1.   Beidh na comhghníomhaíochtaí a dhéanann an tAontas agus na Ballstáit i réimse an bhainistithe tearmainn agus imirce, laistigh dá n-inniúlachtaí faoi seach, bunaithe ar phrionsabal na dlúthpháirtíochta agus na comhroinnte córa freagrachta mar a chumhdaítear in Airteagal 80 CFAE ar bhonn cur chuige cuimsitheach, agus beidh siad á dtreorú ag prionsabal an cheaptha beartais chomhtháite, i gcomhréir leis an dlí idirnáisiúnta agus le dlí an Aontais, lena n-áirítear cearta bunúsacha.

Agus é mar aidhm fhoriomlán acu tearmann agus imirce a bhainistiú go héifeachtach faoi chuimsiú dhlí an Aontais is infheidhme, beidh na cuspóirí seo a leanas ag na gníomhaíochtaí sin:

2.   Áiritheoidh an Coimisiún, an Chomhairle agus na Ballstáit cur chun feidhme comhsheasmhach na mbeartas bainistithe tearmainn agus imirce, lena n-áirítear comhpháirteanna inmheánacha agus seachtracha na mbeartas sin, i gcomhairle leis na hinstitiúidí agus leis na comhlachtaí, oifigí agus gníomhaireachtaí atá freagrach as beartais sheachtracha.

1.   Agus a n-oibleagáidí faoin Rialachán seo á gcur chun feidhme acu, urramóidh an tAontas agus na Ballstáit prionsabal na dlúthpháirtíochta agus na comhroinnte córa freagrachta mar a chumhdaítear in Airteagal 80 CFAE, agus cuirfidh siad i gcuntas an leas comhroinnte atá acu i bhfeidhmiú éifeachtach bheartais bainistithe tearmainn agus imirce an Aontais.

2.   Agus a n-oibleagáidí faoin Rialachán seo á gcomhlíonadh acu, oibreoidh na Ballstáit i ndlúthchomhar le chéile agus déanfaidh siad an méid seo a leanas:

3.   Chun tacú leis na Ballstáit a n-oibleagáidí a chomhlíonadh, áireofar an méid seo a leanas ar a laghad i mBuanbhosca Uirlisí Tacaíochta an Aontais Eorpaigh don Imirce:

1.   Beidh straitéisí náisiúnta i bhfeidhm ag na Ballstáit lena mbunaítear cur chuige straitéiseach chun a áirithiú go mbeidh sé d’acmhainn acu a gcóras bainistithe tearmainn agus imirce a chur chun feidhme go héifeachtach, i gcomhréir iomlán lena n-oibleagáidí faoi dhlí an Aontais agus faoin dlí idirnáisiúnta, agus a staid shonrach á cur i gcuntas, go háirithe a suíomh geografach.

Agus a straitéisí náisiúnta á mbunú acu, féadfaidh na Ballstáit dul i gcomhairle leis an gCoimisiún agus le comhlachtaí, oifigí agus gníomhaireachtaí ábhartha de chuid an Aontais, go háirithe an Ghníomhaireacht um Thearmann, chomh maith le húdaráis áitiúla agus réigiúnacha, de réir mar is iomchuí agus i gcomhréir leis an dlí náisiúnta. Áireofar an méid seo a leanas ar a laghad ar na straitéisí sin:

2.   Déanfar straitéisí ábhartha eile agus bearta tacaíochta atá ann cheana a chur san áireamh sna straitéisí náisiúnta, go háirithe bearta tacaíochta faoi Rialacháin (AE) 2021/1147 agus (AE) 2021/2303, agus beidh na straitéisí náisiúnta comhsheasmhach agus comhlántach leis na straitéisí náisiúnta do bhainistiú comhtháite teorainneacha san Eoraip a bunaíodh i gcomhréir le hAirteagal 8(6) de Rialachán (AE) 2019/1896.

3.   Déanfaidh na Ballstáit a straitéisí náisiúnta um bainistiú tearmainn agus imirce a tharchur chuig an gCoimisiún 6 mhí roimh ghlacadh na Straitéise dá dtagraítear in Airteagal 8.

4.   Tacaíocht airgeadais agus oibríochtúil ón Aontas, lena n-áirítear tacaíocht oibríochtúil ó chomhlachtaí, oifigí agus gníomhaireachtaí an Aontais, chun na hoibleagáidí a chur chun feidhme, soláthrófar í i gcomhréir le Rialacháin (AE) 2019/1986, (AE) 2021/1147, (AE) 2021/2303 agus, i gcás inar ábhartha, Rialachán (AE) 2021/1148.

5.   Déanfaidh an Coimisiún faireachán ar staid na himirce agus soláthróidh sé faisnéis faoi staid na himirce trí thuarascálacha rialta bunaithe ar shonraí agus faisnéis a sholáthraíonn an tSeirbhís Eorpach Gníomhaíochta Seachtraí, an Ghníomhaireacht um Thearmann, an Ghníomhaireacht Eorpach um an nGarda Teorann agus Cósta, Europol agus Gníomhaireacht an Aontais Eorpaigh um Chearta Bunúsacha agus go háirithe an fhaisnéis a bhailítear de bhun Mholadh (AE) 2020/1366 agus faoi chuimsiú Líonra an Aontais um Ullmhacht agus um Bainistiú Géarchéimeanna i ndáil leis an Imirce agus, i gcás inar gá, faisnéis a sholáthraíonn na Ballstáit.

6.   Déanfaidh an Coimisiún, trí bhíthin gníomhartha cur chun feidhme, teimpléad a bhunú atá le húsáid ag na Ballstáit chun a áirithiú go bhfuil a straitéisí náisiúnta inchomparáide maidir le croí-eilimintí sonracha, amhail an phleanáil theagmhasach. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   Déanfaidh an Coimisiún, tar éis dul i gcomhairle leis na Ballstáit, agus tuarascálacha ábhartha agus anailísí ábhartha ó chomhlachtaí, oifigí agus gníomhaireachtaí de chuid an Aontais á gcur i gcuntas aige agus ag cur leis na straitéisí náisiúnta dá dtagraítear in Airteagal 7, Straitéis Eorpach um Bainistiú Tearmainn agus Imirce 5 bliana (‘an Straitéis’) a tharraingt suas ina leagtar amach an cur chuige straitéiseach chun cur chun feidhme comhsheasmhach na straitéisí náisiúnta a áirithiú. Tarchuirfidh an Coimisiún an Straitéis chuig Parlaimint na hEorpa agus chuig an gComhairle. Ní bheidh an Straitéis ceangailteach ó thaobh dlí de.

2.   Glacfar an chéad Straitéis faoin 12 Nollag 2025 agus gach 5 bliana ina dhiaidh sin.

3.   Áireofar sa Straitéis na comhchodanna a liostaítear in Airteagail 4 agus 5, tabharfar ról tábhachtach do chásdlí Chúirt Bhreithiúnais an Aontais Eorpaigh agus na Cúirte Eorpaí um Chearta an Duine léi agus cuirfear an méid seo a leanas i gcuntas inti freisin:

1.   Glacfaidh an Coimisiún Tuarascáil Bhliantúil Eorpach ar Thearmann agus Imirce ar bhonn bliantúil lena ndéantar measúnú ar staid an tearmainn, an ghlactha agus na himirce le linn na tréimhse 12 mhí roimhe sin agus ar aon fhorbairtí a d’fhéadfadh a bheith ann, agus lena soláthraítear léargas straitéiseach ar dhálaí i réimse na himirce agus an tearmainn a fhónann freisin mar uirlis luathrabhaidh agus feasachta don Aontas (‘an Tuarascáil’).

2.   Beidh an Tuarascáil bunaithe ar shonraí ábhartha cainníochtúla agus cáilíochtúla agus ar fhaisnéis ábhartha chainníochtúil agus cháilíochtúil a sholáthraíonn na Ballstáit, an tSeirbhís Eorpach Gníomhaíochta Seachtraí, an Ghníomhaireacht um Thearmann, an Ghníomhaireacht Eorpach um an nGarda Teorann agus Cósta, Europol agus Gníomhaireacht an Aontais Eorpaigh um Chearta Bunúsacha. Féadfar faisnéis a sholáthraíonn comhlachtaí, oifigí, gníomhaireachtaí nó eagraíochtaí ábhartha eile a chur i gcuntas inti freisin.

3.   Beidh na heilimintí seo a leanas sa Tuarascáil:

4.   Glacfaidh an Coimisiún an Tuarascáil faoin 15 Deireadh Fómhair gach bliain agus tarchuirfidh sé chuig Parlaimint na hEorpa agus chuig an gComhairle í.

5.   Cuirfear bonn ar fáil sa Tuarascáil le haghaidh cinntí ar leibhéal an Aontais maidir leis na bearta is gá chun staideanna imirce a bhainistiú.

6.   Eiseofar an chéad Tuarascáil faoin 15 Deireadh Fómhair 2025.

7.   Chun críocha na Tuarascála, déanfaidh na Ballstáit, an Ghníomhaireacht um Thearmann, an Ghníomhaireacht Eorpach um an nGarda Teorann agus Cósta agus Europol an fhaisnéis dá dtagraítear in Airteagal 10 a sholáthar faoin 1 Meitheamh gach bliain.

8.   Tionólfaidh an Coimisiún cruinniú de shásra an Aontais maidir le hullmhacht agus bainistiú géarchéimeanna a bhaineann leis an imirce le linn an chéad leath de mhí Iúil gach bliain chun an measúnú tosaigh ar an staid a chur i láthair agus faisnéis a mhalartú le comhaltaí an tsásra sin. Comhdhéanamh agus modh oibríochta shásra an Aontais maidir le hullmhacht agus bainistiú géarchéimeanna a bhaineann leis an imirce, is mar a leagtar amach i Moladh (AE) 2020/1366 ina leagan bunaidh a bheidh siad.

9.   Déanfaidh na Ballstáit agus comhlachtaí, oifigí agus gníomhaireachtaí ábhartha an Aontais faisnéis nuashonraithe a sholáthar don Choimisiún faoin 1 Meán Fómhair gach bliain.

10.   Tionólfaidh an Coimisiún cruinniú de shásra an Aontais maidir le hullmhacht agus bainistiú géarchéimeanna a bhaineann leis an imirce faoin 30 Meán Fómhair gach bliain chun an measúnú comhdhlúite ar an staid a chur i láthair. Comhdhéanamh agus modh oibríochta shásra an Aontais maidir le hullmhacht agus bainistiú géarchéimeanna a bhaineann leis an imirce, is mar a leagtar amach i Moladh (AE) 2020/1366 ina leagan bunaidh a bheidh siad.

1.   Agus measúnú á dhéanamh ag an gCoimisiún ar staid fhoriomlán na himirce, nó i dtaobh an bhfuil Ballstát faoi bhrú imirce, i mbaol brú imirce nó an bhfuil staid shuntasach imirce os a chomhair, bainfidh sé úsáid as an Tuarascáil dá dtagraítear in Airteagal 9 agus cuirfidh sé i gcuntas aon fhaisnéis bhreise de bhun Airteagal 9(3), pointe (a).

2.   Cuirfidh an Coimisiún an méid seo a leanas i gcuntas freisin:

3.   Ina theannta sin, chun measúnú a dhéanamh i dtaobh an bhfuil aghaidh á tabhairt ag Ballstát ar staid shuntasach imirce, cuirfidh an Coimisiún i gcuntas freisin éifeacht charnach náisiúnach tríú tír nó daoine gan stát atá ag teacht isteach go bliantúil faoi láthair agus a tháinig isteach roimhe sin.

1.   In éineacht leis an Tuarascáil dá dtagraítear in Airteagal 9, glacfaidh an Coimisiún cinneadh cur chun feidhme lena gcinntear an bhfuil Ballstát ar leith faoi bhrú imirce, i mbaol brú imirce le linn na bliana atá le teacht nó an bhfuil aghaidh á tabhairt aige ar staid shuntasach imirce.

Chun na críche sin, rachaidh an Coimisiún i gcomhairle leis na Ballstáit lena mbaineann. Féadfaidh an Coimisiún teorainn ama a shocrú i gcás comhairliúcháin den sórt sin.

2.   Chun críocha mhír 1, úsáidfidh an Coimisiún an fhaisnéis a bhailítear de bhun Airteagal 10, á chur i gcuntas eilimintí uile na Tuarascála dá dtagraítear in Airteagal 9, na bealaí imirce uile, lena n-áirítear sainiúlachtaí fheiniméan struchtúrach na ndíbhordálacha tar éis oibríochtaí cuardaigh agus tarrthála agus gluaiseachtaí neamhúdaraithe náisiúnach tríú tír agus daoine gan stát idir na Ballstáit, chomh maith leis an mbrú a bhí ar an mBallstát lena mbaineann roimhe sin agus an staid reatha.

3.   I gcás, le 12 mhí anuas, ina raibh ar Bhallstát aghaidh a thabhairt ar líon mór daoine a tháinig isteach mar gheall ar dhíbhordálacha athfhillteacha tar éis oibríochtaí cuardaigh agus tarrthála, measfaidh an Coimisiún go bhfuil an Ballstát sin faoi bhrú imirce ar choinníoll go bhfuil líon na ndaoine sin a thagann isteach ar scála de mhéid agus go gcruthaíonn sé oibleagáidí díréireacha, fiú amháin, ar chóras tearmainn, glactha agus imirce dea-ullmhaithe an Bhallstáit lena mbaineann.

4.   Glacfaidh an Coimisiún a chinneadh cur chun feidhme faoin 15 Deireadh Fómhair gach bliain agus tarchuirfidh sé chuig Parlaimint na hEorpa agus chuig an gComhairle é.

1.   Gach bliain, ar bhonn na Tuarascála dá dtagraítear in Airteagal 9 agus in éineacht leis an Tuarascáil sin, tíolacfaidh an Coimisiún togra le haghaidh gníomh cur chun feidhme ón gComhairle lena mbunaítear an Comhthiomsú Dlúthpháirtíochta Bliantúil is gá chun aghaidh a thabhairt ar staid na himirce sa bhliain atá le teacht ar bhealach cothrom éifeachtach. Leis an togra sin, léireofar riachtanais dlúthpháirtíochta bhliantúla réamh-mheasta na mBallstát atá faoi bhrú imirce.

2.   Sa togra ón gCoimisiún dá dtagraítear i mír 1, sainaithneofar líon iomlán bliantúil na n-athshocruithe agus na ranníocaíochtaí airgeadais is gá le haghaidh an Chomhthiomsaithe Dlúthpháirtíochta Bhliantúil ar leibhéal an Aontais, arb é a bheidh iontu ar a laghad:

Leagfar amach freisin sa togra ón gCoimisiún dá dtagraítear i mír 1 den Airteagal seo na rannchuidithe táscacha bliantúla le haghaidh gach Ballstáit tríd an eochair thagartha a leagtar amach in Airteagal 66 a chur i bhfeidhm d’fhonn an cleachtadh chun a rannchuidithe dlúthpháirtíochta a ghealladh (‘an cleachtadh gealltanais’) de bhun Airteagal 13 a éascú.

3.   Agus leibhéal na freagrachta uile-Aontais atá le comhroinnt ag na Ballstáit uile agus an leibhéal dlúthpháirtíochta dá bharr sin á sainaithint aige, cuirfidh an Coimisiún i gcuntas critéir cháilíochtúla agus chainníochtúla ábhartha, lena n-áirítear, don bhliain ábhartha, líon foriomlán na ndaoine a thagann isteach, na meánrátaí aitheantais chomh maith leis na meánrátaí fillte. Cuirfidh an Coimisiún i gcuntas freisin nach bhfuil sé d’oibleagáid ar na Ballstáit a bheidh ina mBallstáit is tairbhithe de bhun Airteagal 58(1) a rannchuidithe dlúthpháirtíochta atá geallta a chur chun feidhme.

Féadfaidh an Coimisiún líon níos airde a shainaithint maidir le hathshocruithe agus ranníocaíochtaí airgeadais ná iad siúd dá bhforáiltear i mír 2 den Airteagal seo agus féadfaidh sé cineálacha eile dlúthpháirtíochta a shainaithint mar a leagtar amach in Airteagal 56(2), pointe (c), ag brath ar an ngá atá le bearta den sórt sin a eascraíonn as na dúshláin shonracha i réimse na himirce sa Bhallstát lena mbaineann. Chun luach comhionann na gcineálacha éagsúla beart dlúthpháirtíochta a chaomhnú, coinneofar an cóimheas atá idir na líonta a leagtar amach i mír 2, pointí (a) agus (b), den Airteagal seo.

4.   D’ainneoin mhír 2 den Airteagal seo, i gcásanna eisceachtúla, i gcás nach léirítear leis an bhfaisnéis a sholáthraíonn na Ballstáit agus comhlachtaí, oifigí agus gníomhaireachtaí ábhartha an Aontais de bhun Airteagal 9(2), nó leis na comhairliúcháin a dhéanann an Coimisiún de bhun Airteagal 11(1), go bhfuil gá le bearta dlúthpháirtíochta don bhliain atá le teacht, cuirfear an méid sin i gcuntas go cuí sa togra ón gCoimisiún dá dtagraítear i mír 1 den Airteagal seo.

5.   I gcás inar shainaithin an Coimisiún i gcinneadh cur chun feidhme dá dtagraítear in Airteagal 11 go bhfuil Ballstát amháin nó níos mó faoi bhrú imirce mar thoradh ar theacht isteach lín mhóir daoine a eascraíonn as díbhordálacha athfhillteacha tar éis oibríochtaí cuardaigh agus tarrthála, agus sainiúlachtaí na mBallstát lena mbaineann á gcur i gcuntas aige, leagfaidh an Coimisiún amach an céatadán táscach den Chomhthiomsú Dlúthpháirtíochta Bliantúil atá le cur ar fáil do na Ballstáit sin.

6.   Glacfaidh an Coimisiún an togra dá dtagraítear i mír 1 den Airteagal seo faoin 15 Deireadh Fómhair gach bliain agus tarchuirfidh sé chuig an gComhairle é. Tarchuirfidh an Coimisiún an togra sin chuig Parlaimint na hEorpa an tráth céanna. Go dtí go nglacfar an gníomh cur chun feidhme ón gComhairle dá dtagraítear in Airteagal 57, ní chuirfear an togra ón gCoimisiún dá dtagraítear i mír 1 den Airteagal seo ar fáil go poiblí. Aicmeofar é mar ‘RESTREINT UE/EU RESTRICTED’ agus láimhseálfar é amhlaidh i gcomhréir le Cinneadh 2013/488/AE ón gComhairle (38).

1.   Chun cur chun feidhme éifeachtach Chuid IV den Rialachán seo a áirithiú, bunófar Fóram Ardleibhéil Dlúthpháirtíochta an Aontais (‘an Fóram Ardleibhéil’), ina mbeidh ionadaithe ó na Ballstáit agus a bheidh faoi chathaoirleacht an Bhallstáit ag a bhfuil Uachtaránacht na Comhairle. Déanfar ionadaíocht ar na Ballstáit ar leibhéal na freagrachta agus na cumhachta cinnteoireachta is iomchuí chun na cúraimí a thugtar don Fhóram Ardleibhéil a dhéanamh.

Tríú tíortha a bhfuil comhaontú tugtha i gcrích acu leis an Aontas maidir leis na critéir agus na sásraí chun a shuí cé acu Stát atá freagrach as scrúdú a dhéanamh ar iarratas ar chosaint idirnáisiúnta a thaisctear i mBallstát nó sa tríú tír sin, féadfar cuireadh a thabhairt dóibh, chun rannchuidiú a dhéanamh leis an dlúthpháirtíocht ar bhonn ad hoc, a bheith rannpháirteach san Fhóram Ardleibhéil de réir mar is iomchuí.

2.   Tionólfaidh an Chomhairle an Fóram Ardleibhéil laistigh de 15 lá tar éis ghlacadh na Tuarascála dá dtagraítear in Airteagal 9, an chinnidh dá dtagraítear in Airteagal 11 agus an togra ón gCoimisiún dá dtagraítear in Airteagal 12.

3.   Sa chruinniú dá dtagraítear i mír 2 den Airteagal seo, breithneoidh an Fóram Ardleibhéil an Tuarascáil dá dtagraítear in Airteagal 9, an cinneadh dá dtagraítear in Airteagal 11 agus an togra ón gCoimisiún dá dtagraítear in Airteagal 12 agus déanfaidh sé scrúdú ar an staid fhoriomlán. Tiocfaidh sé ar thátal freisin maidir leis na bearta dlúthpháirtíochta agus leibhéal an rannchuidithe is gá de bhun an nós imeachta a leagtar amach in Airteagal 57 agus, i gcás ina meastar gur gá sin, maidir le bearta eile freagartha imirce i réimsí na freagrachta, na hullmhachta agus an teagmhais, agus maidir le gné sheachtrach na himirce. Le linn an chruinnithe sin den Fhóram Ardleibhéil Dlúthpháirtíochta, geallfaidh na Ballstáit a rannchuidithe dlúthpháirtíochta chun an Comhthiomsú Dlúthpháirtíochta Bliantúil a chruthú de bhun Airteagal 57.

4.   I gcás ina measann an Chomhairle, ar thionscnamh Ballstáit nó arna iarraidh sin don Choimisiún, nach leor na rannchuidithe dlúthpháirtíochta leis an gComhthiomsú Dlúthpháirtíochta Bliantúil i ndáil leis na riachtanais a shainaithnítear, lena n-áirítear i gcás inar deonaíodh asbhaintí suntasacha i gcomhréir le hAirteagail 61 agus 62, nó ina bhfuil riachtanais níos airde ag Ballstát amháin nó níos mó atá faoi bhrú imirce ná mar a bhí measta, nó ina bhfuil tacaíocht dlúthpháirtíochta bhreise ag teastáil ón staid fhoriomlán, déanfaidh an Chomhairle, trí thromlach simplí, an Fóram Ardleibhéil a thionól an athuair chun a iarraidh ar na Ballstáit rannchuidithe dlúthpháirtíochta breise a sholáthar. Déanfar aon chleachtadh gealltanais de réir an nós imeachta a leagtar amach in Airteagal 57.

1.   Chun feidhmiú rianúil Chuid IV den Rialachán seo a áirithiú, bunófar Fóram Leibhéil Theicniúil Dlúthpháirtíochta de chuid an Aontais (‘an Fóram Leibhéil Theicniúil’) agus déanfaidh Comhordaitheoir Dlúthpháirtíochta an Aontais, thar ceann an Choimisiúin, é a thionól agus beidh an Comhordaitheoir sin mar chathaoirleach air.

2.   Beidh an Fóram Leibhéil Theicniúil comhdhéanta d’ionadaithe ó údaráis ábhartha na mBallstát ar leibhéal atá sinsearach a dhóthain chun na cúraimí a thugtar dó a dhéanamh.

3.   Tríú tíortha a bhfuil comhaontú tugtha i gcrích acu leis an Aontas maidir leis na critéir agus na sásraí chun a shuí cé acu Stát atá freagrach as scrúdú a dhéanamh ar iarratas ar chosaint idirnáisiúnta a thaisctear i mBallstát nó sa tríú tír sin, féadfar cuireadh a thabhairt dóibh, chun rannchuidiú a dhéanamh leis an dlúthpháirtíocht ar bhonn ad hoc, a bheith rannpháirteach san Fhóram Leibhéil Theicniúil de réir mar is iomchuí.

4.   Beidh an Ghníomhaireacht um Thearmann rannpháirteach san Fhóram Leibhéil Theicniúil. Beidh an Ghníomhaireacht Eorpach um an nGarda Teorann agus Cósta agus Gníomhaireacht an Aontais Eorpaigh um Chearta Bunúsacha, i gcás inarb iomchuí agus nuair a thugann Comhordaitheoir Dlúthpháirtíochta an Aontais cuireadh dóibh, rannpháirteach san Fhóram Leibhéil Theicniúil. Féadfar cuireadh a thabhairt do ghníomhaireachtaí na Náisiún Aontaithe, ag brath ar a rannpháirtíocht sa sásra dlúthpháirtíochta, a bheith rannpháirteach freisin.

5.   Tar éis ghlacadh an ghnímh cur chun feidhme ón gComhairle dá dtagraítear in Airteagal 57, tionólfaidh Comhordaitheoir Dlúthpháirtíochta an Aontais an chéad chruinniú den Fhóram Leibhéil Theicniúil. Tar éis an chéad chruinnithe sin, tiocfaidh an Fóram Leibhéil Theicniúil le chéile ar bhonn rialta agus a mhinice is gá, go háirithe de bhun Airteagail 58(3) agus 59(6), chun an sásra dlúthpháirtíochta idir na Ballstáit a oibríochtú agus chun aghaidh a thabhairt ar na riachtanais dlúthpháirtíochta leis na rannchuidithe a shainaithnítear.

1.   Ceapfaidh an Coimisiún Comhordaitheoir Dlúthpháirtíochta de chuid an Aontais chun comhordú a dhéanamh ar an leibhéal teicniúil ar chur chun feidhme an tsásra dlúthpháirtíochta i gcomhréir le Cuid IV den Rialachán seo.

2.   Déanfaidh Comhordaitheoir Dlúthpháirtíochta an Aontais an méid seo a leanas:

3.   Chun críocha mhír 2, tabharfaidh oifig cúnamh do Chomhordaitheoir Dlúthpháirtíochta an Aontais agus cuirfear ar fáil do Chomhordaitheoir Dlúthpháirtíochta an Aontais na hacmhainní airgeadais agus daonna is gá chun a chúraimí a dhéanamh go héifeachtach. Comhordóidh Comhordaitheoir Dlúthpháirtíochta an Aontais go dlúth leis an nGníomhaireacht um Thearmann, lena n-áirítear i ndáil le mionsonraí praiticiúla an athshocraithe faoin Rialachán seo.

4.   Cuirfear i láthair sa Tuarascáil dá dtagraítear in Airteagal 9 staid chur chun feidhme agus fheidhmiú an tsásra dlúthpháirtíochta.

5.   Soláthróidh na Ballstáit na sonraí agus an fhaisnéis is gá do Chomhordaitheoir Dlúthpháirtíochta an Aontais chun gur féidir le Comhordaitheoir Dlúthpháirtíochta an Aontais a chúramaí a dhéanamh go héifeachtach.

1.   Déanfaidh na Ballstáit scrúdú ar iarratas ar chosaint idirnáisiúnta ó náisiúnach tríú tír nó duine gan stát a dhéanann an t-iarratas ar chríoch aon Bhallstáit acu, lena n-áirítear ag an teorainn nó sna criosanna idirthurais. Déanfaidh Ballstát amháin scrúdú ar an iarratas arb é a bheidh ann an Ballstát freagrach ar bhonn na gcritéar a leagtar amach i gCaibidil II nó sna clásail a leagtar amach i gCaibidil III den Chuid seo.

2.   Gan dochar do na rialacha a leagtar amach i gCuid IV den Rialachán seo, i gcás nach féidir aon Bhallstát a chinneadh chun a bheith freagrach as scrúdú a dhéanamh ar an iarratas ar chosaint idirnáisiúnta ar bhonn na gcritéar a liostaítear sa Rialachán seo, is é an chéad Bhallstát inar cláraíodh an t-iarratas ar chosaint idirnáisiúnta a bheidh freagrach as scrúdú a dhéanamh ar an iarratas.

3.   I gcás nach féidir le Ballstát iarratasóir a aistriú chuig an mBallstát a ainmnítear go príomha mar Bhallstát atá freagrach toisc go bhfuil forais shuntasacha ann lena chreidiúint, i ngeall ar an aistriú chuig an mBallstát sin, go mbeadh fíorbhaol ann go ndéanfaí sárú ar chearta bunúsacha an iarratasóra arb ionann é agus íde atá mídhaonna nó táireach de réir bhrí Airteagal 4 den Chairt, leanfaidh an Ballstát cinntitheach de scrúdú a dhéanamh ar na critéir a leagtar amach i gCaibidil II nó ar na clásail a leagtar amach i gCaibidil III den Chuid seo chun a shuí an féidir Ballstát eile a ainmniú mar Bhallstát freagrach.

I gcás nach féidir le Ballstát an t-aistriú a dhéanamh de bhun na chéad fomhíre den mhír seo chuig aon Bhallstát a ainmnítear ar bhonn na gcritéar a leagtar amach i gCaibidil II nó na gclásal a leagtar amach i gCaibidil III den Chuid seo ná chuig an gcéad Bhallstát inar cláraíodh an t-iarratas, agus nach féidir leis a shuí an féidir Ballstát eile a ainmniú mar Bhallstát freagrach, is é an Ballstát sin a bheidh ina Bhallstát atá freagrach as scrúdú a dhéanamh ar an iarratas ar chosaint idirnáisiúnta.

4.   Más rud é nach ndearnadh seiceáil slándála dá bhforáiltear in Airteagal 15 de Rialachán (AE) 2024/1356 de bhun an Rialacháin sin, scrúdóidh an chéad Bhallstát inar cláraíodh an t-iarratas ar chosaint idirnáisiúnta an bhfuil forais réasúnacha ann chun a mheas go bhfuil an t-iarratasóir ina bhagairt nó ina bagairt ar an tslándáil inmheánach a luaithe is féidir tar éis chlárú an iarratais, sula gcuirfidh sé i bhfeidhm na critéir chun a chinneadh cé acu Ballstát atá freagrach de bhun Chaibidil II nó de bhun na gclásal a leagtar amach i gCaibidil III den Chuid seo.

Más rud é go ndearnadh seiceáil slándála dá bhforáiltear in Airteagal 15 de Rialachán (AE) 2024/1356, ach go bhfuil cúiseanna a bhfuil údar leo ag an gcéad Bhallstát inar cláraíodh an t-iarratas ar chosaint idirnáisiúnta chun scrúdú a dhéanamh i dtaobh an bhfuil forais réasúnacha ann chun a mheas go bhfuil an t-iarratasóir ina bhagairt nó ina bagairt ar an tslándáil inmheánach, déanfaidh an Ballstát sin an scrúdú a luaithe is féidir tar éis chlárú an iarratais, sula gcuirfidh sé i bhfeidhm na critéir chun a chinneadh cé acu Ballstát atá freagrach de bhun Chaibidil II nó de bhun na gclásal a leagtar amach i gCaibidil III den Chuid seo.

I gcás ina léirítear sa tseiceáil slándála a dhéantar i gcomhréir le hAirteagal 15 de Rialachán (AE) 2024/1356 nó i gcomhréir leis an gcéad fhomhír agus leis an dara fomhír den mhír seo gurb ann d’fhorais réasúnacha chun a mheas go bhfuil an t-iarratasóir ina bhagairt nó ina bagairt ar an tslándáil inmheánach, is é an Ballstát a dhéanann an tseiceáil slándála a bheidh ina Bhallstát freagrach, agus ní bheidh feidhm ag Airteagal 39 den Rialachán seo.

5.   Coimeádfaidh gach Ballstát an ceart an t-iarratasóir a chur chuig tríú tír shábháilte, faoi réir na rialacha agus na gcoimircí a leagtar síos i Rialachán (AE) 2024/1348.

1.   Déanfar agus clárófar iarratas ar chosaint idirnáisiúnta i mBallstát an chéad dul isteach.

2.   De mhaolú ar mhír 1, i gcás ina bhfuil doiciméad cónaithe bailí nó víosa bhailí i seilbh an náisiúnaigh tríú tír nó an duine gan stát, déanfar agus clárófar an t-iarratas ar chosaint idirnáisiúnta sa Bhallstát a d’eisigh an doiciméad cónaithe nó an víosa.

I gcás ina bhfuil doiciméad cónaithe nó víosa atá imithe in éag nó a cuireadh ar neamhní, a aistarraingíodh nó a cúlghaireadh i seilbh náisiúnach tríú tír nó duine gan stát, déanfar agus clárófar an t-iarratas ar chosaint idirnáisiúnta sa Bhallstát ina bhfuil sé nó sí i láthair.

3.   Comhoibreoidh an t-iarratasóir go hiomlán le húdaráis inniúla na mBallstát a mhéid a bhaineann le bailiú na sonraí bithmhéadracha i gcomhréir le Rialachán (AE) 2024/1358 agus le hábhair a chumhdaítear leis an Rialachán seo, go háirithe trí na heilimintí uile agus an fhaisnéis uile atá ar fáil dó nó di agus atá ábhartha chun a chinneadh cé acu Ballstát atá freagrach a thíolacadh agus a nochtadh, a luaithe is féidir agus ar a dhéanaí le linn an agallaimh dá dtagraítear in Airteagal 22 den Rialachán seo, lena n-áirítear trí na doiciméid chéannachta atá aige nó aici a thíolacadh más rud é go bhfuil doiciméid den sórt sin i seilbh an iarratasóra. I gcás nach bhfuil an t-iarratasóir in ann an fhianaise a thíolacadh, tráth an agallaimh, chun bunús a thabhairt leis na heilimintí agus leis an bhfaisnéis a sholáthraítear, nó chun an teimpléad dá dtagraítear in Airteagal 22(1) den Rialachán seo a chomhlánú, déanfaidh an t-údarás inniúil teorainn ama réasúnta a shocrú chun fianaise den sórt sin a thíolacadh, agus imthosca aonair an cháis á gcur i gcuntas aige, laistigh den tréimhse dá dtagraítear in Airteagal 39(1) den Rialachán seo.

4.   Ceanglófar ar an iarratasóir a bheith i láthair:

5.   I gcás ina dtugtar fógra faoi chinneadh aistrithe don iarratasóir i gcomhréir le hAirteagal 42(2) agus le hAirteagal 67(10), comhoibreoidh an t-iarratasóir leis na húdaráis inniúla agus comhlíonfaidh an t-iarratasóir an cinneadh sin.

1.   Ar choinníoll gur cuireadh an t-iarratasóir ar an eolas faoina oibleagáidí nó faoina hoibleagáidí agus faoi na hiarmhairtí a ghabhann le neamhchomhlíonadh na n-oibleagáidí sin i gcomhréir le hAirteagal 11(1), pointe (b), de Rialachán (AE) 2024/1356 nó le hAirteagal 5(1) agus Airteagal 21 de Threoir (AE) 2024/1346, ní bheidh an t-iarratasóir i dteideal na ndálaí glactha a leagtar amach in Airteagail 17 go 20 den Treoir sin in aon Bhallstát seachas an Ballstát ina gceanglaítear air nó uirthi a bheith i láthair de bhun Airteagal 17(4) den Rialachán seo ón tráth a thabharfar fógra dó nó di faoi chinneadh é nó í a aistriú chuig an mBallstát freagrach.

Ní dochar an chéad fhomhír don ghá atá le caighdeán maireachtála a áirithiú i gcomhréir le dlí an Aontais, lena n-áirítear an Chairt, agus oibleagáidí idirnáisiúnta.

2.   Na heilimintí agus faisnéis atá ábhartha chun a chinneadh cé acu Ballstát atá freagrach agus a thíolactar tar éis don teorainn ama dul in éag, ní chuirfear san áireamh iad ach amháin má sholáthraítear leo fianaise atá cinntitheach chun an Rialachán seo a chur i bhfeidhm i gceart, go háirithe maidir le mionaoisigh neamhthionlactha agus athaontú teaghlaigh.

3.   Ní bheidh feidhm ag mír 1 i gcás nach bhfuil an t-iarratasóir sa Bhallstát ina gceanglaítear air nó uirthi a bheith i láthair ann agus i gcás ina bhfuil forais réasúnacha ag údaráis inniúla an Bhallstáit ina bhfuil an t-iarratasóir i láthair lena chreidiúint go bhféadfadh sé go raibh an t-iarratasóir faoi réir aon cheann de na cionta dá dtagraítear in Airteagail 2 agus 3 de Threoir 2011/36/AE ó Pharlaimint na hEorpa agus ón gComhairle (39).

4.   Agus an tAirteagal seo á chur i bhfeidhm, cuirfidh na Ballstáit i gcuntas imthosca aonair an iarratasóra, lena n-áirítear aon fhíorbhaol go sárófaí cearta bunúsacha sa Bhallstát ina gceanglaítear ar an iarratasóir a bheith i láthair. Beidh aon bhearta a ghlacann na Ballstáit comhréireach.

1.   A luaithe is féidir agus in aon chás faoin dáta a chláraítear iarratas ar chosaint idirnáisiúnta i mBallstát, soláthróidh údarás inniúil an Bhallstáit sin faisnéis don iarratasóir faoi chur i bhfeidhm an Rialacháin seo, faoi na cearta atá aige nó aici de bhun an Rialacháin seo, agus faoi na hoibleagáidí a leagtar amach in Airteagal 17 mar aon leis na hiarmhairtí a ghabhann le neamhchomhlíonadh a leagtar amach in Airteagal 18. Áireofar ar an bhfaisnéis sin faisnéis faoin méid seo a leanas go háirithe:

2.   Beidh an deis ag an iarratasóir faisnéis a iarraidh maidir leis an dul chun cinn sa nós imeachta agus cuirfidh na húdaráis inniúla an t-iarratasóir ar an eolas faoin deis sin. I gcás inar mionaoiseach an t-iarratasóir, beidh an deis ag an mionaoiseach agus ag an tuismitheoir nó ag an ionadaí faisnéis den sórt sin a iarraidh.

1.   Soláthrófar i scríbhinn an fhaisnéis dá dtagraítear in Airteagal 19 i bhfoirm atá achomair, trédhearcach, intuigthe agus inrochtana go héasca, agus úsáid á baint as teanga shoiléir shimplí agus i dteanga a thuigeann an t-iarratasóir nó a cheaptar le réasún go dtuigfeadh an t-iarratasóir í. Chun na críche sin, úsáidfidh na Ballstáit an t-ábhar faisnéise coiteann a dhréachtaítear de bhun mhír 2 den Airteagal seo. Beidh an t-ábhar faisnéise coiteann ar fáil freisin ar líne, ar ardán atá oscailte agus inrochtana d’iarratasóirí ar chosaint idirnáisiúnta.

I gcás inar gá chun go dtuigfidh an t-iarratasóir i gceart í, soláthrófar an fhaisnéis ó bhéal freisin, i gcás inarb iomchuí i dtaca leis an agallamh pearsanta dá dtagraítear in Airteagal 22. Chun na críche sin, beidh an deis ag an iarratasóir ceisteanna a chur chun an fhaisnéis a sholáthraítear a shoiléiriú. Féadfaidh na Ballstáit úsáid a bhaint as trealamh ilmheán mar thacaíocht.

2.   Déanfaidh an Ghníomhaireacht um Thearmann, i ndlúthchomhar leis na húdaráis náisiúnta fhreagracha, ábhar faisnéise coiteann a tharraingt suas, mar aon le faisnéis shonrach do mhionaoisigh neamhthionlactha agus d’iarratasóirí leochaileacha, i gcás inar gá le haghaidh iarratasóirí ag a bhfuil riachtanais shonracha ghlactha nó nós imeachta, ina mbeidh ar a laghad an fhaisnéis dá dtagraítear in Airteagal 19. Áireofar freisin leis an ábhar faisnéise coiteann sin faisnéis maidir le cur i bhfeidhm Rialachán (AE) 2024/1358 agus, go háirithe, an cuspóir ar ina leith a fhéadfar sonraí an iarratasóra a phróiseáil laistigh de Eurodac.

Déanfar an t-ábhar faisnéise coiteann a tharraingt suas ar bhealach a chuirfidh ar chumas na mBallstát é a chomhlánú le faisnéis bhreise a bhaineann go sonrach le Ballstát.

3.   I gcás inar mionaoiseach an t-iarratasóir, déanfaidh foireann atá oilte go hiomchuí an fhaisnéis dá dtagraítear in Airteagal 19 a sholáthar ar bhealach atá oiriúnach do leanaí agus i láthair ionadaí an iarratasóra.

1.   Beidh an ceart ag iarratasóirí dul i gcomhairle, ar bhealach éifeachtach, le comhairleoir dlí nó le comhairleoir eile, a aithnítear nó a cheadaítear sa cháil sin faoin dlí náisiúnta, maidir le hábhair a bhaineann le cur i bhfeidhm na gcritéar a leagtar amach i gCaibidil II nó na gclásal a leagtar amach i gCaibidil III den Chuid seo ag gach céim den nós imeachta chun a chinneadh cé acu Ballstát atá freagrach dá bhforáiltear sa Rialachán seo.

2.   Gan dochar do cheart an iarratasóra a chomhairleoir nó a comhairleoir dlí féin nó comhairleoir eile a roghnú ar a chostas féin nó ar a costas féin, féadfaidh iarratasóir comhairleoireacht dhlíthiúil saor in aisce a iarraidh sa nós imeachta chun a chinneadh cé acu Ballstát atá freagrach.

3.   Comhairleoirí dlí nó comhairleoirí eile a aithnítear nó a cheadaítear faoin dlí náisiúnta chun comhairle nó cúnamh a thabhairt d’iarratasóirí nó chun ionadaíocht a dhéanamh orthu nó eagraíochtaí neamhrialtasacha atá creidiúnaithe faoin dlí náisiúnta chun seirbhísí dlí nó ionadaíocht dhlíthiúil a sholáthar d’iarratasóirí, is iadsan a sholáthróidh comhairleoireacht dhlíthiúil saor in aisce.

Chun críocha na chéad fhomhíre, féadfar rochtain éifeachtach ar chomhairleoireacht dhlíthiúil saor in aisce a áirithiú trína chur de chúram ar dhuine comhairleoireacht dhlíthiúil a sholáthar ag céim riaracháin an nós imeachta do roinnt iarratasóirí ag an am céanna.

4.   Féadfaidh na Ballstáit soláthar na comhairleoireachta dlíthiúla a eagrú i gcomhréir lena gcórais náisiúnta.

5.   Déanfaidh na Ballstáit rialacha sonracha nós imeachta a leagan síos a bhaineann leis na socruithe chun iarrataí ar sholáthar comhairleoireachta dlíthiúla saor in aisce dá bhforáiltear san Airteagal seo a chomhdú agus a phróiseáil.

6.   Chun críocha an nós imeachta chun a chinneadh cé acu Ballstát atá freagrach, áireofar sa chomhairleoireacht dhlíthiúil saor in aisce an méid seo a leanas:

7.   Gan dochar do mhír 1, féadfar soláthar comhairleoireachta dlíthiúla saor in aisce a eisiamh ón nós imeachta chun a chinneadh cé acu Ballstát atá freagrach i gcás ina dtugann comhairleoir dlí cúnamh agus ionadaíocht don iarratasóir cheana féin.

8.   Chun an tAirteagal seo a chur chun feidhme, féadfaidh na Ballstáit cúnamh a iarraidh ar an nGníomhaireacht um Thearmann. Ina theannta sin, féadfar tacaíocht airgeadais a sholáthar trí chistí de chuid an Aontais do na Ballstáit, i gcomhréir leis na gníomhartha dlí is infheidhme maidir le cistiú den sórt sin.

1.   Chun éascú a dhéanamh ar an nós imeachta chun a chinneadh cé acu Ballstát atá freagrach, déanfaidh údaráis inniúla an Bhallstáit chinntithigh dá dtagraítear in Airteagal 38(1) agallamh pearsanta leis an iarratasóir chun Airteagal 39 a chur i bhfeidhm. Leis an agallamh, cuirfear ar chumas an iarratasóra freisin tuiscint cheart a fháil ar an bhfaisnéis a fuarthas i gcomhréir le hAirteagal 19.

Baileoidh na húdaráis inniúla faisnéis faoi staid sonrach an iarratasóra trí cheisteanna a chur go réamhghníomhach lena gcuideofaí lena chinneadh cé acu Ballstát atá freagrach chun Airteagal 39 a chur i bhfeidhm.

I gcás inarb ann do chomharthaí go bhfuil baill teaghlaigh nó gaolta ag an iarratasóir i mBallstát, gheobhaidh an t-iarratasóir teimpléad, atá le forbairt ag an nGníomhaireacht um Thearmann. Déanfaidh an t-iarratasóir an teimpléad sin a líonadh leis an bhfaisnéis atá ar fáil dó nó di chun cur i bhfeidhm Airteagal 39 a éascú. I gcás inar féidir, comhlánóidh an t-iarratasóir an teimpléad sin roimh an agallamh pearsanta a leagtar amach san Airteagal seo.

Forbróidh an Ghníomhaireacht um Thearmann an teimpléad dá dtagraítear sa tríú fomhír den mhír seo faoin 12 Aibreán 2025. Forbróidh an Ghníomhaireacht um Thearmann treoirlínte freisin maidir le baill teaghlaigh a shainaithint agus a lorg chun tacú leis an mBallstát iarrthach agus leis an mBallstát iarrtha Airteagail 25 go 28 agus 34 a chur i bhfeidhm i gcomhréir le hAirteagail 39 agus 40.

Beidh an deis ag an iarratasóir cúiseanna cuí-réasúnaithe a thabhairt do na húdaráis inniúla ionas gur féidir leo breithniú a dhéanamh ar Airteagal 35(1) a chur i bhfeidhm.

2.   Féadfar an t-agallamh pearsanta a fhágáil ar lár más rud é:

Chun críocha na chéad fhomhíre, pointe (c), den mhír seo, tabharfaidh an Ballstát a fhágann an t-agallamh ar lár an deis don iarratasóir an fhaisnéis bhreise uile a chur i láthair, ar faisnéis í atá ábhartha chun an Ballstát atá freagrach a chinneadh i gceart laistigh den tréimhse dá dtagraítear in Airteagal 39(1), lena n-áirítear cúiseanna cuí-réasúnaithe don údarás chun breithniú a dhéanamh ar an ngá atá le hagallamh pearsanta.

3.   Déanfar an t-agallamh pearsanta go tráthúil agus, in aon chás, sula ndéanfar aon iarraidh ar ghabháil ar láimh de bhun Airteagal 39.

4.   Déanfar an t-agallamh pearsanta sa teanga is rogha leis an iarratasóir ach amháin má tá teanga eile a thuigeann sé nó sí agus ina bhfuil sé nó sí ábalta cumarsáid a dhéanamh go soiléir. Is duine ag a bhfuil an t-eolas is gá ar chearta agus riachtanais speisialta mionaoiseach a dhéanfaidh agallaimh ar mhionaoisigh neamhthionlactha agus, i gcás inarb infheidhme, ar mhionaoisigh thionlactha, ar bhealach leanbh-íogair agus oiriúnach don chomhthéacs, agus aois agus aibíocht an mhionaoisigh á gcur san áireamh, agus déanfar na hagallaimh sin i láthair an ionadaí agus, i gcás inarb infheidhme, chomhairleoir dlí an mhionaoisigh. I gcás inar gá, cuirfear ateangaire ar fáil atá ábalta cumarsáid iomchuí a áirithiú idir an t-iarratasóir agus an duine a dhéanann an t-agallamh pearsanta. Féadfar idirghabhálaí cultúrtha a chur ar fáil le linn an agallaimh phearsanta. I gcás ina n-iarrann an t-iarratasóir amhlaidh agus i gcás inar féidir, is den ghnéas is fearr leis an iarratasóir a bheidh an duine a dhéanann an t-agallamh agus, i gcás inarb infheidhme, an t-ateangaire.

5.   I gcás ina bhfuil údar cuí leis i bhfianaise na n-imthosca, féadfaidh na Ballstáit an t-agallamh pearsanta a dhéanamh trí fhíschomhdháil. I gcás den sórt sin, áiritheoidh an Ballstát na socruithe is gá le haghaidh na saoráidí, na gcaighdeán nós imeachta agus teicniúil, an chúnaimh dlí agus na hateangaireachta is iomchuí, agus treoir ón nGníomhaireacht um Thearmann á cur i gcuntas.

6.   Déanfar an t-agallamh pearsanta faoi dhálaí lena n-áirithítear rúndacht iomchuí. Duine atá cáilithe faoin dlí náisiúnta a dhéanfaidh an t-agallamh. Maidir le hiarratasóirí a shainaithnítear go bhfuil sainráthaíochtaí nós imeachta de dhíth orthu de bhun Rialachán (AE) 2024/1348, tabharfar tacaíocht leormhaith dóibh chun na dálaí is gá a chruthú chun na heilimintí uile a chur i láthair go héifeachtach a fhágann gur féidir an Ballstát atá freagrach a chinneadh. Beidh eolas ginearálta faighte freisin ag an bhfoireann a chuireann iarratasóirí faoi agallamh faoi thosca a d’fhéadfadh difear diúltach a dhéanamh do chumas an iarratasóra dul faoi agallamh, amhail comharthaí gur céasadh an duine san am atá thart nó gurbh íospartach gáinneála ar dhaoine an duine.

7.   Déanfaidh an Ballstát a dhéanann an t-agallamh pearsanta taifeadadh fuaime ar an agallamh agus déanfaidh sé achoimre i scríbhinn de ina mbeidh ar a laghad an phríomhfhaisnéis a thug an t-iarratasóir ag an agallamh. Cuirfear an t-iarratasóir ar an eolas roimh ré go bhfuil taifeadadh den sórt sin á dhéanamh agus faoin gcuspóir atá leis. I gcás ina bhfuil amhras ann faoi na ráitis a rinne an t-iarratasóir le linn an agallaimh phearsanta, is ag an taifeadadh fuaime a bheidh an forlámhas. Féadfar an achoimre a dhéanamh i bhfoirm tuairisce nó i bhfoirm chaighdeánach. Áiritheoidh an Ballstát go mbeidh rochtain thráthúil ar an achoimre ag an iarratasóir nó ag an gcomhairleoir dlí nó ag comhairleoir eile, a aithnítear nó a cheadaítear sa cháil sin faoin dlí náisiúnta, a dhéanann ionadaíocht dhlíthiúil ar an iarratasóir, a luaithe is féidir tar éis an agallaimh agus in aon chás sula ndéanfaidh na húdaráis inniúla cinneadh faoin mBallstát atá freagrach. Tabharfar an deis don iarratasóir barúlacha a thabhairt nó soiléiriú ó bhéal nó i scríbhinn a thabhairt maidir le haon aistriúcháin mhíchearta nó míthuiscintí nó botúin fhíorasacha eile a thagann chun solais san achoimre i scríbhinn ag deireadh an agallaimh phearsanta nó laistigh de theorainn shonraithe ama.

1.   Tabharfaidh na Ballstáit tús áite do leas an linbh maidir le gach nós imeachta dá bhforáiltear sa Rialachán seo. Tabharfar tosaíocht do nósanna imeachta lena n-áirítear mionaoisigh.

2.   Áiritheoidh gach Ballstát ina bhfuil mionaoiseach neamhthionlactha i láthair go ndéanfaidh ionadaí ionadaíocht air nó uirthi agus go dtabharfaidh an t-ionadaí cúnamh dó nó di i ndáil leis na nósanna imeachta ábhartha dá bhforáiltear sa Rialachán seo. Beidh na hacmhainní, na cáilíochtaí, an oiliúint, an saineolas agus an neamhspleáchas ag an ionadaí chun a áirithiú go gcuirfear leas an linbh san áireamh le linn na nósanna imeachta a dhéantar faoin Rialachán seo. Beidh rochtain ag an ionadaí ar ábhar na ndoiciméad ábhartha i gcomhad an iarratasóra lena n-áirítear an t-ábhar faisnéise sonrach do mhionaoisigh neamhthionlactha, agus coinneoidh an t-ionadaí an mionaoiseach neamhthionlactha ar an eolas faoin dul chun cinn maidir leis na nósanna imeachta faoin Rialachán seo.

I gcás ina ndéanann duine a mhaíonn gur mionaoiseach é nó í, nó ina ndéanann duine a bhfuil forais oibiachtúla ann ina leith lena chreidiúint gur mionaoiseach é nó í, agus atá neamhthionlactha, iarratas, déanfaidh na húdaráis inniúla an méid seo a leanas:

I gcás líon díréireach iarratas arna ndéanamh ag mionaoisigh neamhthionlactha nó i gcásanna eisceachtúla eile, féadfar an teorainn ama chun ionadaí a ainmniú de bhun an dara fomhír, pointe (b), a fhadú 10 lá oibre.

I gcás ina dtagann an t-údarás inniúil ar an tátal gur duine atá os cionn 18 mbliana d’aois gan aon amhras an t-iarratasóir a mhaíonn gur mionaoiseach é nó í, ní cheanglófar ionadaí a ainmniú i gcomhréir leis an mír seo.

Scoirfidh dualgais an ionadaí nó an duine dá dtagraítear sa dara fomhír, pointe (a), i gcás nach nglacann na húdaráis inniúla leis, tar éis an mheasúnaithe aoise dá dtagraítear in Airteagal 25(1) de Rialachán (AE) 2024/1348, gur mionaoiseach an t-iarratasóir nó i gcás ina measann siad nach mionaoiseach an t-iarratasóir, nó i gcás nach mionaoiseach neamhthionlactha an t-iarratasóir a thuilleadh.

I gcás ina gceaptar eagraíocht mar ionadaí, ainmneoidh sí duine le bheith freagrach as a cuid dualgas a chomhlíonadh i ndáil leis an mionaoiseach. Beidh feidhm ag an gcéad fhomhír maidir leis an duine sin.

Féadfaidh an t-ionadaí dá bhforáiltear sa chéad fhomhír a bheith mar an gcéanna leis an duine nó an eagraíocht dá bhforáiltear in Airteagal 23 de Rialachán (AE) 2024/1348.

3.   Tabharfaidh na Ballstáit rannpháirt d’ionadaí mionaoisigh neamhthionlactha le linn an nós imeachta ar fad chun a chinneadh cé acu Ballstát atá freagrach faoin Rialachán seo. Tabharfaidh an t-ionadaí cúnamh don mhionaoiseach neamhthionlactha chun faisnéis a sholáthar atá ábhartha maidir le measúnú a dhéanamh ar leas an linbh i gcomhréir le mír 4, lena n-áirítear feidhmiú an chirt chun éisteacht a fháil, agus tacóidh an t-ionadaí le rannpháirtíocht an mhionaoisigh le gníomhaithe eile, amhail eagraíochtaí lorgtha teaghlaigh, i gcás inarb iomchuí chun na críche sin, agus aird chuí á tabhairt ar na hoibleagáidí rúndachta i leith an mhionaoisigh.

4.   Agus measúnú á dhéanamh ar leas an linbh, oibreoidh na Ballstáit i ndlúthchomhar le chéile agus, go háirithe, tabharfaidh siad aird chuí ar na tosca seo a leanas:

5.   Roimh dó mionaoiseach neamhthionlactha a aistriú, tabharfaidh an Ballstát aistritheach fógra don Bhallstát freagrach nó do Bhallstát an athshocraithe, a dhearbhóidh go ndéanfar na bearta iomchuí uile dá dtagraítear in Airteagail 16 agus 27 de Threoir (AE) 2024/1346 agus in Airteagal 23 de Rialachán (AE) 2024/1348 a ghlacadh gan mhoill, lena n-áirítear ionadaí a cheapadh sa Bhallstát freagrach nó i mBallstát an athshocraithe. Sula ndéanfar aon chinneadh mionaoiseach neamhthionlactha a aistriú, déanfar measúnú aonair ar leas an linbh. Beidh an measúnú bunaithe ar na tosca ábhartha a liostaítear i mír 4 den Airteagal seo agus luafar go soiléir sa chinneadh aistrithe conclúidí an mheasúnaithe ar na tosca sin. Chun a áirithiú go gcuirfear leas an linbh san áireamh, déanfaidh baill foirne atá oilte go hiomchuí agus ag a bhfuil na cáilíochtaí agus an saineolas is gá an measúnú gan mhoill.

6.   Chun Airteagal 25 a chur i bhfeidhm, déanfaidh an Ballstát inar cláraíodh den chéad uair iarratas an mhionaoisigh neamhthionlactha ar chosaint idirnáisiúnta gníomhaíocht iomchuí láithreach chun aon bhaill teaghlaigh, siblíní nó gaolta de chuid an mhionaoisigh neamhthionlactha ar chríoch na mBallstát a shainaithint, agus leas an linbh á chosaint ag an am céanna.

Chuige sin, féadfaidh an Ballstát sin cúnamh a iarraidh ar eagraíochtaí idirnáisiúnta nó ar eagraíochtaí ábhartha eile, agus féadfaidh sé rochtain an mhionaoisigh ar sheirbhísí lorgtha eagraíochtaí den sórt sin a éascú.

Cuirfear oiliúint iomchuí i dtaca le sainriachtanais mionaoiseach atá ábhartha do chur i bhfeidhm an Rialacháin seo ar fhoireann na n-údarás inniúil dá dtagraítear in Airteagal 52 a dhéileálann le hiarrataí maidir le mionaoisigh neamhthionlactha.

7.   D’fhonn an ghníomhaíocht iomchuí a éascú chun baill teaghlaigh nó gaolta mionaoiseach neamhthionlactha ar a bhfuil cónaí i gcríoch Ballstáit eile de bhun mhír 6 den Airteagal seo a shainaithint, glacfaidh an Coimisiún gníomhartha cur chun feidhme lena n-áirítear foirm chaighdeánach chun faisnéis iomchuí a mhalartú idir Ballstáit. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   Maidir leis na critéir chun a chinneadh cé acu Ballstát atá freagrach, déanfar iad a chur i bhfeidhm san ord a leagtar amach iad sa Chaibidil seo.

2.   Déanfar an Ballstát atá freagrach a chinneadh i gcomhréir leis na critéir a leagtar amach sa Chaibidil seo ar bhonn na staide tráth a rinneadh an t-iarratas ar chosaint idirnáisiúnta a chlárú den chéad uair le Ballstát.

1.   I gcás inar mionaoiseach neamhthionlactha an t-iarratasóir, ní bheidh feidhm ach ag na critéir a leagtar amach san Airteagal seo. Beidh feidhm ag na critéir sin san ord ina leagtar amach iad i míreanna 2 go 5.

2.   Is é a bheidh sa Bhallstát freagrach an Ballstát ina bhfuil ball teaghlaigh nó siblín de chuid an mhionaoisigh neamhthionlactha i láthair go dleathach, mura léirítear nach chun leasa an linbh é. I gcás inar mionaoiseach pósta an t-iarratasóir ach nach bhfuil céile an mhionaoisigh sin i láthair ar chríoch na mBallstát, is é a bheidh sa Bhallstát freagrach an Ballstát ina bhfuil athair nó máthair an mhionaoisigh nó duine fásta eile atá freagrach as an mionaoiseach, cibé acu de réir an dlí nó de réir chleachtas an Bhallstáit sin, nó siblín an mhionaoisigh i láthair go dleathach, mura léirítear nach chun leasa an linbh é.

3.   I gcás inar mionaoiseach neamhthionlactha an t-iarratasóir ag a bhfuil gaol atá i láthair go dleathach i mBallstát eile agus i gcás ina suitear, ar bhonn scrúdú aonair, go bhfuil an gaol in ann aire a thabhairt dó nó di, déanfaidh an Ballstát sin an mionaoiseach a athaontú leis an ngaol, agus is é a bheidh sa Bhallstát freagrach an Ballstát sin, mura léirítear nach chun leasa an linbh é.

4.   I gcás ina bhfuil baill teaghlaigh, siblíní nó gaolta dá dtagraítear i míreanna 2 agus 3 ag fanacht i níos mó ná Ballstát amháin, déanfar an Ballstát freagrach a chinneadh ar bhonn leas an linbh.

5.   I gcás nach bhfuil ball teaghlaigh, siblín ná gaol dá dtagraítear i míreanna 2 agus 3 i láthair, is é a bheidh sa Bhallstát freagrach an Ballstát inar cláraíodh iarratas an mhionaoisigh neamhthionlactha ar chosaint idirnáisiúnta den chéad uair, más chun leasa an linbh é.

6.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 78 maidir leis an méid seo a leanas:

Agus a chumhachtaí á bhfeidhmiú ag an gCoimisiún chun gníomhartha tarmligthe a ghlacadh, ní sháróidh sé raon feidhme leas an linbh dá bhforáiltear faoi Airteagal 23(4).

7.   Déanfaidh an Coimisiún, trí bhíthin gníomhartha cur chun feidhme, modhanna aonfhoirmeacha a bhunú don chomhairliúchán agus chun faisnéis a mhalartú idir na Ballstáit chun críocha an Airteagail seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   I gcás ina bhfuil ball teaghlaigh ag an iarratasóir ar ceadaíodh don bhall teaghlaigh sin cónaí mar thairbhí de chosaint idirnáisiúnta i mBallstát nó atá ina chónaí nó ina cónaí i mBallstát ar bhonn cead cónaithe fhadtéarmaigh i gcomhréir le Treoir 2003/109/CE ón gComhairle (40) nó cead cónaithe fhadtéarmaigh arna dheonú i gcomhréir leis an dlí náisiúnta, i gcás nach bhfuil feidhm ag an Treoir sin sa Bhallstát lena mbaineann, beidh an Ballstát sin freagrach as scrúdú a dhéanamh ar an iarratas ar chosaint idirnáisiúnta, ar choinníoll gur chuir na daoine lena mbaineann a mian chuige sin in iúl i scríbhinn.

2.   I gcás inar ceadaíodh don bhall teaghlaigh cónaí mar thairbhí cosanta idirnáisiúnta roimhe sin, ach gur tháinig an ball teaghlaigh sin chun bheith ina shaoránach nó ina saoránach de Bhallstát ina dhiaidh sin, beidh an Ballstát sin freagrach as scrúdú a dhéanamh ar an iarratas, ar choinníoll gur chuir na daoine lena mbaineann a mian chuige sin in iúl i scríbhinn.

3.   Beidh feidhm ag míreanna 1 agus 2 freisin maidir le leanaí a bheirtear tar éis don bhall teaghlaigh críoch na mBallstát a shroicheadh.

1.   I gcás ina bhfuil doiciméad cónaithe bailí i seilbh an iarratasóra, beidh an Ballstát a d’eisigh an doiciméad sin freagrach as scrúdú a dhéanamh ar an iarratas ar chosaint idirnáisiúnta.

2.   I gcás ina bhfuil víosa bhailí i seilbh an iarratasóra, beidh an Ballstát a d’eisigh an víosa sin freagrach as scrúdú a dhéanamh ar an iarratas ar chosaint idirnáisiúnta, ach amháin i gcás inar eisíodh an víosa sin thar ceann Ballstáit eile faoi shocrú maidir le hionadaíocht dá bhforáiltear in Airteagal 8 de Rialachán (CE) Uimh. 810/2009. I gcás den sórt sin, beidh an Ballstát a ndéantar ionadaíocht air freagrach as scrúdú a dhéanamh ar an iarratas ar chosaint idirnáisiúnta.

3.   I gcás ina bhfuil níos mó ná doiciméad cónaithe bailí amháin nó níos mó ná víosa bhailí amháin a d’eisigh Ballstáit éagsúla i seilbh an iarratasóra, déanfar na Ballstát atá freagrach as scrúdú a dhéanamh ar an iarratas ar chosaint idirnáisiúnta a chinneadh san ord seo a leanas:

4.   I gcás ina bhfuil doiciméad cónaithe amháin nó níos mó a bhfuil a mbailíocht dulta in éag nó a cuireadh ar neamhní, a cúlghaireadh nó a aistarraingíodh níos lú ná 3 bliana sular cláraíodh an t-iarratas, nó víosa amháin nó níos mó a bhfuil a mbailíocht dulta in éag nó a cuireadh ar neamhní, a cúlghaireadh nó a aistarraingíodh níos lú ná 18 mí sular cláraíodh an t-iarratas, i seilbh an iarratasóra, beidh feidhm ag míreanna 1, 2 agus 3.

5.   Ní chuirfear cosc le freagracht a chur ar an mBallstát a d’eisigh doiciméad cónaithe nó víosa toisc gur eisíodh an doiciméad cónaithe nó an víosa ar bhonn céannacht bhréagach nó ghlactha nó ar dhoiciméid a bhí brionnaithe, góchumtha nó neamhbhailí a thíolacadh. Mar sin féin, ní bheidh an Ballstát a d’eisigh an doiciméad cónaithe nó an víosa freagrach más féidir leis a shuí go ndearnadh calaois tar éis don doiciméad nó don víosa a bheith eisithe.

1.   I gcás ina bhfuil dioplóma nó cáilíocht i seilbh an iarratasóra a d’eisigh foras oideachais atá bunaithe i mBallstát, beidh an Ballstát sin freagrach as scrúdú a dhéanamh ar an iarratas ar chosaint idirnáisiúnta, ar choinníoll go ndéantar an t-iarratas a chlárú tráth is lú ná 6 bliana tar éis eisiúint an dioplóma nó na cáilíochta.

2.   I gcás ina bhfuil níos mó ná dioplóma nó cáilíocht amháin i seilbh an iarratasóra a d’eisigh forais oideachais i mBallstáit éagsúla, is é an Ballstát a d’eisigh an dioplóma nó an cháilíocht tar éis na tréimhse staidéir is faide a ghabhfaidh chuige féin an fhreagracht as scrúdú a dhéanamh ar an iarratas ar chosaint idirnáisiúnta nó, i gcás inarb ionann na tréimhsí staidéir, is é an Ballstát ina bhfuarthas an dioplóma nó an cháilíocht is déanaí a ghabhfaidh chuige féin an fhreagracht sin.

1.   Má théann náisiúnach tríú tír nó duine gan stát isteach i gcríoch na mBallstát trí Bhallstát ina dtarscaoiltear an gá víosa a bheith aige nó aici, beidh an Ballstát sin freagrach as scrúdú a dhéanamh ar a iarratas nó a hiarratas ar chosaint idirnáisiúnta.

2.   Ní bheidh feidhm ag mír 1 má dhéantar iarratas an náisiúnaigh tríú tír nó an duine gan stát ar chosaint idirnáisiúnta a chlárú i mBallstát eile ina dtarscaoiltear freisin an gá víosa a bheith aige nó aici chun dul isteach sa chríoch. Sa chás sin, beidh an Ballstát eile sin freagrach as scrúdú a dhéanamh ar an iarratas ar chosaint idirnáisiúnta.

1.   I gcás ina suitear, ar bhonn cruthúnas nó fianaise imthoisceach mar a thuairiscítear sna liostaí dá dtagraítear in Airteagal 40(4) den Rialachán seo, lena n-áirítear na sonraí dá dtagraítear i Rialachán (AE) 2024/1358, go bhfuil iarratasóir tar éis an teorainn a thrasnú go neamhrialta isteach i mBallstát ó thríú tír ar tír, ar muir nó san aer, beidh an chéad Bhallstát a ndeachaigh an t-iarratasóir isteach ann freagrach as scrúdú a dhéanamh ar an iarratas ar chosaint idirnáisiúnta. Scoirfidh an fhreagracht sin má chláraítear an t-iarratas níos mó ná 20 mí tar éis an dáta a rinneadh an trasnú teorann sin.

2.   D’ainneoin na chéad mhíre den Airteagal seo, i gcás ina suitear, ar bhonn cruthúnas nó fianaise imthoisceach mar a thuairiscítear sna liostaí dá dtagraítear in Airteagal 40(4) den Rialachán seo, lena n-áirítear na sonraí dá dtagraítear i Rialachán (AE) 2024/1358, gur díbhordáladh iarratasóir ar chríoch Ballstáit tar éis oibríocht chuardaigh agus tarrthála, beidh an Ballstát sin freagrach as scrúdú a dhéanamh ar an iarratas ar chosaint idirnáisiúnta. Scoirfidh an fhreagracht sin má chláraítear an t-iarratas níos mó ná 12 mhí tar éis an dáta ar tharla an díbhordáil sin.

3.   Ní bheidh feidhm ag mír 1 ná 2 den Airteagal seo más féidir a shuí, ar bhonn cruthúnas nó fianaise imthoisceach mar a thuairiscítear sna liostaí dá dtagraítear in Airteagal 40(4) den Rialachán seo, lena n-áirítear na sonraí dá dtagraítear i Rialachán (AE) 2024/1358, gur athshocraíodh an t-iarratasóir chuig Ballstát eile de bhun Airteagal 67 den Rialachán seo chuig Ballstát eile tar éis don iarratasóir sin an teorainn a thrasnú. Sa chás sin, beidh an Ballstát eile sin freagrach as scrúdú a dhéanamh ar an iarratas ar chosaint idirnáisiúnta.

1.   I gcás ina bhfuil iarratasóir, mar gheall ar thoircheas, leanbh nuabheirthe, breoiteacht thromchúiseach fhisiceach nó mheabhrach, míchumas trom, tráma trom síceolaíochta nó seanaois, ag brath ar chúnamh óna leanbh, óna shiblín nó óna siblín nó óna thuismitheoir nó óna tuismitheoir atá ina chónaí nó ina cónaí go dleathach i gceann de na Ballstáit, nó i gcás ina bhfuil a leanbh, a shiblín nó a siblín nó a thuismitheoir nó a tuismitheoir atá ina chónaí nó ina cónaí go dleathach i gceann de na Ballstáit ag brath ar chúnamh an iarratasóra, de ghnáth coinneoidh na Ballstáit an t-iarratasóir agus an leanbh, an siblín nó an tuismitheoir sin le chéile nó déanfaidh na Ballstáit iad a thabhairt le chéile, ar choinníoll go raibh naisc teaghlaigh eatarthu sular shroich an t-iarratasóir críoch na mBallstát, go bhfuil an leanbh, an siblín, an tuismitheoir nó an t-iarratasóir in ann aire a thabhairt don chleithiúnach agus, tar éis dóibh a bheith curtha ar an eolas faoin bhféidearthacht sin, gur chuir na daoine lena mbaineann a mian chuige sin in iúl i scríbhinn.

I gcás inarb ann do chomharthaí go bhfuil leanbh, siblín nó tuismitheoir ina chónaí nó ina cónaí go dleathach ar chríoch an Bhallstáit ina bhfuil an cleithiúnaí i láthair, déanfaidh an Ballstát sin a fhíorú cé acu is féidir leis an leanbh, an siblín nó an tuismitheoir aire a thabhairt don chleithiúnaí nó nach féidir, sula ndéanann sé iarraidh ar ghabháil ar láimh de bhun Airteagal 39.

2.   I gcás ina bhfuil an leanbh, an siblín nó an tuismitheoir dá dtagraítear i mír 1 ina chónaí nó ina cónaí go dleathach i mBallstát eile seachas an ceann ina bhfuil an t-iarratasóir i láthair, is é a bheidh sa Bhallstát freagrach an Ballstát ina bhfuil an leanbh, an siblín nó an tuismitheoir ina chónaí nó ina cónaí go dleathach, ach amháin má chuireann sláinte an iarratasóra cosc air nó uirthi taisteal go dtí an Ballstát sin ar feadh tréimhse shuntasach ama. I gcás den sórt sin, is é a bheidh sa Bhallstát freagrach an Ballstát ina bhfuil an t-iarratasóir i láthair. Ní bheidh an Ballstát sin faoi réir na hoibleagáide i leith leanbh, siblín nó tuismitheoir an iarratasóra a thabhairt chuig a chríoch.

3.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 78 maidir leis an méid seo a leanas:

4.   Déanfaidh an Coimisiún, trí bhíthin gníomhartha cur chun feidhme, modhanna aonfhoirmeacha a bhunú maidir leis an gcomhairliúchán agus le faisnéis a mhalartú idir na Ballstáit chun críocha an Airteagail seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   De mhaolú ar Airteagal 16(1), féadfaidh Ballstát a chinneadh scrúdú a dhéanamh ar iarratas ar chosaint idirnáisiúnta a dhéanann náisiúnach tríú tír nó duine gan stát atá cláraithe leis, fiú mura bhfuil sé freagrach as scrúdú den sórt sin a dhéanamh de réir na gcritéar a leagtar síos sa Rialachán seo.

2.   Féadfaidh an Ballstát ina gcláraítear iarratas ar chosaint idirnáisiúnta agus a dhéanann an nós imeachta chun a chinneadh cé acu Ballstát atá freagrach, nó an Ballstát atá freagrach, tráth ar bith sula ndéanfar an chéad chinneadh maidir leis an tsubstaint, a iarraidh ar Bhallstát eile iarratasóir a ghabháil ar láimh chun aon chaidreamh teaghlaigh a thabhairt le chéile, ar fhorais dhaonnúla atá bunaithe go háirithe ar naisc fhiúntacha maidir le cúinsí teaghlaigh, sóisialta nó cultúrtha, fiú i gcás nach bhfuil an Ballstát eile sin freagrach de réir na gcritéar a leagtar síos in Airteagail 25 go 28 agus 34. Cuirfidh na daoine lena mbaineann a dtoiliú chuige sin in iúl i scríbhinn.

Maidir leis an ábhar atá i seilbh an Bhallstáit iarrthaigh is gá chun gur féidir leis an mBallstát iarrtha measúnú a dhéanamh ar an staid, beidh an t-ábhar sin ar fad san iarraidh ar ghabháil ar láimh.

Déanfaidh an Ballstát iarrtha aon seiceáil is gá chun scrúdú a dhéanamh ar na forais dhaonnúla dá dtagraítear san iarraidh, agus tabharfaidh sé freagra don Bhallstát iarrthach laistigh de 2 mhí ón iarraidh a fháil trí úsáid a bhaint as an líonra cumarsáide leictreonaí a cuireadh ar bun faoi Airteagal 18 de Rialachán (CE) Uimh. 1560/2003. Luafar i ndiúltú ar an iarraidh na cúiseanna ar a bhfuil an diúltú bunaithe.

1.   Beidh sé d’oibleagáid ar an mBallstát atá freagrach faoin Rialachán seo an méid seo a leanas a dhéanamh:

2.   Chun críocha an Rialacháin seo, ní bheifear in ann staid mionaoisigh atá i dtionlacan an iarratasóra agus a chomhlíonann an sainmhíniú ar bhall teaghlaigh a dhealú ó staid a bhaill teaghlaigh nó a baill teaghlaigh agus déanfaidh an Ballstát atá freagrach as scrúdú a dhéanamh ar iarratas an bhaill teaghlaigh sin ar chosaint idirnáisiúnta an mionaoiseach a ghabháil ar láimh nó a ghabháil ar ais, gan aon ghá le toiliú i scríbhinn a fháil ón duine lena mbaineann, fiú murar iarratasóir an mionaoiseach féin, mura léirítear nach chun leasa an linbh é sin. Beidh feidhm ag an méid sin freisin maidir le leanaí a bheirtear tar éis don iarratasóir críoch na mBallstát a shroicheadh, gan aon ghá le nós imeachta nua a thionscnamh chun iad a ghabháil ar láimh.

D’ainneoin an cheanglais maidir le toiliú i scríbhinn dá bhforáiltear in Airteagal 26, i gcás ina dtionscnaítear nós imeachta nua maidir le leanbh a ghabháil ar láimh i ndáil le Ballstát, a léirítear mar an Ballstát freagrach de bhun Airteagal 26, ní cheanglófar toiliú i scríbhinn ó na daoine lena mbaineann, mura léirítear nach chun leasa an linbh an t-aistriú chuig an mBallstát freagrach.

3.   Sna cásanna dá dtagraítear i mír 1, pointí (a) agus (b), den Airteagal seo, déanfaidh an Ballstát freagrach scrúdú ar an iarratas ar chosaint idirnáisiúnta, nó cuirfidh sé an scrúdú sin i gcrích, i gcomhréir le Rialachán (AE) 2024/1348.

1.   I gcás ina n-eisíonn Ballstát doiciméad cónaithe don iarratasóir, ina gcinneann sé Airteagal 35 a chur i bhfeidhm, ina measann sé nach chun leas an linbh é mionaoiseach neamhthionlactha a aistriú chuig an mBallstát freagrach, nó nach n-aistríonn sé an duine lena mbaineann chuig an mBallstát freagrach laistigh de na teorainneacha ama a leagtar amach in Airteagal 46, tiocfaidh an Ballstát sin chun bheith ina Bhallstát freagrach agus déanfar na hoibleagáidí a leagtar síos in Airteagal 36 a aistriú chuig an mBallstát sin. I gcás inarb infheidhme, an Ballstát a bhí freagrach roimhe sin, an Ballstát a dhéanann nós imeachta chun a chinneadh cé acu Ballstát atá freagrach nó an Ballstát ar iarradh air an t-iarratasóir a ghabháil ar láimh nó a bhfuil fógra faoi ghabháil ar ais faighte aige, déanfaidh sé é a chur ar an eolas, trí úsáid a bhaint as an líonra cumarsáide leictreonaí a cuireadh ar bun faoi Airteagal 18 de Rialachán (CE) Uimh. 1560/2003.

Déanfaidh an Ballstát a thagann chun bheith freagrach de bhun na chéad fhomhíre den mhír seo a chur in iúl go bhfuil sé tar éis teacht chun bheith ina Bhallstát freagrach de bhun Airteagal 16(3) de Rialachán (AE) 2024/1358.

2.   Tar éis scrúdú a dhéanamh ar iarratas sa nós imeachta teorann de bhun Rialachán (AE) 2024/1348, scoirfidh na hoibleagáidí a leagtar síos in Airteagal 36(1) den Rialachán seo 15 mhí tar éis do chinneadh lena ndiúltaítear iarratas toisc é a bheith neamh-inghlactha, toisc go bhfuil sé gan bhunús nó toisc gur follasach go bhfuil sé gan bhunús maidir le stádas dídeanaí nó stádas cosanta coimhdí nó cinneadh lena ndearbhaítear go bhfuil iarratas tarraingthe siar go hintuigthe nó go sainráite tagtha chun bheith críochnaitheach.

Maidir le hiarratas a chláraítear tar éis na tréimhse dá dtagraítear sa chéad fhomhír, measfar gur iarratas nua atá ann chun críocha an Rialacháin seo, as a n-eascróidh, dá bhrí sin, nós imeachta nua chun a chinneadh cé acu Ballstát atá freagrach.

3.   D’ainneoin na chéad fhomhíre de mhír 2 den Airteagal seo, i gcás ina ndéanann an duine iarratas ar chosaint idirnáisiúnta i mBallstát eile laistigh den tréimhse 15 mhí dá dtagraítear san fhomhír sin agus ina bhfuil nós imeachta um ghabháil ar ais ar feitheamh ar dháta dhul in éag na tréimhse 15 mhí sin, ní scoirfidh an fhreagracht go dtí go mbeidh an nós imeachta um ghabháil ar ais curtha i gcrích nó go dtí go mbeidh na teorainneacha ama don Bhallstát aistritheach chun an t-aistriú a dhéanamh i gcomhréir le hAirteagal 46 dulta in éag.

4.   Scoirfidh na hoibleagáidí a leagtar síos in Airteagal 36(1) den Rialachán seo i gcás ina suíonn an Ballstát freagrach, ar bhonn sonraí arna dtaifeadadh agus arna stóráil i gcomhréir le Rialachán (AE) 2017/2226 nó ar bhonn fianaise eile, gur fhág an duine lena mbaineann críoch na mBallstát ar feadh 9 mí ar a laghad, mura bhfuil doiciméad cónaithe bailí arna eisiúint ag an mBallstát freagrach i seilbh an duine lena mbaineann.

Maidir le hiarratas a chláraítear tar éis na tréimhse asláithreachta dá dtagraítear sa chéad fhomhír, measfar gur iarratas nua atá ann chun críocha an Rialacháin seo, as a n-eascróidh, dá bhrí sin, nós imeachta nua chun a chinneadh cé acu Ballstát atá freagrach.

5.   Scoirfidh an oibleagáid a leagtar síos in Airteagal 36(1), pointe (b), den Rialachán seo i leith náisiúnach tríú tír nó duine gan stát a ghabháil ar ais i gcás ina suitear, ar bhonn an tacair sonraí dá dtagraítear in Airteagal 16(2), pointe (d), de Rialachán (AE) 2024/1358 a bheith nuashonraithe, gur fhág an duine lena mbaineann críoch na mBallstát, ar bhonn éigeantach nó deonach, i gcomhréir le cinneadh um fhilleadh nó ordú aistrithe a eisítear tar éis aistarraingt nó dhiúltú an iarratais.

Maidir le hiarratas a chláraítear tar éis aistriú éifeachtach nó tar éis filleadh deonach a bheith curtha i gcrích, measfar gur iarratas nua atá ann, chun críocha an Rialacháin seo, as a n-eascróidh, dá bhrí sin, nós imeachta nua chun a chinneadh cé acu Ballstát atá freagrach.

1.   Cuirfidh gach Ballstát in iúl d’aon Bhallstát a iarrann sin sonraí pearsanta a bhaineann le duine a chumhdaítear faoi raon feidhme an Rialacháin seo, ar sonraí iad atá leormhaith, ábhartha agus teoranta don mhéid atá riachtanach chun na gcríoch seo a leanas:

2.   Ní áireofar san fhaisnéis dá dtagraítear i mír 1 ach an méid seo a leanas:

3.   Ar choinníoll go bhfuil gá leis don scrúdú ar an iarratas ar chosaint idirnáisiúnta, féadfaidh an Ballstát freagrach a iarraidh ar Bhallstát eile é a chur ar an eolas faoi na forais ar a bhfuil a iarratas nó a hiarratas bunaithe ag an iarratasóir agus, i gcás inarb infheidhme, faoi fhorais aon chinntí a glacadh i leith an iarratasóra. I gcás ina gcuireann an Ballstát freagrach Airteagal 55 de Rialachán (AE) 2024/1348 i bhfeidhm, féadfaidh an Ballstát sin faisnéis a iarraidh freisin lena gcuirtear ar chumas a n-údarás inniúil a shuí cibé ar tháinig nó nár tháinig gnéithe nua chun cinn nó cibé ar thíolaic nó nár thíolaic an t-iarratasóir gnéithe nua. Féadfaidh an Ballstát iarrtha diúltú freagra a thabhairt ar an iarraidh, más dóigh go ndéanfaí dochar dá leasanna sár-riachtanacha nó do chosaint shaoirsí agus cearta bunúsacha an duine lena mbaineann nó daoine eile trí fhaisnéis den sórt sin a chur in iúl. Cuirfidh an Ballstát iarrthach an t-iarratasóir ar an eolas roimh ré faoin bhfaisnéis shonrach a iarradh agus faoin gcúis atá leis an iarraidh sin.

4.   Ní sheolfar aon iarraidh ar fhaisnéis ach i gcomhthéacs iarratas aonair ar chosaint idirnáisiúnta nó aistriú chun críoch athshocraithe. Leagfar amach san iarraidh sin na forais ar a bhfuil sí bunaithe agus, nuair is é an aidhm atá léi a sheiceáil an bhfuil critéar ann ar dóigh dó freagracht a chur ar an mBallstát iarrtha, luafar inti cé an fhianaise ar a bhfuil sí bunaithe, lena n-áirítear faisnéis ábhartha ó fhoinsí iontaofa faoi na bealaí agus na modhanna trína dtéann iarratasóirí isteach i gcríocha na mBallstát, nó cad é an chuid shonrach agus infhíoraithe de ráitis an iarratasóra ar a bhfuil sí bunaithe. Ní leor inti féin faisnéis ábhartha den sórt sin ó fhoinsí iontaofa chun freagracht agus inniúlacht Ballstáit faoin Rialachán seo a chinneadh, ach féadfaidh sí rannchuidiú le meastóireacht ar chomharthaí eile maidir le hiarratasóir ar leith.

5.   Beidh sé d’oibleagáid ar an mBallstát iarrtha freagra a thabhairt laistigh de 3 seachtaine. Tabharfar údar cuí le haon mhoill ar an bhfreagra. Mura dtugtar freagra laistigh de 3 seachtaine, ní scaoilfear an Ballstát iarrtha ón oibleagáid freagra a thabhairt. Más rud é go ndéanann an Ballstát iarrtha sin faisnéis a choimeád siar lena léirítear go bhfuil an Ballstát sin freagrach, ní fhéadfaidh an Ballstát sin dul in éag na dteorainneacha ama dá bhforáiltear in Airteagal 39 a agairt mar údar le diúltú iarraidh ar ghabháil ar láimh a chomhlíonadh. Sa chás sin, maidir leis na teorainneacha ama dá bhforáiltear in Airteagal 39 chun iarraidh ar ghabháil ar láimh a thíolacadh, déanfar iad a fhadú de thréimhse ama a bheidh comhionann leis an moill ar an bhfreagra ón mBallstát iarrtha.

6.   Malartófar faisnéis arna iarraidh sin do Bhallstát agus ní fhéadfar faisnéis a mhalartú ach amháin idir údaráis ar chuir gach Ballstát a d’ainmnigh iad é sin in iúl don Choimisiún i gcomhréir le hAirteagal 52(1).

7.   Ní fhéadfar úsáid a bhaint as an bhfaisnéis a mhalartaítear ach amháin chun na gcríoch a leagtar amach i mír 1. I ngach Ballstát, ní fhéadfar faisnéis den sórt sin, ag brath ar an gcineál faisnéise atá i gceist agus cumhachtaí an údaráis is faighteoir, a chur in iúl ach amháin do na húdaráis agus na cúirteanna agus na binsí a bhfuil sé de chúram orthu:

8.   Áiritheoidh an Ballstát a chuireann an fhaisnéis ar aghaidh go mbeidh an fhaisnéis cruinn agus cothrom le dáta. Má thagann sé chun solais gur chuir an Ballstát faisnéis ar aghaidh atá míchruinn nó nár cheart a chur ar aghaidh, cuirfear na Ballstáit is faighteoirí ar an eolas faoi sin láithreach. Beidh sé d’oibleagáid orthu faisnéis den sórt sin a cheartú nó a áirithiú go léirscriosfar í.

9.   I ngach Ballstát lena mbaineann, coimeádfar taifead, sa chomhad aonair don duine lena mbaineann nó i gclár, ar tharchur agus fáil na faisnéise a mhalartaítear.

1.   Tabharfaidh gach Ballstát fógra don Choimisiún gan mhoill faoi na húdaráis inniúla atá freagrach as na hoibleagáidí faoin Rialachán seo, agus aon leasuithe air, a chomhlíonadh. Áiritheoidh na Ballstáit go mbeidh na hacmhainní daonna, ábhartha agus airgeadais is gá ag na húdaráis sin chun a gcúraimí a dhéanamh maidir le cur i bhfeidhm na nósanna imeachta chun a chinneadh cé acu Ballstát atá freagrach as scrúdú a dhéanamh ar iarratas ar chosaint idirnáisiúnta ar bhealach tapa agus éifeachtúil, agus go háirithe chun cearta nós imeachta agus bunúsacha a choimirciú, chun a áirithiú go mbíonn nós imeachta tapa ann chun baill teaghlaigh agus gaolta atá i láthair i mBallstáit éagsúla a athaontú, chun freagra a thabhairt laistigh de na teorainneacha ama forordaithe ar iarrataí ar fhaisnéis, iarrataí ar ghabháil ar láimh agus fógraí faoi ghabháil ar ais agus, i gcás inarb infheidhme, chun a n-oibleagáidí faoi Chuid IV a chomhlíonadh.

2.   Foilseoidh an Coimisiún liosta comhdhlúite de na húdaráis dá dtagraítear i mír 1 in Iris Oifigiúil an Aontais Eorpaigh. I gcás ina ndéantar athruithe ar an liosta sin, foilseoidh an Coimisiún liosta comhdhlúite nuashonraithe uair sa bhliain.

3.   Áiritheoidh na Ballstáit go bhfaighidh foireann na n-údarás dá dtagraítear i mír 1 an oiliúint is gá maidir le cur i bhfeidhm an Rialacháin seo.

4.   Déanfaidh an Coimisiún, trí bhíthin gníomhartha cur chun feidhme, rialacha maidir le bealaí cumarsáide leictreonacha slána a bhunú idir na húdaráis dá dtagraítear i mír 1 agus idir na húdaráis sin agus an Ghníomhaireacht um Thearmann chun faisnéis, sonraí bithmhéadracha a tógadh i gcomhréir le Rialachán (AE) 2024/1358, iarrataí, fógraí, freagraí agus aon chomhfhreagras eile i scríbhinn a tharchur agus chun a áirithiú go bhfaighidh seoltóirí cruthúnas leictreonach ar sheachadadh go huathoibríoch. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   Féadfaidh na Ballstáit, ar bhonn déthaobhach, socruithe riaracháin a bhunú eatarthu féin i ndáil leis na mionsonraí praiticiúla do chur chun feidhme an Rialacháin seo, chun a chur i bhfeidhm a éascú agus a éifeachtúlacht a mhéadú. Féadfar baint a bheith ag socruithe den sórt sin leis an méid seo a leanas:

2.   Féadfaidh na Ballstáit na socruithe riaracháin a tugadh i gcrích faoi Rialachán (CE) Uimh. 343/2003 ón gComhairle (41) agus Rialachán (AE) Uimh. 604/2013 a choimeád ar bun freisin. A mhéid nach mbeidh socruithe den sórt sin i gcomhréir leis an Rialachán seo, leasóidh na Ballstáit lena mbaineann na socruithe sin ar bhealach a chuirfidh deireadh le haon neamhréireachtaí.

3.   Sula dtabharfar aon socrú dá dtagraítear i mír 1, pointe (b), i gcrích nó sula ndéanfar leasú air, rachaidh na Ballstáit lena mbaineann i gcomhairle leis an gCoimisiún faoi chomhréireacht an tsocraithe leis an Rialachán seo.

4.   I gcás ina measann an Coimisiún nach bhfuil na socruithe dá dtagraítear i mír 1, pointe (b), i gcomhréir leis an Rialachán seo, tabharfaidh sé fógra do na Ballstáit lena mbaineann laistigh de thréimhse réasúnta ama. Glacfaidh na Ballstáit lena mbaineann na céimeanna uile is iomchuí chun an socrú lena mbaineann a leasú laistigh de thréimhse ama réasúnta ar bhealach a chuirfidh deireadh le haon neamhréireachtaí den sórt sin.

5.   Tabharfaidh na Ballstáit fógra don Choimisiún faoi na socruithe uile dá dtagraítear i mír 1 agus faoi aon séanadh a dhéantar ina leith, nó faoi aon leasú a dhéantar orthu.

1.   Chun feidhmiú cuí na sásraí arna gcur ar bun leis an Rialachán seo a éascú agus chun na deacrachtaí a bhaineann lena gcur i bhfeidhm a réiteach, i gcás ina mbíonn deacrachtaí ag dhá Bhallstát nó níos mó i ndáil lena gcomhair faoin Rialachán seo nó deacrachtaí an Rialachán a chur i bhfeidhm eatarthu, rachaidh na Ballstáit lena mbaineann i mbun comhairliúchán gan mhoill, arna iarraidh sin do cheann amháin nó níos mó díobh, d’fhonn teacht ar réitigh iomchuí laistigh de thréimhse ama réasúnta, i gcomhréir le prionsabal an chomhair dhílis mar a chumhdaítear in Airteagal 4(3) CAE.

I gcás inarb iomchuí, féadfar faisnéis faoi na deacrachtaí a bhí ann agus an réiteach ar thángthas air a chomhroinnt leis an gCoimisiún agus leis na Ballstáit eile laistigh den choiste dá dtagraítear in Airteagal 77.

2.   I gcás nach dtéitear ar aon réiteach faoi mhír 1 nó i gcás ina mbíonn na deacrachtaí ann i gcónaí, féadfaidh ceann amháin nó níos mó de na Ballstáit a iarraidh ar an gCoimisiún comhairliúcháin a reáchtáil leis na Ballstáit lena mbaineann d’fhonn teacht ar réitigh iomchuí. Reáchtálfaidh an Coimisiún comhairliúcháin den sórt sin gan mhoill. Glacfaidh na Ballstáit lena mbaineann páirt ghníomhach sna comhairliúcháin. Déanfaidh na Ballstáit agus an Coimisiún gach beart is iomchuí chun an t-ábhar a réiteach go pras. Féadfaidh an Coimisiún moltaí a ghlacadh a bheidh dírithe chuig na Ballstáit lena mbaineann lena léirítear na bearta atá le déanamh agus na sprioc-amanna iomchuí.

I gcás inarb iomchuí, féadfar faisnéis faoi na deacrachtaí a bhí ann, na moltaí a rinneadh agus an réiteach ar thángthas air a chomhroinnt leis na Ballstáit eile laistigh den choiste dá dtagraítear in Airteagal 77.

Ní dhéanfaidh an nós imeachta a leagtar amach san Airteagal seo difear do na teorainneacha ama a leagtar amach sa Rialachán seo i gcásanna aonair.

3.   Ní dochar an tAirteagal seo do chumhachtaí an Choimisiúin maoirseacht a dhéanamh ar chur i bhfeidhm dhlí an Aontais faoi Airteagail 258 agus 260 CFAE. Ní dochar é ach an oiread don fhéidearthacht atá ann do na Ballstáit lena mbaineann a ndíospóid a chur faoi bhráid Chúirt Bhreithiúnais an Aontais Eorpaigh i gcomhréir le hAirteagal 273 CFAE ná don fhéidearthacht atá ann d’aon Bhallstát an t-ábhar a thabhairt os comhair na Cúirte i gcomhréir le hAirteagal 259 CFAE.

1.   Beidh an Comhthiomsú Dlúthpháirtíochta Bliantúil, ina n-áireofar na rannchuidithe a leagtar amach sa ghníomh cur chun feidhme ón gComhairle dá dtagraítear in Airteagal 57 arna ngealladh ag na Ballstáit le linn chruinniú an Fhóraim Ardleibhéil, ar an bpríomhuirlis freagartha dlúthpháirtíochta do Bhallstáit atá faoi bhrú imirce ar bhonn na riachtanas arna sainaithint sa togra ón gCoimisiún dá dtagraítear in Airteagal 12.

2.   Is é a bheidh sa Chomhthiomsú Dlúthpháirtíochta Bliantúil na cineálacha beart dlúthpháirtíochta seo a leanas, a mheasfar a bheith ar comhluach:

Déanfaidh na Ballstáit is tairbhithe na gníomhaíochtaí i dtríú tíortha nó i ndáil le tríú tíortha dá dtagraítear sa chéad fhomhír, pointe (b), den mhír seo a chur chun feidhme i gcomhréir le raon feidhme agus cuspóirí an Rialacháin seo agus le raon feidhme agus cuspóirí Rialachán (AE) 2021/1147.

3.   Le ranníocaíochtaí airgeadais dá dtagraítear i mír 2, pointe (b), le haghaidh tionscadail i dtríú tíortha, díreofar, gó háirithe, ar na nithe seo a leanas:

1.   Ar bhonn an togra ón gCoimisiún dá dtagraítear in Airteagal 12 agus i gcomhréir leis an gcleachtadh gealltanais arna dhéanamh san Fhóram Ardleibhéil dá dtagraítear in Airteagal 13, glacfaidh an Chomhairle, ar bhonn bliantúil, roimh dheireadh gach bliana féilire, gníomh cur chun feidhme lena mbunaítear an Comhthiomsú Dlúthpháirtíochta Bliantúil, lena n-áirítear uimhir thagartha na n-athshocruithe is gá agus ranníocaíochtaí airgeadais don Chomhthiomsú Dlúthpháirtíochta Bliantúil ar leibhéal an Aontais agus na gealltanais shonracha atá déanta ag gach Ballstát le haghaidh gach cineáil rannchuidithe dlúthpháirtíochta dá dtagraítear in Airteagal 56(2) le linn chruinniú an Fhóraim Ardleibhéil dá dtagraítear in Airteagal 13. Glacfaidh an Chomhairle an gníomh cur chun feidhme dá dtagraítear sa mhír seo trí thromlach cáilithe. Féadfaidh an Comhairle an togra ón gCoimisiún dá dtagraítear in Airteagal 12 a leasú trí thromlach cáilithe.

2.   Sa ghníomh cur chun feidhme ón gComhairle dá dtagraítear i mír 1 den Airteagal seo, leagfar amach freisin, i gcás inar gá, an céatadán táscach den Chomhthiomsú Dlúthpháirtíochta Bliantúil a fhéadfar a chur ar fáil do Bhallstáit atá faoi bhrú imirce mar thoradh ar líon mór daoine a bheith ag teacht isteach iontu mar gheall ar dhíbhordálacha athfhillteacha tar éis oibríochtaí cuardaigh agus tarrthála, agus sainiúlachtaí geografacha na mBallstát lena mbaineann á gcur i gcuntas. Féadfaidh sé cineálacha eile dlúthpháirtíochta a shainaithint freisin mar a leagtar amach in Airteagal 56(2), pointe (c), ag brath ar an ngá atá le bearta den sórt sin mar gheall ar na dúshláin shonracha i réimse na himirce sna Ballstáit lena mbaineann.

3.   Le linn chruinniú an Fhóraim Ardleibhéil dá dtagraítear in Airteagal 13, tiocfaidh na Ballstáit ar chonclúid maidir le huimhir thagartha fhoriomlán i gcomhair gach birt dlúthpháirtíochta sa Chomhthiomsú Dlúthpháirtíochta Bliantúil, bunaithe ar an togra ón gCoimisiún dá dtagraítear in Airteagal 12. Le linn an chruinnithe sin, geallfaidh na Ballstáit a rannchuidithe leis an gComhthiomsú Dlúthpháirtíochta Bliantúil freisin, i gcomhréir le mír 4 den Airteagal seo agus an cion cothrom éigeantach arna ríomh de réir na heochrach tagartha a leagtar amach in Airteagal 66.

4.   Agus mír 3 den Airteagal seo á cur chun feidhme acu, beidh lánrogha iomlán ag na Ballstáit rogha a dhéanamh idir na cineálacha beart dlúthpháirtíochta a liostaítear in Airteagal 56(2), nó teaglaim díobh. Na Ballstáit a gheallann bearta dlúthpháirtíochta malartacha, luafaidh siad luach airgeadais beart den sórt sin, bunaithe ar chritéir oibiachtúla. I gcás nach sainaithnítear na bearta dlúthpháirtíochta malartacha sa togra ón gCoimisiún dá dtagraítear in Airteagal 12, féadfaidh na Ballstáit bearta den sórt sin a ghealladh fós. I gcás nach n-iarrann na Ballstáit is tairbhithe bearta den sórt sin in aon bhliain ar leith, déanfar ranníocaíochtaí airgeadais díobh.

1.   Déanfaidh Ballstát a shainaithnítear i gcinneadh dá dtagraítear in Airteagal 11 a bheith faoi bhrú imirce, tar éis ghlacadh an ghnímh cur chun feidhme ón gComhairle dá dtagraítear in Airteagal 57, an Coimisiún agus an Chomhairle a chur ar an eolas i gcás ina bhfuil rún aige úsáid a bhaint as an gComhthiomsú Dlúthpháirtíochta Bliantúil. Cuirfidh an Ballstát Parlaimint na hEorpa ar an eolas faoi sin.

2.   Áireoidh an Ballstát lena mbaineann faisnéis faoi chineál agus leibhéal na mbeart dlúthpháirtíochta dá dtagraítear in Airteagal 56(2) is gá chun aghaidh a thabhairt ar an staid, lena n-áirítear, i gcás inarb ábhartha, aon úsáid a bhaintear as comhpháirteanna Bhuanbhosca Uirlisí Tacaíochta an Aontais Eorpaigh don Imirce. I gcás ina bhfuil rún ag an mBallstát sin úsáid a bhaint as ranníocaíochtaí airgeadais, déanfaidh sé cláir chaiteachais an Aontais lena mbaineann a shainaithint freisin.

3.   Tar éis dó an fhaisnéis dá dtagraítear i mír 3 a fháil, beidh rochtain ag an mBallstát lena mbaineann ar an gComhthiomsú Dlúthpháirtíochta Bliantúil i gcomhréir le hAirteagal 60. Déanfaidh Comhordaitheoir Dlúthpháirtíochta an Aontais, gan mhoill agus in aon chás laistigh de 10 lá tar éis an fhaisnéis a fháil, an Fóram Leibhéil Theicniúil a thionól chun na bearta dlúthpháirtíochta a oibríochtú.

1.   I gcás nár sainaithníodh Ballstát i gcinneadh dá dtagraítear in Airteagal 11 mar Bhallstát atá bheith faoi bhrú imirce ach ina measann é féin a bheith faoi bhrú imirce, tabharfaidh sé fógra don Choimisiún faoin ngá atá aige úsáid a bhaint as an gComhthiomsú Dlúthpháirtíochta Bliantúil agus cuirfidh sé an Chomhairle ar an eolas faoi sin. Cuirfidh an Coimisiún Parlaimint na hEorpa ar an eolas faoi sin.

2.   Áireofar an méid seo a leanas san fhógra dá dtagraítear i mír 1:

3.   Tabharfaidh an Ghníomhaireacht um Thearmann, an Ghníomhaireacht Eorpach um an nGarda Teorann agus Cósta agus Gníomhaireacht an Aontais Eorpaigh um Chearta Bunúsacha, mar aon leis an mBallstát lena mbaineann, cúnamh don Choimisiún, arna iarraidh sin don Choimisiún sin, chun measúnú ar an mbrú imirce a tharraingt suas.

4.   Déanfaidh an Coimisiún measúnú ar an bhfógra go pras, agus an fhaisnéis a leagtar amach in Airteagail 9 agus 10, cibé acu a sainaithníodh an Ballstát a thugann fógra mar Bhallstát atá i mbaol brú imirce sa chinneadh dá dtagraítear in Airteagal 11, an staid fhoriomlán san Aontas, an staid sa Bhallstát a thugann fógra le linn na 12 mhí roimhe sin, agus na riachtanais arna gcur in iúl ag an mBallstát a thugann fógra, á gcur i gcuntas aige, agus glacfaidh sé cinneadh i dtaobh an measfar an Ballstát a bheith faoi bhrú imirce. I gcás ina gcinneann an Coimisiún go bhfuil an Ballstát sin faoi bhrú imirce, is é an Ballstát lena mbaineann a bheidh ina Bhallstát is tairbhí, mura ndiúltaítear rochtain dó chun tairbhe a bhaint as an gComhthiomsú Dlúthpháirtíochta Bliantúil dó i gcomhréir le mír 6 den Airteagal seo.

5.   Tarchuirfidh an Coimisiún a chinneadh chuig an mBallstát lena mbaineann, chuig Parlaimint na hEorpa agus chuig an gComhairle gan mhoill.

6.   I gcás ina suitear leis an gcinneadh ón gCoimisiún go bhfuil an Ballstát a thugann fógra faoi bhrú imirce, tionólfaidh Comhordaitheoir Dlúthpháirtíochta an Aontais an Fóram Leibhéil Theicniúil gan mhoill agus tráth nach déanaí ná 2 sheachtain tar éis tharchur an chinnidh ón gCoimisiún chuig an mBallstát lena mbaineann, chuig Parlaimint na hEorpa agus chuig an gComhairle, chun na bearta dlúthpháirtíochta a oibríochtú. Tionólfaidh Comhordaitheoir Dlúthpháirtíochta an Aontais an Fóram Leibhéil Theicniúil mura rud é go measann an Coimisiún, nó go gcinneann an Chomhairle trí bhíthin gníomh cur chun feidhme arna ghlacadh laistigh de 2 sheachtain ó tharchur an chinnidh ón gCoimisiún chuig an mBallstát lena mbaineann, chuig Parlaimint na hEorpa agus chuig an gComhairle, nach bhfuil acmhainneacht leordhóthanach sa Chomhthiomsú Dlúthpháirtíochta Bliantúil chun cead a thabhairt don Bhallstát lena mbaineann tairbhe a bhaint as an gComhthiomsú Dlúthpháirtíochta Bliantúil nó go bhfuil cúiseanna oibiachtúla eile ann gan cead a thabhairt don Bhallstát sin tairbhe a bhaint as an gComhthiomsú Dlúthpháirtíochta Bliantúil.

7.   I gcás ina gcinneann an Chomhairle nach bhfuil acmhainneacht leordhóthanach sa Chomhthiomsú Dlúthpháirtíochta Bliantúil, beidh feidhm ag Airteagal 13(4) agus tionólfar an Fóram Ardleibhéil tráth nach déanaí ná seachtain amháin tar éis an chinnidh ón gCoimisiún.

I gcás cinneadh ón gCoimisiún lena ndiúltaítear d’iarraidh ó Bhallstát go measfaí é a bheith faoi bhrú imirce, féadfaidh an Ballstát a thugann fógra fógra nua a chur faoi bhráid an Choimisiúin agus na Comhairle maille le faisnéis ábhartha bhreise.

1.   San Fhóram Leibhéil Theicniúil, comhoibreoidh na Ballstáit eatarthu féin agus leis an gCoimisiún chun a áirithiú go ndéanfar na rannchuidithe dlúthpháirtíochta sa Chomhthiomsú Dlúthpháirtíochta don bhliain lena mbaineann a oibríochtú go héifeachtach agus go héifeachtúil, ar bhealach cothrom agus tráthúil, i bhfianaise na riachtanas arna sainaithint agus arna measúnú agus na rannchuidithe dlúthpháirtíochta atá ar fáil.

2.   Déanfaidh Comhordaitheoir Dlúthpháirtíochta an Aontais, agus forbairtí i staid na himirce á gcur i gcuntas, oibríochtú na rannchuidithe dlúthpháirtíochta a chomhordú chun a áirithiú go ndéanfar na rannchuidithe dlúthpháirtíochta a dháileadh go cothrom i measc na mBallstát is tairbhithe.

3.   Cé is moite de chur chun feidhme na ranníocaíochtaí airgeadais, agus na bearta dlúthpháirtíochta arna sainaithint á n-oibríochtú acu, déanfaidh na Ballstáit a rannchuidithe dlúthpháirtíochta geallta dá dtagraítear in Airteagal 56 do bhliain ar leith a chur chun feidhme roimh dheireadh na bliana sin, gan dochar d’Airteagal 65(3) ná d’Airteagal 67(12).

Déanfaidh na Ballstáit is rannchuiditheoirí a ngealltanais a chur chun feidhme i gcomhréir lena ngealltanas foriomlán leis an gComhthiomsú Dlúthpháirtíochta Bhliantúil do bhliain ar leith roimh dheireadh na bliana.

Ballstáit a bhfuil asbhaint iomlán rannchuidithe dlúthpháirtíochta deonaithe dóibh i gcomhréir le hAirteagal 61 nó 62 nó ar Ballstáit is tairbhithe iad féin de bhun Airteagal 58(1) agus Airteagal 59(4), níl sé d’oibleagáid orthu a rannchuidithe dlúthpháirtíochta geallta dá dtagraítear in Airteagal 56(2) a chur chun feidhme do bhliain ar leith.

Ní cheanglófar ar na Ballstáit is rannchuiditheoirí a ngealltanais arna ndéanamh de bhun Airteagal 56(2) a chur chun feidhme ná fritháirimh freagrachta a chur i bhfeidhm de bhun Airteagal 63 i leith Ballstát is tairbhí, i gcás ina bhfuil, i gcinneadh dá dtagraítear in Airteagal 11 nó Airteagal 59(4), easnaimh chórasacha sainaitheanta ag an gCoimisiún sa Bhallstát is tairbhí sin maidir leis na rialacha a leagtar amach i gCuid III den Rialachán seo a bhféadfadh iarmhairtí tromchúiseacha diúltacha a bheith acu d’fheidhmiú an Rialacháin seo.

4.   Le linn an chéad chruinnithe den Fhóram Leibhéil Theicniúil sa timthriall bliantúil, féadfaidh na Ballstáit is rannchuiditheoirí agus na Ballstáit is tairbhithe roghanna réasúnta a léiriú, i bhfianaise na riachtanas arna sainaithint, i leith phróifílí na n-iarrthóirí athshocrúcháin atá ar fáil agus i leith conas a d’fhéadfaí cur chun feidhme a rannchuidithe dlúthpháirtíochta a phleanáil, agus an gá atá le gníomhaíochtaí práinneacha a dhéanamh i leith na mBallstát is tairbhithe á chur i gcuntas acu.

Éascóidh Comhordaitheoir Dlúthpháirtíochta an Aontais idirghníomhaíocht agus comhar idir na Ballstáit maidir leis na gnéithe sin.

Agus athshocruithe á gcur chun feidhme acu, tabharfaidh na Ballstáit tús áite d’athshocrú daoine leochaileacha.

5.   Déanfaidh comhlachtaí, oifigí agus gníomhaireachtaí an Aontais atá inniúil i réimse an bhainistithe tearmainn agus teorainneacha agus imirce tacaíocht a sholáthar do na Ballstáit agus don Choimisiún, arna iarraidh sin dóibh agus laistigh dá sainorduithe faoi seach, d’fhonn cur chun feidhme agus feidhmiú cuí na Coda seo a áirithiú. Féadfar tacaíocht den sórt sin a bheith i bhfoirm anailísí, saineolais agus tacaíocht oibríochtúil. Comhordóidh Comhordaitheoir Dlúthpháirtíochta an Aontais aon chúnamh ó shaineolaithe nó foirne arna n-imscaradh ag an nGníomhaireacht um Thearmann, ag an nGníomhaireacht Eorpach um an nGarda Teorann agus Cósta nó ag aon chomhlacht, oifig nó gníomhaireacht eile de chuid an Aontais, i ndáil le hoibríochtú na rannchuidithe dlúthpháirtíochta.

6.   Gach bliain in Eanáir ó 2025 ar aghaidh, déanfaidh na Ballstáit leibhéil gach birt dlúthpháirtíochta arna chur chun feidhme le linn na bliana roimhe sin a dheimhniú do Chomhordaitheoir Dlúthpháirtíochta an Aontais.

1.   Ballstát a shainaithnítear i gcinneadh dá dtagraítear in Airteagal 11 mar Bhallstát atá faoi bhrú imirce nó a mheasann é féin a bheith faoi bhrú imirce agus nach bhfuil úsáid bainte aige as an gComhthiomsú Dlúthpháirtíochta Bliantúil i gcomhréir le hAirteagal 58 ná nach bhfuil fógra tugtha aige faoin ngá atá leis an gComhthiomsú Dlúthpháirtíochta Bliantúil a úsáid i gcomhréir le hAirteagal 59, féadfaidh sé a iarraidh, aon tráth, go ndéanfaí a rannchuidithe geallta a leagtar amach sa ghníomh cur chun feidhme ón gComhairle dá dtagraítear in Airteagal 57 a asbhaint go páirteach nó go hiomlán.

Cuirfidh an Ballstát lena mbaineann a iarraidh faoi bhráid an Choimisiúin. Chun críoch faisnéise, tarchuirfidh an Ballstát lena mbaineann a iarraidh chuig an gComhairle.

2.   I gcás ina bhfuil an Ballstát iarrthach dá dtagraítear i mír 1 den Airteagal seo ina Bhallstát nach sainaithnítear i gcinneadh dá dtagraítear in Airteagal 11 mar Bhallstát atá faoi bhrú imirce, ach a mheasann é féin a bheith faoi bhrú imirce, áireoidh an Ballstát sin an méid seo a leanas ina iarraidh:

Agus measúnú á dhéanamh aige ar iarraidh den sórt sin, déanfaidh an Coimisiún an fhaisnéis a leagtar amach in Airteagail 9 agus 10 a chur i gcuntas freisin.

3.   Cuirfidh an Coimisiún an Chomhairle ar an eolas faoina mheasúnú ar an iarraidh laistigh de 4 seachtaine tar éis an iarraidh arna tíolacadh i gcomhréir leis an Airteagal seo a fháil. Cuirfidh an Coimisiún Parlaimint na hEorpa ar an eolas faoin measúnú sin freisin.

4.   Tar éis an measúnú ón gCoimisiún a fháil, glacfaidh an Chomhairle gníomh cur chun feidhme chun a chinneadh an bhfuil an Ballstát údaraithe maolú ar an ngníomh cur chun feidhme ón gComhairle dá dtagraítear in Airteagal 57.

1.   Ballstát a shainaithnítear i gcinneadh dá dtagraítear in Airteagal 11 mar Bhallstát a bhfuil aghaidh á tabhairt aige ar staid shuntasach imirce nó Ballstát a mheasann é féin go bhfuil aghaidh á tabhairt aige ar staid shuntasach imirce, féadfaidh sé a iarraidh, aon tráth, go ndéanfaí a rannchuidithe geallta a leagtar amach sa ghníomh cur chun feidhme ón gComhairle dá dtagraítear in Airteagal 57 a asbhaint go páirteach nó go hiomlán.

Cuirfidh an Ballstát lena mbaineann a iarraidh faoi bhráid an Choimisiúin. Chun críoch faisnéise, tarchuirfidh an Ballstát lena mbaineann a iarraidh chuig an gComhairle.

2.   I gcás ina sainaithnítear an Ballstát iarrthach i gcinneadh dá dtagraítear in Airteagal 11 mar Bhallstát a bhfuil aghaidh á tabhairt aige ar staid shuntasach imirce, áireofar an méid seo a leanas san iarraidh:

3.   I gcás nach sainaithnítear an Ballstát iarrthach i gcinneadh dá dtagraítear in Airteagal 11 mar Bhallstát a bhfuil aghaidh á tabhairt aige ar staid shuntasach imirce, ach ina mheasann an Ballstát é féin go bhfuil aghaidh á tabhairt aige ar staid shuntasach imirce, áireofar san iarraidh freisin, sa bhreis ar an bhfaisnéis dá dtagraítear i mír 2 den Airteagal seo, réasúnú cuí-réasúnaithe maidir lena shuntasaí atá an staid imirce sa Bhallstát iarrthach. Agus measúnú á dhéanamh aige ar iarraidh den sórt sin, cuirfidh an Coimisiún i gcuntas freisin an fhaisnéis a leagtar amach in Airteagail 9 agus 10 agus cibé acu a sainaithníodh an Ballstát mar Bhallstát atá i mbaol brú imirce i gcinneadh ón gCoimisiún dá dtagraítear in Airteagal 11.

4.   Cuirfidh an Coimisiún an Chomhairle ar an eolas faoina mheasúnú ar an iarraidh laistigh de 4 seachtaine tar éis an iarraidh arna tíolacadh i gcomhréir leis an Airteagal seo a fháil. Cuirfidh an Coimisiún Parlaimint na hEorpa ar an eolas faoin measúnú sin freisin.

5.   Tar éis an measúnú ón gCoimisiún a fháil, glacfaidh an Chomhairle gníomh cur chun feidhme chun a chinneadh an bhfuil an Ballstát údaraithe maolú ar an ngníomh cur chun feidhme ón gComhairle dá dtagraítear in Airteagal 57.

1.   I gcás ina bhfuil na gealltanais athshocrúcháin leis an gComhthiomsú Dlúthpháirtíochta Bliantúil a leagtar amach sa ghníomh cur chun feidhme ón gComhairle dá dtagraítear in Airteagal 57 cothrom le 50 % den líon a léirítear sa togra ón gCoimisiún dá dtagraítear in Airteagal 12, nó os a chionn, féadfaidh Ballstát is tairbhí a iarraidh ar na Ballstáit eile freagracht a ghlacadh as scrúdú a dhéanamh ar iarratais ar chosaint idirnáisiúnta ar cinneadh go bhfuil an Ballstát is tairbhí freagrach astu seachas athshocruithe i gcomhréir leis an nós imeachta a leagtar amach in Airteagal 69.

2.   Féadfaidh Ballstát is rannchuiditheoir a chur in iúl do Bhallstáit is tairbhithe go bhfuil sé toilteanach freagracht a ghlacadh as scrúdú a dhéanamh ar iarratais ar chosaint idirnáisiúnta ar cinneadh go bhfuil Ballstát is tairbhí freagrach astu seachas athshocruithe:

I gcás ina bhfuil an toilteanas sin curtha in iúl ag Ballstát is rannchuiditheoir agus ina gcomhaontaíonn an Ballstát is tairbhí amhlaidh, déanfaidh an Ballstát is tairbhí an nós imeachta a leagtar amach in Airteagal 69 a chur i bhfeidhm.

3.   Glacfaidh na Ballstáit is rannchuiditheoirí freagracht as iarratais ar chosaint idirnáisiúnta ar cinneadh go bhfuil an Ballstát is tairbhí freagrach astu suas go dtí an líon is airde den dá líon dá dtagraítear i bpointí (a) agus (b) den mhír seo i gcás, tar éis an chruinnithe den Fhóram Ardleibhéil arna thionól i gcomhréir le hAirteagal 13(4), ina bhfuil na gealltanais athshocrúcháin leis an gComhthiomsú Dlúthpháirtíochta Bliantúil a leagtar amach sa ghníomh cur chun feidhme ón gComhairle dá dtagraítear in Airteagal 57:

4.   Tá feidhm ag mír 3 den Airteagal seo freisin i gcás ina dtiteann na gealltanais atá le cur chun feidhme le linn bliain ar leith faoi bhun an lín is airde den dá líon dá dtagraítear i bpointe (a) nó (b) den mhír sin mar thoradh ar asbhaintí iomlána nó páirteacha arna ndeonú i gcomhréir le hAirteagal 61 nó 62 nó toisc nach bhfuil sé d’oibleagáid ar Bhallstáit is tairbhithe dá dtagraítear in Airteagail 58(1) agus 59(4) a rannchuidithe dlúthpháirtíochta geallta a chur chun feidhme do bhliain ar leith.

5.   Ballstát is rannchuiditheoir nach bhfuil a ghealltanais curtha chun feidhme aige ná nach bhfuil glactha aige le hathshocruithe de bhun Airteagal 67(9) is comhionann lena athshocruithe geallta dá dtagraítear in Airteagal 57(3) faoi dheireadh na bliana ar leith, glacfaidh sé freagracht, arna iarraidh sin don Bhallstát is tairbhí, as iarratais ar chosaint idirnáisiúnta ar cinneadh go bhfuil an Ballstát is tairbhí freagrach astu suas go dtí líon na n-athshocruithe atá geallta i gcomhréir le hAirteagal 57(3) a luaithe is féidir tar éis deireadh bliain ar leith.

6.   Sainaithneoidh an Ballstát is rannchuiditheoir na hiarratais aonair a nglacann sé freagracht astu de bhun mhíreanna 2 agus 3 den Airteagal seo, agus cuirfidh sé an Ballstát is tairbhí ar an eolas faoi sin, trí úsáid a bhaint as an líonra cumarsáide leictreonaí a cuireadh ar bun faoi Airteagal 18 de Rialachán (CE) Uimh. 1560/2003.

Is é an Ballstát is rannchuiditheoir a bheidh sa Bhallstát atá freagrach as na hiarratais arna sainaithint agus cuirfidh sé a fhreagracht in iúl de bhun Airteagal 11(3) de Rialachán (AE) 2024/1358.

7.   Ní bheidh sé d’oibleagáid ar na Ballstáit freagracht a ghlacadh de bhun na chéad fhomhíre de mhír 6 den Airteagal seo sa bhreis ar a gcion cothrom arna ríomh de réir na heochrach tagartha a leagtar amach in Airteagal 66.

8.   Ní bheidh feidhm ag an Airteagal seo ach i gcás:

9.   Féadfaidh an Ballstát is rannchuiditheoir an tAirteagal seo a chur i bhfeidhm maidir le náisiúnaigh tríú tír nó daoine gan stát ar diúltaíodh a n-iarratais ar deireadh sa Bhallstát is tairbhí. Beidh feidhm ag Airteagail 55 agus 56 de Rialachán 2024/1348.

1.   Is é a bheidh i ranníocaíochtaí airgeadais aistrithe méideanna ó na Ballstáit is rannchuiditheoirí chuig buiséad an Aontais agus is é a bheidh iontu ioncam sannta seachtrach i gcomhréir le hAirteagal 21(5) de Rialachán (AE, Euratom) 2018/1046 ó Pharlaimint na hEorpa agus ón gComhairle (42). Úsáidfear ranníocaíochtaí airgeadais chun gníomhaíochtaí an Chomhthiomsaithe Dlúthpháirtíochta Bhliantúil dá dtagraítear in Airteagal 56(2), pointe (b), den Rialachán seo a chur chun feidhme.

2.   Sainaithneoidh na Ballstáit is tairbhithe gníomhaíochtaí a fhéadfar a chistiú leis na ranníocaíochtaí airgeadais dá dtagraítear i mír 1 den Airteagal seo agus cuirfidh siad faoi bhráid an Fhóraim Leibhéil Theicniúil iad. Déanfaidh an Coimisiún idirchaidreamh dlúth leis na Ballstáit is tairbhithe d’fhonn a áirithiú go gcomhfhreagróidh na gníomhaíochtaí sin do na cuspóirí a leagtar amach in Airteagal 56(2), pointe (b), agus Airteagal 56(3). Coinneoidh Comhordaitheoir Dlúthpháirtíochta an Aontais fardal de na gníomhaíochtaí agus cuirfidh sé nó sí ar fáil tríd an bhFóram Leibhéil Theicniúil é.

3.   Glacfaidh an Coimisiún gníomh cur chun feidhme i dtaca leis na rialacha maidir le hoibriú na ranníocaíochtaí airgeadais. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

4.   I gcás nach ndéantar an méid dá dtagraítear in Airteagal 57(1) den Rialachán seo a leithdháileadh go hiomlán, féadfar an méid atá fágtha a chur leis an méid dá dtagraítear in Airteagal 10(2), pointe (b), de Rialachán (AE) 2021/1147.

5.   Tuairisceoidh na Ballstáit don Choimisiún agus don Fhóram Leibhéil Theicniúil maidir leis an dul chun cinn i leith cur chun feidhme gníomhaíochtaí arna maoiniú le ranníocaíochtaí airgeadais de bhun an Airteagail seo.

6.   Déanfaidh an Coimisiún faisnéis faoi chur chun feidhme gníomhaíochtaí arna maoiniú le ranníocaíochtaí airgeadais de bhun an Airteagail seo, lena n-áirítear faoi fhadhbanna a d’fhéadfadh difear a dhéanamh don chur chun feidhme agus aon bheart arna dhéanamh chun aghaidh a thabhairt orthu, a chur san áireamh ina Thuarascáil dá dtagraítear in Airteagal 9.

1.   Beidh rannchuidithe i bhfoirm bearta dlúthpháirtíochta malartacha bunaithe ar iarraidh shonrach ón mBallstát is tairbhí. Áireofar rannchuidithe den sórt sin mar dhlúthpháirtíocht airgeadais, agus déanfaidh na Ballstáit is rannchuiditheoirí lena mbaineann agus na Ballstáit is tairbhithe lena mbaineann a luach nithiúil a bhunú, go comhpháirteach, ar bhealach réalaíoch, agus cuirfear in iúl do Chomhordaitheoir Dlúthpháirtíochta an Aontais é sula gcuirfear na rannchuidithe sin chun feidhme.

2.   Ní sholáthróidh na Ballstáit bearta dlúthpháirtíochta malartacha ach sa bhreis orthu sin a sholáthraítear trí oibríochtaí comhlachtaí, oifigí agus gníomhaireachtaí de chuid an Aontais nó trí chistiú ón Aontas i réimse an bhainistithe tearmainn agus imirce sna Ballstáit is tairbhithe, agus gan dúbláil a dhéanamh orthu. Ní sholáthróidh na Ballstáit bearta dlúthpháirtíochta malartacha ach sa bhreis orthu sin a cheanglaítear orthu a rannchuidiú trí chomhlachtaí, oifigí agus gníomhaireachtaí de chuid an Aontais.

3.   Déanfaidh na Ballstáit is tairbhithe agus na Ballstáit is rannchuiditheoirí cur chun feidhme na mbeart dlúthpháirtíochta malartach arna gcomhaontú a thabhairt chun críche fiú má tá na bearta cur chun feidhme ábhartha dulta in éag.

1.   Beidh feidhm ag an nós imeachta a leagtar amach san Airteagal seo maidir le hathshocrú daoine dá dtagraítear in Airteagal 56(2), pointe (a).

2.   Sula ndéanfaidh sé an nós imeachta a leagtar amach san Airteagal seo a chur i bhfeidhm, áiritheoidh an Ballstát is tairbhí nach bhfuil forais réasúnacha ann lena mheas go bhfuil an duine lena mbaineann ina bhagairt nó ina bagairt ar an tslándáil inmheánach. Má tá forais réasúnacha ann lena mheas go bhfuil an duine ina bhagairt nó ina bagairt ar an tslándáil inmheánach roimh an nós imeachta a leagtar amach san Airteagal seo nó lena linn, lena n-áirítear i gcás inar cinneadh, i gcomhréir le hAirteagal 15 de Rialachán (AE) 2024/1356, go bhfuil bagairt ar an tslándáil inmheánach ann, ní dhéanfaidh an Ballstát is tairbhí an nós imeachta a leagtar amach san Airteagal seo a chur i bhfeidhm nó déanfaidh sé é a fhoirceannadh láithreach. Déanfaidh an Ballstát is tairbhí an duine lena mbaineann a eisiamh ó aon athshocrú nó aistriú chuig aon Bhallstát amach anseo. I gcás inar iarratasóir ar chosaint idirnáisiúnta an duine lena mbaineann, is é an Ballstát is tairbhí a bheidh sa Bhallstát freagrach i gcomhréir le hAirteagal 16(4) den Rialachán seo.

3.   I gcás ina bhfuil athshocrú le déanamh, sainaithneoidh an Ballstát is tairbhí na daoine a d’fhéadfaí a athshocrú. Arna iarraidh sin don Bhallstát is tairbhí, tacóidh an Ghníomhaireacht um Thearmann leis an mBallstát is tairbhí chun daoine atá le hathshocrú a shainaithint agus iad a mheaitseáil le Ballstáit an athshocraithe i gcomhréir le hAirteagal 2(1), pointe (k), de Rialachán (AE) 2021/2303.

Cuirfidh an Ballstát san áireamh, i gcás inarb infheidhme, go bhfuil naisc fhiúntacha ann, amhail iad sin atá bunaithe ar chúinsí teaghlaigh nó cultúrtha, idir an duine lena mbaineann agus Ballstát an athshocraithe. Chun na críche sin, tabharfaidh an Ballstát is tairbhí deis do na daoine atá le hathshocrú faisnéis a sholáthar faoi naisc fhiúntacha a bheith ann le Ballstáit shonracha agus faisnéis ábhartha agus doiciméadacht ábhartha a chur i láthair chun na naisc sin a chinneadh. Ní thugtar le tuiscint leis an deis sin go bhfuil ceart ann Ballstát sonrach athshocraithe a roghnú de bhun an Airteagail seo.

4.   Chun daoine atá le hathshocrú a shainaithint agus iad a mheaitseáil le Ballstáit an athshocraithe, féadfaidh na Ballstáit is tairbhithe uirlisí arna bhforbairt ag Comhordaitheoir Dlúthpháirtíochta an Aontais a úsáid.

Déanfar iarratasóirí nach bhfuil naisc fhiúntacha acu le haon Bhallstát eile a chomhroinnt go cothrom i measc Bhallstáit eile an athshocraithe.

I gcás inar tairbhí de chosaint idirnáisiúnta an duine sainaitheanta atá le hathshocrú, ní dhéanfar an duine lena mbaineann a athshocrú ach tar éis don duine sin toiliú leis an athshocrú i scríbhinn.

5.   I gcás ina bhfuil athshocrú le déanamh, cuirfidh an Ballstát is tairbhí na daoine dá dtagraítear i mír 1 den Airteagal seo ar an eolas faoin nós imeachta a leagtar amach san Airteagal seo agus in Airteagal 68, agus freisin, i gcás inarb infheidhme, faoi na hoibleagáidí a leagtar amach in Airteagal 17(3), (4) agus (5) agus faoi na hiarmhairtí a ghabhann le neamhchomhlíonadh a leagtar amach in Airteagal 18.

Ní bheidh feidhm ag an gcéad fhomhír den mhír seo maidir le hiarratasóirí ar ina leith is féidir a chinneadh gurb é an Ballstát is tairbhí an Ballstát freagrach de bhun na gcritéar a leagtar amach in Airteagail 25 go 28 agus 34, cé is moite d’Airteagal 25(5). Ní bheidh iarratasóirí den sórt sin incháilithe lena n-athshocrú.

6.   Áiritheoidh na Ballstáit go n-athshocrófar baill teaghlaigh chuig críoch an Bhallstáit chéanna.

7.   Sna cásanna dá dtagraítear i míreanna 2 agus 3, déanfaidh an Ballstát is tairbhí an fhaisnéis ábhartha uile agus na doiciméid ábhartha uile faoin duine lena mbaineann a tharchur chuig Ballstát an athshocraithe a luaithe is féidir trí úsáid a bhaint as foirm chaighdeánach, chun, inter alia, a chur ar chumas údaráis Bhallstát an athshocraithe a sheiceáil cibé an bhfuil forais ann lena mheas go bhfuil an duine lena mbaineann ina bhagairt nó ina bagairt ar an tslándáil inmheánach.

8.   Scrúdóidh Ballstát an athshocraithe an fhaisnéis atá tarchurtha ag an mBallstát is tairbhí de bhun mhír 7, agus fíoróidh sé nach bhfuil aon fhoras réasúnach ann lena mheas go bhfuil an duine lena mbaineann ina bhagairt nó ina bagairt ar an tslándáil inmheánach. Féadfaidh Ballstát an athshocraithe a roghnú an fhaisnéis sin a fhíorú trí bhíthin agallamh pearsanta leis an duine lena mbaineann. Cuirfear an duine lena mbaineann ar an eolas go cuí faoi chineál agus cuspóir agallaimh den sórt sin. Déanfar an t-agallamh pearsanta laistigh de na teorainneacha ama dá bhforáiltear i mír 9.

9.   I gcás nach bhfuil aon fhoras réasúnach ann lena mheas go bhfuil an duine lena mbaineann ina bhagairt nó ina bagairt ar an tslándáil inmheánach, deimhneoidh Ballstát an athshocraithe, laistigh de sheachtain amháin ón bhfaisnéis ábhartha a fháil ón mBallstát is tairbhí, go ndéanfaidh sé an duine lena mbaineann a athshocrú.

I gcás ina ndeimhnítear leis na seiceálacha go bhfuil forais réasúnacha ann lena mheas go bhfuil an duine lena mbaineann ina bhagairt nó ina bagairt ar an tslándáil inmheánach, cuirfidh Ballstát an athshocraithe an Ballstát is tairbhí ar an eolas, laistigh de sheachtain amháin ón bhfaisnéis ábhartha a fháil ón mBallstát sin, faoi chineál foláirimh ó aon bhunachar sonraí ábhartha agus na heilimintí foluiteacha lena aghaidh. I gcásanna den sórt sin, ní dhéanfar an duine lena mbaineann a athshocrú.

I gcásanna eisceachtúla, i gcás inar féidir a léiriú go bhfuil an scrúdú ar an bhfaisnéis thar a bheith casta nó gur gá líon mór cásanna a sheiceáil an tráth céanna, féadfaidh Ballstát an athshocraithe a fhreagra a thabhairt tar éis na teorann ama seachtaine a luaitear sa chéad fhomhír agus sa dara fomhír, ach in aon chás laistigh de 2 sheachtain. I gcásanna den sórt sin, cuirfidh Ballstát an athshocraithe in iúl don Bhallstát is tairbhí, laistigh den teorainn ama seachtaine bhunaidh, a chinneadh freagra a chur ar athlá.

Mainneachtain gníomhú laistigh den tréimhse seachtaine a luaitear sa chéad fhomhír agus sa dara fomhír nó laistigh den tréimhse 2 sheachtain a luaitear sa tríú fomhír den mhír seo, is ionann sin agus a dheimhniú go bhfuarthas an fhaisnéis, agus fágfaidh sé oibleagáid a bheith ann an duine lena mbaineann a athshocrú, lena n-áirítear an oibleagáid socruithe cuí a chur ar fáil maidir le teacht an duine sin.

10.   Déanfaidh an Ballstát is tairbhí cinneadh aistrithe laistigh de sheachtain amháin ó dheimhniú ó Bhallstát an athshocraithe. Tabharfaidh sé fógra i scríbhinn don duine lena mbaineann, gan mhoill, faoin gcinneadh é nó í a aistriú chuig an mBallstát sin 2 lá ar a dhéanaí roimh an aistriú i gcás iarratasóirí agus seachtain amháin ar a dhéanaí roimh an aistriú i gcás tairbhithe.

I gcás inar iarratasóir an duine atá le hathshocrú, comhlíonfaidh sé nó sí an cinneadh maidir le hathshocrú.

11.   Déanfar aistriú an duine lena mbaineann ón mBallstát is tairbhí chuig Ballstát an athshocraithe i gcomhréir le dlí náisiúnta an Bhallstáit is tairbhí, tar éis comhairliúchán idir na Ballstáit lena mbaineann, a luaithe is féidir go praiticiúil, agus laistigh de 4 seachtaine ó dheimhniú ó Bhallstát an athshocraithe nó ón gcinneadh críochnaitheach maidir le hachomharc i gcoinne cinneadh aistrithe nó maidir le hathbhreithniú ar chinneadh aistrithe a bhfuil éifeacht fionraíochta aige i gcomhréir le hAirteagal 43(3).

12.   Leanfaidh na Ballstáit is tairbhithe agus Ballstáit an athshocraithe de phróiseas an athshocraithe fiú tar éis an tréimhse ama do chur chun feidhme nó bailíocht na ngníomhartha cur chun feidhme ón gComhairle dá dtagraítear in Airteagail 57, 61 agus 62 a bheith dulta in éag.

13.   Beidh feidhm mutatis mutandis ag Airteagal 42(3), (4) agus (5), Airteagail 43 agus 44, Airteagal 46(1) agus (3), Airteagal 47(2) agus (3), agus Airteagail 48 agus 50 maidir leis an nós imeachta um athshocrú.

Déanfaidh an Ballstát is tairbhí a dhéanann tairbhí de chosaint idirnáisiúnta a aistriú an fhaisnéis uile dá dtagraítear in Airteagal 51(2), faisnéis faoi na forais ar ar bhunaigh an tairbhí a iarratas nó a hiarratas, agus na forais atá le haon chinneadh arna dhéanamh i dtaca leis an tairbhí, a tharchur chuig Ballstát an athshocraithe.

14.   Déanfaidh an Coimisiún, trí bhíthin gníomhartha cur chun feidhme, modhanna aonfhoirmeacha a bhunú chun faisnéis agus doiciméid a ullmhú agus a thíolacadh chun críoch athshocraithe. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2). Agus na gníomhartha cur chun feidhme sin á n-ullmhú aige, féadfaidh an Coimisiún dul i gcomhairle leis an nGníomhaireacht um Thearmann.

1.   Cuirfidh Ballstát an athshocraithe an Ballstát is tairbhí, an Ghníomhaireacht um Thearmann agus Comhordaitheoir Dlúthpháirtíochta an Aontais ar an eolas faoi theacht sábháilte an duine lena mbaineann nó faoin bhfíoras nár láithrigh sé nó sí laistigh den teorainn ama shocraithe.

2.   I gcás ina bhfuil Ballstát an athshocraithe tar éis iarratasóir a athshocrú nach bhfuil cinneadh déanta go fóill ina leith faoin mBallstát freagrach, cuirfidh Ballstát an athshocraithe na nósanna imeachta a leagtar amach i gCuid III i bhfeidhm, cé is moite d’Airteagal 16(2), Airteagal 17(1) agus (2), Airteagal 25(5), Airteagal 29, Airteagal 30 agus Airteagal 33(1) agus (2).

I gcás nach féidir aon Bhallstát freagrach a chinneadh faoin gcéad fhomhír den mhír seo, beidh Ballstát an athshocraithe freagrach as scrúdú a dhéanamh ar an iarratas ar chosaint idirnáisiúnta.

Cuirfidh Ballstát an athshocraithe a fhreagracht in iúl in Eurodac de bhun Airteagal 16(1) de Rialachán (AE) 2024/1358.

3.   I gcás iarratasóir a bheith athshocraithe, ar cinneadh roimhe sin ar fhorais eile seachas na critéir dá dtagraítear in Airteagal 67(5), an dara fomhír, gurb é an Ballstát is tairbhí atá freagrach as nó aisti, aistreofar an fhreagracht as scrúdú a dhéanamh ar an iarratas ar chosaint idirnáisiúnta chuig Ballstát an athshocraithe.

Déanfar an fhreagracht as scrúdú a dhéanamh ar aon uiríoll eile nó aon iarratas iardain ón duine lena mbaineann i gcomhréir le hAirteagail 55 agus 56 de Rialachán (AE) 2024/1348 a aistriú chuig Ballstát an athshocraithe freisin.

Cuirfidh Ballstát an athshocraithe a fhreagracht in iúl in Eurodac de bhun Airteagal 16(3) de Rialachán (AE) 2024/1358.

4.   I gcás ina bhfuil tairbhí de chosaint idirnáisiúnta athshocraithe, deonóidh Ballstát an athshocraithe stádas cosanta idirnáisiúnta go huathoibríoch agus urraim á tabhairt don stádas a dheonaigh an Ballstát is tairbhí.

1.   I gcás ina n-iarrann Ballstát is tairbhí ar Bhallstát eile freagracht a ghlacadh as scrúdú a dhéanamh ar roinnt iarratas ar chosaint idirnáisiúnta de bhun Airteagal 63(1) agus (2), tarchuirfidh sé a iarraidh chuig an mBallstát is rannchuiditheoir agus áireoidh sé inti an líon iarratas ar chosaint idirnáisiúnta a bhfuil freagracht le glacadh astu seachas athshocruithe.

2.   Tabharfaidh an Ballstát is rannchuiditheoir freagra ar an iarraidh laistigh de 30 lá ón iarraidh sin a fháil.

Féadfaidh an Ballstát is rannchuiditheoir a chinneadh freagracht a ghlacadh as scrúdú a dhéanamh ar líon iarratas ar chosaint idirnáisiúnta is ísle ná an líon atá iarrtha ag an mBallstát is tairbhí.

3.   Déanfaidh an Ballstát a ghlac le hiarraidh de bhun mhír 2 den Airteagal seo na hiarratais aonair ar chosaint idirnáisiúnta a nglacann sé freagrach astu a shainaithint agus cuirfidh sé a fhreagracht in iúl de bhun Airteagal 16(3) de Rialachán (AE) 2024/1358.