1.   Gach bliain, déanfaidh an Príomh-Fhormhaoirseoir agus na hÚdaráis Maoirseachta Eorpacha eile meastachán ar na costais bhliantúla fhoriomlána a mheastar a thabhófar chun a ndualgais formhaoirseachta a chomhlíonadh. Is ar bhonn mhéid na gcostas bliantúil foriomlán measta a chinnfear méid foriomlán na dtáillí formhaoirseachta a ghearrfar.

2.   Agus meastachán á dhéanamh ag an bPríomh-Fhormhaoirseoir ar na costais bhliantúla fhoriomlána, déanfaidh sé na costais dhíreacha agus indíreacha seo a leanas a chur san áireamh:

1.   Chun críocha Airteagal 3, is éard a bheidh i láimhdeachas soláthraí seirbhíse TFC tríú páirtí chriticiúil a ioncam a ghintear san Aontas ó sholáthar na seirbhísí TFC a liostaítear sna caighdeáin theicniúla cur chun feidhme arna nglacadh de bhun Airteagal 28(9) de Rialachán (AE) 2022/2554 agus a sholáthraítear do na heintitis airgeadais a liostaítear in Airteagal 2(1) de Rialachán (AE) 2022/2554.

2.   Soláthróidh soláthraithe seirbhíse TFC tríú páirtí criticiúla figiúirí iniúchta don Phríomh-Fhormhaoirseoir, ar bhonn bliantúil i mbliain n-1, lena sonrófar an láimhdeachas dá dtagraítear i mír 1 do bhliain n-2. Soláthróidh soláthraithe seirbhíse TFC tríú páirtí criticiúla na figiúirí sin don Phríomh-Fhormhaoirseoir faoin 31 Nollaig gach bliain.

3.   I gcás nach soláthraíonn an soláthraí seirbhíse TFC tríú páirtí criticiúil figiúirí iniúchta don Phríomh-Fhormhaoirseoir faoin dáta dá dtagraítear i mír 2, ar figiúirí iad atá teoranta d’ioncam a ghintear ó sholáthar seirbhísí d’eintitis airgeadais a liostaítear in Airteagal 2(1) de Rialachán (AE) 2022/2554, nó a bhfuil an t-ioncam sin iontu san iomlán, breithneoidh an Príomh-Fhormhaoirseoir an láimhdeachas a ghintear san Aontas ó sholáthar na seirbhísí TFC a liostaítear sna caighdeáin theicniúla cur chun feidhme arna nglacadh de bhun Airteagal 28(9) de Rialachán (AE) 2022/2554 gan beann ar chineál cliant an tsoláthraí seirbhíse TFC tríú páirtí chriticiúil.

I gcás nach soláthraíonn an soláthraí seirbhíse TFC tríú páirtí criticiúil figiúirí iniúchta don Phríomh-Fhormhaoirseoir faoin dáta dá dtagraítear i mír 2, ar figiúirí iad atá teoranta d’ioncam a ghintear san Aontas ó sholáthar seirbhísí TFC dá dtagraítear sna caighdeáin theicniúla cur chun feidhme arna nglacadh de bhun Airteagal 28(9) de Rialachán (AE) 2022/2554, nó a bhfuil an t-ioncam sin iontu san iomlán, breithneoidh an Príomh-Fhormhaoirseoir an láimhdeachas domhanda a ghintear ó sholáthar na seirbhísí TFC sin.

I gcás nach soláthraíonn an soláthraí seirbhíse TFC tríú páirtí criticiúil figiúirí iniúchta don Phríomh-Fhormhaoirseoir faoin dáta dá dtagraítear i mír 2, ar figiúirí iad atá teoranta d’ioncam a ghintear ó sholáthar seirbhísí TFC d’eintitis airgeadais a liostaítear in Airteagal 2(1) de Rialachán (AE) 2022/2554, agus nach soláthraíonn sé figiúirí iniúchta don Phríomh-Fhormhaoirseoir faoin dáta dá dtagraítear i mír 2 atá teoranta d’ioncam a ghintear san Aontas, breithneoidh an Príomh-Fhormhaoirseoir an láimhdeachas domhanda gan beann ar chineál cliant an tsoláthraí seirbhíse TFC tríú páirtí chriticiúil.

4.   I gcás ina dtuairiscíonn soláthraithe seirbhíse TFC tríú páirtí criticiúla an t-ioncam in airgeadra seachas an euro, déanfaidh an Príomh-Fhormhaoirseoir an t-ioncam sin a chomhshó go euro trí úsáid a bhaint as an meánráta malairte eachtraí euro is infheidhme maidir leis an tréimhse inar taifeadadh an t-ioncam, mar a d’fhoilsigh an Banc Ceannais Eorpach.

1.   Maidir le gach seirbhís TFC tríú páirtí chriticiúil, is éard a bheidh sa táille formhaoirseachta bhliantúil do bhliain ar leith (n) na costais bhliantúla fhoriomlána arna meas dá dtagraítear in Airteagal 1 arna gcoigeartú leis an gcomhéifeacht láimhdeachais dá dtagraítear i mír 2 bunaithe ar a láimhdeachas is infheidhme do bhliain n-2.

2.   I gcás gach soláthraí seirbhíse TFC tríú páirtí chriticiúil, beidh an chomhéifeacht láimhdeachais bunaithe ar an láimhdeachas is infheidhme dá dtagraítear in Airteagal 2 agus déanfar í a ríomh mar a leanas:

3.   Ní íocfaidh an soláthraí seirbhíse TFC tríú páirtí criticiúil táille formhaoirseachta bhliantúil atá níos lú ná EUR 50 000 i gcás ar bith.

1.   De mhaolú ar Airteagal 3, maidir leis an gcéad liosta foilsithe de sholáthraithe seirbhíse TFC tríú pháirtí criticiúla de réir Airteagal 31(9) de Rialachán (AE) 2022/2554, déanfar na táillí formhaoirseachta a roinnt go cothrom idir na soláthraithe seirbhíse TFC tríú páirtí criticiúla ainmnithe. Déanfar an táille a bheidh le gearradh ar gach soláthraí seirbhíse TFC tríú páirtí criticiúil a ríomh trí caiteachas foriomlán measta na bPríomh-Phríomh-Fhormhaoirseoirí a roinnt ar líon na soláthraithe seirbhíse TFC tríú pháirtí criticiúla ainmnithe.

2.   De mhaolú ar Airteagal 3 agus mír 1 thuas, le haghaidh na chéad bhliana ina n-ainmnítear soláthraí seirbhíse TFC tríú páirtí mar sholáthraí criticiúil, íocfaidh sé táille sheasta formhaoirseachta atá comhionann leis an méid arna íoc ag gach soláthraí seirbhíse TFC tríú páirtí faoi mhír 1. I gcás nach gcomhfhreagraíonn tréimhse ghníomhaíochtaí formhaoirseachta an tsoláthraí seirbhíse TFC tríú páirtí chriticiúil sin do bhliain iomlán, beidh an táille formhaoirseachta sin cothrom leis an méid arna íoc ag gach soláthraithe seirbhíse tríú páirtí faoi mhír 1, arna iolrú faoi líon na laethanta féilire ó ainmniú an tsoláthraí seirbhíse TFC tríú páirtí mar sholáthraí criticiúil go dtí deireadh na bliana sin agus roinnfear í ar an líon iomlán laethanta sa bhliain sin.

3.   I gcás ina n-iarrann soláthraí seirbhíse TFC tríú páirtí go n-ainmneofaí é mar sholáthraí criticiúil i gcomhréir le hAirteagal 31(11) de Rialachán (AE) 2022/2554, íocfaidh sé táille sheasta EUR 50 000 um rogha a bheith páirteach. Ní dhéanfaidh an ÚME faighteach an táille sheasta sin um rogha a bheith páirteach a aisíoc i gcás ina ndiúltófar don iarraidh é a ainmniú mar sholáthraí criticiúil nó i gcás ina ndéanfaidh an soláthraí seirbhíse TFC tríú páirtí an iarraidh a aistarraingt.

1.   Íocfaidh soláthraithe seirbhíse TFC tríú páirtí criticiúla na táillí formhaoirseachta dá dtagraítear in Airteagal 43 de Rialachán (AE) 2022/2554 leis an bPríomh-Fhormhaoirseoir ar bhonn bliantúil.

2.   Déanfar gach táille formhaoirseachta a shonrascadh agus a íoc in euro. Socrófar téarmaí íocaíochta 30 lá ar a laghad le nótaí dochair le haghaidh táillí formhaoirseachta.

3.   Íocfar gach táille formhaoirseachta ar bhonn aon tráthchoda amháin. Soláthraithe seirbhíse TFC tríú páirtí criticiúla a bheidh faoi réir gníomhaíochtaí formhaoirseachta an 1 Eanáir de bhliain áirithe, déanfaidh siad an nóta dochair a íoc faoin 30 Aibreán den bhliain sin. Soláthraithe seirbhíse TFC tríú páirtí criticiúla a ainmnítear i rith na bliana, déanfaidh siad na táillí dá dtagraítear in Airteagal 4 a íoc in aon tráthchuid amháin faoin 31 Nollaig den bhliain sin.

4.   Le haon íocaíocht dhéanach, tabhófar an t-ús mainneachtana a leagtar síos in Airteagal 99 de Rialachán (AE, Euratom) 2018/1046.