(a)

‘100 % Athchúrsáilte’ i gcás gáis ceaptha teasa fhluairínithe athchúrsáilte a liostaítear in Iarscríbhinní I agus II a ghabhann le Rialachán (AE) 2024/573 nach bhfuil aon substaint íon iontu;

(b)

‘100 % Athshlánaithe’ i gcás gáis ceaptha teasa fhluairínithe athshlánaithe a liostaítear in Iarscríbhinní I agus II a ghabhann le Rialachán (AE) 2024/573 nach bhfuil aon substaint íon iontu, nó, i gcás meascán, chun comhdhéanamh an mheascáin a choigeartú, nach gcuirfear substaintí íona leis a sháróidh méid is mó ná 10 % de mhais an mheascáin;

(c)

‘Le scriosadh amháin’: i gcás gáis ceaptha teasa fhluairínithe a liostaítear in Iarscríbhinn I a ghabhann le Rialachán (AE) 2024/573 agus a chuirtear ar an margadh, a chuirtear ar fáil nó a sholáthraítear lena scriosadh;

(d)

‘Le haghaidh onnmhairiú díreach amach as an Aontas amháin’: i gcás gáis ceaptha teasa fhluairínithe a liostaítear in Iarscríbhinn I a ghabhann le Rialachán (AE) 2024/573 agus a sholáthraíonn táirgeoir nó allmhaireoir do ghnóthas le haghaidh onnmhairiú díreach i mbulc amach as an Aontas;

(e)

‘Le húsáid i dtrealamh míleata amháin’: i gcás gáis ceaptha teasa fhluairínithe a liostaítear in Iarscríbhinn I a ghabhann le Rialachán (AE) 2024/573 agus a chuirtear ar an margadh, a chuirtear ar fáil nó a sholáthraítear lena n-úsáid i dtrealamh míleata;

(f)

‘Maidir le heitseáil/glanadh i dtionscal na leathsheoltóirí amháin’: i gcás gáis ceaptha teasa fhluairínithe a liostaítear in Iarscríbhinní I agus II a ghabhann le Rialachán (AE) 2024/573 agus a chuirtear ar an margadh, a chuirtear ar fáil nó a sholáthraítear chun críoch eitseála agus glanta i dtionscal na leathsheoltóirí;

(g)

‘Le húsáid mar bhunábhar amháin’: i gcás gáis ceaptha teasa fhluairínithe a liostaítear in Iarscríbhinn I a ghabhann le Rialachán (AE) 2024/573 agus a chuirtear ar an margadh, a chuirtear ar fáil nó a sholáthraítear lena n-úsáid mar bhunábhar;

(h)

‘Le haghaidh táirgeadh MDI amháin’: i gcás gáis ceaptha teasa fhluairínithe a liostaítear i Roinn 1 d’Iarscríbhinn I a ghabhann le Rialachán (AE) 2024/573 agus a chuirtear ar an margadh, a chuirtear ar fáil nó a sholáthraítear le MDI a mhonarú.

I gcás ina bhfuil gáis ceaptha teasa fhluairínithe dá dtagraítear sa chéad fhomhír, pointí (c) go (g), agus a liostaítear i Roinn 1 d’Iarscríbhinn I a ghabhann le Rialachán (AE) 2024/573 sna coimeádáin, déanfar an téacs atá le léiriú ar na lipéid dá bhforáiltear sna pointí sin a chomhlánú leis an ráiteas seo a leanas: ‘Díolmhaithe ó chuóta faoi Rialachán (AE) 2024/573 ó Pharlaimint na hEorpa agus ón gComhairle’.

(a)

i gcás an trealaimh dá dtagraítear i bpointí 2(b), 4, 5(c), 7(b), (c) agus (d), 8(b) go (e), 9(b) go (f) agus 11(c) d’Iarscríbhinn IV a ghabhann le Rialachán (AE) 2024/573: ‘Toirmisctear oibriú, mura gceanglaítear é le ceanglais sábháilteachta nach mór a chur i bhfeidhm ag an láithreán oibríochta’, arna chomhlánú le tagairt don cheanglas sábháilteachta is infheidhme a d’fhágfadh gur gá é a úsáid, nó, i gcás nach bhfuil sé indéanta an ceanglas sábháilteachta maidir leis an láithreán sonrach oibríochta a shonrú sula gcuirfear ar an margadh é, spás a sholáthar ar an lipéad chun go gcuirfidh an soláthróir nó, i gcás inarb infheidhme, suiteálaí nó oibreoir an trealaimh an tsonraíocht seo isteach sula gcuirfear an trealamh i mbun oibríochta;

(b)

i gcás na gcúr dá dtagraítear i bpointí 16 agus 17(a) agus (b) d’Iarscríbhinn IV a ghabhann le Rialachán (AE) 2024/573: ‘Toirmisctear iad a úsáid mura gceanglaítear sin le caighdeán sábháilteachta náisiúnta nó le caighdeáin sábháilteachta náisiúnta’, ina sonraítear an caighdeán sábháilteachta náisiúnta nó na caighdeáin sábháilteachta náisiúnta, ina gcuirfear tuairisc ghearr ar na coinníollacha a d’fhágfadh go mbeadh gá lena n-úsáid;

(c)

i gcás na gcúr dá dtagraítear i bpointe 17(c) d’Iarscríbhinn IV a ghabhann le Rialachán (AE) 2024/573: ‘Toirmisctear iad a úsáid mura gceanglaítear sin le ceanglas sábháilteachta nó le ceanglais sábháilteachta’, ina sonraítear an ceanglas sábháilteachta náisiúnta nó na ceanglais sábháilteachta, ina gcuirfear tuairisc ghearr ar na coinníollacha a d’fhágfadh go mbeadh gá lena n-úsáid;

(d)

i gcás na n-aerasól teicniúil dá dtagraítear i bpointe 19(a) d’Iarscríbhinn IV a ghabhann le Rialachán (AE) 2024/573: ‘Toirmisctear iad a úsáid mura gceanglaítear sin le caighdeáin sábháilteachta náisiúnta’, ina sonraítear an caighdeán sábháilteachta náisiúnta nó na caighdeáin sábháilteachta náisiúnta, ina gcuirfear tuairisc ghearr ar na coinníollacha a d’fhágfadh go mbeadh gá lena n-úsáid; nó, nuair a úsáidtear le haghaidh feidhmeanna leighis iad: ‘Le haghaidh úsáid leighis amháin’;

(e)

i gcás na n-aerasól theicniúil dá dtagraítear i bpointe 19(b) d’Iarscríbhinn IV a ghabhann le Rialachán (AE) 2024/573: ‘Toirmisctear iad a úsáid mura gceanglaítear sin le ceanglas sábháilteachta nó le ceanglais sábháilteachta’, ina sonraítear an ceanglas sábháilteachta náisiúnta nó na ceanglais sábháilteachta, ina gcuirfear tuairisc ghearr ar na coinníollacha a d’fhágfadh go mbeadh gá lena n-úsáid; nó, nuair a úsáidtear le haghaidh feidhmeanna leighis iad: ‘Le haghaidh úsáid leighis amháin’;

(f)

i gcás an trealaimh a úsáidtear chun an craiceann a fhuarú, an craiceann dá dtagraítear i bpointe 21 d’Iarscríbhinn IV a ghabhann le Rialachán (AE) 2024/573: ‘Le haghaidh úsáid leighis amháin’.