Ez a dokumentum az EUR-Lex webhelyről származik.
Dokumentum 32025D1769
Commission Implementing Decision (EU) 2025/1769 of 27 August 2025 amending Implementing Decision (EU) 2019/450 as regards the publication of references of European Assessment Documents for battery-powered hold-open systems with optional radio system and spherical and cylindrical bearings with special sliding material made of a modified polyamide-polyethylene blend and other construction products
Cinneadh Cur Chun Feidhme (AE) 2025/1769 ón gCoimisiún an 27.8.2025 lena leasaítear Cinneadh Cur Chun Feidhme (AE) 2019/450 a mhéid a bhaineann le foilsiú tagairtí do Dhoiciméid um Measúnú Eorpach le haghaidh córais coinneála ar oscailt faoi thiomáint ceallraí ag a bhfuil córas raidió roghnach agus imthacaí sféarúla agus sorcóireacha ina bhfuil ábhar sleamhnáin speisialta atá déanta as cumasc polaimíd-poleitiléine modhnaithe agus táirgí foirgníochta eile
Cinneadh Cur Chun Feidhme (AE) 2025/1769 ón gCoimisiún an 27.8.2025 lena leasaítear Cinneadh Cur Chun Feidhme (AE) 2019/450 a mhéid a bhaineann le foilsiú tagairtí do Dhoiciméid um Measúnú Eorpach le haghaidh córais coinneála ar oscailt faoi thiomáint ceallraí ag a bhfuil córas raidió roghnach agus imthacaí sféarúla agus sorcóireacha ina bhfuil ábhar sleamhnáin speisialta atá déanta as cumasc polaimíd-poleitiléine modhnaithe agus táirgí foirgníochta eile
C/2025/5971
IO L, 2025/1769, 3.9.2025, ELI: http://data.europa.eu/eli/dec_impl/2025/1769/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Hatályos
|
Iris Oifigiúil |
GA Sraith L |
|
2025/1769 |
3.9.2025 |
CINNEADH CUR CHUN FEIDHME (AE) 2025/1769 ÓN gCOIMISIÚN
an 27.8.2025
lena leasaítear Cinneadh Cur Chun Feidhme (AE) 2019/450 a mhéid a bhaineann le foilsiú tagairtí do Dhoiciméid um Measúnú Eorpach le haghaidh córais coinneála ar oscailt faoi thiomáint ceallraí ag a bhfuil córas raidió roghnach agus imthacaí sféarúla agus sorcóireacha ina bhfuil ábhar sleamhnáin speisialta atá déanta as cumasc polaimíd-poleitiléine modhnaithe agus táirgí foirgníochta eile
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 305/2011 ó Pharlaimint na hEorpa agus ón gComhairle an 9 Márta 2011 lena leagtar síos coinníollacha comhchuibhithe maidir le táirgí foirgníochta a mhargú agus lena n-aisghairtear Treoir 89/106/CEE ón gComhairle (1), agus go hairithe Airteagal 22 de,
De bharr an mhéid seo a leanas:
|
(1) |
I gcomhréir le hAirteagal 19 de Rialachán (AE) Uimh. 305/2011, tar éis iarrataí ó mhonaróirí ar Mheasúnuithe Teicniúla Eorpacha, ghlac eagraíocht na gComhlachtaí um Measúnú Teicniúil 21 Dhoiciméad um Measúnú Eorpach. |
|
(2) |
Is leis na tagairtí seo a leanas le haghaidh táirgí foirgníochta a bhaineann na Doiciméid um Measúnú Eorpach a ghlac eagraíocht na gComhlachtaí um Measúnú Teicniúil:
|
|
(3) |
Na Doiciméid um Measúnú Eorpach a ghlac eagraíocht na gComhlachtaí um Measúnú Teicniúil, comhlíonann siad na ceanglais atá le comhlíonadh maidir leis na ceanglais fhíor-riachtanacha i leith oibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí na tagairtí do na Doiciméid sin um Measúnú Eorpach a fhoilsiú in Iris Oifigiúil an Aontais Eorpaigh. |
|
(4) |
Is de bhun Chinneadh Cur Chun Feidhme (AE) 2019/450 ón gCoimisiún (2) a fhoilsítear an liosta tagairtí do Dhoiciméid um Measúnú Eorpach le haghaidh táirgí foirgníochta. Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin. |
|
(5) |
Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir. |
|
(6) |
Chun bheith in ann na Doiciméid um Measúnú Eorpach a úsáid a luaithe is féidir ionas gur féidir leis na monaróirí a bhfuil Measúnú Teicniúil Eorpach acu cheana a dtáirge a chur ar an margadh, ba cheart an Cinneadh seo a theacht i bhfeidhm lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Leasaítear an Iarscríbhinn a ghabhann le Cinneadh Cur Chun Feidhme (AE) 2019/450 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 27.8.2025
Thar ceann an Choimisiúin
Thar ceann an Uachtaráin
Kerstin JORNA
Ard-Stiúrthóir
An Ard-Stiúrthóireacht um an Margadh Inmheánach, Tionsclaíocht, Fiontraíocht agus FBManna/AS GROW
(1) IO L 88, 4.4.2011, lch. 5, ELI: http://data.europa.eu/eli/reg/2011/305/oj.
(2) Cinneadh Cur Chun Feidhme (AE) 2019/450 ón gCoimisiún an 19 Márta 2019 maidir le foilsiú na nDoiciméad um Measúnú Eorpach le haghaidh táirgí foirgníochta arna ndréachtú chun tacú le Rialachán (AE) Uimh. 305/2011 ó Pharlaimint na hEorpa agus ón gComhairle (IO L 77, 20.3.2019, lch. 78, ELI: http://data.europa.eu/eli/dec_impl/2019/450/oj).
IARSCRÍBHINN
Cuirtear na rónna seo a leanas isteach san Iarscríbhinn a ghabhann le Cinneadh Cur Chun Feidhme (AE) 2019/450 in ord seicheamhach de réir ord na n-uimhreacha tagartha:
|
‘020094-00-1107 |
Córais coinneála ar oscailt faoi thiomáint ceallraí ag a bhfuil córas raidió roghnach’ |
|
‘050078-00-0301 |
Imthacaí sféarúla agus sorcóireacha ina bhfuil ábhar speisialta sleamhnáin atá déanta as cumasc polaimíd-poleitiléine modhnaithe’ |
|
‘090018-00-0404 |
Bracanna balla droichid theirmigh laghdaithe mar chuid den fhofhráma de chórais cumhdaigh ballaí aeráilte nó de chórais aghaidhe eile’ |
|
‘090120-01-0404 |
Feisteáin le haghaidh córais ballaí seachtracha clár mianraí neamh-ualachiompartha (le cur in ionad na sonraíochta teicniúla “EAD 090120-00-0404”)’ |
|
‘090125-00-0404-v01 |
Athraitheach: Feisteáin le haghaidh cumhdaigh ballaí seachtracha ag a bhfuil gnéithe de chumhdra docht comhchodach ilsrathach – Leathnú ar an raon feidhme’ |
|
‘090262-00-0404 |
Painéil chomhchodacha éadroma a bhfuil polaiméir leathnaithe chriathrach nó alúmanam criathrach ina gcroílár acu’ |
|
‘150059-00-0301 |
Ceanglóir nádúrtha atá déanta as marla ‘Scaglia Rossa’ le haghaidh meascáin tógála’ |
|
‘200019-01-0102 |
Gaibiúin mhogallacha fhite heicseagánacha, tochtanna gaibiúin agus málaí gaibiúin (le cur in ionad na sonraíochta teicniúla “EAD 200019-00-0102”)’ |
|
‘200171-00-0103 |
Feisteáin ghaibiúin tháite lena n-úsáid i ndúshraitheanna foirgneamh’ |
|
‘210161-00-0501 |
Feisteáin le haghaidh cosaint síleála ar smionagar atá ag titim, atá comhdhéanta de mhogall sreinge cruach táite agus leicneáin’ |
|
‘220119-00-0402 |
Córas uiscedhíonta agus inslithe ilsrathach féintacaithe le haghaidh díonta claonta’ |
|
‘220163-00-0401 |
Fleascadh le haghaidh gairis solais lae’ |
|
‘230172-00-0102 |
Breiseáin pholaiméireacha le haghaidh sraitheanna atá ceangailte go hiodrálach i dtógáil bóithre’ |
|
‘240002-00-0108 |
Bunluaith phróiseáilte ó ghléasraí loiscthe dramhaíola soladaí cathrach mar ghreanmheallta le haghaidh ábhair neamhcheangailte lena n-úsáid i dtógáil bóithre’ |
|
‘260055-00-0301 |
Meascán forleathnaitheach neamh-mhiotalach atá bunaithe ar ocsaíd chailciam le haghaidh coincréite’ |
|
‘260100-00-0301 |
Córais chosanta creimthe chatóidigh atá déanta as anóidí since atá spraeáilte go teirmeach atá comhcheangailte le bratuithe polaiméireacha’ |
|
‘330083-04-0601 |
Ceanglóirí cumhacht-ghníomhraithe i gcoincréit le haghaidh feidhmeanna iomarcacha neamhstruchtúracha (le cur in ionad na sonraíochta teicniúla “EAD 330083-03-0601”)’ |
|
‘330083-04-0601-v01 |
Athraitheach: Feidhmíocht sheismeach a bhaineann le stoda miotail de spiara plástarchláir neamh-ualachiompartha taobh istigh a fheistiú do choincréit agus úsáid á baint as roinnt ceanglóirí cumhacht-ghníomhraithe’ |
|
‘330667-01-0602 |
Cainéil ancaire (le cur in ionad na sonraíochta teicniúla “EAD 330667-00-0602”)’ |
|
‘340452-00-0204-v01 |
Athraitheach: Feisteáin foirgníochta atá bunaithe ar phainéil chomhleanúnacha ag a bhfuil struchtúr creata miotail - Leathnú ar an raon feidhme’ |
|
‘340556-00-0506 |
Pacáistí feistiúcháin staighre áiléir’. |
ELI: http://data.europa.eu/eli/dec_impl/2025/1769/oj
ISSN 1977-0839 (electronic edition)