(1)

Maidir leis na treoirlínte atá sa Socrú maidir leis na Creidmheasanna Onnmhairiúcháin arna dTacú go hOifigiúil (‘an Socrú’), socrú a forbraíodh faoi chuimsiú na hEagraíochta um Chomhar agus Forbairt Eacnamaíochta, lena n-áirítear an Tuiscint Earnála maidir leis na Creidmheasanna Onnmhairiúcháin le haghaidh Aerárthaí Sibhialta (‘an Tuiscint Earnála maidir le hAerárthaí’) atá in Iarscríbhinn III a ghabhann leis an Socrú, rinneadh iad a thrasuí agus, dá bhrí sin, tá siad ceangailteach ó thaobh dlí san Aontas le Rialachán (AE) Uimh. 1233/2011 ó Pharlaimint na hEorpa agus ón gComhairle (1).

(2)

Tá na Rannpháirtithe sa Tuiscint Earnála maidir le hAerárthaí (na ‘Rannpháirtithe’) le teacht ar chomhaontú maidir le leasuithe ar an Tuiscint Earnála maidir le hAerárthaí a sholáthródh deimhneacht dhlíthiúil agus a neartódh cothrom iomaíochta idir Rannpháirtithe maidir le tacaíocht do chonarthaí cothabhála agus seirbhíse, onnmhairí páirteanna spártha agus fearas innill a bhaineann le haerárthaí a chumhdaítear leis an Tuiscint Earnála maidir le hAerárthaí.

(3)

Is iomchuí an seasamh atá le glacadh thar ceann an Aontais maidir le cinneadh na Rannpháirtithe i ndáil le leasuithe ar an Tuiscint Earnála maidir le hAerárthaí a bhunú, ós rud é go mbeidh an cinneadh ina cheangal ar an Aontas agus go mbeidh sé in ann tionchar cinntitheach a imirt ar inneachar dhlí an Aontais, de bhua Airteagal 2 de Rialachán (AE) Uimh. 1233/2011.

(4)

Dá bhrí sin, ba cheart gurb é seasamh an Aontais tacú leis na leasuithe ar an Tuiscint Earnála maidir le hAerárthaí bunaithe ar an dréacht-téacs atá i gceangal leis an gCinneadh seo,