainmniú ag an mBallstát ina bhfuil an t-aeradróm lonnaithe. Déanfar an comhroinnt cúraimí idir na húdaráis inniúla lena mbaineann chun formhaoirseacht a dhéanamh ar na heagraíochtaí sin i gcomhréir le pointe ARGH.OVS.330.

(a)

I gcás inar tháinig an t-údarás inniúil le bheith ar an eolas faoi aon fhadhb shuntasach maidir le cur chun feidhme Rialachán (AE) 2018/1139 agus a ghníomhartha tarmligthe agus cur chun feidhme ag eagraíocht láimhseáil ar talamh, tabharfaidh sé fógra don Ghníomhaireacht faoi sin gan moill mhíchuí, agus in aon chás laistigh de 30 lá ón tráth a tháinig sé le bheith ar an eolas faoi na fadhbanna sin.

(b)

Gan difear a dhéanamh do Rialachán (AE) Uimh. 376/2014 ó Pharlaimint na hEorpa agus ón gComhairle (1) agus dá ghníomhartha tarmligthe agus cur chun feidhme, soláthróidh an t-údarás inniúil don Ghníomhaireacht, a luaithe is féidir, faisnéis a bhfuil suntas ag baint léi don tsábháilteacht ar faisnéis í a eascraíonn as tuarascálacha ar tharluithe a stóráiltear sa bhunachar sonraí náisiúnta de bhun Airteagal 6(6) de Rialachán (AE) Uimh. 376/2014.

(c)

Soláthróidh an t-údarás inniúil don Ghníomhaireacht, a luaithe is féidir, faisnéis a bhfuil suntas ag baint léi don tsábháilteacht ar faisnéis í a eascraíonn as na tuarascálacha slándála faisnéise a bheidh faighte aige de bhun phointe IS.D.OR.230 den Iarscríbhinn a ghabhann le Rialachán Tarmligthe (AE) 2022/1645.

(a)

Gan difear a dhéanamh do Rialachán (AE) Uimh. 376/2014 ná dá ghníomhartha tarmligthe agus cur chun feidhme, cuirfidh an t-údarás inniúil córas chun feidhme chun faisnéis sábháilteachta a bhailiú, a anailísiú agus a scaipeadh.

(b)

Cuirfidh an Ghníomhaireacht córas chun feidhme chun anailís a dhéanamh ar aon fhaisnéis a fhaightear atá ábhartha don tsábháilteacht agus, gan moill mhíchuí, soláthróidh sí aon fhaisnéis is gá d’údarás inniúil na mBallstát agus don Choimisiún, lena n-áirítear moltaí nó gníomhaíochtaí ceartaitheacha atá le déanamh, chun gur féidir leo freagairt go tráthúil ar fhadhb sábháilteachta a bhaineann le heagraíochtaí atá freagrach as seirbhísí láimhseáil ar talamh a sholáthar faoi réir Rialachán (AE) 2018/1139 agus a ghníomhartha tarmligthe agus cur chun feidhme.

(c)

Tar éis don údarás inniúil an fhaisnéis dá dtagraítear i bpointí (a) agus (b) a fháil, déanfaidh sé bearta leordhóthanacha chun aghaidh a thabhairt ar an bhfadhb shábháilteachta.

(d)

Déanfaidh an t-údarás inniúil na bearta arna ndéanamh i gcomhréir le pointe (c) a tharchur láithreach chuig an eagraíocht láimhseáil ar talamh, eagraíocht a chomhlíonfaidh iad faoi Rialachán (AE) 2018/1139 agus a ghníomhartha tarmligthe agus cur chun feidhme. Tabharfaidh an t-údarás inniúil fógra freisin don Ghníomhaireacht faoi na bearta sin agus, nuair a bheidh gá le comhghníomhaíocht, tabharfaidh sé fógra fúthu do na húdaráis inniúla eile lena mbaineann.

(e)

Más ábhartha, tabharfar fógra freisin don oibreoir aeradróim faoi na bearta ar tugadh fógra fúthu d’eagraíocht láimhseáil ar talamh i gcás ina soláthraíonn an eagraíocht láimhseáil ar talamh na seirbhísí láimhseáil ar talamh atá faoi réir na mbeart sin.

(a)

Cuirfidh an t-údarás inniúil córas chun feidhme chun faisnéis a bhaineann le teagmhais agus leochaileachtaí slándála faisnéise a bhailiú, anailís a dhéanamh uirthi, agus í a scaipeadh, ar teagmhais agus leochaileachtaí iad a bhféadfadh tionchar a bheith acu ar an tsábháilteacht eitlíochta agus a dhéanann eagraíochtaí láimhseáil ar talamh iad a thuairisciú. Déanfar sin i gcomhar le haon údarás ábhartha eile atá freagrach as an tslándáil faisnéise nó as an gcibearshlándáil laistigh den Bhallstát lena mbaineann chun comhordú agus comhoiriúnacht na scéimeanna tuairiscithe a mhéadú.

(b)

Cuirfidh an Ghníomhaireacht córas chun feidhme chun anailís a dhéanamh ar aon fhaisnéis ábhartha a bhfuil suntas ag baint léi don tsábháilteacht a fhaightear de bhun phointe ARGH.GEN.125(c), agus, gan moill mhíchuí, soláthróidh sí aon fhaisnéis is gá do na Ballstáit agus don Choimisiún, lena n-áirítear moltaí nó gníomhaíochtaí ceartaitheacha atá le déanamh, chun gur féidir leo freagairt go tráthúil ar theagmhas nó ar leochaileacht slándála faisnéise a bhféadfadh tionchar a bheith acu ar an tsábháilteacht eitlíochta agus a bhaineann le táirgí, trealamh, daoine nó eagraíochtaí atá faoi réir Rialachán (AE) 2018/1139 agus a ghníomhartha tarmligthe agus cur chun feidhme.

(c)

Ar an bhfaisnéis dá dtagraítear i bpointí (a) agus (b) a fháil, déanfaidh an t-údarás inniúil bearta iomchuí chun dul i ngleic leis an tionchar a d’fhéadfadh a bheith ag an teagmhais nó ag an leochaileacht slándála faisnéise ar an tsábháilteacht eitlíochta.

(d)

Bearta a dhéantar i gcomhréir le pointe (c), tabharfar fógra fúthu láithreach do gach duine nó eagraíocht a chomhlíonfaidh na bearta sin faoi Rialachán (AE) 2018/1139 agus a ghníomhartha tarmligthe agus cur chun feidhme. Tabharfaidh an t-údarás inniúil fógra freisin don Ghníomhaireacht faoi na bearta sin agus, nuair a bheidh gá le comhghníomhaíocht, tabharfaidh sé fógra fúthu d’údaráis inniúla na mBallstát eile lena mbaineann.

(a)

Déanfaidh an t-údarás inniúil córas bainistíochta a bhunú, a chur chun feidhme agus a choinneáil ar bun ina n-áireofar gach ceann de na heilimintí seo a leanas:

(b)

Maidir leis an bpearsanra dá dtagraítear i bpointe (a)(2), áiritheoidh an t-údarás inniúil an méid seo a leanas:

(c)

Áireofar san fheidhm faireacháin ar chomhlíonadh dá dtagraítear i bpointe (a)(4) córas aiseolais maidir le torthaí iniúchóireachta a chuirfear faoi bhráid bhainistíocht shinsearach an údaráis inniúil chun cur chun feidhme gníomhaíochtaí ceartaitheacha a áirithiú de réir mar is gá.

(d)

Déanfaidh an t-údarás inniúil, i gcás gach réimse gníomhaíochta, lena n-áirítear an córas bainistíochta, duine amháin nó níos mó a cheapadh ar a mbeidh an fhreagracht fhoriomlán as na cúraimí dá dtagraítear i bpointe (a) a bhainistiú.

(e)

I dteannta na gceanglas i bpointe (a), comhlíonfaidh an córas bainistíochta arna bhunú agus arna choinneáil ar bun ag an údarás inniúil Iarscríbhinn I (Cuid-IS.AR) a ghabhann le Rialachán Cur Chun Feidhme (AE) 2023/203 ón gCoimisiún (2) chun a áirithiú go ndéanfar bainistiú cheart ar rioscaí slándála faisnéise a bhféadfadh tionchar a bheith acu ar an tsábháilteacht eitlíochta.

(a)

Maidir le cúraimí a bhaineann le clárú dearbhuithe nó le formhaoirseacht leanúnach ar eagraíochtaí láimhseáil ar talamh faoi réir Rialachán (AE) 2018/1139 agus a ghníomhartha tarmligthe agus cur chun feidhme, féadfaidh an t-údarás inniúil iad a leithdháileadh ar eintitis cháilithe.

(b)

Agus cúraimí á leithdháileadh ag an údarás inniúil ar eintiteas cáilithe, áiritheoidh sé an méid seo a leanas:

(c)

Bunóidh an t-údarás inniúil nósanna imeachta chun a áirithiú go ndéanfar an fhaisnéis ar fad a bhaineann le taisceadh dearbhaithe ag eagraíocht láimhseáil ar talamh a chur in iúl go pras idir an t-údarás inniúil agus an t-eintiteas cáilithe.

(d)

Áiritheoidh an t-údarás inniúil go gcumhdófar leis an bpróiseas iniúchóireachta inmheánaí agus leis an bpróiseas um bainistiú riosca sábháilteachta dá dtagraítear i bpointe ARGH.MGM.200(a)(4) den Iarscríbhinn seo na cúraimí uile a bhaineann le glacadh le dearbhuithe nó le cúraimí formhaoirseachta leanúnaí a dhéantar thar a cheann.

(e)

Chun formhaoirseacht a dhéanamh ar chomhlíonadh phointe ORGH.MGM.201 d’Iarscríbhinn I a ghabhann le Rialachán Tarmligthe (AE) 2025/20 ag an eagraíocht láimhseáil ar talamh, féadfaidh an t-údarás inniúil cúraimí a leithdháileadh ar eintitis cháilithe i gcomhréir le pointe (a) nó ar aon údarás ábhartha atá freagrach as an tslándáil faisnéise nó as an gcibearshlándáil laistigh den Bhallstát. Agus cúraimí á leithdháileadh aige, áiritheoidh an t-údarás inniúil an méid seo a leanas:

(a)

Beidh córas i bhfeidhm ag an údarás inniúil chun athruithe a shainaithint, athruithe a dhéanann difear dá chumas a chúraimí a dhéanamh agus a fhreagrachtaí a chomhlíonadh mar a leagtar amach i Rialachán (AE) 2018/1139 agus ina ghníomhartha tarmligthe agus cur chun feidhme. Cuirfidh an córas sin ar chumas an údaráis inniúil gníomhaíocht a dhéanamh, de réir mar is iomchuí, chun a áirithiú go leanfaidh a chóras bainistíochta de bheith leordhóthanach agus éifeachtach.

(b)

Déanfaidh an t-údarás inniúil a chóras bainistíochta a thabhairt cothrom le dáta chun aon athrú ar Rialachán (AE) 2018/1139 agus ar a ghníomhartha tarmligthe agus cur chun feidhme a léiriú go tráthúil.

(c)

Tabharfaidh an t-údarás inniúil fógra don Ghníomhaireacht faoi athruithe a dhéanann difear dá chumas a chúraimí a dhéanamh agus a fhreagrachtaí a chomhlíonadh mar a leagtar amach i Rialachán (AE) 2018/1139 agus ina ghníomhartha tarmligthe agus cur chun feidhme.

(a)

Maidir le hathruithe a bhainistítear agus a dtugtar fógra fúthu don údarás inniúil i gcomhréir leis an nós imeachta a leagtar amach i bpointe IS.D.OR.255(a) den Iarscríbhinn a ghabhann le Rialachán Tarmligthe (AE) 2022/1645, áireoidh an t-údarás inniúil an t-athbhreithniú ar na hathruithe sin ina fhormhaoirseacht leanúnach i gcomhréir leis na prionsabail a leagtar síos i bpointe ARGH.OVS.300 den Iarscríbhinn seo. Má aimsítear aon neamhchomhlíonadh, tabharfaidh an t-údarás inniúil fógra faoi don eagraíocht, iarrfaidh sé tuilleadh athruithe, agus gníomhóidh sé i gcomhréir le pointe ARGH.OVS.325 den Iarscríbhinn seo.

(b)

Maidir le hathruithe eile dá dtagraítear i bpointe IS.D.OR.255(b) den Iarscríbhinn a ghabhann le Rialachán Tarmligthe (AE) 2022/1645, seiceálfaidh an t-údarás inniúil comhlíontacht na heagraíochta láimhseáil ar talamh leis na ceanglais is infheidhme mar chuid de na cúraimí formhaoirseachta.

(a)

Bunóidh an t-údarás inniúil córas chun taifid a choimeád lena n-áiritheofar stóráil leordhóthanach, inrochtaineacht leordhóthanach agus inrianaitheacht iontaofa maidir leis an méid seo a leanas:

(b)

Coinneoidh an t-údarás inniúil liosta cothrom le dáta de na dearbhuithe uile a bheidh faighte aige.

(c)

Coinneofar na taifid dá dtagraítear i bpointí (a) agus (b) ar feadh íostréimhse 5 bliana, faoi réir dhlí an Aontais is infheidhme maidir le cosaint sonraí.

(a)

Fíoróidh an t-údarás inniúil an dá ní seo a leanas le linn an phróisis formhaoirseachta:

(b)

Maidir leis an bhformhaoirseacht dá dtagraítear i bpointe (a):

(c)

Le raon feidhme na formhaoirseachta, cuirfear san áireamh torthaí na ngníomhaíochtaí formhaoirseachta a rinne an t- údarás inniúil roimhe sin agus na tosaíochtaí sábháilteachta arna sainaithint tríd an bPlean Eorpach um Shábháilteacht Eitlíochta.

(d)

Baileoidh agus próiseálfaidh an t-údarás inniúil aon fhaisnéis a mheasfar a bheith úsáideach le haghaidh formhaoirseachta agus formhaoirseachta rioscabhunaithe, lena n-áirítear le haghaidh cigireachtaí neamhfhógartha, de réir mar is iomchuí.

(e)

I gcás ina bhfuil níos mó ná údarás inniúil amháin freagrach as formhaoirseacht a dhéanamh ar an eagraíocht chéanna, déanfar an fhormhaoirseacht i gcomhréir le pointe ARGH.OVS.330.

(f)

Chun formhaoirseacht a dhéanamh ar chomhlíonadh phointe ORGH.MGM.201 d’Iarscríbhinn I a ghabhann le Rialachán Tarmligthe (AE) 2025/20 ag an eagraíocht, chomh maith le comhlíonadh phointí (a) go (d) den phointe seo, déanfaidh an t- údarás inniúil athbhreithniú ar aon díolúine arna bronnadh faoi phointe IS.D.OR.200(e) den Iarscríbhinn a ghabhann le Rialachán Tarmligthe (AE) 2022/1645 tar éis an timthrialla iniúchóireachta formhaoirseachta is infheidhme agus cibé uair a chuirtear athruithe chun feidhme i raon feidhme obair na heagraíochta.

(a)

Déanfaidh an t-údarás inniúil clár formhaoirseachta a bhunú agus a choinneáil ar bun, clár lena gcumhdófar na gníomhaíochtaí formhaoirseachta a cheanglaítear le ARGH.OVS.300.

(b)

Déanfar an clár formhaoirseachta a fhorbairt agus a chur chun feidhme agus na heilimintí seo a leanas á gcur san áireamh:

(c)

Cuirfidh an t-údarás inniúil timthriall pleanála formhaoirseachta nach faide ná 48 mí i bhfeidhm, ag tosú ón dáta a fhaightear an dearbhú tosaigh. Léireofar sa chlár formhaoirseachta agus sa phleanáil feidhmíocht sábháilteachta na heagraíochta láimhseáil ar talamh, chomh maith lena neamhchosaint ar riosca. Áireofar sa timthriall formhaoirseachta iniúchtaí agus cigireachtaí, lena n-áirítear cigireachtaí neamhfhógartha, de réir mar is iomchuí.

(d)

Féadfar síneadh go 72 mhí ar a mhéad chur leis an timthriall pleanála formhaoirseachta más rud é gur shuigh an Ghníomhaireacht gurb amhlaidh an méid seo a leanas le linn an timthrialla iniúchóireachta roimhe sin:

(e)

Féadfar an timthriall formhaoirseachta a laghdú má tá fianaise ann gur tháinig laghdú ar fheidhmíocht sábháilteachta na heagraíochta láimhseáil ar talamh nó i gcás inar gá formhaoirseacht níos fearr a dhéanamh ar ghuaiseacha sonracha sna dálaí áitiúla ag an aeradróm oibriúcháin.

(f)

Áireofar sa chlár formhaoirseachta taifid de na dátaí a mbeidh iniúchtaí agus cigireachtaí le déanamh agus de na dátaí a rinneadh iad.

(a)

Áiritheoidh an t-údarás inniúil atá freagrach as formhaoirseacht a dhéanamh ar eagraíocht a sholáthraíonn seirbhísí láimhseáil ar talamh ag aeradróim i mBallstát an údaráis sin go bhfíorófar, le linn timthriall formhaoirseachta, na gnéithe uile seo a leanas:

(b)

Agus formhaoirseacht á déanamh ar eagraíocht a sholáthraíonn seirbhísí láimhseáil ar talamh i níos mó ná Ballstát amháin, beidh feidhm ag forálacha phointe ARGH.OVS.330.

(a)

Ar dhearbhú a fháil ó eagraíocht láimhseáil ar talamh, admhóidh an t-údarás inniúil go bhfuarthas an dearbhú nó an fógra faoin athrú, lena n-áirítear sannadh uimhreach tagartha aonair, agus fíoróidh sé go bhfuil an fhaisnéis uile ann a cheanglaítear le pointe ORGH.DEC.100 agus, chun fógra a thabhairt faoi athruithe, le pointe ORGH.GEN.130 d’Iarscríbhinn I a ghabhann le Rialachán Tarmligthe (AE) 2025/20. Áiritheoidh an t-údarás inniúil go dtarchuirfear an dearbhú chuig an Stór Faisnéise, i gcomhréir le téarmaí agus coinníollacha Rialachán Cur Chun Feidhme (AE) 2023/2117 ón gCoimisiún (3).

(b)

Mura líontar isteach an dearbhú go cuí nó má tá faisnéis ann nach bhfuil i gcomhréir le pointe ORGH.DEC.100 agus leis an bhFoscríbhinn a ghabhann le Fochuid ORGH.DEC d’Iarscríbhinn I a ghabhann le Rialachán Tarmligthe (AE) 2025/20, tabharfaidh an t-údarás inniúil fógra don eagraíocht láimhseáil ar talamh faoi na heilimintí atá ar iarraidh nó atá mícheart agus iarrfaidh sé tuilleadh faisnéise. Má mheastar go bhfuil gá leis, déanfaidh an t-údarás inniúil cigireacht ar an eagraíocht láimhseáil ar talamh. Má dheimhnítear an neamhchomhlíonadh, gníomhóidh an t-údarás inniúil mar a shainmhínítear i bpointe ARGH.OVS.325.

(c)

Má tá faisnéis sa dearbhú go soláthraíonn an eagraíocht láimhseáil ar talamh seirbhísí nó go bhfuil sé beartaithe aici seirbhísí a sholáthar freisin ag aeradróim i mBallstáit eile, áiritheoidh an t-údarás inniúil a fhaigheann an dearbhú nó an fógra faoin athrú go gcuirfear na húdaráis inniúla eile uile lena mbaineann ar an eolas agus go mbeidh rochtain acu ar an dearbhú, ar an bhfógra faoin athrú, agus ar an doiciméadacht ghaolmhar uile.

(a)

Beidh córas ag an údarás inniúil chun anailís a dhéanamh ar thorthaí chun a dtábhacht ó thaobh sábháilteachta de a chinneadh agus chun iad a bhainistiú chun na gcríoch seo a leanas:

(b)

Eiseoidh an t-údarás inniúil toradh leibhéal 1 i gcás ina mbraithfidh sé aon neamhchomhlíontacht suntasach le Rialachán Tarmligthe (AE) 2025/20 nó leis an dearbhú a cuireadh isteach, lena n-íslítear sábháilteacht na heitilte nó na tsábháilteacht ar talamh nó lena gcuirtear i mbaol mór iad.

Áireofar i dtorthaí leibhéal 1, go háirithe, an méid seo a leanas:

(c)

Eiseoidh an t-údarás inniúil toradh leibhéal 2 i gcás ina mbraithfidh sé aon neamhchomhlíontacht suntasach le Rialachán Tarmligthe (AE) 2025/20 nó leis an dearbhú a cuireadh isteach, nach n-aicmítear mar thoradh leibhéal 1 agus a d’fhéadfadh sábháilteacht na heitilte nó an tsábháilteacht ar talamh a ísliú nó a chur i mbaol.

(d)

I gcás ina n-aimseoidh an t-údarás inniúil fianaise, le linn imscrúdaithe nó formhaoirseachta nó ar aon bhealach eile, nach gcomhlíonann an eagraíocht láimhseáil ar talamh Rialachán Tarmligthe (AE) 2025/20 ná an dearbhú a cuireadh isteach i gcomhréir le pointe ORGH.DEC.100 den Rialachán sin, déanfaidh an t-údarás inniúil an méid seo a leanas:

(e)

Cuirfidh an t-údarás inniúil an t-oibreoir aeradróim lena mbaineann ar an eolas faoi na torthaí a bhaineann leis an eagraíocht láimhseáil ar talamh más ábhartha iad ó thaobh shábháilteacht an aeradróim sin.

(f)

I gcásanna nach n-éilítear iontu torthaí leibhéal 1 ná torthaí leibhéal 2, féadfaidh an t-údarás inniúil barúlacha a eisiúint.

(a)

Comhoibreoidh na húdaráis inniúla atá freagrach as formhaoirseacht a dhéanamh ar eagraíochtaí a sholáthraíonn seirbhísí láimhseáil ar talamh i níos mó ná Ballstát amháin nó ag aeradróim atá faoi fhreagracht formhaoirseachta níos mó ná údarás inniúil amháin chun formhaoirseacht éifeachtach agus éifeachtúil ar na heagraíochtaí sin agus ar a seirbhísí a áirithiú. Áiritheoidh na húdaráis inniúla sin malartú frithpháirteach faisnéise agus cúnaimh chun a gcúraimí agus a bhfreagrachtaí formhaoirseachta a chur i gcrích.

(b)

Cumhdófar leis an bhformhaoirseacht chomhoibríoch na heagraíochtaí seo a leanas a bhfuil a bpríomháit ghnó i mBallstát agus a sholáthraíonn seirbhísí láimhseáil ar talamh i níos mó ná Ballstát amháin nó ag aeradróim atá faoi fhreagracht formhaoirseachta níos mó ná údarás inniúil amháin:

(c)

Cumhdófar sa mhalartú frithpháirteach faisnéise na heilimintí seo a leanas:

(d)

Sannfar na cúraimí maidir le formhaoirseacht a dhéanamh ar eagraíocht láimhseáil ar talamh dá dtagraítear i bpointe (b) i gcomhréir le pointí (e) agus (f).

(e)

Fíoróidh údarás inniúil an Bhallstáit ina bhfuil a príomháit ghnó ag an eagraíocht gach ceann de na heilimintí seo a leanas a liostaítear in Iarscríbhinní I agus II a ghabhann le Rialachán Tarmligthe (AE) 2025/20, bíodh sin leis féin nó le tacaíocht ó aon cheann de na húdaráis inniúla eile lena mbaineann, agus déanfaidh sé cigireachtaí ina dhiaidh sin ar ghníomhaíochtaí láimhseáil ar talamh a dhéantar ag aeradróim ina Stát, chun a fhíorú go bhfuil cur chun feidhme eilimintí chóras bainistíochta na heagraíochta á dhéanamh mar a dhoiciméadaítear:

(f)

Déanfaidh gach údarás inniúil de chuid na mBallstát ina soláthraíonn an eagraíocht seirbhísí láimhseáil ar talamh, seachas an Ballstát ina bhfuil a príomháit ghnó lonnaithe, formhaoirseacht ar sholáthar sábháilte seirbhísí ag na stáisiúin ina mBallstát, trí chur chun feidhme iarbhír an méid seo a leanas a fhíorú:

(g)

Déanfaidh gach ceann de na húdaráis inniúla dá dtagraítear i bpointí (e) agus (f) an méid seo a leanas:

(h)

Tacóidh na húdaráis inniúla uile a bhfuil baint acu le formhaoirseacht a dhéanamh ar eagraíocht dá dtagraítear i bpointe (b) leis an údarás inniúil i bpríomháit ghnó na heagraíochta an measúnú ar fheidhmíocht sábháilteachta na heagraíochta a thabhairt cothrom le dáta go tréimhsiúil bunaithe ar na tuarascálacha formhaoirseachta ó stáisiúin aonair sna Ballstáit eile.

(i)

Féadfaidh aon cheann de na húdaráis inniúla atá freagrach as formhaoirseacht a dhéanamh ar eagraíocht dá dtagraítear i bpointe (b) tacú le húdarás inniúil an Bhallstáit ina bhfuil a príomháit ghnó ag an eagraíocht na hiniúchtaí nó na cigireachtaí a dhéanamh mar a shonraítear i bpointe (e).

(j)

Bunóidh na húdaráis inniúla lena mbaineann nósanna imeachta maidir le cur chun feidhme phróiseas na formhaoirseachta comhoibríche chun na gnéithe uile a shonraítear i bpointí (a) go (i) a chumhdach.

(k)

Úsáidfidh na húdaráis inniúla an stór lárnach faisnéise arna bhunú i gcomhréir le hAirteagal 74 de Rialachán (AE) 2018/1139 chun rochtain a fháil ar na doiciméid agus ar an bhfaisnéis dá dtagraítear i bpointe (c).