(1)

Tá sé ríthábhachtach neamhspleáchas, ardchaighdeáin eolaíocha, trédhearcacht agus éifeachtúlacht an Údaráis Eorpaigh um Shábháilteacht Bia (EFSA) a áirithiú. Ina theannta sin, tá sé fíor-riachtanach comhar EFSA leis na Ballstáit a áirithiú.

(2)

Ceanglaítear, le Rialachán (CE) Uimh. 178/2002, go n-ainmneodh gach Ballstát ionadaithe ina gcomhaltaí agus ina gcomhaltaí malartacha do Bhord Bainistíochta EFSA. Tá na comhaltaí agus comhaltaí malartacha arna n-ainmniú mar sin le ceapadh ag an gComhairle go ceann téarma 4 bliana, ar téarma é a fhéadfar a athnuachan, agus beidh ceart vótála acu.

(3)

Cheap an Chomhairle, trí bhíthin Chinneadh uaithi an 7 Aibreán 2022 (2), ionadaithe ó na Ballstáit ina gcomhaltaí agus ina gcomhaltaí malartacha de Bhord Bainistíochta EFSA don tréimhse ón 1 Iúil 2022 go dtí an 30 Meitheamh 2026.

(4)

I litir dar dáta an 22 Aibreán 2025, cuireadh in iúl do EFSA gur éirigh Tejs BINDERUP, comhalta thar ceann na Danmhairge, as oifig.

(5)

I litir dar dáta an 6 Bealtaine 2025, cuireadh in iúl do EFSA gur éirigh Hendrik KUUSK, comhalta thar ceann na hEastóine, as oifig.

(6)

I litir dar dáta an 6 Bealtaine 2025, cuireadh in iúl do EFSA gur éirigh Annica SOHLSTRÖM, comhalta thar ceann na Sualainne, as oifig.

(7)

I litir dar dáta an 14 Iúil 2025, cuireadh in iúl do EFSA go ndeachaigh Herman DIRICKS, comhalta thar ceann na Beilge, ar scor.

(8)

Ba cheart, dá bhrí sin, ceathrar ionadaithe nua a cheapadh ar feadh a bhfuil fágtha de théarma oifige a réamhtheachtaithe faoi seach.

(9)

Tá taithí agus saineolas forleathan ábhartha ag na hionadaithe arna n-ainmniú ag an mBeilg, an Danmhairg, an Eastóin agus an tSualainn i réimse dhlí agus bheartas an bhiashlabhra, lena n-áirítear measúnú riosca, agus i réimsí ábhar bainistíochta, riaracháin, airgeadais agus dlí chomh maith. Dá bhrí sin, lena gceapacháin, baintear amach i mBord Bainistíochta EFSA na caighdeáin is airde inniúlachta agus an raon is leithne taithí ábhartha atá ar fáil,

—

Christine ROMEYNS (an Bheilg),

—

Cecilie SOLSTAD (an Danmhairg),

—

Triin KÕRGMAA (an Eastóin),

—

Christina NORDIN (an tSualainn).