This document is an excerpt from the EUR-Lex website
Document 32024R1355
Commission Regulation (EU) 2024/1355 of 21 May 2024 amending Annexes II, III and V to Regulation (EC) No 396/2005 of the European Parliament and of the Council as regards maximum residue levels for benzovindiflupyr, chlorantraniliprole, emamectin, quinclorac, spiromesifen, and triflumuron in or on certain products
Rialachán (AE) 2024/1355 ón gCoimisiún an 21 Bealtaine 2024 lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beinsivindéfhluipire, clórantrainileapróil, eimimeictine, cuincleorac, spirimeisifeine, agus trífhlumúróin i dtáirgí áirithe nó ar tháirgí áirithe
Rialachán (AE) 2024/1355 ón gCoimisiún an 21 Bealtaine 2024 lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beinsivindéfhluipire, clórantrainileapróil, eimimeictine, cuincleorac, spirimeisifeine, agus trífhlumúróin i dtáirgí áirithe nó ar tháirgí áirithe
C/2024/3255
IO L, 2024/1355, 22.5.2024, ELI: http://data.europa.eu/eli/reg/2024/1355/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
![]() |
Iris Oifigiúil |
GA Sraith L |
2024/1355 |
22.5.2024 |
RIALACHÁN (AE) 2024/1355 ÓN gCOIMISIÚN
an 21 Bealtaine 2024
lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beinsivindéfhluipire, clórantrainileapróil, eimimeictine, cuincleorac, spirimeisifeine, agus trífhlumúróin i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1), pointe (a), de,
De bharr an mhéid seo a leanas:
(1) |
I gcás beinsivindéfhluipire, clórantrainileapróil agus eimimeictine, socraíodh uasleibhéil iarmhar (‘MRLanna’) in Iarscríbhinn II a ghabhann le Rialachán (CE) Uimh. 396/2005. I gcás cuincleorac agus spirimeisifeine, socraíodh MRLanna i gCuid A d’Iarscríbhinn III a ghabhann leis an Rialachán sin. I gcás trífhlumúróin, socraíodh MRLanna in Iarscríbhinn V a ghabhann leis an Rialachán sin. |
(2) |
An 2 Nollaig 2023 ghlac an Coimisiún Codex Alimentarius uasteorainneacha iarmhar Codex (CXLanna) nua le haghaidh na substaintí gníomhacha beinsivindéfhluipir, clórantrainileapról, eimimeictin, cuincleorac, spirimeisifein agus trífhlumúrón (2). |
(3) |
I gcomhréir le hAirteagal 5(3) de Rialachán (CE) Uimh. 178/2002 ó Pharlaimint na hEorpa agus ón gComhairle (3), i gcás inarb ann do chaighdeáin idirnáisiúnta nó i gcás ina gcuirfear i gcrích iad go luath, cuirfear san áireamh iad i bhforbairt nó in oiriúnú dhlí an bhia, ach amháin i gcás ina mbeadh na caighdeáin sin nó codanna ábhartha díobh ina modh neamhéifeachtach nó míchuí chun cuspóirí dlisteanacha dhlí bia an Aontais a chomhlíonadh, nó i gcás ina mbeadh údar eolaíoch ann, nó ina dtiocfadh leibhéal cosanta astu a bheadh éagsúil leis an leibhéal a chinntear a bheith iomchuí san Aontas. Thairis sin, i gcomhréir le hAirteagal 13, pointe (e), den Rialachán sin, tá an tAontas le comhsheasmhacht idir caighdeáin theicniúla idirnáisiúnta agus dlí bia an Aontais a chur chun cinn agus é á áirithiú an tráth céanna nach laghdófar an t-ardleibhéal cosanta a ghlactar san Aontas. |
(4) |
Rinne an tÚdarás Eorpach um Shábháilteacht Bia (‘an tÚdarás’) measúnú ar na rioscaí do thomhaltóirí a bhaineann leis na CXLanna sin agus d’fhoilsigh sé tuarascáil eolaíoch (4). Chuir an tAontas na forchoimeádais (5) (6) faoi bhráid an Choiste Codex um Iarmhair Lotnaidicídí maidir leis na CXLanna a bhí beartaithe le haghaidh na dteaglamaí lotnaidicídí/táirgí d’eimimeictin (foghrúpa praisí bláthchinn agus bainní) agus cuincleorac (síolta mónóg agus ráibe) ar shainaithin an tÚdarás riosca a d’fhéadfadh a bheith ann do shláinte tomhaltóirí ina leith sa tuarascáil eolaíoch uaidh. Chuir an tAontas na forchoimeádais (7) faoi bhráid an Choimisiúin Codex Alimentarius maidir leis na CXLanna a bhí beartaithe le haghaidh spirimeisifein i dtáirgí de bhunadh ainmhíoch. Agus iarratasóir amháin ag soláthar sonraí nua, tharraing an tAontas siar na forchoimeádais a cuireadh faoina bhráid cheana maidir leis na CXLanna a bhí beartaithe le haghaidh cuincleorac i síolta mónóg agus ráibe agus dheimhnigh an tAontas a thacaíocht do bhunú na CXLanna a bhí beartaithe le haghaidh na dteaglamaí lotnaidicídí/táirgí sin. |
(5) |
Maidir leis na CXLanna nár shainaithin an tÚdarás aon riosca do thomhaltóirí san Aontas ina leith, agus dá bhrí sin nár chuir an tAontas forchoimeádas faoi bhráid an Choiste Codex um Iarmhair Lotnaidicídí nó an Choimisiúin Codex Alimentarius ina leith, is féidir a mheas go bhfuil siad sábháilte. Is amhlaidh atá an cás maidir le CXLanna áirithe le haghaidh beinsivindéfhluipire, clórantrainileapróil, eimimeictine, cuincleorac, spirimeisifeine, agus trífhlumúróin. Dá bhrí sin, ba cheart na CXLanna sin a chur san áireamh i Rialachán (CE) Uimh. 396/2005, seachas i gcás ina mbaineann siad le táirgí nach liostaítear in Iarscríbhinn I a ghabhann leis an Rialachán sin nó i gcás ina bhfuil siad ag leibhéal níos ísle ná na MRLanna atá ann faoi láthair le haghaidh na dteaglamaí lotnaidicídí/táirgí lena mbaineann. |
(6) |
Ar bhonn na tuarascála eolaíche ón Údarás, agus na tosca ábhartha a liostaítear in Airteagal 14(2) de Rialachán (CE) Uimh. 396/2005 á gcur san áireamh, tháinig an Coimisiún ar an gconclúid go bhfuil na modhnuithe atá beartaithe ar na MRLanna inghlactha. |
(7) |
Dá bhrí sin, ba cheart Iarscríbhinní II, III agus V a ghabhann le Rialachán (CE) Uimh. 396/2005 a leasú dá réir. |
(8) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II, III agus V a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 21 Bealtaine 2024.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1, ELI: http://data.europa.eu/eli/reg/2005/396/2023-10-21.
(2) Clár comhpháirteach FAO/EDS um Chaighdeáin Bhia, Coimisiún Codex Alimentarius. An 46ú Seisiún. Ceanncheathrú FAO, An Róimh, An Iodáil. An 27 Samhain go dtí an 2 Nollaig 2023. https://www.fao.org/fao-who-codexalimentarius/sh-proxy/en/?lnk=1&url=https%253A%252F%252Fworkspace.fao.org%252Fsites%252Fcodex%252FMeetings%252FCX-701-46%252F%25E2%2598%2585Final%252520Report%252FREP23_CACe.pdf.
(3) IO L 31, 1.2.2002, lch. 1, ELI: http://data.europa.eu/eli/reg/2002/178/oj.
(4) EFSA 2023. Scientific support for preparing an EU position for the 54th Session of the Codex Committee on Pesticide Residues (CCPR) [Tacaíocht eolaíoch chun seasamh ón Aontas a ullmhú le haghaidh an 54ú Seisiún den Choiste Codex um Iarmhair Lotnaidicídí (CCPR)]. EFSA Journal [Iris EFSA] 21(8), 1–303. https://doi.org/10.2903/j.efsa.2023.8111.
(5) Barúlacha ón Aontas Eorpach maidir le Codex CX/PR 23/54/5-Add.1:
(6) Tuarascáil ón 54ú seisiún den Choiste Codex um Iarmhair Lotnaidicídí REP23/PR54: https://www.fao.org/fao-who-codexalimentarius/sh-proxy/en/?lnk=1&url=https%253A%252F%252Fworkspace.fao.org%252Fsites%252Fcodex%252FMeetings%252FCX-718-54%252FREPORT%252FFINAL%252520REPORT%252520CORRIGENDUM%252FREP23_PR54e_CORR.pdf.
(7) Clár comhpháirteach FAO/EDS um Chaighdeáin Bhia, Coimisiún Codex Alimentarius. An 46ú Seisiún. CRD23. Barúlacha ó Bheinin, an Éigipt, an tAontas Eorpach, Gána, an India, an Chéinia, Mailí, an tSeineagáil, Singeapór, agus an Afraic Theas maidir le Mír 4.12 ar an gClár Oibre (Obair ón gCoiste Codex um Iarmhair Lotnaidicídí (CCPR) atá le glacadh nó le formheas ag an gCoimisiún). https://www.fao.org/fao-who-codexalimentarius/sh-proxy/jp/?lnk=1&url=https%253A%252F%252Fworkspace.fao.org%252Fsites%252Fcodex%252FMeetings%252FCX-701-46%252FCRDs%252FCRD12%2B-%2B26%2B%2528Agenda%2Bitem%2B4%2529%252FCRD23%252Fcac46_crd23.pdf.
IARSCRÍBHINN
Leasaítear Iarscríbhinní II, III agus V a ghabhann le Rialachán (CE) Uimh. 396/2005 mar a leanas:
(1) |
Leasaítear Iarscríbhinn II mar a leanas:
|
(2) |
i gCuid A d’Iarscríbhinn III, cuirtear an méid seo a leanas in ionad na gcolún le haghaidh cuincleorac agus spirimeisifeine: IARSCRÍBHINN IIIA Iarmhair lotnaidicídí agus uasleibhéil iarmhar (mg/kg)
|
(3) |
In Iarscríbhinn V, scriostar an colún le haghaidh trífhlumúróin. |
(*1) Léiríonn an íosteorainn an chinnidh anailísigh
(1) Chun liosta iomlán na dtáirgí ar de thionscnamh ainmhíoch agus plandaí iad a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
(*2) Léiríonn an íosteorainn an chinnidh anailísigh
(2) Chun liosta iomlán na dtáirgí ar de thionscnamh ainmhíoch agus plandaí iad a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
ELI: http://data.europa.eu/eli/reg/2024/1355/oj
ISSN 1977-0839 (electronic edition)