Tuairisc ar na hearraí

Aicmiú (Cód AC)

Cúiseanna

(1)

(2)

(3)

Earra (ar a dtugtar scoilteoir optúil éighníomhach) i bhfoirm bosca phlaistigh ag a bhfuil toisí thart ar 377 × 176 × 40 mm, lena ngabhann port ionchurtha amháin agus 32 phort aschurtha. Tá cáblaí snáthoptaice agus nascóirí de chineál SC/APC istigh ann, agus i gcásáil amháin tá tonntreoraí optúil ina bhfuil ‘slis scoilteora’ agus cumhdach atá déanta as ábhar lena ngabhann comhéifeacht athraonta íseal.

Tá an t-earra deartha lena úsáid i líonra optúil éighníomhach chun na comharthaí optúla a aistrítear tríd an earra le cáblaí optúla a scoilteadh. Is gné optúil éighníomhach é an t-earra a oibríonn gan aon chóras leictreach nó leictreonach agus a scoilteann an comhartha optúil ionchuir ina 32 chomhartha aschuir comhionann.

Tá prionsabal feidhmithe an earra bunaithe ar an difríocht sa chomhéifeacht athraonta idir an ciseal lárnach agus an ciseal cumhdaigh, a fhreagraíonn don teicneolaíocht Ciorcaid Tonnta Solais Phlánaigh.

(Féach na híomhánna) (*1)

9013 80 40

Is le rialacha ginearálta 1 agus 6 maidir le léirmhíniú na hAinmníochta Comhcheangailte, le Nóta 1(m) a ghabhann le Roinn XVI agus le foclaíocht na gcód AC 9013 , 9013 80 agus 9013 80 40 a chinntear an t-aicmiú.

Eisiatar an t-earra a aicmiú i gceannteideal 8517 mar ghaireas eile chun guth, íomhánna nó sonraí eile a tharchur nó a fháil, lena n-áirítear gaireas le haghaidh cumarsáid i líonra le sreang nó gan sreang, toisc go bhfuil an t-earra deartha chun na comharthaí optúla a aistrítear tríd an earra le cáblaí snáthoptaice a scoilteadh, agus chuige sin amháin. Ní dhéantar modhnú ná tarchur, ná fáil ná tiontú de réir bhrí cheannteideal 8517 .

Ós rud é go bhfuil tonntreoraí san earra, rud nach gceadaítear a bheith ann faoi raon feidhme cheannteideal 8544 , eisiatar freisin é aicmiú mar cháblaí snáthoptaice, atá déanta de shnáithíní i dtruaillí ar leith, bídís cóimeáilte le seoltóirí leictreacha nó feistithe le nascóirí nó ná bíodh (féach freisin Nótaí Míniúcháin an Chórais Chomhchuibhithe (NMCC) a ghabhann le ceannteideal 8544 , an 8ú mír).

Dá bhrí sin, meastar gur gaireas optúil é an t-earra faoi raon feidhme Chaibidil 90.

Dá bhrí sin, tá an t-earra le haicmiú faoi chód AC 9013 80 40 mar scoilteoirí optúla éighníomhacha, nach bhfuil aon eilimint leictreach ná leictreonach iontu, le haghaidh na teileachumarsáide.