(1)

Le Cinneadh 2002/648/CE (2), d’fhormheas an Chomhairle tabhairt i gcrích an Chomhaontaithe le haghaidh comhar eolaíochta agus teicneolaíochta idir an Comhphobal Eorpach agus Rialtas Phoblacht na hIndia (3). Síníodh an Comhaontú sin i nDeilí Nua an 23 Samhain 2001 agus tháinig sé i bhfeidhm an 14 Deireadh Fómhair 2002. Le Cinneadh 2009/501/CE (4), d’fhormheas an Chomhairle tabhairt i gcrích an Chomhaontaithe lena n-athnuaitear an Comhaontú le haghaidh comhar eolaíochta agus teicneolaíochta idir an Comhphobal Eorpach agus Rialtas Phoblacht na hIndia (5), a rinne an Comhaontú a síníodh in 2001 a athnuachan agus a mhodhnú de bheagán. Síníodh é i nDeilí Nua an 30 Samhain 2007 agus tháinig sé i bhfeidhm an 17 Bealtaine 2010. Tagraítear don Chomhaontú sin mar aon leis an gComhaontú a síníodh in 2001 mar ‘an Comhaontú’.

(2)

I gcomhréir le hAirteagal 11, pointe (b) den Chomhaontú, tugadh an Comhaontú i gcrích go ceann tréimhse 5 bliana agus is féidir é a athnuachan le comhaontú frithpháirteach idir na páirtithe tar éis meastóireacht le linn na bliana deiridh den tréimhse a luadh roimhe sin.

(3)

Le Cinntí (AE) 2015/1788 (6) agus (AE) 2020/789 (7), d’fhormheas an Chomhairle athnuachan an Chomhaontaithe go ceann tréimhse bhreise 5 bliana gach uair. Tá an Comhaontú mar a rinneadh athnuachan air go deireanach le dul in éag an 17 Bealtaine 2025.

(4)

Sa mheastóireacht a rinne an Coimisiún, léirítear go soiléir go soláthraítear leis an gComhaontú go fóill creat tábhachtach chun an comhar idir an tAontas agus Poblacht na hIndia a stiúradh agus a éascú i réimsí tosaíochta comhchoiteanna ó thaobh eolaíochta agus teicneolaíochta, a mbeidh leasanna frithpháirteacha ann dá bharr. Dá bhrí sin, is chun leas an Aontais Eorpaigh é an Comhaontú a athnuachan go ceann tréimhse bhreise 5 bliana.

(5)

Dheimhnigh an dá Pháirtí go bhfuil sé ar intinn acu an Comhaontú a athnuachan go ceann tréimhse bhreise 5 bliana gan aon leasú a dhéanamh ar an gComhaontú. Ar mhaithe le leanúnachas an Chomhaontaithe a áirithiú, ba cheart éifeacht chúlghabhálach a bheith ag an athnuachan ón 17 Bealtaine 2025.

(6)

Ba cheart, dá bhrí sin, athnuachan an Chomhaontaithe a fhormheas thar ceann an Aontais,