1.

iompar earraí contúirteacha a bhfuil toirmeasc ar a n-iompar;

2.

iompar earraí contúirteacha i gcineál gabhdáin toirmiscthe nó neamhcheadaithe, lena gcuirtear beatha daoine nó an comhshaol i mbaol chomh mór sin go ndéantar cinneadh bac gluaiseachta a chur ar an bhfeithicil;

3.

iompar earraí contúirteacha gan aitheantas ar an bhfeithicil, lena gcuirtear beatha daoine nó an comhshaol i mbaol chomh mór sin go ndéantar cinneadh bac gluaiseachta a chur ar an bhfeithicil;

4.

sceitheadh earraí contúirteacha;

5.

iompar trí mhodh iompair a bhfuil toirmeasc air;

6.

iompar i mbulc i bhfeithicil nó i gcoimeádán nach bhfuil feidhmiúil ó thaobh struchtúir de;

7.

iompar i bhfeithicil gan deimhniú formheasa iomchuí;

8.

oibriú feithicle nach gcomhlíonann na caighdeáin formheasa a thuilleadh agus a bhfuil contúirt phráinneach ag baint léi (seachas sin aicmeofar í i gcatagóir riosca II);

9.

úsáid pacáistí, umar, coimeádán nó feithiclí neamhcheadaithe;

10.

úsáid pacáistíocht nach gcomhlíonann na treoracha pacála is infheidhme; úsáid umar, feithiclí agus coimeádán nach gcomhlíonann na forálacha is infheidhme;

11.

níor comhlíonadh forálacha speisialta maidir le pacáil mheasctha;

12.

níor comhlíonadh na rialacha lena rialaítear daingniú agus stuáil ualaí;

13.

níor comhlíonadh na rialacha maidir le bia-ábhair, earraí tomhaltais eile agus beatha ainmhithe;

14.

níor comhlíonadh na rialacha lena rialaítear luchtú measctha pacáistí;

15.

níor comhlíonadh forálacha lena dteorannaítear cainníochtaí atá údaraithe lena n-iompar in aon aonad iompair amháin, lena n-áirítear na céimeanna ceadaithe maidir le líonadh umar nó pacáistí;

16.

iompar earraí contúirteacha gan na doiciméid riachtanacha a bheith ar fáil ar bord nó i bhformáid leictreonach iomchuí, má cheadaítear sin;

17.

iompar earraí contúirteacha i bpacáistí nach bhfuil an mharcáil, an lipéadú nó na comharthaí sainaitheantais eile is gá orthu;

18.

iompar earraí contúirteacha gan aon phleacairdiú, marcáil (lena n-áirítear marcáil phláta a bhfuil dath oráiste uirthi) nó comharthaí aitheantais eile ar an bhfeithicil;

19.

faisnéis a bhaineann leis an tsubstaint atá á hiompar, agus lena gcumasaítear sárú de chatagóir riosca I a chinneadh, tá sí ar iarraidh (mar shampla, uimhir na Náisiún Aontaithe, ainm ceart loingseoireachta, grúpa pacála) nó tá sí mícheart;

20.

níl deimhniú gairmoiliúna bailí ag an tiománaí;

21.

úsáid dóiteáin nó solais neamhchosanta;

22.

níor cloíodh leis an gcosc ar chaitheamh tobac;

23.

níor ceapadh comhairleoir sábháilteachta do gach gnóthas, i gcás inar ghá;

24.

níor comhlíonadh ADR 1.10 maidir le forálacha slándála, i gcás inar ghá.

1.

oibriú aonaid iompair ina bhfuil níos mó ná leantóir/leathleantóir amháin;

2.

oibriú feithicle nach gcomhlíonann na caighdeáin formheasa a thuilleadh ach nach bhfuil contúirt phráinneach ag baint léi;

3.

níor iompraíodh múchtóirí dóiteáin oibríochtúla de réir mar a cheanglaítear ar bord feithicle; ní chomhlíonann trealamh comhraicthe dóiteáin forálacha sonracha;

4.

níor iompraíodh trealamh a cheanglaítear faoi ADR nó i dtreoracha i scríbhinn ar bord feithicle;

5.

níor comhlíonadh dátaí tástála agus cigireachta agus tréimhsí úsáide pacáistíochta, coimeádáin idirmheánacha bhuilc, mórphacáistíocht, umair, feithiclí nó coimeádáin;

6.

iompar pacáistí le pacáistíocht damáistithe, coimeádáin idirmheánacha bhuilc nó mórphacáistíocht, nó iompar pacáistíochta damáistithe folmha nár glanadh;

7.

iompar earraí pacáistithe i bhfeithicil nó i gcoimeádán nach bhfuil feidhmiúil ó thaobh struchtúir de;

8.

níor dúnadh umair/coimeádáin umair, feithiclí, coimeádáin nó pacáistí i gceart (lena n-áirítear iad siúd atá folamh agus nár glanadh);

9.

i gcás pacáistí, umar, feithiclí agus/nó coimeádán, tá an lipéadú, an mharcáil (lena n-áirítear marcáil phláta a bhfuil dath oráiste uirthi), an pleacairdiú nó comharthaí sainaitheantais eile mícheart;

10.

gan aon treoir i scríbhinn i gcomhréir le ADR;

11.

ní dhearnadh maoirseacht cheart ar fheithicil nó ní dhearnadh í a pháirceáil i gceart;

12.

iompar daoine, seachas baill den chriú, in aonaid iompair a bhfuil earraí contúirteacha á n-iompar acu;

13.

níor comhlíonadh na forálacha rialála a leagtar amach in ADR 7.5.10 maidir le réamhchúraimí atá le glacadh in aghaidh luchtanna leictreastatacha le linn oibríochtaí líonta agus foláirimh;

14.

níor comhlíonadh forálacha rialála maidir le teacht chuig láithreáin luchtaithe agus díluchtaithe;

15.

níor comhlíonadh forálacha rialála maidir le ról, dualgais agus deimhnithe an chomhairleora sábháilteachta le haghaidh gach gnóthais, i gcás inar ghá;

16.

níor comhlíonadh na forálacha rialála maidir leis an íostréimhse choinneála don doiciméad maidir le hiompar earraí contúirteacha agus faisnéis agus doiciméadacht bhreise a shonraítear in ADR;

17.

níor comhlíonadh forálacha rialála maidir le hoiliúint a chur ar dhaoine a bhfuil baint acu le hiompar earraí contúirteacha;

18.

níor cuireadh doiciméid agus/nó tuarascálacha a cheanglaítear faoi bhráid na n-údarás inniúil.

1.

níor comhlíonadh na rialacháin le méid na bplaiceard nó na lipéad nó le méid na litreacha, na bhfigiúirí nó na siombailí ar phlaiceard nó ar lipéad;

2.

níl faisnéis, cé is moite d’fhaisnéis a thagann faoi chatagóir riosca I, ar fáil i ndoiciméadacht iompair;

3.

níor iompraíodh deimhniú oiliúna ar bord na feithicle ach iompraíodh fianaise go bhfuil ceann i seilbh an tiománaí;

4.

ní raibh sainaitheantas, le grianghraf, á iompar ag gach ball d’fhoireann na feithicle;

5.

níor greamaíodh póstaeir agus marcáil (lena n-áirítear marcáil phláta a bhfuil dath oráiste uirthi) nó comharthaí aitheantais eile i gceart;

6.

cuireadh doiciméid riachtanacha agus/nó tuarascálacha faoi bhráid na n-údarás inniúil go déanach.