1.   Déanfaidh an Coimisiún an méid seo a leanas:

2.   Oibreoirí agus trádálaithe, agus más infheidhme, a n-ionadaithe údaraithe, úsáidfidh siad an Córas Faisnéise chun Ráitis maidir le Dícheall Cuí a chur isteach agus a bhainistiú agus chun bailíocht uimhreacha tagartha a fhíorú, agus úsáidfidh údaráis inniúla, údaráis chustaim agus an Coimisiún é chun rochtain a fháil ar Ráitis maidir le Dícheall Cuí agus chun gníomhú ina leith, lena n-áirítear faisnéis ina bhfuil sonraí pearsanta a mhalartú idir údaráis inniúla, údaráis chustaim agus an Coimisiún i ndáil le cur chun feidhme agus forfheidhmiú Rialachán (AE) 2023/1115. Aon mhalartú faisnéise den sórt sin, beidh sé i gcomhréir leis na rialacha maidir le cosaint sonraí pearsanta a leagtar síos i Rialachán (AE) 2016/679 agus i Rialachán (AE) 2018/1725.

3.   Déantar na Ráitis maidir le Dícheall Cuí a shannadh sa Chóras Faisnéise do na húdaráis inniúla san ord seo a leanas:

1.   Seachas i gcás ina gcuirfear an Ráiteas maidir le Dícheall Cuí ar fáil tríd an gcomhéadan leictreonach dá dtagraítear in Airteagal 28(2) de Rialachán (AE) 2023/1115, déanfaidh úsáideoirí an Chórais Faisnéise na Ráitis maidir le Dícheall Cuí i dtaca le táirgí ábhartha a chur isteach agus a bhainistiú sa Chóras Faisnéise.

2.   I gcás táirge ábhartha ina bhfuil adhmad nó a rinneadh le hadhmad, iontrálfaidh úsáideoirí an Chórais Faisnéise gnáthainmneacha agus ainmneacha eolaíocha iomlána na speiceas adhmaid atá sna táirgí ábhartha nó a rinneadh leo sa Ráiteas maidir le Dícheall Cuí.

1.   Leis an gCóras Faisnéise, beidh úsáideoirí an Chórais Faisnéise in ann Ráitis maidir le Dícheall Cuí a leasú nó a tharraingt siar laistigh de 72 uair tar éis uimhir thagartha an Ráitis maidir le Dícheall Cuí a chur ar fáil sa Chóras Faisnéise.

2.   Ní féidir Ráitis maidir le Dícheall Cuí a leasú ná a tharraingt siar laistigh den tréimhse a leagtar amach i mír 1 tar éis an Ráiteas maidir le Dícheall Cuí a úsáid mar thagairt i Ráiteas maidir le Dícheall Cuí arna chur isteach ag an úsáideoir céanna nó ag úsáideoir eile de chuid an Chórais Faisnéise.

3.   Ní dhéanfaidh úsáideoir an Chórais Faisnéise an Ráiteas maidir le Dícheall Cuí a leasú ná a tharraingt siar tar éis na pointí ama seo a leanas:

4.   Gan dochar do mhíreanna 2 agus 3, ar iarraidh aonair agus réasúnaithe ó úsáideoir an Chórais Faisnéise, ní fhéadfaidh na húdaráis inniúla síneadh a chur leis an tréimhse dá dtagraítear i mír 1 ach amháin nuair a bheidh an tréimhse sin dá dtagraítear i mír 1 imithe in éag. Ní bheidh síneadh den sórt sin níos faide ná 8 lá féilire. Beidh an iarraidh bunaithe ar chúiseanna nach bhfuil neart ag úsáideoir an Chórais Faisnéise orthu, agus cuirfidh an t-úsáideoir sin in iúl, mar chuid dá iarraidh réasúnaithe, nach bhfuil mír 3 den Airteagal seo infheidhme. Féadfar an síneadh sin a dhéanamh go cúlghabhálach freisin tar éis na tréimhse dá dtagraítear i mír 1.

5.   Beidh an Ráiteas leasaithe maidir le Dícheall Cuí faoi réir próifíliú riosca mar a leagtar amach in Airteagal 6. Beidh feidhm ag an bpróifíliú riosca maidir leis an Ráiteas leasaithe iomlán maidir le Dícheall Cuí.

1.   Leis an gCóras Faisnéise, beidh na húdaráis inniúla in ann cásanna a shainaithint laistigh den Chóras Faisnéise ina bhfuil riosca neamhchomhlíontachta chomh hard sin ag baint le táirgí ábhartha go n-éileoidh siad gníomhaíocht láithreach sula gcuirfear na táirgí ábhartha sin ar an margadh nó sula gcuirfear ar fáil ar an margadh iad nó sula n-onnmhaireofar iad, de bhun Airteagal 17 de Rialachán (AE) 2023/1115, agus cuirfear na húdaráis inniúla ar an eolas chun na seiceálacha atá le déanamh a shainaithint agus na cúraimí a thugtar dóibh de bhun Chaibidil 3 de Rialachán (AE) 2023/1115 a chomhlíonadh.

2.   Chun críocha mhír 1, leis an gCóras Faisnéise, beidh údaráis inniúla in ann próifílí riosca a bhunú sa Chóras Faisnéise chun tacú le cinneadh eolasach chun oibreoirí nó trádálaithe nó táirgí ábhartha a bhaineann leis na Ráitis maidir le Dícheall Cuí ar a ndéanfar seiceálacha a roghnú. Bunófar na próifílí riosca sin inter alia ar na critéir riosca a leagtar amach ina bplean bliantúil seiceálacha de bhun Airteagal 16(5) de Rialachán (AE) 2023/1115, a bhunaítear i gcomhréir lena gcur chuige rioscabhunaithe de bhun Airteagal 16(3) de Rialachán (AE) 2023/1115.

3.   Nuair a chuirfear isteach sa Chóras Faisnéise é, beidh gach Ráiteas maidir le Dícheall Cuí faoi réir próifíliú riosca leictreonach uathoibrithe agus sannfaidh an Córas Faisnéise stádas riosca do gach Ráiteas maidir le Dícheall Cuí.

4.   Ag aon chéim tar éis Ráiteas maidir le Dícheall Cuí a chur isteach, féadfaidh údaráis inniúla athbhreithniú a dhéanamh ar Ráiteas maidir le Dícheall Cuí chun a chinneadh an gcomhlíonann táirge ábhartha Airteagal 3 de Rialachán (AE) 2023/1115. Sa chás sin, féadfaidh siad stádas riosca nua a shannadh don Ráiteas maidir le Dícheall Cuí mar thoradh ar an athbhreithniú. Má shannann an t-údarás inniúil stádas riosca nua do Ráiteas maidir le Dícheall Cuí, beidh tosaíocht ag an stádas riosca nua sin ar stádas riosca a shanntar de bhun mhír 3 den Airteagal seo.

1.   Sannfaidh an Córas Faisnéise, gan moill mhíchuí, uimhir thagartha agus uimhir fíorúcháin don Ráiteas maidir le Dícheall Cuí arna chur isteach ag úsáideoir an Chórais Faisnéise tar éis dó an próifíliú riosca dá dtagraítear in Airteagal 6 a thabhairt i gcrích.

2.   Cuirfear an uimhir thagartha agus an uimhir fíorúcháin ar fáil d’úsáideoir an Chórais Faisnéise ar thabhairt i gcrích an phróifílithe riosca dá dtagraítear in Airteagal 6.

3.   Leis an gCóras Faisnéise, beidh na húdaráis inniúla in ann moill a chur ar chur ar fáil na huimhreach tagartha chun a shuí an gcomhlíonann na táirgí ábhartha Airteagal 3 de Rialachán (AE) 2023/1115 agus, go háirithe, chun a fhíorú nach bhfuil an cás sainaitheanta dá dtagraítear in Airteagal 6(1) den Rialachán seo infheidhme maidir leis an táirge ábhartha sin. Beidh an mhoill sin chomh gearr agus is féidir agus ní rachaidh sí thar an tréimhse a leagtar amach in Airteagal 17(3) de Rialachán (AE) 2023/1115. Féadfar síneadh breise a chur leis de rogha an údaráis inniúil.

1.   Chun cosc a chur ar tháirge ábhartha nach gcomhlíonann Rialachán (AE) 2023/1115 a chur ar an margadh nó a chur ar fáil ar an margadh nó a onnmhairiú de bhun Airteagal 17 de Rialachán (AE) 2023/1115, féadfaidh na húdaráis inniúla diúltú do Ráiteas maidir le Dícheall Cuí, ach amháin i gcás ina mbeidh uimhir thagartha Ráitis maidir le Dícheall Cuí ar fáil d’úsáideoir an Chórais Faisnéise cheana féin.

2.   Maidir leis an táirge ábhartha arna dhearbhú i Ráiteas maidir le Dícheall Cuí a diúltaíodh, measfar nach mbeidh sé cumhdaithe ag Ráiteas maidir le Dícheall Cuí mar a cheanglaítear in Airteagal 3, pointe (c) de Rialachán (AE) 2023/1115.

3.   Léireofar an diúltú sa Chóras Faisnéise trí stádas sonrach a shannadh don Ráiteas maidir le Dícheall Cuí lena mbaineann.

1.   Ní bheidh rochtain ach ag úsáideoirí cláraithe an Chórais Faisnéise ar an gCóras Faisnéise.

2.   Is trí EU Login, Seirbhís Fíordheimhniúcháin an Choimisiúin Eorpaigh, a dhéanfar fíordheimhniú leis an gCóras Faisnéise.

3.   Beidh rochtain ag úsáideoirí an Chórais Faisnéise ar an bhfaisnéis sa Chóras Faisnéise a chuir siad isteach, nó ar thug úsáideoir eile de chuid an Chórais Faisnéise rochtain dóibh uirthi trí uimhreacha tagartha agus uimhreacha fíorúcháin na Ráiteas maidir le Dícheall Cuí lena mbaineann.

1.   Beidh rochtain ag an gCoimisiún ar na sonraí, an fhaisnéis agus na doiciméid uile sa Chóras Faisnéise chun tuarascálacha bliantúla a chur ar fáil agus chun an córas a fhorbairt, a fheidhmiú agus a choinneáil ar bun.

2.   Deonóidh an Coimisiún cearta rochtana ar ghníomhaithe an Chórais Faisnéise agus féadfaidh sé iad a chúlghairm i gcás athrú ar inniúlachtaí de bhun Airteagal 14(2) de Rialachán (AE) 2023/1115.

3.   Is trí EU Login, Seirbhís Fíordheimhniúcháin an Choimisiúin Eorpaigh, a dhéanfar fíordheimhniú leis an gCóras Faisnéise.

4.   Cuirfidh gníomhaithe an Chórais Faisnéise modhanna iomchuí i bhfeidhm chun a áirithiú nach gceadófar d’úsáideoirí aonair ar gníomhaithe de chuid an Chórais Faisnéise iad sa Chóras Faisnéise rochtain a fháil ar shonraí pearsanta a phróiseáiltear sa Chóras Faisnéise ach amháin i gcás ina bhfuil fíorghá leis maidir leis an gcur chun feidhme agus maidir leis an bhforfheidhmiú faoi Rialachán (AE) 2023/1115.

5.   Beidh rochtain ag gníomhaithe an Chórais Faisnéise ar an bhfaisnéis ábhartha uile sa Chóras Faisnéise a bhfuil gá léi chun a n-oibleagáidí agus a gcúraimí faoi Rialachán (AE) 2023/1115 a chomhlíonadh.

1.   Ní fhéadfar sonraí pearsanta a tharchur, a stóráil ná a phróiseáil sa Chóras Faisnéise ach amháin de réir mar is gá agus mar is comhréireach agus chun na gcríoch seo a leanas amháin:

2.   Ní fhéadfar sonraí pearsanta a phróiseáil sa Chóras Faisnéise ach amháin i ndáil leis na catagóirí de shonraí pearsanta seo a leanas:

3.   Na catagóirí sonraí pearsanta a liostaítear i mír 2 agus a próiseáladh le haghaidh cur chun feidhme agus forfheidhmiú faoi Rialachán (AE) 2023/1115, déanfaidh an Córas Faisnéise iad a stóráil.

4.   Déanfar na sonraí dá dtagraítear i mír 2 a stóráil trí bhonneagar teicneolaíochta faisnéise atá lonnaithe sa Limistéar Eorpach Eacnamaíoch a úsáid.

5.   Sa Chóras Faisnéise déanfar na sonraí pearsanta atá sna Ráitis maidir le Dícheall Cuí a stóráil ar feadh tréimhse nach faide ná 10 mbliana ón dáta a chuirfear an Ráiteas maidir le Dícheall Cuí isteach sa Chóras Faisnéise. Féadfaidh an Coimisiún síneadh breise a chur leis an tréimhse stórála arna iarraidh sin, ar bhonn aonair, d’úsáideoirí an Chórais Faisnéise nó do ghníomhaithe an Chórais Faisnéise i gcás inar gá chun a bhfreagrachtaí agus a n-oibleagáidí faoi Rialachán (AE) 2023/1115 a chomhlíonadh.

6.   Gan dochar do na gníomhaíochtaí próiseála sonraí a leagtar amach in Airteagal 14, beidh gach gníomhaí de chuid an Chórais Faisnéise ina rialaitheoir ar leithligh de réir bhrí Rialacháin (AE) 2016/679 agus (AE) 2018/1725 i ndáil leis na gníomhaíochtaí próiseála sonraí a dhéanann gníomhaí an Chórais Faisnéise.

7.   Na hÚdaráis Mhaoirseachta náisiúnta agus an Maoirseoir Eorpach ar Chosaint Sonraí, gach ceann acu ag gníomhú dóibh laistigh de raon feidhme a n-inniúlachtaí féin, áiritheoidh siad go ndéanfar maoirseacht chomhordaithe ar an gCóras Faisnéise agus ar úsáid an Chórais Faisnéise ag gníomhaithe agus úsáideoirí an Chórais Faisnéise i gcomhréir le hAirteagal 62 de Rialachán (AE) 2018/1725.

1.   Beidh an Coimisiún ina rialaitheoir de réir bhrí Airteagal 3, pointe (8), de Rialachán (AE) 2018/1725 i ndáil le sonraí pearsanta úsáideoirí an Chórais Faisnéise a phróiseáil, lena n-áirítear sonraí pearsanta a phróiseáil agus úsáideoirí an Chórais Faisnéise á gclárú sa Chóras Faisnéise.

2.   I gcás ina bpróiseálann an Coimisiún sonraí pearsanta in oibriú an Chórais Faisnéise thar ceann gníomhaithe eile de chuid an Chórais Faisnéise chun faisnéis a mhalartú faoi Airteagal 27 de Rialachán (AE) 2023/1115, measfar gur próiseálaí é de réir bhrí Airteagal 3, pointe (12), de Rialachán (AE) 2018/1725.

3.   Beidh an Coimisiún ina phróiseálaí de réir bhrí Airteagal 3, pointe (12), de Rialachán (AE) 2018/1725 maidir le sonraí pearsanta a phróiseáil a dhéantar in imscrúduithe comhpháirteacha de bhun Airteagal 21 de Rialachán (AE) 2023/1115 arna ndéanamh i gcomhthéacs cur chun feidhme agus forfheidhmithe faoi Rialachán (AE) 2023/1115.

1.   Cuirfidh an Coimisiún i bhfeidhm na bearta úrscothacha is gá chun slándáil na sonraí pearsanta arna bpróiseáil sa Chóras Faisnéise a áirithiú, lena n-áirítear rialú iomchuí ar rochtain ar shonraí agus plean slándála a choinneofar cothrom le dáta.

2.   Cuirfidh an Coimisiún na bearta úrscothacha is gá i bhfeidhm i gcás teagmhas slándála, déanfaidh sé gníomhaíocht feabhais, agus áiritheoidh sé go mbeifear in ann a fhíorú cé na sonraí pearsanta a próiseáladh sa Chóras Faisnéise, cén uair a próiseáladh iad, cé a rinne an phróiseáil sin agus cad chuige ar próiseáladh iad.

3.   Cuirfidh an Coimisiún na húdaráis inniúla ar an eolas faoi na bearta maidir le míreanna 1 agus 2 den Airteagal seo.

1.   Déanfaidh gach Ballstát agus an Coimisiún a rialacha féin maidir le rúndacht ghairmiúil nó dualgais choibhéiseacha eile rúndachta a chur i bhfeidhm i ndáil leis an gCóras Faisnéise i gcomhréir leis an dlí náisiúnta nó le dlí an Aontais.

2.   Áiritheoidh gach gníomhaí de chuid an Chórais Faisnéise go gcomhlíonfaidh daoine aonair atá ag obair faoina n-údarás éilimh ó ghníomhaithe eile de chuid an Chórais Faisnéise go gcaithfear go rúnda leis an bhfaisnéis a mhalartaítear sa Chóras Faisnéise.

1.   Cuirfidh an Coimisiún an Córas Faisnéise ar fáil i dteangacha oifigiúla uile an Aontais.

2.   Aon ghníomhaí de chuid an Chórais Faisnéise, i ndáil le feidhmiú aon cheann de na cúraimí a thugtar dó i gcomhréir le Rialachán (AE) 2023/1115, féadfaidh sé aon fhaisnéis, doiciméad, toradh, ráiteas, nó cóip dhílis dheimhnithe a fuair sé sa Chóras Faisnéise a tháirgeadh agus a úsáid, ar an mbonn céanna le faisnéis chomhchosúil arna fáil ina thír féin, chun críocha atá comhoiriúnach leis na críocha sin ar bailíodh na sonraí ina leith ar dtús agus i gcomhréir le dlíthe ábhartha an Aontais agus leis na dlíthe náisiúnta ábhartha.

1.   Is ar an gCoimisiún a thitfidh na costais a thabhófar i dtaca leis an gCóras Faisnéise a chur ar bun, a choinneáil ar bun agus a oibriú.

2.   Is é an Ballstát a íocfaidh na costais a thabhófar a bhaineann leis an gCóras Faisnéise ar leibhéal na mBallstát, lena n-áirítear na hacmhainní daonna is gá le haghaidh gníomhaíochtaí oiliúna, cur chun cinn, cúnaimh theicniúil, chomh maith leis na costais a bhaineann leis an gCóras Faisnéise a úsáid ar an leibhéal náisiúnta agus aon oiriúnú is gá ar líonraí náisiúnta agus ar chórais faisnéise.