(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Údaraíodh déshulfáit sóidiam ar feadh tréimhse 10 mbliana mar bhreiseán beathaithe le haghaidh gach speicis ainmhíoch sa chatagóir breiseán ‘breiseáin theicneolaíocha’, san fheidhmghrúpa ‘leasaithigh’, agus le haghaidh gach speicis ainmhíoch seachas cait, minceanna, peataí agus ainmhithe eile nach bia-ainmhithe iad sa chatagóir breiseán ‘breiseáin theicneolaíocha’, san fheidhmghrúpa ‘rialtáin aigéadachta’, le Rialachán Cur Chun Feidhme (AE) 2015/1416 ón gCoimisiún (2).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú déshulfáite sóidiam a athnuachan mar bhreiseán beathaithe le haghaidh gach speicis ainmhíoch talún, agus iarradh ann go n-aicmeofaí an breiseán sa chatagóir breiseán ‘breiseáin theicneolaíocha’ agus san fheidhmghrúpa ‘leasaithigh’, agus le haghaidh gach speicis ainmhíoch talún seachas cait, minceanna, peataí agus ainmhithe eile nach bia-ainmhithe iad sa chatagóir breiseán ‘breiseáin theicneolaíocha’ agus san fheidhmghrúpa ‘rialtáin aigéadachta’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin. I gcomhréir le hAirteagail 4(1) agus (7) de Rialachán (CE) Uimh. 1831/2003, d’iarr an t-iarratasóir údarú ar úsáidí nua déshulfáite sóidiam freisin mar bhreiseán beathaithe le haghaidh peataí agus ainmhithe eile nach bia-ainmhithe iad seachas ainmhithe uisceacha, agus d’iarr sé go n-aicmeofaí an tsubstaint sa chatagóir ‘breiseáin theicneolaíocha’, san fheidhmghrúpa ‘rialtáin aigéadachta’, agus sa chatagóir ‘breiseáin chéadfacha’, san fheidhmghrúpa ‘comhdhúile blaistithe’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 1 Feabhra 2024 (3) go bhfuil déshulfáit sóidiam fós sábháilte le haghaidh gach speicis ainmhíoch talún, le haghaidh tomhaltóirí táirgí ó ainmhithe a bheathaítear leis an mbreiseán agus le haghaidh an chomhshaoil faoi choinníollacha reatha an údaraithe agus nach mbainfeadh rioscaí le húsáidí nua an bhreiseáin mar rialtán aigéadachta agus mar bhreiseán céadfach i bpeataí agus ainmhithe eile nach bia-ainmhithe iad seachas ainmhithe uisceacha, ar rioscaí iad nár cuireadh san áireamh iad sa mheasúnú roimhe seo agus, dá bhrí sin, bheadh feidhm leis na conclúidí céanna maidir le gach speiceas ainmhíoch talún, maidir le tomhaltóirí táirgí ó ainmhithe a bheathaítear leis an mbreiseán agus maidir leis an gcomhshaol. Ina theannta sin tháinig an tÚdarás ar an gconclúid go bhfuil déshulfáit sóidiam ina greannaitheoir craicinn, súl agus conaire riospráide, agus gur cheart a mheas gur íogróir craicinn agus riospráide í. Chuir sé in iúl freisin nach gá measúnú a dhéanamh ar éifeachtúlacht an bhreiseáin i gcomhthéacs athnuachan an údaraithe toisc nach n-áirítear san iarratas moladh maidir le coinníollacha an údaraithe bunaidh a leasú nó a fhorlíonadh, ar moladh é a mbeadh tionchar aige ar éifeachtúlacht an bhreiseáin. Dúirt an tÚdarás freisin go meastar gur bailí iad na sonraí éifeachtúlachta a ndearnadh measúnú orthu sa tuairim uaidh an 13 Deireadh Fómhair 2011 (4) maidir le déshulfáit sóidiam agus gur féidir leis na sonraí sin úsáid nua an bhreiseáin mar rialtán aigéadachta agus mar bhreiseán céadfach (comhdhúil bhlaistithe) i mbeatha ainmhithe le haghaidh peataí agus ainmhithe nach bia-ainmhithe iad seachas ainmhithe uisceacha a chumhdach. Dá bhrí sin, meastar go bhféadfadh déshulfáit sóidiam a bheith éifeachtúil i mbeatha ainmhithe le haghaidh na speiceas agus na gcatagóirí sin.

(5)

Maidir leis na conclúidí agus na moltaí ar thángthas orthu le linn an mheasúnaithe a rinneadh i ndáil leis an modh a úsáidtear chun anailís a dhéanamh ar dhéshulfáit sóidiam mar bhreiseán beathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis na feidhmeanna reatha. Dá bhrí sin, i gcomhréir le hAirteagal 5(4), pointí (a) agus (c) de Rialachán (CE) Uimh. 378/2005 ón gCoimisiún (5), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann déshulfáit sóidiam na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, maidir le húdarú an bhreiseáin sin lena úsáid i mbeatha ainmhithe le haghaidh gach speicis ainmhíoch seachas ainmhithe uisceacha sa chatagóir ‘breiseáin theicneolaíocha’, san fheidhmghrúpa ‘leasaithigh’, agus le haghaidh gach speicis ainmhíoch talún seachas cait, minceanna, peataí agus ainmhithe eile nach bia-ainmhithe iad sa chatagóir breiseáin ‘breiseáin theicneolaíocha’, san fheidhmghrúpa ‘rialtáin aigéadachta’, ba cheart an t-údarú sin a athnuachan, agus ba cheart an úsáid nua sa chatagóir breiseán ‘breiseáin theicneolaíocha’, san fheidhmghrúpa ‘rialtáin aigéadachta’, agus sa chatagóir ‘breiseáin chéadfacha’, san fheidhmghrúpa ‘comhdhúile blaistithe’ le haghaidh gach peata agus ainmhithe nach bia-ainmhithe iad seachas ainmhithe uisceacha, a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,