(1)

I gcomhréir le hAirteagal 13(2) de Rialachán (AE) 2019/1009 ó Pharlaimint na hEorpa agus ón gComhairle (2), déanfar tástálacha ar bhealach iontaofa in-atáirgthe chun comhréireacht táirgí leasacháin AE leis na ceanglais a leagtar amach in Iarscríbhinní I, II agus III a ghabhann leis an Rialachán sin a fhíorú. Tástálacha atá i gcomhréir le caighdeáin chomhchuibhithe, ar foilsíodh na tagairtí dóibh in Iris Oifigiúil an Aontais Eorpaigh, glactar leis go bhfuil na tástálacha sin iontaofa agus in-atáirgthe a mhéid a chumhdaítear na tástálacha leis na caighdeáin sin.

(2)

Le Cinneadh Cur Chun Feidhme C(2020) 612 ón gCoimisiún (3), rinne an Coimisiún iarraidh ar an gCoiste Eorpach um Chaighdeánú (CEN) caighdeáin chomhchuibhithe a dhréachtú chun tacú le Rialachán (AE) 2019/1009.

(3)

Ar bhonn na hiarrata sin, dhréachtaigh CEN caighdeán comhchuibhithe EN 17836:2024 ‘Leasacháin – Tuairisc ar fhoirmeacha an aonaid fhisicigh’.

(4)

I gcomhar le CEN, rinne an Coimisiún measúnú ar an gcaighdeán a dhréachtaigh CEN féachaint ar caighdeán é a chomhlíonann an iarraidh a leagtar amach i gCinneadh Cur Chun Feidhme C(2020) 612.

(5)

Comhlíonann an caighdeán comhchuibhithe na ceanglais is aidhm dó a chumhdach agus a leagtar amach i Rialachán (AE) 2019/1009. Dá bhrí sin, is iomchuí an tagairt don chaighdeán sin a fhoilsiú in Iris Oifigiúil an Aontais Eorpaigh.

(6)

I gCinneadh Cur Chun Feidhme (AE) 2024/2387 ón gCoimisiún (4), liostaítear na tagairtí do na caighdeáin chomhchuibhithe a dréachtaíodh chun tacú le Rialachán (AE) 2019/1009.

(7)

Chun a áirithiú go liostaítear in aon ghníomh amháin na tagairtí do na caighdeáin chomhchuibhithe a dréachtaíodh chun tacú le Rialachán (AE) 2019/1009, ba cheart an tagairt do chaighdeán comhchuibhithe EN 17836:2024 a chuimsiú i gCinneadh Cur Chun Feidhme (AE) 2024/2387.

(8)

Ba cheart, dá bhrí sin, Cinneadh Cur Chun Feidhme (AE) 2024/2387 a leasú dá réir sin.

(9)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais a leagtar amach in Airteagal 13(2) de Rialachán (AE) 2019/1009 ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm lá a fhoilsithe,