1.   Beidh ISAE freagrach as an sainordú a chur chun feidhme, ag gníomhú dó faoi údarás an Ardionadaí.

2.   Maidir leis an gCoiste Polaitiúil agus Slándála (CPS) coimeádfaidh sé nasc pribhléideach le ISAE ar bun agus is é a bheidh ann príomhphointe teagmhála ISAE leis an gComhairle. Soláthróidh CPS treoir straitéiseach agus stiúradh polaitiúil do ISAE faoi chuimsiú an tsainordaithe, gan dochar do chumhachtaí an Ardionadaí.

3.   Oibreoidh ISAE i ndlúthchomhordú agus i ndlúthchomhar leis an tSeirbhís Eorpach Gníomhaíochta Seachtraí (SEGS) agus leis na ranna ábhartha di. Tacóidh an Ceann Oifige/ISAE sa Chosaiv agus an Ceann Toscaireachta sa tSeirbia le ISAE, nuair is gá, lena n-áirítear trí shaineolaithe a chur ar fáil maidir le haon saincheist shonrach a bhaineann le cur chun feidhme an tsainordaithe.

1.   Is é EUR 2 320 997,62 a bheidh sa mhéid tagartha airgeadais a bheartaítear chun an caiteachas a bhaineann leis an sainordú (‘an caiteachas’) don tréimhse ón 1 Feabhra 2025 go dtí an 28 Feabhra 2026 a chumhdach.

2.   Bainisteofar an caiteachas i gcomhréir leis na nósanna imeachta agus rialacha is infheidhme maidir le buiséad ginearálta an Aontais.

3.   Beidh bainistiú an chaiteachais faoi réir conradh idir ISAE agus an Coimisiún. Beidh ISAE cuntasach don Choimisiún as an gcaiteachas.

1.   Laistigh de theorainneacha an tsainordaithe agus de na hacmhainní airgeadais comhfhreagracha a chuirfear ar fáil, beidh ISAE freagrach as foireann a chur le chéile. Áireofar ar fhoireann ISAE saineolas maidir le saincheisteanna sonracha beartais de réir mar a cheanglaítear leis an sainordú. Coinneoidh ISAE an Chomhairle agus an Coimisiún ar an eolas go pras faoi chomhdhéanamh fhoireann ISAE aici.

2.   Féadfaidh Ballstáit, institiúidí de chuid an Aontais agus SEGS a mholadh go dtabharfaí pearsanra ar iasacht chun oibriú ar fhoireann ISAE. Is é Ballstát an phearsanra ar iasacht sin, nó institiúid de chuid an Aontais lena mbaineann nó SEGS, de réir mar is iomchuí, a chumhdóidh tuarastal an phearsanra sin. Féadfar saineolaithe a phostaíonn na Ballstáit chuig institiúidí de chuid an Aontais nó chuig SEGS a thabhairt ar iasacht chun oibriú ar fhoireann ISAE freisin. Beidh náisiúntacht Ballstáit ag an bpearsanra idirnáisiúnta ar conradh.

3.   An pearsanra uile ar iasacht, fanfaidh siad faoi údarás riaracháin údarás seolta an Bhallstáit, faoi institiúid seolta an Aontais nó faoi ISAE agus comhlíonfaidh siad a ndualgais agus gníomhóidh siad chun leasa an tsainordaithe.

1.   Áiritheoidh na Ballstáit, an Coimisiún, SEGS agus Ardrúnaíocht na Comhairle go dtabharfar rochtain do ISAE ar aon fhaisnéis ábhartha.

2.   Soláthróidh toscaireachtaí agus oifigí an Aontais, agus/nó na Ballstáit, de réir mar is iomchuí, tacaíocht lóistíochta do ISAE agus d’fhoireann ISAE.

1.   Cuirfidh ISAE i bhfeidhm na rialacha a leagtar síos i Rialachán (CE) Uimh. 1049/2001 ó Pharlaimint na hEorpa agus ón gComhairle (6). Glacfaidh an tArdionadaí na rialacha cur chun feidhme ábhartha a bhaineann le ISAE.

2.   Déanfaidh ISAE daoine aonair a chosaint i ndáil leis an bpróiseáil a dhéantar ar a gcuid sonraí pearsanta i gcomhréir leis na rialacha a leagtar síos i Rialachán (AE) 2018/1725 ó Pharlaimint na hEorpa agus ón gComhairle (7). Glacfaidh an tArdionadaí rialacha cur chun feidhme ábhartha a bhaineann le ISAE.

1.   Rannchuideoidh ISAE le haontacht, comhsheasmhacht agus éifeachtacht ghníomhaíocht an Aontais agus cabhróidh ISAE lena áirithiú go ndéanfar ionstraimí uile an Aontais agus gníomhaíochtaí uile na mBallstát a chur i bhfeidhm nó a chur chun feidhme go comhsheasmhach, chun cuspóirí beartais an Aontais a bhaint amach. Déanfaidh ISAE idirchaidreamh leis na Ballstáit i gcás inarb iomchuí. Déanfar gníomhaíochtaí ISAE a chomhordú de réir mar is iomchuí le gníomhaíochtaí SEGS, an Choimisiúin, an Chinn Toscaireachta sa tSeirbia, an Chinn Oifige/ISAE sa Chosaiv agus Cheann Misin Mhisean Smachta Reachta an Aontais Eorpaigh sa Chosaiv. Soláthróidh ISAE faisnéis rialta do mhisin na mBallstát agus do thoscaireachtaí agus oifigí an Aontais.

2.   Ar an láthair, leanfaidh ISAE d’idirchaidreamh a chothú go dlúth le cinn thoscaireachtaí agus oifigí an Aontais sa réigiún agus le cinn mhisin na mBallstát. Déanfaidh siad gach iarracht cúnamh a thabhairt do ISAE agus an sainordú á chur chun feidhme acu, lena n-áirítear trí chomhairle agus saineolas polaitiúil áitiúil a chur ar fáil. Déanfaidh ISAE idirchaidreamh freisin le gníomhaithe idirnáisiúnta agus réigiúnacha eile ar an láthair.