1.   Toirmeascfar an méid seo a leanas a dhéanamh:

2.   Ní bheidh feidhm ag mír 1 maidir le trealamh cosanta arna n-onnmhairiú go sealadach chuig an Rúis ag pearsanra na Náisiún Aontaithe, pearsanra an Aontais nó a Bhallstáit, ionadaithe na meán, agus oibrithe daonnúla agus forbartha agus pearsanra gaolmhar dá n-úsáid phearsanta amháin.

3.   De mhaolú ar mhír 1, féadfaidh na húdaráis inniúla, faoi cibé coinníoll a mheasann siad a bheith iomchuí, trealamh a dhíol, a sholáthar, a aistriú nó a onnmhairiú, ar trealamh é a d’fhéadfaí a úsáid le haghaidh cos ar bolg inmheánach mar a liostaítear in Iarscríbhinn I, agus údarú a thabhairt maidir le maoiniú agus cúnamh airgeadais agus teicniúil gaolmhar, i dtaca le trealamh atá beartaithe le haghaidh úsáid dhaonnúil nó chosantach amháin nó le haghaidh cláir forbartha institiúidí de chuid na Náisiún Aontaithe nó an Aontais, le haghaidh oibríochtaí bainistithe géarchéime de chuid na Náisiún Aontaithe agus an Aontais nó de chuid eagraíochtaí réigiúnacha agus foréigiúnacha, agus le haghaidh na n-úsáidí sin amháin.

4.   Ní fhéadfar na húdaruithe dá dtagraítear i mír 3 a dheonú ach amháin roimh an ngníomhaíocht ar di a iarrtar iad. Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin Airteagal seo, laistigh de 4 seachtaine ón údarú.

5.   De mhaolú ar mhír 1, féadfaidh na húdaráis inniúla,díol, soláthar, aistriú, onnmhairiú nó soláthar an chúnaimh nó na seirbhísí dá dtagraítear iontu a údarú, tar éis dóibh a chinneadh gur gá sin chun na gcríoch seo a leanas:

1.   Cuirfear toirmeasc ar threalamh, teicneolaíocht nó bogearraí a liostaítear in Iarscríbhinn II, bíodh siad de thionscnamh an Aontais nó ná bíodh, a dhíol, go díreach nó go hindíreach, le haon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis, nó iad a sholáthar dóibh, a aistriú chucu nó a onnmhairiú, go díreach nó go hindíreach, mura mbeidh réamhúdarú tugtha ag údarás inniúil an Bhallstáit ábhartha.

2.   Ní dheonóidh na húdaráis inniúla, aon údarú faoi mhír 1 má tá forais réasúnacha acu lena chinneadh go n-úsáidfeadh rialtas, comhlachtaí poiblí, corparáidí nó gníomhaireachtaí na Rúise, nó aon duine nó eintiteas ag gníomhú thar a gceann nó faoina stiúir, an trealamh, an teicneolaíocht nó na bogearraí atá i gceist le haghaidh cos ar bolg inmheánach.

3.   Áireofar in Iarscríbhinn II trealamh, teicneolaíocht nó bogearraí slandála faisnéise agus teileachumarsáide a bhféadfaí mí-úsáid a bhaint astu le haghaidh brú faoi chois inmheánach.

4.   Féadfaidh údaráis inniúla na mBallstát díol, soláthar, aistriú, onnmhairiú nó soláthar na seirbhísí dá dtagraítear iontu a údarú, faoi cibé coinníollacha a mheasfaidh siad a bheith iomchuí, tar éis dóibh a chinneadh gur gá sin chun na gcríoch seo a leanas:

5.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin Airteagal seo, laistigh de 4 seachtaine ón údarú.

6.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dhiúltú faoin Airteagal seo laistigh de 4 seachtaine ón diúltú sin.

7.   Ní dochar an t-airteagal seo d’Airteagal 2a de Rialachán (AE) Uimh. 833/2014 ón gComhairle.

1.   Murar thug údarás inniúil an Bhallstáit ábhartha, réamhúdarú i gcomhréir le hAirteagal 3(1), toirmiscfear an méid seo a leanas:

2.   Chun críocha phointe (a) de mhír 1, áirítear sa toirmeasc ar chothabháil agus ar dheisiú an trealaimh ábhartha toirmeasc ar chothabháil, nuashonrú agus deisiú aon bhogearraí leabaithe atá ina gcuid den trealamh.

3.   Chun críocha phointe (c) de mhír 1, ciallaíonn ‘seirbhísí faireacháin nó idircheaptha teileachumarsáide nó idirlín’ na seirbhísí sin a sholáthraíonn, go háirithe agus úsáid á baint as trealamh, teicneolaíocht nó bogearraí mar a liostaítear in Iarscríbhinn II , rochtain ar theileachumarsáid isteach agus amach agus sonraí a bhaineann le glaonna, agus seachadadh na teileachumarsáide agus na sonraí sin, chun iad a asbhaint, a dhíchódú, a thaifeadadh, a phróiseáil, a anailísiú nó a stóráil, nó aon ghníomhaíocht ghaolmhar eile.

1.   Beidh feidhm ag na toirmisc in Airteagail 2(1) agus 3(1) i ndáil le trealamh, teicneolaíocht nó bogearraí nach liostaítear in Iarscríbhinní I agus II a bhfuil sé beartaithe iad a úsáid, go hiomlán nó go páirteach, i dtaca le brú faoi chois inmheánach sa Rúis. I gcás ina bhfaighidh an t-oibreoir amach faoi seo, tabharfaidh sé fógra do na húdaráis inniúla láithreach.

2.   Ní bheidh feidhm ag na toirmisc in Airteagail 2(1) ná 3(1) i gcás nach raibh aon chúis ag an oibreoir a bheith in amhras go bhfuil sé beartaithe an trealamh, teicneolaíocht nó bogearraí nach liostaítear in Iarscríbhinní I agus II a úsáid, go hiomlán nó go páirteach, i dtaca le brú faoi chois inmheánach sa Rúis.

1.   Maidir leis na cistí agus na hacmhainní eacnamaíocha uile ar le duine nádúrtha nó dlítheanach, eintiteas nó comhlacht a liostaítear in Iarscríbhinn IV iad nó atá faoi úinéireacht, atá á sealbhú nó á rialú acu, déanfar iad a reo.

2.   Ní chuirfear aon chiste ná acmhainn eacnamaíoch ar fáil, go díreach nó go hindíreach, do dhaoine nádúrtha nó dlítheanacha, d’eintitis ná do chomhlachtaí a liostaítear in Iarscríbhinn IV, ná ní chuirfear aon chiste ná acmhainn eacnamaíoch ar fáil, go díreach nó go hindíreach, chun sochair dóibh.

3.   Áireofar in Iarscríbhinn IV daoine nádúrtha nó dlítheanacha, eintitis nó comhlachtaí:

1.   De mhaolú ar Airteagal 6(1) agus (2), féadfaidh na húdaráis inniúla údarú a thabhairt cistí nó acmhainní eacnamaíocha reoite áirithe a scaoileadh, nó cistí nó acmhainní eacnamaíocha áirithe a chur ar fáil, faoi choinníollacha a mheasann siad a bheith iomchuí, tar éis dóibh a chinneadh gur fíor an méid seo a leanas maidir leis na cistí nó na hacmhainní eacnamaíocha lena mbaineann:

2.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoi mhír 1 laistigh de 2 sheachtain ón údarú.

1.   De mhaolú ar Airteagal 6(1) agus (2), féadfaidh na húdaráis inniúla údarú a thabhairt cistí nó acmhainní eacnamaíocha reoite áirithe a scaoileadh, nó cistí nó acmhainní eacnamaíocha áirithe a chur ar fáil, faoi choinníollacha a mheasann siad a bheith iomchuí, tar éis dóibh a chinneadh gur gá na cistí nó acmhainní eacnamaíocha sin a sholáthar chun a áirithiú go seachadfar cúnamh daonnúil go tráthúil nó chun tacú le gníomhaíochtaí eile a thacaíonn le riachtanais bhunúsacha an duine.

2.   Mura ndéanfaidh an t-údarás inniúil ábhartha cinneadh diúltach, iarraidh ar fhaisnéis nó fógra faoi am breise laistigh de 5 lá oibre ón dáta a fhaightear iarraidh ar údarú faoi mhír 1, measfar gur deonaíodh an t-údarú sin.

3.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin Airteagal seo laistigh de 4 seachtaine ón údarú.

1.   De mhaolú ar Airteagal 6(1), féadfaidh na húdaráis inniúla údarú a thabhairt cistí nó acmhainní eacnamaíocha reoite áirithe a scaoileadh, ar choinníoll go gcomhlíontar na coinníollacha seo a leanas:

2.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoi mhír 1 laistigh de 2 sheachtain ón údarú.

1.   De mhaolú ar Airteagal 6(1), agus ar choinníoll gur íocaíocht ag duine nádúrtha nó dlítheanach, eintiteas nó comhlacht a liostaítear in Iarscríbhinn IV í atá dlite faoi chonradh nó faoi chomhaontú a thug an duine nádúrtha nó dlítheanach, an t-eintiteas nó an comhlacht lena mbaineann i gcrích, nó faoi oibleagáid a tháinig chun cinn dóibh, roimh an dáta a rinneadh an duine nádúrtha nó dlítheanach, an t-eintiteas nó an comhlacht sin a áireamh in Iarscríbhinn IV, féadfaidh na húdaráis inniúla údarú a thabhairt, faoi na coinníollacha a mheasann siad a bheith iomchuí, cistí nó acmhainní eacnamaíocha reoite áirithe a scaoileadh, ar choinníoll gur chinn an t-údarás inniúil mar a leanas:

2.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoi mhír 1 laistigh de 2 sheachtain ón údarú.

1.   Le hAirteagal 6(2), ní chuirfear cosc ar chreidiúnú cuntas reoite ag institiúidí airgeadais nó creidmheasa a fhaigheann cistí arna n-aistriú ag tríú páirtithe ar chuntas duine nádúrtha nó dhlítheanaigh, eintitis nó comhlachta liostaithe, ar choinníoll go reofar aon bhreis a chuirfear leis na cuntais sin freisin. Cuirfidh an institiúid airgeadais nó creidmheasa an t-údarás inniúil ábhartha ar an eolas faoi aon idirbheart den sórt sin gan mhoill.

2.   Ní bheidh feidhm ag Airteagal 6(2) maidir leis an méid seo a leanas a chur le cuntais reoite:

ar choinníoll go ndéantar aon ús den sórt sin, tuillimh eile agus íocaíochtaí eile a reo i gcomhréir le hAirteagal 6(1).

1.   Déanfaidh daoine nádúrtha agus dlítheanacha, eintitis agus comhlachtaí an méid seo a leanas:

2.   Beidh feidhm ag mír 1 faoi réir rialacha náisiúnta nó rialacha eile is infheidhme maidir le rúndacht faisnéise atá i seilbh údarás breithiúnach, agus atá comhsheasmhach le hurramú rúndacht na cumarsáide idir dlíodóirí agus a gcliaint a ráthaítear le hAirteagal 7 den Chairt um Chearta Bunúsacha an Aontais Eorpaigh. Chun na críche sin, áirítear ar an gcumarsáid sin cumarsáid a bhaineann le comhairle dlí arna soláthar ag gairmithe deimhnithe eile atá údaraithe faoin dlí náisiúnta ionadaíocht a dhéanamh ar a gcliaint in imeachtaí breithiúnacha, a mhéid a thugtar an chomhairle dlí sin i ndáil le himeachtaí breithiúnacha atá ar feitheamh nó le himeachtaí breithiúnacha ionchasacha.

3.   Aon fhaisnéis bhreise a fhaigheann an Coimisiún go díreach, cuirfear ar fáil do na Ballstáit í.

4.   Aon fhaisnéis a sholáthraítear nó a fhaightear i gcomhréir leis an Airteagal seo, ní úsáidfear í ach chun na gcríoch dár soláthraíodh nó dá bhfuarthas í.

5.   Maidir leis na húdaráis inniúla, lena n-áirítear údaráis forfheidhmiúcháin, údaráis chustaim de réir bhrí Rialachán (AE) Uimh. 952/2013 ó Pharlaimint na hEorpa agus ón gComhairle (5), údaráis inniúla de réir bhrí Rialachán (AE) Uimh. 575/2013 ó Pharlaimint na hEorpa agus ón gComhairle (6), Threoir (AE) 2015/849 ó Pharlaimint na hEorpa agus ón gComhairle (7) agus Treoir 2014/65/AE ó Pharlaimint na hEorpa agus ón gComhairle (8), chomh maith le riarthóirí na gclár oifigiúil ina bhfuil daoine nádúrtha, daoine dlítheanacha, eintitis agus comhlachtaí chomh maith le réadmhaoin nó maoin inchorraithe cláraithe, déanfaidh siad faisnéis, lena n-áirítear sonraí pearsanta agus, más gá, an fhaisnéis dá dtagraítear i mír 1 den Airteagal seo, a phróiseáil agus a mhalartú gan mhoill le húdaráis inniúla eile ina mBallstát, le Ballstáit eile agus leis an gCoimisiún, má tá gá leis an bpróiseáil agus an malartú sin chun cúraimí an údaráis próiseála nó an údaráis is faighteoir faoin Rialachán seo a chur i gcrích, go háirithe nuair a bhraitear cásanna ina ndéantar sárú nó imchéimniú ar na toirmisc a leagtar amach sa Rialachán seo, nó ina ndéantar iarracht ar na toirmisc sin a shárú nó a imchéimniú.

1.   Toirmeascfar páirt a ghlacadh, go feasach agus d’aon ghnó, i ngníomhaíochtaí arb é is cuspóir nó éifeacht dóibh dul timpeall ar na bearta dá dtagraítear sa Rialachán seo.

2.   Daoine nádúrtha nó dlítheanacha, eintitis nó comhlachtaí a liostaítear in Iarscríbhinn IV, déanfaidh siad an méid seo a leanas:

3.   I gcás nach gcomhlíonfar mír 2 den Airteagal seo, measfar gur rannpháirtíocht a bheidh ann, dá dtagraítear i mír 1 den Airteagal seo, i ngníomhaíochtaí arb é is cuspóir nó éifeacht dóibh dul timpeall ar na bearta sin dá dtagraítear in Airteagal 6.

4.   Cuirfidh an Ballstát lena mbaineann an Coimisiún ar an eolas laistigh de 2 sheachtain maidir leis an bhfaisnéis a fhaightear de bhun phointe (a) de mhír 2.

5.   Aon fhaisnéis a sholáthraítear nó a fhaightear i gcomhréir leis an Airteagal seo, ní úsáidfear í ach chun na gcríoch dár soláthraíodh nó dá bhfuarthas í.

6.   Déanfar aon phróiseáil ar shonraí pearsanta i gcomhréir leis an Rialachán seo, agus le Rialacháin (AE) 2016/679 agus (AE) 2018/1725 agus a mhéid is gá chun an Rialachán seo a chur i bhfeidhm, agus a mhéid sin amháin.

1.   Má dhéantar cistí agus acmhainní eacnamaíocha a reo nó má dhiúltaítear cistí nó acmhainní eacnamaíocha a chur ar fáil, agus é sin a dhéanamh de mheon macánta ar an mbonn go bhfuil an ghníomhaíocht sin i gcomhréir leis an Rialachán seo, ní thiocfaidh as an ngníomhaíocht sin dliteanas d’aon sórt ar an duine nádúrtha nó dlítheanach, ar an eintiteas nó ar an gcomhlacht a chuireann chun feidhme í, ná ar a stiúrthóirí nó a fhostaithe, mura gcruthaítear go ndearnadh na cistí agus na hacmhainní eacnamaíocha a reo nó a choinneáil siar de dheasca faillí.

2.   Ní bheidh aon dliteanas d’aon sórt ar dhaoine nádúrtha ná dlítheanacha, eintitis ná comhlachtaí de thoradh gníomhaíochtaí a dhéanfaidh siad mura raibh a fhios acu, agus mura raibh cúis réasúnach acu amhras a bheith orthu, go sáródh a ngníomhaíochtaí na bearta a leagtar amach sa Rialachán seo.

1.   Ní shásófar aon éileamh i ndáil le haon chonradh ná idirbheart a ndearnadh difear dá fheidhmiú, go díreach nó go hindíreach, go hiomlán nó go páirteach, leis na bearta a fhorchuirtear faoin Rialachán seo, lena n-áirítear éilimh ar shlánaíocht nó aon éileamh eile den sórt sin, mar shampla éileamh ar chúiteamh nó éileamh faoi réir ráthaíochta, go háirithe éileamh ar shíneadh a chur le banna, ráthaíocht nó slánaíocht nó banna, ráthaíocht nó slánaíocht a íoc, go háirithe ráthaíocht airgeadais nó slánaíocht airgeadais, i cibé foirm, más rud é gur ceann de na páirtithe seo a leanas a dhéanfaidh an t-éileamh:

2.   In aon imeacht chun éileamh a fhorfheidhmiú, is faoin duine nádúrtha nó dlítheanach, faoin eintiteas nó faoin gcomhlacht atá ag iarraidh an t-éileamh sin a fhorfheidhmiú a bheidh sé a chruthú nach dtoirmeasctar le mír 1 an t-éileamh a shásamh.

3.   Ní dochar an tAirteagal seo don cheart atá ag na daoine nádúrtha nó dlítheanacha, na heintitis agus na comhlachtaí dá dtagraítear i mír 1 go ndéanfaí athbhreithniú breithiúnach ar dhlíthiúlacht neamh-chomhlíonadh na n-oibleagáidí conarthacha i gcomhréir leis an Rialachán seo.

1.   Cuirfidh an Coimisiún agus na Ballstáit a chéile ar an eolas faoi na bearta a dhéantar faoin Rialachán seo agus roinnfidh siad aon fhaisnéis ábhartha eile atá ar fáil dóibh i ndáil leis an Rialachán seo, go háirithe faisnéis faoin méid seo a leanas:

2.   Cuirfidh na Ballstáit a chéile agus an Coimisiún ar an eolas láithreach faoi aon fhaisnéis ábhartha eile atá ar fáil dóibh a d’fhéadfadh difear a dhéanamh do chur chun feidhme éifeachtach an Rialacháin seo.

1.   I gcás ina gcinnfidh an Chomhairle duine nádúrtha nó dlítheanach, eintiteas nó comhlacht a chur faoi réir na mbeart dá dtagraítear in Airteagal 2, leasóidh sí Iarscríbhinn IV dá réir sin.

2.   Déanfaidh an Chomhairle cinneadh de bhun mhír 1, lena n-áirítear na forais leis an liostú, a chur in iúl go díreach don duine nádúrtha nó dlítheanach, don eintiteas nó don chomhlacht lena mbaineann más eol an seoladh agus más féidir cumarsáid den sórt sin a dhéanamh, nó trí fhógra a fhoilsiú, lena dtabharfar deis don duine nádúrtha nó dlítheanach, don eintiteas nó don chomhlacht sin barúlacha a thíolacadh.

3.   I gcás ina gcuirfear barúlacha isteach nó ina gcuirfear fianaise nua shubstaintiúil i láthair, athbhreithneoidh an Chomhairle an cinneadh lena mbaineann agus cuirfidh sí an duine nádúrtha nó dlítheanach, an t-eintiteas nó an comhlacht lena mbaineann ar an eolas dá réir sin.

4.   Athbhreithneofar an liosta in Iarscríbhinn IV go tráthrialta agus gach 12 mhí ar a laghad.

5.   Tabharfar de chumhacht don Choimisiún Iarscríbhinn III a leasú ar bhonn faisnéis arna soláthar ag na Ballstáit.

1.   Beidh in Iarscríbhinn IV na forais atá le daoine nádúrtha nó dlítheanacha, eintitis nó comhlachtaí lena mbaineann a liostú.

2.   Beidh in Iarscríbhinn IV, i gcás ina mbeidh sí ar fáil, an fhaisnéis is gá chun na daoine nádúrtha nó dlítheanacha, na heintitis nó na comhlachtaí lena mbaineann a shainaithint. Maidir le daoine nádúrtha, féadfaidh na nithe seo a leanas a bheith ar áireamh ar an bhfaisnéis sin: ainmneacha agus ailiasanna; dáta breithe agus áit bhreithe; náisiúntacht; uimhreacha pas agus cárta aitheantais; inscne; seoladh, más eol; agus feidhm nó gairm. Maidir le daoine dlítheanacha, eintitis nó comhlachtaí, féadfaidh ainmneacha, áit chlárúcháin agus dáta clárúcháin, uimhir chlárúcháin agus áit ghnó a bheith san áireamh san fhaisnéis sin.

1.   Déanfaidh na Ballstáit na rialacha a bhaineann le pionóis, is infheidhme maidir le sáruithe ar fhorálacha an Rialacháin seo a leagan síos agus glacfaidh siad na bearta uile is gá lena áirithiú go gcuirfear chun feidhme iad. Ní mór na pionóis dá bhforáiltear a bheith éifeachtach, comhréireach agus athchomhairleach. Déanfaidh na Ballstáit foráil freisin maidir le bearta iomchuí chun fáltais sáruithe den sórt sin a choigistiú.

2.   Tabharfaidh na Ballstáit fógra don Choimisiún faoi na rialacha sin dá dtagraítear i mír 1 gan mhoill tar éis theacht i bhfeidhm an Rialacháin seo agus tabharfaidh siad fógra dó faoi aon leasú air ina dhiaidh sin.

1.   Próiseálfaidh an Chomhairle, an Coimisiún agus Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) sonraí pearsanta chun a gcúraimí faoin Rialachán seo a chur i gcrích. Airítear an méid seo a leanas ar na cúraimí sin:

2.   Próiseálfaidh an Chomhairle, an Coimisiún agus an tArdionadaí, i gcás inarb infheidhme, sonraí ábhartha a bhaineann le cionta coiriúla arna ndéanamh ag daoine nádúrtha liostaithe, le ciontuithe coiriúla na ndaoine sin nó le bearta slándála a bhaineann leis na daoine sin a mhéid is gá an phróiseáil sin chun Iarscríbhinn IV a ullmhú.

3.   Chun críocha an Rialacháin seo, ainmnítear an Chomhairle, an Coimisiún agus an tArdionadaí mar ‘rialaitheoir’ de réir bhrí Airteagal 3, pointe (8) de Rialachán (AE) 2018/1725 chun a áirithiú gur féidir leis na daoine nádúrtha lena mbaineann a gcearta a fheidhmiú faoin Rialachán sin.

1.   Ainmneoidh na Ballstáit na húdaráis inniúla dá dtagraítear sa Rialachán seo agus sainaithneoidh siad iad ar na suíomhanna gréasáin a liostaítear in Iarscríbhinn III. Tabharfaidh na Ballstáit fógra don Choimisiún faoi aon athrú ar sheoltaí a suíomhanna gréasáin a liostaítear in Iarscríbhinn III.

2.   Tabharfaidh na Ballstáit fógra gan mhoill don Choimisiún faoina n-údaráis inniúla, lena n-áirítear sonraí teagmhála na n-údarás inniúil sin, tar éis theacht i bhfeidhm an Rialacháin seo agus tabharfaidh siad fógra dó faoi aon leasú air ina dhiaidh sin.

3.   I gcás ina leagtar amach leis an Rialachán seo ceanglas maidir le fógra a thabhairt don Choimisiún, an Coimisiún a chur ar an eolas nó cumarsáid a dhéanamh leis ar shlí eile, is iad an seoladh agus na sonraí teagmhála eile a liostaítear in Iarscríbhinn III an seoladh agus na sonraí teagmhála a úsáidfear le haghaidh na cumarsáide sin.