(3)

Is éard atá sa táirge atá faoi réir a chláraithe (‘an táirge lena mbaineann’) painéil urláir chóimeáilte, iad ilsrathach, d’adhmad. Ní áirítear leis painéil de bhambú nó painéil a bhfuil ar a laghad an tsraith uachtarach díobh (an tsraith chaithimh) déanta de bhambú, ná painéil le haghaidh urláir mhósáice.

(4)

Aicmítear an táirge lena mbaineann faoi láthair faoi chód AC 4418 75 00 . Is ar mhaithe le faisnéis amháin a thugtar an cód AC gan dochar d’aon athrú a dhéanfaí ar an aicmiú taraife ina dhiaidh seo.

(5)

Faoi Airteagal 14(5) den bhun-Rialachán, féadfar allmhairí an táirge lena mbaineann a chur faoi réir a gcláraithe chun a áirithiú go bhféadfar na dleachtanna sin a ghearradh go cúlghabhálach, má chomhlíontar na coinníollacha is gá, ar na hallmhairí cláraithe i gcomhréir leis na forálacha dlí is infheidhme, i gcás ina mbeadh torthaí ar na himscrúduithe as a dtiocfadh forchur dleachtanna frithdhumpála.

(6)

Chinn an Coimisiún, ar a thionscnamh féin, allmhairí an táirge lena mbaineann a chur faoi réir a gcláraithe faoi Airteagal 14(5) den bhun-Rialachán. Na coinníollacha le haghaidh bhailiú cúlghabhálach na ndleachtanna, más ann dóibh, déanfar measúnú orthu sa Rialachán lena bhforchuirfear dleachtanna cinntitheacha.

(7)

Aon dliteanas a bheadh ann amach anseo, is as torthaí an imscrúdaithe a thiocfadh sé.

(8)

Sa ghearán inar iarradh imscrúdú frithdhumpála a thionscnamh, measadh corrlaigh dhumpála le haghaidh an táirge lena mbaineann a bheith idir 60 % agus 160 % agus measadh meánleibhéal díothaithe díobhála a bheith idir 40 % agus 50 % sa tréimhse ó mhí Dheireadh Fómhair 2022 go mí Mheán Fómhair 2023.

(9)

De ghnáth, dhéanfaí méid an dliteanais a d’fhéadfadh a bheith ann amach anseo a shocrú ar an leibhéal is ísle den dá leibhéal sin de réir Airteagal 7(2) den bhun-Rialachán. Más rud é go dtagann an Coimisiún ar fhianaise le linn an imscrúdaithe gur ann do shaobhadh ar amhábhair de bhun Airteagal 7(2a) den bhun-Rialachán, dhéanfaí an méid dliteanais a d’fhéadfaí a bheith ann amach anseo a shocrú ar leibhéal an chorrlaigh dumpála mar a fhoráiltear in Airteagal 7(2b) den bhun-Rialachán má chinntear nár leor dleacht faoi bhun an chorrlaigh dumpála chun deireadh a chur leis an díobháil a bhain do thionscal an Aontais.

(10)

Aon sonraí pearsanta a bhailítear i gcomhthéacs an chlárúcháin seo, déanfar iad a láimhseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3),