(1)

D’fhormheas an tAontas an Prótacal a ghabhann leis an gCoinbhinsiún ar Leasanna Idirnáisiúnta i dTrealamh Soghluaiste ar Nithe a bhaineann go sonrach le Cúrsaí Rothstoc Iarnróid (‘Coinbhinsiún Cape Town’), a glacadh i Lucsamburg an 23 Feabhra 2007 (‘Prótacal Lucsamburg’), trí bhíthin Chinneadh 2014/888/AE ón gComhairle (1), agus bhain sé amach stádas mar Eagraíocht Réigiúnach um Chomhtháthú Eacnamaíochta faoin bPrótacal sin.

(2)

Le linn an dara seisiún dá chuid an 23 Aibreán 2025, i measc míreanna eile ar an gclár oibre, tá coinne leis go ndéanfaidh Údarás Maoirseachta arna bhunú de bhun Airteagal XII de Phrótacal Lucsamburg (‘an tÚdarás Maoirseachta’) athbhreithniú ar a Reachtanna agus ar a Rialacha Nós Imeachta agus go bhformheasfaidh sé na Rialacha Samhla maidir le Sainaitheantas Buan an Rothstoic Iarnróid arna bhforbairt faoi chuimsiú Choiste Iompair Intíre Choimisiún Eacnamaíochta na Náisiún Aontaithe don Eoraip (‘na Rialacha Samhla’) arna leasú an 13 Samhain 2024 (Athbhreithniú 2).

(3)

Is iomchuí an seasamh atá le glacadh thar ceann an Aontais ag an dara seisiún den Údarás Maoirseachta a bhunú, ós rud é go bhféadfadh an t-athbhreithniú atá beartaithe ar na Rialacha Samhla atá le glacadh ag an Údarás Maoirseachta tionchar cinntitheach a imirt ar ábhar reachtaíocht an Aontais, mar atá Treoir (AE) 2016/797 ó Pharlaimint na hEorpa agus ón gComhairle (2), Rialachán Cur Chun Feidhme (AE) 2019/773 ón gCoimisiún (3) agus Cinneadh Cur Chun Feidhme (AE) 2018/1614 ón gCoimisiún (4). Thairis sin, d’fhéadfadh na leasuithe ar na Reachtanna agus ar na Rialacha Nós Imeachta atá le glacadh ag an Údarás Maoirseachta tionchar cinntitheach a imirt ar rannpháirtíocht an Aontais sa chomhlacht sin.

(4)

Tá coinne leis go leasóidh an tÚdarás Maoirseachta a Reachtanna, ina sainítear gnéithe amhail a phearsantacht dhlítheanach, a chúraimí agus a chreat riaracháin, a éilítear le Coinbhinsiún Cape Town agus le Prótacal Lucsamburg. Leis na leasuithe atá beartaithe ar na Reachtanna, soiléirítear an sainmhíniú ar Stát is Páirtí trína shoiléiriú gur tagairt d’eagraíocht réigiúnach freisin é aon tagairt do Stát is Páirtí sna Reachtanna, rud a dhéanann difear do rannpháirtíocht an Aontais sa chomhlacht sin, agus gur cheart tacú leis dá bhrí sin. Treoir (AE) 2016/797 ó Pharlaimint na hEorpa agus ón gComhairle an 11 Bealtaine 2016 maidir le hidir-inoibritheacht an chórais iarnróid laistigh den Aontas Eorpach (IO L 138, 26.5.2016, lch. 44, ELI: http://data.europa.eu/eli/dir/2016/797/oj).

(5)

Tá coinne leis go leasóidh an tÚdarás Maoirseachta a Rialacha Nós Imeachta chun na rialacha maidir le feidhmiú vótála trí thromlach cáilithe a shoiléiriú agus chun rialacha nua a thabhairt isteach maidir le heagrúchán chruinnithe eatramhacha práinneacha. Toisc nach féidir doiciméid le haghaidh cruinnithe práinneacha a scaipeadh ach 3 seachtaine roimh oscailt an chruinnithe, áfach, d’fhéadfadh deacrachtaí suntasacha a bheith ann maidir leis an nós imeachta chun seasaimh an Aontais a chomhordú agus d’fhéadfadh bunú liosta d’ábhair phráinneacha gné phráinneach a chur go huathoibríoch faoi ábhair nach bhfuil práinneach sa chleachtas. Dá bhrí sin, ba cheart tacú leis na leasuithe ar Rialacha Nós Imeachta an Údaráis Mhaoirseachta, ach amháin an t-athrú ar na spriocdhátaí chun na doiciméid le haghaidh an chruinnithe a sholáthar agus gan na hábhair a d’fhéadfaí a cháiliú mar ábhair phráinneacha a shonrú, chun a áirithiú go n-áiritheofar go héifeachtach na féidearthachtaí atá ag an Aontas seasaimh a chomhordú maidir le hábhar atá ábhartha don Aontas.

(6)

Is gá do Phrótacal Lucsamburg brath ar chóras soiléir sainaitheantais agus marcála rothstoic iarnróid bunaithe ar chaighdeáin idirnáisiúnta. Soláthraítear sna Rialacha Samhla creat chun an sainaitheantóir URVIS a shannadh agus é a mharcáil ar rothstoc iarnróid. Moltar mion-nuashonruithe ar na rialacha sin agus is chun leasa oibriú Phrótacal Lucsamburg atá na mion-nuashonruithe sin. Dá bhrí sin, ba cheart tacú le formheas na Rialacha Samhla arna leasú an 13 Samhain 2024 (Athbhreithniú 2) chun críocha na Rialachán maidir leis an gClárlann Idirnáisiúnta Leasanna i Rothstoc,