1.   Le linn an nós imeachta riaracháin dá dtagraítear i gCaibidil III, beidh ag iarratasóirí na ráthaíochtaí atá leagtha amach i míreanna 2 go 6 den Airteagal seo.

2.   Cuirfidh an t-údarás cinntitheach nó, i gcás inarb infheidhme, údaráis inniúla nó eagraíochtaí eile ar leag na Ballstáit an cúram sin orthu, na hiarratasóirí ar an eolas, i dteanga is féidir leo a thuiscint nó a gceaptar le réasún go dtuigfidh siad í, faoin méid seo a leanas:

Déanfar an fhaisnéis uile dá dtagraítear sa mhír seo a chur ar fáil a luaithe is féidir chun a chur ar a gcumas d’iarratasóirí na cearta a ráthaítear sa Rialachán seo a fheidhmiú agus chun a chur ar a gcumas dóibh na hoibleagáidí a leagtar amach in Airteagal 9 a chomhlíonadh go hiomchuí. Cuirfear an fhaisnéis dá dtagraítear sa chéad fhomhír, pointí (a) go (e), den mhír seo ar fáil don iarratasóir ar a dhéanaí nuair a chlárófar an t-iarratas ar chosaint idirnáisiúnta. Cuirfear an fhaisnéis sin ar fáil trí bhíthin na bileoige dá dtagraítear i mír 7, agus cuirfear ar fáil go fisiciúil nó go leictreonach í, agus, i gcás inar gá, ó bhéal. Cuirfear faisnéis ar fáil do mhionaoisigh ar bhealach atá fabhrach don leanbh agus le rannpháirtíocht an ionadaí nó an duine dá dtagraítear in Airteagal 23(2), pointe (a), den Rialachán seo.

Tabharfar an deis don iarratasóir a dheimhniú go bhfuair sé nó sí an fhaisnéis. Déanfar an deimhniú sin a dhoiciméadú i gcomhad an iarratasóra. Má dhiúltaíonn an t-iarratasóir a dheimhniú go bhfuair sé nó sí an fhaisnéis, cuirfear nóta ina thaobh sin isteach ina chomhad nó ina comhad.

3.   Le linn an nós imeachta riaracháin, cuirfear seirbhísí ateangaire ar fáil d’iarratasóirí chun iarratas a chlárú agus a thaisceadh agus, i gcás inarb infheidhme, don agallamh pearsanta, nuair nach féidir cumarsáid iomchuí a áirithiú ar shlí eile. Íocfar as na seirbhísí ateangaireachta ó chistí poiblí.

4.   Tabharfaidh na húdaráis inniúla an deis d’iarratasóirí, a luaithe is féidir agus roimh an spriocdháta chun iarratas a thaisceadh i gcomhréir le hAirteagal 28(1), cumarsáid a dhéanamh le hArd-Choimisinéir na Náisiún Aontaithe le haghaidh Dídeanaithe nó le haon eagraíocht eile a chuireann comhairle dlí nó comhairleoireacht eile ar fáil d’iarratasóirí i gcomhréir leis an dlí náisiúnta.

5.   Áiritheoidh an t-údarás cinntitheach go bhfuil rochtain ag iarratasóirí agus, i gcás inarb infheidhme, a n-ionadaithe nó a gcomhairleoirí dlí nó comhairleoirí eile a aithnítear nó a cheadaítear sa cháil sin faoin dlí náisiúnta chun comhairle dlí a chur ar fáil (‘comhairleoirí dlí’), rochtain a bheith acu ar an bhfaisnéis dá dtagraítear in Airteagal 34(2), pointí (b) agus (c), atá de dhíth chun scrúdú a dhéanamh ar iarratais agus ar an bhfaisnéis a thugann na saineolaithe dá dtagraítear in Airteagal 34(3), i gcás inar chuir an t-údarás cinntitheach an fhaisnéis sin san áireamh chun cinneadh a dhéanamh i dtaca lena n-iarratas.

6.   Tabharfaidh an t-údarás cinntitheach fógra i scríbhinn a luaithe is féidir d’iarratasóirí maidir leis an gcinneadh a rinneadh i dtaca lena n-iarratas. I gcás ina ndéanann ionadaí nó comhairleoir dlí ionadaíocht dhlíthiúil d’iarratasóir, féadfaidh an t-údarás cinntitheach fógra i dtaca leis an gcinneadh a thabhairt don ionadaí sin nó don chomhairleoir dlí sin in ionad an iarratasóra.

7.   Déanfaidh an Ghníomhaireacht um Thearmann, i ndlúthchomhar leis an gCoimisiún agus le gach Ballstát, bileoga eolais a tharraingt suas ina mbeidh an fhaisnéis a éilítear leis an Airteagal seo. Tarraingeofar suas na bileoga eolais sin ar bhealach a chuirfidh ar chumas na mBallstát iad a chomhlánú le faisnéis bhreise atá sonrach don Bhallstát lena mbaineann agus cuirfear san áireamh iontu sainiúlachtaí iarratasóirí leochaileacha, mar shampla mionaoisigh nó daoine faoi mhíchumas.

1.   Déanfaidh an t-iarratasóir a iarratas nó a hiarratas sa Bhallstát dá bhforáiltear in Airteagal 17(1) agus (2) de Rialachán (AE) 2024/1351.

2.   Comhoibreoidh an t-iarratasóir go hiomlán leis na húdaráis inniúla dá dtagraítear in Airteagal 4 sna hábhair a chumhdaítear leis an Rialachán seo, go háirithe tríd an méid seo a leanas a dhéanamh:

I gcás ina gcinneann na húdaráis inniúla aon doiciméad dá dtagraítear i bpointe (f) den chéad fhomhír a choinneáil, áiritheoidh siad go bhfaighidh an t-iarratasóir cóipeanna de na bundoiciméid láithreach. I gcás aistriú de bhun Airteagal 46 de Rialachán (AE) 2024/1351, tabharfaidh na húdaráis inniúla na doiciméid sin ar ais don iarratasóir tráth an aistrithe.

3.   Glacfaidh an t-iarratasóir le haon teachtaireacht ó na húdaráis inniúla ag an áit chónaithe nó seoladh is deireanaí, tríd an uimhir theileafóin nó an seoladh ríomhphoist a chuirfidh sé nó sí in iúl do na húdaráis inniúla, go háirithe nuair a thaiscfidh sé nó sí iarratas i gcomhréir le hAirteagal 28.

Bunóidh na Ballstáit sa dlí náisiúnta an modh cumarsáide agus an tráth a mheasfar an chumarsáid a bheith faighte ag an iarratasóir.

4.   Comhlíonfaidh an t-iarratasóir oibleagáidí maidir le tuairisciú chuig na húdaráis inniúla ag am sonraithe nó ag eatraimh réasúnta nó fanacht i limistéar geografach ainmnithe ar a chríoch i gcomhréir le Treoir (AE) 2024/1346, de réir mar a fhorchuirfidh an Ballstát ina gceanglaítear air nó uirthi a bheith i láthair i gcomhréir le Rialachán (AE) 2024/1351.

5.   Gan dochar d’aon chuardach a dhéanfar ar chúiseanna slándála, i gcás ina bhfuil gá agus údar cuí leis chun scrúdú a dhéanamh ar iarratas, féadfaidh na húdaráis inniúla a cheangal ar an iarratasóir go ndéanfar cuardach air nó uirthi nó go ndéanfar a chuid nó a cuid giuirléidí a chuardach i gcomhréir leis an dlí náisiúnta. Míneoidh an t-údarás inniúil na cúiseanna leis an gcuardach don iarratasóir agus cuirfidh sé i gcomhad an iarratasóra iad. Déanfaidh duine den ghnéas céanna aon chuardach atá le déanamh ar phearsa an iarratasóra faoin Rialachán seo agus urraim iomlán á tabhairt do phrionsabail dhínit an duine agus na sláine fisiciúla agus síceolaíche.

1.   Beidh an ceart ag iarratasóirí fanacht ar chríoch an Bhallstáit ina gceanglaítear orthu a bheith i láthair i gcomhréir le hAirteagal 17(4) de Rialachán (AE) 2024/1351 go dtí go mbeidh cinneadh déanta ag an údarás cinntitheach maidir leis an iarratas sa nós imeachta riaracháin dá bhforáiltear i gCaibidil III.

2.   Ní hionann an ceart fanachta agus teidlíocht ar chead cónaithe agus ní thabharfaidh sé an ceart don iarratasóir taisteal chuig críoch Ballstát eile gan doiciméad taistil mar a fhoráiltear in Airteagal 6(3) de Threoir (AE) 2024/1346.

3.   Ní bheidh sé de cheart ag an iarratasóir fanacht ar chríoch an Bhallstáit lena mbaineann le linn an nós imeachta riaracháin i gcás ina bhfuil an duine faoi réir tabhairt suas do Bhallstát eile de bhun oibleagáidí i gcomhréir le barántas gabhála Eorpach arna eisiúint i gcomhréir le Cinneadh Réime 2002/584/CGB ón gComhairle (21).

4.   Féadfaidh na Ballstáit foráil a dhéanamh maidir le heisceacht ó cheart an iarratasóra fanacht ar a gcríoch le linn an nós imeachta riaracháin sna cásanna seo a leanas:

5.   Ní fhéadfaidh Ballstát iarratasóir a eiseachadadh, a thabhairt suas nó a aistriú chuig tríú tír nó chuig cúirt idirnáisiúnta nó binse idirnáisiúnta dá dtagraítear i mír 4, pointe (b), ach amháin i gcás ina measann an t-údarás inniúil nach mbeidh refoulement díreach nó indíreach a sháraíonn oibleagáidí an Bhallstáit sin faoin dlí idirnáisiúnta agus faoi dhlí an Aontais mar thoradh ar an gcinneadh sin chun eiseachadadh, tabhairt suas nó aistriú a dhéanamh.

1.   Gan dochar d’Airteagal 38(1) agus d’Airteagal 55(4), sula ndéanfaidh an t-údarás cinntitheach cinneadh maidir le neamh-inghlacthacht iarratais i gcomhréir le hAirteagal 38, tabharfar an deis don iarratasóir agallamh pearsanta a dhéanamh maidir le hinghlacthacht (‘an t-agallamh inghlacthachta’).

2.   San agallamh inghlacthachta, ba cheart an deis a thabhairt don iarratasóir cúiseanna a sholáthar i dtaca leis an bhfáth nach mbeadh na forais neamh-inghlacthachta dá bhforáiltear in Airteagal 38 infheidhme maidir leis nó léi.

1.   Sula ndéanann an t-údarás cinntitheach cinneadh i dtaca le tuillteanais iarratais ar chosaint idirnáisiúnta, tabharfar an deis don iarratasóir agallamh substainteach a dhéanamh i dtaca lena iarratas nó lena hiarratas (‘an t-agallamh substainteach’). Féadfar an t-agallamh substainteach a dhéanamh ag an am céanna leis an agallamh inghlacthachta ar choinníoll gur cuireadh an t-iarratasóir ar an eolas roimh ré faoin bhféidearthacht sin agus go raibh sé nó sí in ann dul i gcomhairle lena chomhairleoir dlí nó lena comhairleoir dlí i gcomhréir le hAirteagal 15 nó le duine a bhfuil sé de chúram air nó uirthi comhairleoireacht dhlíthiúil a sholáthar i gcomhréir le hAirteagal 16.

2.   San agallamh substainteach, tabharfar an deis don iarratasóir na heilimintí a thabhairt ar aird atá de dhíth chun a léiriú go bhfuil bunús lena iarratas nó lena hiarratas i gcomhréir le Rialachán (AE) 2024/1347, agus soláthróidh sé nó sí na heilimintí dá dtagraítear in Airteagal 4(2) den Rialachán sin a iomláine agus is féidir. Tabharfar an deis don iarratasóir míniú a thabhairt maidir le heilimintí a d’fhéadfadh a bheith ar iarraidh nó maidir le haon neamhréireachtaí nó bréagnuithe ina ráitis.

1.   Déanfar agallaimh phearsanta dá bhforáiltear in Airteagail 11 agus 12 i gcomhréir leis na coinníollacha a bhunaítear sa Rialachán seo.

2.   I gcás ina dtaiscfear iarratas ar chosaint idirnáisiúnta i gcomhréir le hAirteagal 31, tabharfar an deis don duine fásta atá freagrach dá dtagraítear san fhoráil sin agallamh pearsanta a dhéanamh de bhun Airteagal 11 agus 12. Tabharfar an deis don iarratasóir freisin páirt a ghlacadh san agallamh sin ar choinníoll nach bhfuil feidhm ag mír 11, pointe (c), den Airteagal seo.

3.   Déanfar na hagallaimh phearsanta faoi dhálaí a áiritheoidh príobháideachas agus rúndacht iomchuí agus a cheadóidh d’iarratasóirí na forais dá n-iarratais a thabhairt ar aird ar bhealach cuimsitheach.

4.   Áiritheofar go mbeidh comhairleoir dlí an iarratasóra i láthair ag an agallamh pearsanta, i gcás inar chinn an t-iarratasóir leas a bhaint as cúnamh dlí i gcomhréir le Roinn III den Chaibidil seo.

5.   Cuirfear ateangaire ar fáil a bheidh in ann cumarsáid iomchuí a áirithiú idir an t-iarratasóir agus an duine a dhéanfaidh an t-agallamh do na hagallaimh phearsanta.

Féadfar idirghabhálaí cultúrtha a chur ar fáil le linn na n-agallamh pearsanta.

Tabharfaidh na Ballstáit tús áite d’ateangairí agus d’idirghabhálaithe cultúrtha ar cuireadh oiliúint orthu, amhail oiliúint dá dtagraítear in Airteagal 8(4), pointe (m), de Rialachán (AE) 2021/2303.

Áiritheoidh na Ballstáit go gcuirfear ateangairí agus idirghabhálaithe cultúrtha ar an eolas faoi na príomhchoincheapa agus faoin téarmaíocht ábhartha maidir le measúnú a dhéanamh ar iarratais ar chosaint idirnáisiúnta, mar shampla trí bhileog chaighdeánach nó trí threoirleabhar. Déanfar cumarsáid sa teanga is rogha leis an iarratasóir mura dtuigeann sé nó sí teanga eile agus mura bhfuil sé nó sí in ann cumarsáid a dhéanamh go soiléir sa teanga sin.

6.   Déanfaidh baill foirne de chuid an údaráis chinntithigh na hagallaimh phearsanta.

I gcás ina bhfuil líon díréireach náisiúnach tríú tír nó daoine gan stát a dhéanann iarratas laistigh den tréimhse chéanna ama, rud a fhágfaidh nach féidir agallaimh phearsanta tráthúla a dhéanamh ar gach iarratasóir, féadfaidh baill foirne údarás eile de chuid an Bhallstáit sin cúnamh sealadach a thabhairt don údarás cinntitheach agus gheobhaidh siad an oiliúint ábhartha roimh ré, lena n-áireofar na heilimintí a liostaítear in Airteagal 8 de Rialachán (AE) 2021/2303 chun agallaimh mar sin a dhéanamh nó ón nGníomhaireacht um Thearmann i gcomhréir le hAirteagal 5.

7.   Maidir leis an duine a dhéanfaidh an t-agallamh:

8.   Beidh an méid seo a leanas fíor i gcás na mball foirne a chuirfidh iarratasóirí faoi agallamh, lena n-áirítear saineolaithe arna n-úsáid ag an nGníomhaireacht um Thearmann:

9.   Arna iarraidh sin don iarratasóir agus i gcás inar féidir, áiritheoidh an t-údarás cinntitheach go bhfuil na hagallóirí agus na hateangairí den inscne is fearr leis an iarratasóir, ach amháin má tá cúiseanna aige lena mheas nach mbaineann an iarraidh sin le deacrachtaí an iarratasóra forais a iarratais nó a hiarratais a chur i láthair ar bhealach cuimsitheach.

10.   De mhaolú air sin, féadfaidh an t-údarás cinntitheach an t-agallamh pearsanta a reáchtáil trí fhíschomhdháil i gcás ina mbeidh údar cuí leis de bharr na gcúinsí.

I gcás den sórt sin, áiritheoidh an t-údarás cinntitheach na socruithe is gá le haghaidh na saoráidí, na gcaighdeán nós imeachta agus teicniúil, an chúnaimh dlí agus an ateangaireacht iomchuí, agus treoir ón nGníomhaireacht um Thearmann á cur san áireamh.

11.   Féadfar an t-agallamh inghlacthachta nó an t-agallamh substainteach, de réir mar is infheidhme, a fhágáil ar lár sna cásanna seo a leanas:

Má fhágtar agallamh pearsanta ar lár de bhun phointe (c) den chéad fhomhír, ní dhéanfaidh sin dochar do chinneadh an údaráis chinntithigh. I gcás ina bhfágfar an t-agallamh pearsanta ar lár de bhun an phointe sin, tabharfaidh an t-údarás cinntitheach deis éifeachtach don iarratasóir tuilleadh faisnéise a chur isteach i scríbhinn.

Nuair a bheidh amhras ann faoi inniúlacht nó cumas an iarratasóra dul faoi agallamh, rachaidh an t-údarás cinntitheach i gcomhairle le gairmí leighis chun a chinneadh an de chineál sealadach nó de chineál marthanach an riocht a fhágann nach bhfuil an t-iarratasóir inniúil nó in ann dul faoi agallamh. I gcás inar léir, tar éis dul i gcomhairle leis an ngairmí leighis sin, gur de chineál sealadach an riocht a fhágann nach bhfuil an t-iarratasóir inniúil nó nach féidir é a chur faoi agallamh, cuirfidh an t-údarás cinntitheach an t-agallamh pearsanta ar athlá go dtí go mbeidh an t-iarratasóir inniúil nó in ann dul faoi agallamh.

I gcás nach bhfuil an t-iarratasóir in ann freastal ar an agallamh pearsanta mar gheall ar chúinsí sonracha nach raibh neart aige nó aici orthu, déanfaidh an t-údarás cinntitheach an t-agallamh pearsanta a athsceidealú

12.   Beidh iarratasóirí i láthair ag an agallamh pearsanta agus beidh orthu freagra a thabhairt go pearsanta ar na ceisteanna a chuirfear.

13.   Ceadófar d’iarratasóir cúnamh a fháil ó chomhairleoir dlí san agallamh pearsanta, lena n-áirítear nuair a thionóltar trí fhíschomhdháil é.

Ní chuirfidh neamhláithreacht an chomhairleora dlí cosc ar an údarás cinntitheach an t-agallamh a dhéanamh.

Féadfaidh na Ballstáit a leagan síos sa dlí náisiúnta, i gcás ina nglacfaidh comhairleoir dlí páirt san agallamh pearsanta, nach bhféadfaidh an comhairleoir dlí idirghabháil a dhéanamh ach amháin ag deireadh an agallaimh phearsanta.

14.   Gan dochar d’Airteagal 11(1) agus 12(1) agus ar choinníoll go ndearnadh iarrachtaí leordhóthanacha chun a áirithiú gur tugadh deis don iarratasóir agallamh pearsanta a dhéanamh, ní chuirfidh easpa agallaimh phearsanta cosc ar an údarás cinntitheach cinneadh a dhéanamh maidir leis an iarratas ar chosaint idirnáisiúnta.

1.   Déanfaidh an t-údarás cinntitheach nó aon údarás nó saineolaithe eile a chuidíonn leis i gcomhréir le hAirteagal 5 agus Airteagal 13(6) na hagallaimh phearsanta a dhéanamh tuarascáil chríochnúil fhíorasach ina mbeidh príomheilimintí uile an agallaimh phearsanta, nó tras-scríbhinn den agallamh nó tras-scríbhinn de thaifeadadh den agallamh sin a bheidh le cur i gcomhad an iarratasóra.

2.   Déanfar na hagallaimh phearsanta a thaifeadadh trí bhíthin modhanna taifeadta fuaime. Cuirfear in iúl don iarratasóir roimh ré go bhfuil taifeadadh mar sin á dhéanamh agus míneofar an cuspóir atá leis. Tabharfar aird ar leith ar riachtanais na n-iarratasóirí a bhfuil sainráthaíochtaí nós imeachta de dhíth orthu. Cuirfidh an t-údarás cinntitheach an taifeadadh i gcomhad an iarratasóra.

3.   Tabharfar an deis don iarratasóir tráchtanna a thabhairt nó soiléiriú a thabhairt ó bhéal nó i scríbhinn maidir le haon aistriúcháin mhíchearta nó míthuiscintí nó botúin fhíorasacha eile atá sa tuarascáil, i dtras-scríbhinn an agallaimh nó i dtras-scríbhinn an taifeadta, ag deireadh an agallaimh phearsanta nó laistigh de theorainn ama shonraithe sula ndéanfaidh an t-údarás cinntitheach cinneadh. Chun na críche sin, cuirfear an t-iarratasóir ar an eolas faoi ábhar iomlán na tuarascála, faoi thras-scríbhinn an agallaimh nó faoi thras-scríbhinn an taifeadta, le cúnamh ó ateangaire, i gcás inar gá.

4.   Iarrfar ar an iarratasóir a dhearbhú gur léiriú ceart ar an agallamh pearsanta é ábhar na tuarascála nó tras-scríbhinn an agallaimh. I gcás ina ndiúltóidh an t-iarratasóir an t-ábhar a dhearbhú, cuirfear na cúiseanna leis an diúltú sin isteach i gcomhad an iarratasóra. Ní chuirfidh an diúltú sin cosc ar an údarás cinntitheach cinneadh a dhéanamh i dtaca leis an iarratas. I gcás ina mbeidh amhras ann faoi na ráitis a rinne an t-iarratasóir le linn an agallaimh phearsanta, is ag an taifeadadh fuaime a bheidh an forlámhas.

5.   Ní gá go n-iarrfaí ar an iarratasóir tuairimí a thabhairt nó soiléirithe a thabhairt maidir leis an tuarascáil nó tras-scríbhinn an agallaimh, ná a dhearbhú go léiríonn ábhar na tuarascála nó tras-scríbhinn an agallaimh an t-agallamh i gceart sna cásanna seo a leanas:

6.   Beidh rochtain ag iarratasóirí agus, i gcás inar ceapadh iad, ag a n-ionadaithe agus ag a gcomhairleoirí dlí ar an tuarascáil nó na tras-scríbhinní dá dtagraítear i mír 1 a luaithe is féidir tar éis an agallaimh agus, in aon chás, in am trátha sula ndéanfaidh an t-údarás cinntitheach cinneadh.

Tabharfar rochtain freisin ar an taifeadadh sa nós imeachta achomhairc.

1.   Beidh dé de cheart ag iarratasóirí dul i gcomhairle, ar bhealach éifeachtach, le comhairleoir dlí nó comhairleoir eile i dtaca le hábhair a bhaineann lena n-iarratais ag céimeanna uile an nós imeachta.

2.   Gan dochar do cheart an iarratasóra a chomhairleoir dlí nó a comhairleoir féin nó comhairleoir eile a roghnú ar a chostas nó ar a costas féin, féadfaidh iarratasóir comhairleoireacht dhlíthiúil saor in aisce a iarraidh sa nós imeachta riaracháin dá bhforáiltear i gCaibidil III, i gcomhréir le hAirteagal 16 agus cúnamh dlí agus ionadaíocht dhlíthiúil saor in aisce a iarraidh sa nós imeachta achomhairc dá bhforáiltear i gCaibidil V, i gcomhréir le hAirteagal 17.

Cuirfear an t-iarratasóir ar an eolas a luaithe is féidir agus tráth nach déanaí ná tráth a chlárófar an t-iarratas i gcomhréir le hAirteagal 27 faoina cheart nó faoina ceart comhairleoireacht dhlíthiúil saor in aisce nó cúnamh dlí agus ionadaíocht dhlíthiúil saor in aisce a iarraidh.

3.   Féadfaidh na Ballstáit foráil a dhéanamh maidir le cúnamh dlí agus ionadaíocht dhlíthiúil saor in aisce sa nós imeachta riaracháin i gcomhréir leis an dlí náisiúnta.

4.   Féadfaidh na Ballstáit soláthar comhairleoireachta dlíthiúil agus cúnaimh dlí agus ionadaíochta dlíthiúla a eagrú i gcomhréir lena gcórais náisiúnta.

1.   Arna iarraidh sin don iarratasóir, cuirfidh na Ballstáit comhairleoireacht dhlíthiúil ar fáil saor in aisce sa nós imeachta riaracháin dá bhforáiltear i gCaibidil III.

Chun críocha na chéad fhomhíre, féadfar rochtain éifeachtach ar chomhairleoireacht dhlíthiúil saor in aisce a áirithiú tríd an gcúram a leagann ar dhuine comhairleoireacht dhlíthiúil a chur ar fáil ag céim riaracháin an nós imeachta do roinnt iarratasóirí ag an am céanna.

2.   Chun críocha an nós imeachta riaracháin, cuirfear an méid seo a leanas ar fáil mar chuid de chomhairleoireacht dhlíthiúil saor in aisce:

3.   Gan dochar do mhír 1, féadfar comhairleoireacht dhlíthiúil saor in aisce a eisiamh sa nós imeachta riaracháin sna cásanna seo a leanas:

4.   Chun an tAirteagal seo a chur chun feidhme, féadfaidh na Ballstáit cúnamh a iarraidh ar an nGníomhaireacht um Thearmann. Ina theannta sin, féadfar tacaíocht airgeadais a chur ar fáil trí chistí an Aontais do na Ballstáit, i gcomhréir leis na gníomhartha dlí lena rialaítear na cistí sin.

1.   Sa nós imeachta achomhairc, áiritheoidh na Ballstáit, arna iarraidh sin don iarratasóir, go gcuirfear cúnamh dlí agus ionadaíocht dhlíthiúil saor in aisce ar fáil dó nó di. Áireofar ar chúnamh dlí agus ar ionadaíocht dhlíthiúil saor in aisce den sórt sin na doiciméid nós imeachta is gá faoin dlí náisiúnta a ullmhú, an t-achomharc a ullmhú agus, i gcás éisteachta, rannpháirtíocht san éisteacht sin os comhair cúirte nó binse.

2.   Féadfaidh na Ballstáit soláthar cúnaimh dlí agus ionadaíochta dlíthiúla saor in aisce sa nós imeacht achomhairc a eisiamh sna cásanna seo a leanas:

3.   I gcás ina ndéanfaidh údarás nach cúirt ná binse cinneadh gan cúnamh dlí agus ionadaíocht dhlíthiúil saor in aisce a dheonú ar an bhforas go meastar nach dócha go mbeidh rath ar an achomharc nó go bhfuil sé mí-úsáideach, beidh sé de cheart ag an iarratasóir leigheas éifeachtach a fháil os comhair cúirte nó binse i gcoinne an chinnidh sin. Chun na críche sin, beidh an t-iarratasóir i dteideal cúnamh dlí agus ionadaíocht dhlíthiúil saor in aisce a iarraidh.

1.   Maidir le comhairleoir dlí a dhéanann ionadaíocht dhlíthiúil d’iarratasóir faoi choinníollacha an dlí náisiúnta, tabharfar rochtain dó ar an bhfaisnéis ar chomhad an iarratasóra a rinneadh cinneadh ar a bhonn nó a bhfuil cinneadh le déanamh ar a bhonn.

2.   Féadfar rochtain ar an bhfaisnéis nó ar na foinsí i gcomhad an iarratasóra a dhiúltú i gcomhréir leis an dlí náisiúnta i gcás ina ndéanfadh nochtadh faisnéise nó foinsí dochar don tslándáil náisiúnta, do shlándáil na n-eagraíochtaí nó na ndaoine a sholáthraíonn an fhaisnéis nó do shlándáil na ndaoine lena mbaineann an fhaisnéis nó i gcás ina gcuirfí na leasanna imscrúdaitheacha a bhaineann le scrúdú ar iarratais ar chosaint idirnáisiúnta ag údaráis inniúla na mBallstát nó caidreamh idirnáisiúnta na mBallstát i mbaol nó i gcás ina ndéanfaí an fhaisnéis nó na foinsí a aicmiú faoin dlí náisiúnta. Sna cásanna sin, déanfaidh an t-údarás cinntitheach:

Maidir le pointe (b) den chéad fhomhír, deonóidh na Ballstáit rochtain ar fhaisnéis nó ar fhoinsí do chomhairleoir dlí, a dhéanann ionadaíocht dhlíthiúil ar an iarratasóir, agus a ndearnadh seiceáil slándála air, a mhéid atá an fhaisnéis ábhartha chun scrúdú a dhéanamh ar an iarratas nó chun a cinneadh an chosaint idirnáisiúnta a tharraingt siar.

3.   Beidh rochtain ag comhairleoir dlí an iarratasóra nó ag an duine a bhfuil sé de chúram air comhairleoireacht dhlíthiúil a sholáthar, a chomhairlíonn nó a thugann cúnamh nó a dhéanann ionadaíocht d’iarratasóir, ar limistéir dhúnta, mar shampla saoráidí coinneála agus limistéir idirthurais, chun críche comhairleoireachta, cabhrú leis an iarratasóir sin nó ionadaíocht a dhéanamh dó, i gcomhréir le Treoir. (AE) 2024/1346.

1.   Déanfaidh comhairleoirí dlí nó comhairleoirí eile a aithnítear nó a cheadaítear dóibh faoin dlí náisiúnta comhairle nó cúnamh a thabhairt d’iarratasóirí nó ionadaíocht a dhéanamh thar a gceann, nó eagraíochtaí neamhrialtasacha atá creidiúnaithe faoin dlí náisiúnta chun seirbhísí dlíthiúla nó ionadaíocht dhlíthiúil a sholáthar d’iarratasóirí, comhairleoireacht dhlíthiúil, cúnamh dlí agus ionadaíocht dhlíthiúil a chur ar fáil saor in aisce.

2.   Leagfaidh na Ballstáit síos sainrialacha nós imeachta maidir leis na socruithe chun iarrataí a chomhdú agus a phróiseáil chun comhairleoireacht dhlíthiúil, cúnamh dlí agus ionadaíocht dhlíthiúil saor in aisce a sholáthar i ndáil le hiarratais ar chosaint idirnáisiúnta nó cuirfidh siad i bhfeidhm na rialacha atá ann cheana maidir le héilimh intíre den chineál céanna, ar choinníoll nach bhfuil na rialacha sin níos sriantaí nó nach bhfágann siad rochtain ar chomhairleoireacht dhlíthiúil saor in aisce nó ar chúnamh dlí agus ionadaíocht dhlíthiúil saor in aisce dodhéanta nó ródheacair.

3.   Déanfaidh na Ballstáit rialacha sonracha a leagan síos maidir le soláthar na comhairleoireachta dlíthiúla, an chúnaimh dlí agus na hionadaíochta dlíthiúla saor in aisce a eisiamh i gcomhréir le hAirteagal 16(3) agus le hAirteagal 17(2), faoi seach.

4.   Féadfaidh na Ballstáit teorainneacha airgeadaíochta nó teorainneacha ama a fhorchur freisin maidir le comhairleoireacht dhlíthiúil, cúnamh dlí agus ionadaíocht dhlíthiúil saor in aisce a sholáthar, ar choinníoll nach bhfuil na teorainneacha sin treallach agus nach gcuireann siad srian míchuí ar rochtain ar chomhairleoireacht dhlíthiúil, cúnamh dlí agus ionadaíocht dhlíthiúil saor in aisce. Maidir le táillí agus costais eile, ní bheidh an chóir a chuirfear ar iarratasóirí níos mífhabhraí ná an chóir a chuirtear i gcoitinne ar a gcuid náisiúnaigh in ábhair a bhaineann le cúnamh dlí.

5.   Féadfaidh na Ballstáit aisíocaíocht iomlán nó pháirteach na gcostas arna dtabhú i ndáil le cúnamh dlí agus ionadaíocht dhlíthiúil a sholáthar a iarraidh ar an iarratasóir i gcás ina dtiocfaidh feabhas mór ar staid airgeadais an iarratasóra le linn an nós imeachta nó i gcás ina ndearnadh an cinneadh cúnamh dlí agus ionadaíocht dhlíthiúil saor in aisce a sholáthar ar bhonn faisnéis bhréagach arna soláthar ag an iarratasóir. Chun na críche sin, cuirfidh iarratasóirí na húdaráis inniúla ar an eolas láithreach faoi aon athrú suntasach ar a staid airgeadais.

1.   Déanfaidh na húdaráis inniúla a mheas, ar bhonn aonair, an bhfuil sainráthaíochtaí nós imeachta de dhíth ar aniarratasóir, le cúnamh ó ateangaire, i gcás inar gá sin. Féadfar an measúnú sin a chomhtháthú le nósanna imeachta náisiúnta atá ann cheana nó leis an measúnú dá dtagraítear in Airteagal 25 de Threoir (AE) 2024/1346 agus ní gá go mbeadh sé i bhfoirm nós imeachta riaracháin. I gcás ina gceanglaítear sin leis an dlí náisiúnta, féadfar an measúnú a chur ar fáil, agus féadfar torthaí an mheasúnaithe a tharchur, chuig an údarás cinntitheach, faoi réir thoiliú an iarratasóra.

2.   Tionscnófar an measúnú dá dtagraítear i mír 1 a luaithe is féidir tar éis iarratas a bheith déanta trína shainaithint an gcuirtear in iúl nó nach gcuirtear leis na chéad tásca go bhféadfadh sainráthaíochtaí nós imeachta a bheith de dhíth ar iarratasóir. Beidh an tsainaithint sin bunaithe ar chomharthaí infheicthe, ar ráitis nó iompar an iarratasóra, nó ar aon doiciméid ábhartha. I gcás mionaoiseach, cuirfear san áireamh freisin ráitis na dtuismitheoirí, an duine fásta atá freagrach as nó aisti, cibé acu de réir dhlí nó chleachtas an Bhallstáit lena mbaineann nó ráitis ionadaí an iarratasóra. Déanfaidh na húdaráis inniúla faisnéis maidir le haon chéadtásc mar sin a áireamh i gcomhad an iarratasóra agus an t-iarratas á chlárú agus cuirfidh siad an fhaisnéis sin ar fáil don údarás cinntitheach.

3.   Leanfar leis an measúnú dá dtagraítear i mír 1 tar éis thaisceadh an iarratais, agus aon fhaisnéis i gcomhad an iarratasóra.

Cuirfear an measúnú dá dtagraítear i mír 1 i gcrích a luaithe is féidir agus, in aon chás, laistigh de 30 lá. Déanfar é a athbhreithniú i gcás aon athruithe ábhartha ar imthosca an iarratasóra nó i gcás inar léir go bhfuil gá le sainráthaíochtaí nós imeachta tar éis an measúnú a bheith curtha i gcrích.

4.   Féadfaidh an t-údarás inniúil an t-iarratasóir a atreorú, faoi réir a thoilithe nó a toilithe roimh ré, chuig an liachleachtóir nó síceolaí iomchuí nó chuig gairmí eile chun comhairle a fháil faoin ngá atá ag an iarratasóir le sainráthaíochtaí nós imeachta, agus tús áite á thabhairt do chásanna ina bhfuil tásca ann go bhféadfadh sé gur íospartaigh cheastóireachta, éignithe nó cineál tromchúiseach eile d’fhoréigean síceolaíoch, fisiceach, gnéasach nó inscnebhunaithe iad iarratasóirí agus go bhféadfadh sé sin dochar a dhéanamh dá gcumas páirt éifeachtach a ghlacadh sa nós imeachta. I gcás ina dtoilíonn an t-iarratasóir go ndéanfar an tarchur sin i gcomhréir leis an bhfomhír seo, measfar go n-áirítear leis sin go dtoilíonn an t-iarratasóir go seolfar torthaí an tarchuir chuig an údarás inniúil.

Cuirfidh an t-údarás cinntitheach an chomhairle a chuirfear ar fáil de bhun na chéad fhomhíre san áireamh agus cinneadh á dhéanamh maidir leis an gcineál sainráthaíochtaí nós imeachta is féidir a sholáthar don iarratasóir.

I gcás inarb infheidhme agus gan dochar don scrúdú leighis, féadfar an measúnú dá dtagraítear i mír 1 a chomhtháthú leis na scrúduithe dochtúra dá dtagraítear in Airteagail 24 agus 25.

5.   Gheobhaidh baill foirne ábhartha na n-údarás inniúil agus aon liachleachtóir, síceolaí nó gairmí eile a thugann comhairle faoin ngá atá le sainráthaíochtaí nós imeachta oiliúint chun go mbeidh siad in ann comharthaí leochaileachta a bhrath ó iarratasóir a bhféadfadh sainráthaíochtaí nós imeachta a bheith ag teastáil uaidh nó uaithi agus aghaidh a thabhairt ar na riachtanais sin nuair a shainaithnítear iad.

1.   I gcás ina bhfuil iarratasóirí sainaitheanta mar go bhfuil sainráthaíochtaí nós imeachta de dhíth orthu, tabharfar an tacaíocht is gá dóibh a chuirfidh ar a gcumas tairbhe a bhaint as na cearta agus na hoibleagáidí faoin Rialachán seo a chomhlíonadh ar feadh an nós imeachta le haghaidh cosaint idirnáisiúnta.

2.   I gcás ina measfaidh an t-údarás cinntitheach, lena n-áirítear ar bhonn measúnú údaráis náisiúnta ábhartha eile, nach féidir an tacaíocht is gá dá dtagraítear i mír 1 den Airteagal seo a sholáthar faoi chuimsiú an nós imeachta scrúdúcháin brostaithe dá dtagraítear in Airteagal 42 ná an nós imeachta teorann dá dtagraítear in Airteagal 43 agus aird ar leith á tabhairt ar íospartaigh céastóireachta, éignithe nó cineálacha tromchúiseacha eile foréigin shíceolaíoch, fhisiciúil, ghnéasaigh nó foréigin inscnebhunaithe, ní chuirfidh an t-údarás cinntitheach na nósanna imeachta sin i bhfeidhm, nó scoirfidh sé de na nósanna imeachta sin a chur i bhfeidhm maidir leis an iarratasóir.

1.   Beidh leas an linbh ar na dálaí is tábhachtaí atá le cur san áireamh ag na húdaráis inniúla agus an Rialachán seo á chur i bhfeidhm acu.

2.   Déanfaidh an t-údarás cinntitheach measúnú ar leas an linbh i gcomhréir le hAirteagal 26 de Threoir (AE) 2024/1346.

3.   Tabharfaidh an t-údarás cinntitheach deis do mhionaoiseach agallamh pearsanta a dhéanamh, lena n-áirítear i gcás ina ndéanfar iarratas thar ceann an mhionaoisigh i gcomhréir le hAirteagal 32 agus Airteagal 33(1), ach amháin nach bhfuil sé seo chun leas an linbh. Sa chás sin, tabharfaidh an t-údarás cinntitheach cúiseanna leis an gcinneadh gan deis a thabhairt do mhionaoiseach agallamh pearsanta a dhéanamh.

Is duine a bhfuil an t-eolas iomchuí aige ar chearta agus ar riachtanais speisialta mionaoiseach a chuirfidh agallamh pearsanta ar mhionaoiseach. Déanfar é ar bhealach atá íogair do leanaí agus oiriúnach don chomhthéacs, agus aois agus aibíocht an linbh á gcur san áireamh.

4.   I gcás inar mionaoiseach faoi thionlacan é an mionaoiseach, déanfar an t-agallamh pearsanta i láthair duine fásta atá freagrach as nó aisti cé acu de réir dhlí nó chleachtas an Bhallstáit lena mbaineann agus, i gcás inar ceapadh duine, i láthair comhairleoir dlí. Féadfaidh na Ballstáit, i gcás inar gá, agus nuair is chun leasa an linbh é, an t-agallamh pearsanta a dhéanamh leis an mionaoiseach sin freisin i láthair duine ag a bhfuil na scileanna agus an saineolas is gá. Ar fhorais a bhfuil údar leo agus más chun leasa an linbh é agus sin amháin, féadfaidh an t-údarás cinntitheach an mionaoiseach a chur faoi agallamh gan duine fásta freagrach a bheith i láthair, ar choinníoll go n-áiritheoidh sé gur duine a bhfuil na scileanna agus an saineolas riachtanach aige é atá ag cúnamh leis an mionaoiseach le linn an agallaimh chun a leas a chosaint.

5.   Is í baill foirne ábhartha an údaráis chinntithigh a ullmhóidh an cinneadh maidir le hiarratas mionaoisigh. Beidh an t-eolas is gá ag na baill foirne ábhartha sin agus beidh an oiliúint iomchuí curtha orthu maidir le cearta agus riachtanais speisialta mionaoiseach.

1.   Áiritheoidh na húdaráis inniúla go ndéanfar ionadaíocht ar mhionaoisigh neamhthionlactha agus go dtabharfar cúnamh dóibh ar bhealach a chuirfear ar a gcumas leas a bhaint as na cearta agus na hoibleagáidí faoin Rialachán seo a chomhlíonadh, Rialachán (AE) 2024/1351, Treoir (AE) 2024/1346 agus Rialachán (AE) 2024/1358.

2.   I gcás ina ndéanfaidh duine a mhaíonn gur mionaoiseach é nó í, nó a bhfuil forais oibiachtúla ann lena chreidiúint gur mionaoiseach é nó í, agus atá neamhthionlactha, iarratas, déanfaidh na húdaráis inniúla an méid seo a leanas:

Féadfaidh gurb ionann an t-ionadaí agus an duine dá dtagraítear sa chéad fhomhír, pointe (a), den mhír seo agus an t-ionadaí agus an duine dá bhforáiltear in Airteagal 27 de Threoir (AE) 2024/1346. Buailfidh sé nó sí leis an mionaoiseach neamhthionlactha agus cuirfidh sé nó sí tuairimí an mhionaoisigh féin san áireamh maidir lena riachtanais i gcomhréir le haois agus aibíocht an mhionaoisigh.

I gcás ina gcinnfidh an t-údarás inniúil gur duine atá os cionn 18 mbliana d’aois gan aon amhras an t-iarratasóir a mhaíonn gur mionaoiseach é nó í, ní gá dó ionadaí a cheapadh i gcomhréir leis an mír seo.

Tiocfaidh deireadh le dualgais an ionadaí nó an duine dá dtagraítear sa chéad fhomhír, pointe (a) den mhír seo, i gcás nach nglacfaidh na húdaráis inniúla leis, tar éis an mheasúnaithe aoise dá dtagraítear in Airteagal 25(1), gur mionaoiseach é an t-iarratasóir nó go measfaidh siad nach mionaoiseach é an t-iarratasóir nó i gcás nach mionaoiseach neamhthionlactha an t-iarratasóir a thuilleadh.

3.   I gcás líon díréireach iarratas arna ndéanamh ag mionaoisigh neamhthionlactha nó i gcásanna eisceachtúla eile, féadfar síneadh 10 lá oibre a chur leis an teorainn ama chun ionadaí a cheapadh dá dtagraítear i mír 2, céad fhomhír, pointe (b), gan dochar don tríú fomhír de mhír 2.

4.   I gcás ina n-ainmneofar eagraíocht faoi mhír 2, ceapfaidh sí duine nádúrtha chun na cúraimí sin dá dtagraítear san Airteagal seo a dhéanamh i ndáil leis an mionaoiseach neamhthionlactha.

5.   Déanfaidh na húdaráis inniúla an méid seo a leanas láithreach:

Beidh rochtain ag an ionadaí agus ag an duine dá dtagraítear i mír 2, an chéad fhomhír, pointe (a) ar a bhfuil sna doiciméid ábhartha i gcomhad an mhionaoisigh lena n-áirítear an t-ábhar sonrach faisnéise do mhionaoisigh neamhthionlactha.

6.   Buailfidh an duine dá dtagraítear i mír 2, an chéad fhomhír, pointe (a) leis an mionaoiseach neamhthionlactha agus déanfaidh sé, inter alia, na cúraimí seo a leanas, i gcás inarb iomchuí in éineacht leis an gcomhairleoir dlí:

7.   Fad agus nár ceapadh ionadaí, féadfaidh na Ballstáit an duine dá dtagraítear i bpointe (a), an chéad fhomhír de mhír 2, a údarú chun cúnamh a thabhairt don mhionaoiseach an t-iarratas a chlárú agus a thaisceadh nó an t-iarratas a thaisceadh thar ceann an mhionaoisigh i gcomhréir le hAirteagal 33.

8.   Buailfidh an t-ionadaí leis an mionaoiseach neamhthionlactha agus déanfaidh sé nó sí, inter alia, na cúraimí seo a leanas, i gcás inarb iomchuí in éineacht leis an gcomhairleoir dlí:

Le linn an agallaimh phearsanta, beidh deis ag an ionadaí agus ag an gcomhairleoir dlí ceisteanna a chur nó tuairimí a thabhairt laistigh den chreat a bheidh socraithe ag an duine a bheidh i mbun an agallaimh.

Féadfaidh an t-údarás cinntitheach a éileamh go mbeidh an mionaoiseach neamhthionlactha i láthair ag an agallamh pearsanta, fiú má bhíonn an t-ionadaí nó an comhairleoir dlí i láthair.

9.   Déanfaidh an t-ionadaí a dhualgais nó a dualgais i gcomhréir le prionsabal leas an linbh agus beidh na cáilíochtaí riachtanacha, an oiliúint agus an saineolas riachtanach aige nó aici chuige sin. Cuirfear oiliúint rialta ar ionadaithe chun a gcúraimí a dhéanamh agus ní bheidh taifead coiriúil acu, go háirithe maidir le haon choireanna nó cionta a bhaineann le leanaí.

Ní athrófar an t-ionadaí ach amháin i gcás ina measfaidh na húdaráis inniúla nach ndearnadh cúraimí an ionadaí sin nó an duine sin go leordhóthanach. Ní cheapfar ina n-ionadaí eagraíochtaí nó daoine nádúrtha a bhfuil a leasa i gcoinbhleacht nó a bhféadfadh a leasa a bheith i gcoinbhleacht le leasa an mhionaoisigh neamhthionlactha.

10.   Cuirfidh na húdaráis inniúla duine nádúrtha atá ag gníomhú mar ionadaí nó duine atá oiriúnach chun gníomhú go sealadach mar ionadaí i gceannas ar líon comhréireach agus teoranta mionaoiseach neamhthionlactha nach mó, faoi ghnáthchúinsí, ná 30 mionaoiseach neamhthionlactha ag an am céanna, chun a áirithiú go mbeidh sé nó sí in ann a chúraimí nó a cúraimí a dhéanamh go héifeachtach.

I gcás líon díréireach iarratas ó mhionaoisigh neamhthionlactha nó i gcásanna eisceachtúla eile, féadfar líon na mionaoiseach neamhthionlactha in aghaidh an ionadaí a mhéadú go 50 mionaoiseach neamhthionlactha ar a mhéad.

Áiritheoidh na Ballstáit go mbeidh údaráis riaracháin nó bhreithiúnacha nó eintitis eile freagrach as maoirseacht a dhéanamh, ar bhonn rialta, ar chomhlíonadh cuí cúraimí ag na hionadaithe agus na daoine arna n-ainmniú faoi mhír 2, an chéad fhomhír, pointe (a), lena n-áirítear trí athbhreithniú a dhéanamh ar thaifid choiriúla na n-ionadaithe arna gceapadh agus na ndaoine arna n-ainmniú, ar bhonn rialta, chun neamh-chomhoiriúnachtaí a d’fhéadfadh a bheith ann lena ról a shainaithint. Déanfaidh na húdaráis riaracháin nó bhreithiúnacha sin nó eintitis eile athbhreithniú ar ghearáin arna ndéanamh ag mionaoisigh neamhthionlactha i gcoinne na n-ionadaithe arna gceapadh nó na ndaoine arna n-ainmniú faoi mhír 2, an chéad fhomhír, pointe (a).

1.   I gcás ina measfaidh an t-údarás cinntitheach go bhfuil sé ábhartha don scrúdú ar iarratas ar chosaint idirnáisiúnta, déanfaidh sé, faoi réir thoiliú an iarratasóra, scrúdú leighis ar an iarratasóir a iarraidh i dtaca le comharthaí agus airíonna a d’fhéadfadh a léiriú go ndearnadh géarleanúint nó gur d’fhulaing sé nó sí díobháil thromchúiseach san am a chuaigh thart agus go gcuifí ar an eolas é faoi thorthaí an scrúdaithe sin.

2.   I gcás mionaoisigh, ní dhéanfar scrúdú leighis ach amháin i gcás ina dtoileoidh an tuismitheoir, an duine fásta atá freagrach as nó aisti, cé acu de réir dhlí nó chleachtas an Bhallstáit lena mbaineann, an t-ionadaí nó an duine dá dtagraítear in Airteagal 23(2), pointe (a) agus, i gcás ina bhforáiltear dó sin leis an dlí náisiúnta, an t-iarratasóir.

Beidh an scrúdú leighis saor in aisce don iarratasóir agus íocfar as cistí poiblí é.

I gcás inarb infheidhme, féadfar na seiceálacha sláinte agus leochaileachta dá dtagraítear in Airteagal 12 de Rialachán (AE) 2024/1356 a chur san áireamh don scrúdú leighis dá dtagraítear san Airteagal seo.

3.   I gcás nach ndéanfar aon scrúdú leighis i gcomhréir le mír 1, cuirfidh an t-údarás cinntitheach in iúl d’iarratasóirí go bhféadfaidh siad, ar a dtionscnamh féin agus ar a gcostas féin, scrúdú leighis a shocrú i dtaca le comharthaí agus airíonna a d’fhéadfadh a thabhairt le fios go ndearnadh géarleanúint nó gur d’fhulaing sé nó sí díobháil thromchúiseach san am a chuaigh thart.

4.   Déanfar torthaí na scrúduithe leighis dá dtagraítear i míreanna 1 nó 3 a chur faoi bhráid an údaráis chinntithigh agus an iarratasóra a luaithe agus is féidir agus déanfaidh an t-údarás cinntitheach iad a mheasúnú in éineacht le heilimintí eile an iarratais.

5.   Beidh an scrúdú leighis chomh íosionraí is féidir agus is iad liachleachtóirí cáilithe amháin a dhéanfaidh é. Déanfar é ar bhealach ina n-urramaítear dínit an duine aonair.

6.   I gcás ina ndiúltóidh iarratasóir dul faoi scrúdú leighis nó i gcás ina gcinnfidh sé nó sí dul faoi scrúdú leighis ar a thionscnamh nó ar a tionscnamh féin, i gcás nach ndéanfar an scrúdú sin laistigh d’achar ama oiriúnach, agus infhaighteacht na gcoinní le haghaidh scrúduithe leighis sa Bhallstát freagrach á cur san áireamh, ní chuirfidh sin cosc ar an údarás cinntitheach cinneadh a dhéanamh maidir leis an iarratas ar chosaint idirnáisiúnta.

1.   I gcás, mar thoradh ar ráitis ón iarratasóir, ar fhianaise dhoiciméadach nó ar thásca ábhartha eile atá ar fáil, go bhfuil amhras ann i dtaobh an mionaoiseach an t-iarratasóir, féadfaidh an t-údarás cinntitheach measúnú ildisciplíneach a dhéanamh, lena n-áirítear measúnú síceasóisialta, ar measúnú é a dhéanfaidh gairmithe cáilithe, chun aois an iarratasóra a chinneadh faoi chuimsiú scrúdú ar an iarratas. Ní bheidh an measúnú ar an aois bunaithe go heisiach ar chuma fhisiciúil ná ar iompar an iarratasóra. Chun críocha an mheasúnaithe ar aois, measfar gur fíordhoiciméid iad na doiciméid atá ar fáil mura bhfuil fianaise ar a mhalairt ann, agus cuirfear ráitis ó mhionaoisigh san áireamh.

2.   I gcás ina bhfuil amhras fós ann maidir le haois iarratasóra tar éis an mheasúnaithe ildisciplínigh, is féidir scrúduithe leighis a úsáid mar rogha dheiridh chun aois an iarratasóra a chinneadh faoi chuimsiú scrúdú ar an iarratas. I gcás nach toradh dochloíte atá i dtoradh an mheasúnaithe ar aois dá dtagraítear sa mhír seo a mhéid a bhaineann le haois an iarratasóra nó go gcuimsíonn sé raon aoise faoi bhun 18 mbliana, glacfaidh na Ballstáit leis gur mionaoiseach é an t-iarratasóir.

3.   Déanfar aon scrúdú leighis arna dhéanamh chun na críoch a leagtar amach i mír 2 ar an mbealach is íosionraí is féidir agus ar bhealach a n-urramóidh dínit an duine aonair. Is iad gairmithe leighis a bhfuil taithí agus saineolas acu ó thaobh measúnú aoise de a dhéanfaidh an scrúdú leighis.

I gcás ina mbeidh feidhm ag an mír seo, déanfar anailís i dteannta a chéile ar thorthaí an scrúdaithe leighis agus an mheasúnaithe ildisciplínigh, agus ar an gcaoi sin, beifear in ann an toradh is iontaofa is féidir a bhaint amach.

4.   I gcás ina n-úsáidfear scrúduithe leighis chun aois iarratasóra a mheas, áiritheoidh an t-údarás inniúil go gcuirfear iarratasóirí, a dtuismitheoirí, an duine fásta atá freagrach as nó aisti, cé acu de réir dhlí nó chleachtas an Bhallstáit lena mbaineann, a n-ionadaithe nó an duine dá dtagraítear in Airteagal 23(2), pointe (a) ar an eolas roimh an scrúdú ar a n-iarratas ar chosaint idirnáisiúnta, agus i dteanga a thuigeann siad agus ar bhealach atá fabhrach don leanbh agus oiriúnach ó thaobh aoise de, go bhféadfadh sé go ndéanfaí a n-aois a mheas trí bhíthin scrúdú leighis. Áireofar leis sin faisnéis i dtaca leis an modh scrúdaithe, na hiarmhairtí a d’fhéadfadh a bheith ag toradh an scrúdaithe leighis don scrúdú a dhéantar ar an iarratas, agus an fhéidearthacht atá ag an iarratasóir diúltú dul faoin scrúdú leighis, agus i dtaca leis na hiarmhairtí a leanfadh sin. Beidh gach doiciméad a bhaineann leis an scrúdú leighis san áireamh i gcomhad an iarratasóra.

5.   Ní dhéanfar scrúdú leighis chun aois iarratasóirí a mheas ach amháin i gcás ina dtoileoidh na hiarratasóirí, a dtuismitheoirí, an duine fásta atá freagrach dá dtagraítear i mír 4 den Airteagal seo, an t-ionadaí nó an duine dá dtagraítear in Airteagal 23(2), pointe (a), tar éis an fhaisnéis dá bhforáiltear i mír 4 den Airteagal seo a fháil.

6.   I gcás ina ndiúltóidh na hiarratasóirí, a dtuismitheoirí, an duine fásta atá freagrach dá dtagraítear i mír 4 den Airteagal seo, a n-ionadaí nó an duine dá dtagraítear in Airteagal 23(2), pointe (a), dul faoi scrúdú leighis, ar scrúdú é a dhéantar chun an measúnú ar aois a dhéanamh, ní chuirfear cosc ar an údarás cinntitheach cinneadh a dhéanamh i dtaca leis an iarratas ar chosaint idirnáisiúnta. Ní fhéadfar diúltú den sórt sin a mheas mar thoimhde infhrisnéise nach mionaoiseach é an t-iarratasóir.

7.   Féadfaidh Ballstáit cinntí measúnaithe aoise arna ndéanamh ag Ballstáit eile a aithint i gcás ina ndearnadh na measúnuithe ar aois i gcomhréir le dlí an Aontais.

1.   Measfar iarratas ar chosaint idirnáisiúnta a bheith déanta nuair a chuirfidh náisiúnach tríú tír nó duine gan stát, lena n-áirítear mionaoiseach neamhthionlactha, in iúl go pearsanta d’údarás inniúil dá dtagraítear in Airteagal 4(1) agus (2) gur mian leis nó léi cosaint idirnáisiúnta a fháil ó Bhallstát.

I gcás ina bhfuil amhras ar na hoifigigh ón údarás inniúil maidir le cé acu atá dearbhú áirithe le forléiriú mar iarratas ar chosaint idirnáisiúnta nó nach bhfuil, fiafróidh siad go sainráite den duine an mian leis nó léi cosaint idirnáisiúnta a fháil.

2.   Cuirfear in iúl do na húdaráis atá freagrach as na saoráidí glactha i gcomhréir le Treoir (AE) 2024/1346, i gcás inar ábhartha, go ndearnadh iarratas. Maidir le náisiúnaigh tríú tír atá faoi réir an scagtha dá dtagraítear in Airteagal 5(1) de Rialachán (AE) 2024/1356, féadfaidh Ballstáit a roghnú gan an mhír sin a chur i bhfeidhm go dtí go mbeidh an scagadh críochnaithe.

1.   Gan dochar do na hoibleagáidí sonraí a bhailiú agus a tharchur i gcomhréir le hAirteagal 15(1) de Rialachán (AE) 2024/1358, déanfaidh na húdaráis atá inniúil chun iarratais a chlárú, údaráis Ballstáit eile dá dtagraítear in Airteagal 5(1), pointe (b), den Rialachán seo nó na saineolaithe arna n-úsáid ag an nGníomhaireacht um Thearmann chun cuidiú leo leis an gcúram sin iarratas a chlárú go pras, agus i gcás ar bith, tráth nach déanaí ná 5 lá oibre ón uair a dhéanfar é. Chun na críche sin, cláróidh siad an fhaisnéis seo a leanas a d’fhéadfadh teacht ón bhfoirm scagtha dá dtagraítear in Airteagal 17 de Rialachán (AE) 2024/1356:

I gcás ina bhfuil na sonraí dá dtagraítear i bpointí (a) agus (b) den chéad fhomhír faighte ag na Ballstáit cheana féin sula ndéantar an t-iarratas, ní iarrfar arís iad.

2.   I gcás ina maíonn duine aonair nach bhfuil náisiúntacht aige, déanfar an fíoras sin a chlárú go soiléir go dtí go gcinnfear an bhfuil an duine aonair gan stát.

3.   I gcás ina ndéanfar iarratas chuig údarás a bhfuil sé de chúram air iarratais ar chosaint idirnáisiúnta a fháil agus nach bhfuil freagrach as iarratais a chlárú, tabharfaidh an t-údarás sin, go pras agus ar a dhéanaí laistigh de 3 lá oibre ón uair a dhéanfar an t-iarratas, fógra don údarás atá freagrach as iarratais a chlárú. Cláróidh an t-údarás atá freagrach as iarratais a chlárú an t-iarratas a luaithe is féidir agus tráth nach déanaí ná 5 lá ón tráth a mbeidh an fhaisnéis faighte aige.

4.   I gcás inarb é an t-údarás cinntitheach nó údarás eile atá ag cuidiú leis chun críche scrúdú a dhéanamh ar an iarratas a bhailíonn an fhaisnéis, féadfar sonraí riachtanacha breise a bhailiú do scrúdú an iarratais ag am an chláraithe.

5.   I gcás ina mbeidh líon díréireach náisiúnach tríú tír nó daoine gan stát a dhéanann iarratas laistigh den tréimhse chéanna ama, rud a fhágfaidh nach féidir iarratais a chlárú laistigh de na sprioc-amanna dá bhforáiltear i míreanna 1 agus 3, clárófar an t-iarratas tráth nach déanaí ná 15 lá ón tráth a dhéanfar an t-iarratas.

6.   Gan dochar do cheart an iarratasóra eilimintí nua a chur i láthair chun tacú leis an iarratas, i gcás iarratas iardain, agus i gcás ina bhfuil an fhaisnéis dá dtagraítear i mír 1, pointí (a), (b) agus (d), agus mír 2 ar fáil cheana féin don údarás inniúil, féadfaidh sé nach mbeidh air sonraí den sórt sin a bhailiú.

7.   Maidir le náisiúnaigh tríú tír atá faoi réir an scagtha dá dtagraítear in Airteagal 5(1) de Rialachán (AE) 2024/1356, ní bheidh feidhm ag míreanna 1 go 6 den Airteagal seo go dtí go mbeidh an scagadh críochnaithe.

1.   Déanfaidh an t-iarratasóir an t-iarratas a thaisceadh le húdarás inniúil an Bhallstáit ina ndéanfar an t-iarratas a luaithe is féidir agus tráth nach déanaí ná 21 lá ón tráth a chlárófar an t-iarratas, mura mbeidh feidhm ag mír 6 den Airteagal seo, ar choinníoll go dtabharfar deis éifeachtach dó nó di é sin a dhéanamh i gcomhréir leis an Airteagal seo. I gcás nach ndéantar an t-iarratas a thaisceadh leis an údarás cinntitheach, cuirfidh an t-údarás inniúil an t-údarás cinntitheach ar an eolas go pras gur taisceadh iarratas.

2.   Tar éis aistriú i gcomhréir le hAirteagal 46 de Rialachán (AE) 2024/1351, déanfaidh an t-iarratasóir an t-iarratas a thaisceadh le húdaráis inniúla an Bhallstáit fhreagraigh a luaithe is féidir agus tráth nach déanaí ná 21 lá ón tráth a shainaithníonn an t-iarratasóir é nó í féin d’údaráis inniúla an Bhallstáit fhreagraigh.

3.   Déanfar an t-iarratas a thaisceadh go pearsanta ar dháta agus in áit a shaineofar agus, i gcás ina gcuirfear in iúl é, ag am a shaineofar. Cuirfidh na húdaráis inniúla an dáta agus an áit sin in iúl don iarratasóir. Féadfaidh na húdaráis inniúla am a chur in iúl don iarratasóir.

Féadfaidh na Ballstáit foráil a dhéanamh sa dlí náisiúnta go meastar iarratas a bheith taiscthe go pearsanta nuair a fhíoraíonn an t-údarás inniúil go raibh an t-iarratasóir i láthair go fisiciúil ar chríoch an Bhallstáit tráth a cláraíodh nó tráth a taisceadh iarratas.

4.   De mhaolú ar mhír 3, féadfaidh na Ballstáit a fhoráil sa dlí náisiúnta go bhféadfaidh an t-iarratasóir iarratas a thaisceadh trí bhíthin foirme, lena n-áirítear i gcás nach mbeidh an t-iarratasóir sin in ann teacht i láthair go pearsanta de bharr imthosca tromchúiseacha marthanacha nach bhfuil neart aige nó aici orthu, mar shampla a bheith i bpríosún nó san ospidéal go fadtéarmach. Measfar gur taisceadh an t-iarratas ar choinníoll go dtíolacfaidh an t-iarratasóir an fhoirm laistigh den teorainn ama a leagtar amach i mír 1 agus ar choinníoll go gcinnfidh an t-údarás inniúil gur comhlíonadh na coinníollacha faoin mír seo. Sna cásanna sin, tosóidh an teorainn ama chun scrúdú a dhéanamh ar iarratas ón dáta a gheobhaidh an t-údarás inniúil an fhoirm.

5.   Chun críocha na chéad fomhíre de mhír 3, i gcás ina ndéanann líon díréireach náisiúnach tríú tír nó daoine gan stát iarratas ar chosaint idirnáisiúnta laistigh den tréimhse chéanna ama, rud a fhágfaidh nach féidir coinne a thabhairt do gach iarratasóir laistigh den teorainn ama a leagtar síos i mír 1, tabharfar coinne don iarratasóir chun a iarratas nó a hiarratas a thaisceadh ar dháta nach déanaí ná 2 mhí ón tráth a cláraíodh an t-iarratas.

6.   Agus iarratas á thaisceadh acu, ceanglaítear ar iarratasóirí, na heilimintí agus na doiciméid uile atá ar fáil dóibh dá dtagraítear in Airteagal 4(2) de Rialachán (AE) 2024/1347 agus atá de dhíth chun bunús a thabhairt dá n-iarratas, a thíolacadh a luaithe is féidir. Tar éis dóibh a n-iarratas a thaisceadh, go háirithe ag a n-agallamh pearsanta, beidh cead ag iarratasóirí aon eilimintí breise atá ábhartha dá scrúdú a thíolacadh, go dtí go ndéanfar cinneadh maidir lena n-iarratas faoin nós imeachta riaracháin.

Féadfaidh na Ballstáit sprioc-am a leagan síos laistigh den tréimhse ama sin maidir leis na heilimintí breise sin a thíolacadh agus déanfaidh an t-iarratasóir iarracht cloí leis an sprioc-am sin.

7.   Féadfaidh na Ballstáit rochtain ar an nós imeachta a eagrú ionas gur ag an aon am amháin a dhéanfar, a chlárófar agus a thaiscfear an t-iarratas. I gcásanna mar sin, áiritheoidh na Ballstáit go mbeidh na ráthaíochtaí dá bhforáiltear in Airteagal 8(2) go (6) ag na hiarratasóirí uile. I gcás ina ndéantar, ina gcláraítear agus ina dtaisctear an t-iarratas ag an am céanna, beidh cead ag iarratasóirí na heilimintí agus na doiciméid uile atá ar fáil dóibh dá dtagraítear in Airteagal 4(2) de Rialachán (AE) 2024/1347, a bhfuil gá leo chun bunús a thabhairt dá n-iarratas, a thíolacadh le linn a n-agallamh pearsanta.

Ina theannta sin, beidh cead ag iarratasóirí aon eilimintí breise atá ábhartha don scrúdú ar a n-iarratas a thíolacadh go dtí go ndéanfar cinneadh maidir lena n-iarratas faoin nós imeachta riaracháin. Féadfaidh na Ballstáit sprioc-am a leagan síos laistigh den tréimhse ama sin lenar féidir na heilimintí breise sin a thíolacadh agus déanfaidh an t-iarratasóir iarracht cloí leis an sprioc-am sin.

1.   Tabharfaidh údaráis inniúla an Bhallstáit ina ndéantar iarratas ar chosaint idirnáisiúnta, ar chlárú iarratais dóibh, doiciméad ina ainm nó ina hainm féin don iarratasóir ina léireofar go ndearnadh agus gur cláraíodh iarratas. Beidh an doiciméad sin bailí go dtí go n-eiseofar an doiciméad dá dtagraítear i mír 4.

Tar éis aistriú i gcomhréir le hAirteagal 46 de Rialachán (AE) 2024/1351, déanfaidh údaráis inniúla an Bhallstáit fhreagraigh, nuair a shainaithníonn an t-iarratasóir é féin nó í féin, doiciméad ina ainm nó ina hainm a chur ar fáil don iarratasóir ina léireofar go ndearnadh agus gur cláraíodh iarratas agus gur aistríodh an duine. Beidh an doiciméad sin bailí go dtí go n-eiseofar an doiciméad dá dtagraítear i mír 4.

2.   Ní gá an doiciméad dá dtagraítear i mír 1 a sholáthar más féidir an doiciméad dá dtagraítear i mír 4 a eisiúint faoin am a chlárófar an t-iarratas.

3.   Tarraingeofar siar an doiciméad dá dtagraítear i mír 1 nuair a eiseofar an doiciméad dá dtagraítear i mír 4.

4.   Déanfaidh údaráis inniúla an Bhallstáit inar taisceadh an t-iarratas i gcomhréir le hAirteagal 28(1) agus (2), a luaithe is féidir tar éis thaisceadh an iarratais, doiciméad a eisiúint ina mbeidh ar a laghad na heilimintí seo a leanas, a bheidh le nuashonrú de réir mar is gá:

5.   Ní bheidh gá le doiciméid ar bith dá dtagraítear san Airteagal seo a eisiúint i gcás ina mbeidh an t-iarratasóir faoi choinneáil nó i bpríosún agus fad a bheidh sin amhlaidh.

Nuair a scaoilfear saor ó choinneáil nó ón bpríosún é, cuirfear an doiciméad dá dtagraítear i mír 1 nó i mír 4 ar fáil don iarratasóir. I gcás ina gcuirfear an doiciméad dá dtagraítear i mír 1 ar fáil don iarratasóir nuair a scaoilfear saor é nó í, gheobhaidh sé nó sí an doiciméad dá dtagraítear i mír 4 a luaithe is féidir.

6.   I gcás mionaoisigh faoi thionlacan, féadfaidh na doiciméid dá dtagraítear san Airteagal seo arna n-eisiúint do dhuine de tuismitheoirí an iarratasóra nó don duine fásta atá freagrach as nó aisti, cé acu de réir dhlí nó chleachtas an Bhallstáit lena mbaineann, an mionaoiseach a chumhdach freisin, más iomchuí.

7.   Ní gá gur cruthúnas céannachta iad na doiciméid dá dtagraítear san Airteagal seo ach measfar gur modhanna leordhóthanacha iad d’iarratasóirí chun a gcéannacht a chur in iúl do na húdaráis náisiúnta agus lena gcearta a rochtain fad a mhairfidh an nós imeachta um chosaint idirnáisiúnta.

8.   Luafar dáta clárúcháin an iarratais sna doiciméid dá dtagraítear i míreanna 1 agus 4.

9.   Beidh an doiciméad dá dtagraítear i mír 4 bailí ar feadh suas le 12 mhí [nó go dtí go n-aistreofar an t-iarratasóir chuig Ballstát eile i gcomhréir le Rialachán (AE) 2024/1351. I gcás inarb é an Ballstát freagrach a eisíonn an doiciméad sin, déanfar bailíocht an doiciméid a athnuachan ionas go gcumhdófar an tréimhse ar lena linn a mbeidh ceart ag an iarratasóir fanacht ar a chríoch. Ní hionann tréimhse bhailíochta an doiciméid agus ceart fanachta i gcás ina ndearnadh an ceart sin a fhoirceannadh nó a chur ar fionraí i gcomhréir leis an Rialachán seo.

1.   I gcás ina bhfuil comharthaí ann gur mian le náisiúnaigh tríú tír nó daoine gan stát atá á gcoimeád i saoráidí coinneála nó atá ag pointí trasnaithe teorann, lena n-áirítear criosanna idirthurais, ag teorainneacha seachtracha, iarratas a dhéanamh ar chosaint idirnáisiúnta, féadfaidh na húdaráis inniúla faoi Airteagal 4 an fhaisnéis a bhaineann leis an méid sin a dhéanamh a thabhairt dóibh.

2.   I gcás ina ndéanfaidh iarratasóir iarratas i saoráid choinneála, i bpríosún nó ag pointe trasnaithe teorann, lena n-áirítear criosanna idirthurais, ag teorainneacha seachtracha, déanfaidh na húdaráis inniúla faoi Airteagal 4 socruithe maidir le seirbhísí ateangaireachta a mhéid is gá chun rochtain ar an nós imeachta um chosaint idirnáisiúnta a éascú.

3.   Beidh rochtain éifeachtach ag eagraíochtaí a bhfuil cead acu faoin dlí náisiúnta comhairle agus comhairleoireacht a chur ar fáil d’iarratasóirí a choinnítear i saoráidí coinneála nó atá i láthair ag pointí trasnaithe teorann, lena n-áirítear criosanna idirthurais, ag teorainneacha seachtracha. Féadfaidh an rochtain sin a bheith faoi réir comhaontú roimh ré leis na húdaráis inniúla.

Féadfaidh na Ballstáit teorainneacha a fhorchur ar rochtain mar a thagraítear di sa chéad fhomhír, de bhua an dlí náisiúnta, i gcás ina bhfuil gá oibiachtúil leo don tslándáil, don bheartas poiblí nó don bhainistiú riaracháin ar phointe trasnaithe teorann, lena n-áirítear criosanna idirthurais, nó ar shaoráid choinneála, ar choinníoll nach gcuirfear bac tromchúiseach ar an rochtain nó nach bhfágfar nach féidir aon rochtain a fháil.

1.   I gcás duine fásta dá dteastaíonn cúnamh chun inniúlacht dhlíthiúil a fheidhmiú i gcomhréir leis an dlí náisiúnta (‘an duine fásta cleithiúnach’), féadfaidh duine fásta atá freagrach as an duine sin, cé acu de réir dhlí nó chleachtas an Bhallstáit lena mbaineann, iarratas a dhéanamh agus a thaisceadh thar ceann an duine fhásta chleithiúnaigh.

2.   Beidh an duine fásta cleithiúnach i láthair nuair a thaiscfear an t-iarratas, ach amháin i gcás ina bhfuil cúiseanna a bhfuil údar cuí leo nach féidir leis nó léi a bheith i láthair nó nach bhfuil sé nó sí inniúil ar a bheith i láthair nó, i gcás ina bhforáiltear don fhéidearthacht sin sa dlí náisiúnta, go dtaisctear an t-iarratas trí bhíthin foirme.

1.   Beidh sé de cheart ag mionaoiseach faoi thionlacan iarratas a thaisceadh ina ainm nó ina hainm féin má tá inniúlacht dhlíthiúil aige nó aici i gcomhréir le dlí náisiúnta an Bhallstáit lena mbaineann. I gcás nach bhfuil inniúlacht dhlíthiúil ag an mionaoiseach faoi thionlacan i gcomhréir le dlí náisiúnta an Bhallstáit lena mbaineann, taiscfidh tuismitheoir nó duine fásta eile, mar shampla cúramóir dlíthiúil nó seirbhísí cosanta leanaí, atá freagrach as an mionaoiseach, cé acu de réir dhlí nó chleachtas an Bhallstáit lena mbaineann, an t-iarratas thar ceann an mhionaoisigh.

2.   I gcás mionaoiseach faoi thionlacan nach bhfuil inniúlacht dhlíthiúil aige nó aici i gcomhréir le dlí náisiúnta an Bhallstáit lena mbaineann agus atá i láthair tráth a dhéanann nó a thaisceann an tuismitheoir nó duine fásta eile atá freagrach as an mionaoiseach sin, cé acu de réir dhlí nó chleachtas an Bhallstáit lena mbaineann, an t-iarratas ar chosaint idirnáisiúnta ar chríoch an Bhallstáit chéanna, go háirithe mura bhfuil aon mhodh dlíthiúil eile ag an mionaoiseach sin chun fanacht ar chríoch an Bhallstáit chéanna sin, measfar gurb ionann iarratas a dhéanann agus a thaisceann tuismitheoir nó duine fásta eile atá freagrach as an mionaoiseach sin, cé acu de réir dhlí nó chleachtas an Bhallstáit lena mbaineann, agus iarratas ar chosaint idirnáisiúnta a dhéantar agus a thaisctear thar ceann an mhionaoisigh.

Féadfaidh na Ballstáit a chinneadh an chéad fhomhír a chur i bhfeidhm freisin i gcás mionaoiseach faoi thionlacan a rugadh nó bhí i láthair le linn an nós imeachta riaracháin.

3.   I gcás ina dtaiscfidh an tuismitheoir nó an duine fásta atá freagrach as an mionaoiseach faoi thionlacan dá dtagraítear i mír 2 an t-iarratas thar ceann an mhionaoisigh, beidh an mionaoiseach i láthair nuair a dhéanfar an t-iarratas a thaisceadh, ach amháin i gcás ina bhfuil cúiseanna le húdar cuí ann nach féidir leis an mionaoiseach a bheith i láthair nó nach bhfuil sé nó sí inniúil ar a bheith i láthair nó, i gcás ina bhforáiltear don fhéidearthacht sin sa dlí náisiúnta, go dtaisctear an t-iarratas thar ceann an mhionaoisigh trí bhíthin foirme.

1.   Beidh sé de cheart ag mionaoiseach faoi thionlacan iarratas a thaisceadh ina ainm nó ina hainm féin má tá inniúlacht dhlíthiúil aige nó aici i gcomhréir le dlí náisiúnta an Bhallstáit lena mbaineann. Chuige sin, cuirfear aois na hinniúlachta dlíthiúla sa Bhallstát atá freagrach as scrúdú a dhéanamh ar a iarratas nó a hiarratas ar chosaint idirnáisiúnta in iúl don mhionaoiseach neamhthionlactha. I gcás nach bhfuil inniúlacht dhlíthiúil ag an mionaoiseach neamhthionlactha i gcomhréir le dlí náisiúnta an Bhallstáit lena mbaineann, taiscfidh ionadaí nó duine dá dtagraítear in Airteagal 23(2), pointe (a), an t-iarratas thar a cheann nó thar a ceann.

Beidh feidhm ag an gcéad fhomhír den mhír seo gan dochar do cheart mionaoiseach neamhthionlactha comhairleoireacht dhlíthiúil agus cúnamh dlí agus ionadaíocht dhlíthiúil a fháil i gcomhréir le hAirteagail 15 agus 16.

2.   I gcás mionaoiseach neamhthionlactha nach bhfuil inniúlacht dhlíthiúil aige nó aici i gcomhréir le dlí náisiúnta an Bhallstáit lena mbaineann, déanfar an t-iarratas a thaisceadh laistigh den teorainn ama a leagtar amach in Airteagal 28(1) agus leas an linbh á chur san áireamh.

3.   I gcás ina dtaiscfidh ionadaí mionaoisigh neamhthionlactha nó duine dá dtagraítear in Airteagal 23(2), pointe (a) an t-iarratas thar ceann an mhionaoisigh, beidh an mionaoiseach i láthair nuair a dhéanfar an t-iarratas a thaisceadh, ach amháin i gcás ina bhfuil cúiseanna le húdar cuí ann nach féidir leis an mionaoiseach a bheith i láthair nó nach bhfuil sé inniúil ar a bheith i láthair nó, i gcás ina bhforáiltear don fhéidearthacht sin sa dlí náisiúnta, go dtaisctear an t-iarratas thar ceann an mhionaoisigh trí bhíthin foirme.

1.   Scrúdóidh an t-údarás cinntitheach iarratais ar chosaint idirnáisiúnta agus déanfaidh sé cinntí ina leith i gcomhréir leis na bunphrionsabail agus na ráthaíochtaí a leagtar amach i gCaibidil II.

2.   Déanfaidh an t-údarás cinntitheach cinntí i dtaca le hiarratais ar chosaint idirnáisiúnta i ndiaidh scrúdú iomchuí maidir le hinghlacthacht nó tuillteanais iarratais. Scrúdóidh an t-údarás cinntitheach iarratais go hoibiachtúil, go neamhchlaonta agus ar bhonn aonair. Chun scrúdú a dhéanamh ar iarratas, cuirfidh an t-údarás cinntitheach an méid seo a leanas san áireamh:

3.   Beidh an t-eolas iomchuí ag na baill foirne a scrúdaíonn na hiarratais agus a dhéanann cinntí agus cuirfear oiliúint orthu, lena n-áirítear an oiliúint ábhartha faoi Airteagal 8 de Rialachán (AE) 2021/2303, sna caighdeáin ábhartha is infheidhme i réimse an tearmainn agus na ndlíthe um dhídeanaithe. Beidh an deis acu comhairle a lorg, más gá, ó shaineolaithe ar shaincheisteanna ar leith, mar shampla saincheisteanna leighis, cultúrtha, reiligiúnacha, meabhairshláinte, agus saincheisteanna a bhaineann le leanaí nó inscne. Más gá, féadfaidh siad fiosruithe a chur faoi bhráid na Gníomhaireachta um Thearmann i gcomhréir le hAirteagal 10(2), pointe (b), de Rialachán (AE) 2021/2303.

4.   Doiciméid a ndearna an t-údarás cinntitheach measúnú orthu mar dhoiciméid atá ábhartha don scrúdú ar iarratais, aistreofar iad, i gcás inar gá, le haghaidh an scrúdaithe sin.

Féadfaidh eintitis eile aistriúchán ar na doiciméid ábhartha sin a chur ar fáil agus féadfar íoc astu ó chistí poiblí i gcomhréir le dlí náisiúnta an Bhallstáit lena mbaineann. Féadfaidh an t-iarratasóir, ar a chostas nó a costas féin, a áirithiú go n-aistreofar doiciméid eile. I gcás iarratais iardain, féadfar freagracht a chur ar an iarratasóir as doiciméid a aistriú.

5.   Féadfaidh an t-údarás cinntitheach tús áite a thabhairt don scrúdú ar iarratas ar chosaint idirnáisiúnta go háirithe, sna cásanna seo a leanas:

1.   An scrúdú chun a chinneadh an bhfuil iarratas neamh-inghlactha i gcomhréir le hAirteagal 38 (1), pointí (a), (b), (c) agus (d), agus Airteagal 38 (2), cuirfear i gcrích é a luaithe is féidir agus tráth nach déanaí ná 2 mhí ón dáta a thaisctear an t-iarratas.

Sa chás dá dtagraítear in Airteagal 38(1), pointe (e), cuirfidh an t-údarás cinntitheach an scrúdú i gcrích laistigh de 10 lá oibre.

Ní mheasfar an t-iarratas a bheith inghlactha ar an aon chúis amháin nach ndearnadh cinneadh maidir le neamh-inghlacthacht laistigh de na teorainneacha ama a leagtar amach sa mhír seo agus i mír 2.

2.   Féadfaidh an t-údarás cinntitheach síneadh nach faide ná 2 mhí a chur leis na teorainneacha ama dá bhforáiltear sa chéad fhomhír de mhír 1 sna cásanna seo a leanas:

3.   Cuirfidh an t-údarás cinntitheach an nós imeachta scrúdúcháin brostaithe i gcrích a luaithe is féidir agus tráth nach déanaí ná 3 mhí ón dáta a thaisctear an t-iarratas.

4.   Áiritheoidh an t-údarás cinntitheach go gcuirfear nós imeachta scrúdúcháin i dtaca leis na tuillteanais, ar choinníoll nach nós imeachta scrúdúcháin brostaithe é, i gcrích a luaithe is féidir agus tráth nach déanaí ná 6 mhí ón dáta a thaisctear an t-iarratas, gan dochar do scrúdú iomchuí agus iomlán.

5.   Féadfaidh an t-údarás cinntitheach síneadh nach faide ná 6 mhí a chur leis an teorainn ama 6 mhí dá dtagraítear i mír 4 sna cásanna seo a leanas:

6.   I gcás ina bhfuil iarratasóir faoi réir nós imeachta aistrithe mar a leagtar síos in Airteagal 46 de Rialachán (AE) 2024/1351, tosóidh an teorainn ama dá dtagraítear i mír 4 den Airteagal seo ón dáta a thaisctear an t-iarratas i gcomhréir le hAirteagal 28(2).

7.   Féadfaidh an t-údarás cinntitheach tabhairt i gcrích an nós imeachta scrúdúcháin a chur siar i gcás nach féidir bheith ag súil leis go réasúnta go ndéanfaidh sé cinneadh laistigh de na teorainneacha ama a leagtar síos i mír 4 de bharr staid éiginnte sa tír thionscnaimh a mheastar a bheith sealadach. Sna cásanna sin, déanfaidh an t-údarás cinntitheach:

Cuirfidh an Ballstát in iúl don Choimisiún agus don Ghníomhaireacht um Thearmann a luaithe is féidir gur cuireadh siar na nósanna imeachta don tír thionscnaimh sin. Ar chaoi ar bith, cuirfidh an t-údarás cinntitheach an nós imeachta scrúdúcháin i gcrích laistigh de 21 mhí ó thaisceadh iarratais.

8.   Leagfaidh na Ballstáit síos teorainneacha ama maidir le tabhairt i gcrích an nós imeachta scrúdúcháin i gcásanna ina ndéanfaidh cúirt nó binse cinneadh an údaráis chinntithigh a chur ar neamhní agus a tharchur ar ais. Beidh na teorainneacha ama sin níos giorra ná na teorainneacha ama a leagtar amach san Airteagal seo.

1.   Tabharfar cinneadh i dtaca le hiarratas ar chosaint idirnáisiúnta i scríbhinn agus tabharfar fógra don iarratasóir ina leith a luaithe is féidir i gcomhréir le dlí náisiúnta an Bhallstáit lena mbaineann. I gcás ina bhfuil ionadaíocht dhlíthiúil á déanamh ag ionadaí nó comhairleoir dlí ar an iarratasóir, féadfaidh an t-údarás inniúil fógra i dtaca leis an gcinneadh a thabhairt dó nó di in áit an iarratasóra.

2.   I gcás ina ndiúltaítear iarratas toisc é a bheith neamh-inghlactha, toisc go bhfuil sé gan bhunús nó gur follasach go bhfuil sé gan bhunús i dtaca le stádas dídeanaí nó stádas cosanta coimhdí, toisc gur tarraingíodh siar go sainráite nó go hintuigthe é, luafar na cúiseanna leis an diúltú, de réir fíorais agus dlí, sa chinneadh.

3.   Cuirfear an t-iarratasóir ar an eolas i scríbhinn faoi thoradh an chinnidh agus faoin gcaoi le hagóid a dhéanamh i gcoinne cinneadh lena diúltaítear iarratas toisc é a bheith neamh-inghlactha, gan bhunús nó gur follasach go bhfuil sé gan bhunús i dtaca le stádas dídeanaí nó stádas cosanta coimhdí, nó gur tarraingíodh siar go hintuigthe é. Féadfar an fhaisnéis sin a sholáthar mar chuid den chinneadh maidir le hiarratas ar chosaint idirnáisiúnta. I gcás nach bhfaighidh an t-iarratasóir cúnamh ó chomhairleoir dlí, cuirfear an fhaisnéis sin ar fáil i dteanga a thuigeann an t-iarratasóir, nó a shíltear le réasún go dtuigfidh sé nó sí í.

4.   I gcás ina bhfaighidh an t-iarratasóir cúnamh ó chomhairleoir dlí a dhéanann ionadaíocht dhlíthiúil ar an iarratasóir, féadfar an fhaisnéis dá dtagraítear i mír 3 a sholáthar don chomhairleoir dlí sin amháin gan í a aistriú go teanga a thuigeann an iarratasóir nó a shíltear le réasún go dtuigfidh an sé nó sí í. I gcás mar sin, cibé acu a dheonaítear nó nach ndeonaítear cosaint idirnáisiúnta, déanfar é sin a chur in iúl i scríbhinn don iarratasóir, mar eolas, i dteanga a thuigeann sé nó sí, nó a shíltear le réasún go dtuigfidh sé nó sí í, lena n-áirítear faisnéis ghinearálta maidir le conas agóid a dhéanamh i gcoinne an chinnidh.

5.   I gcás ina ndéantar iarratais thar ceann mionaoiseach nó daoine fásta cleithiúnacha nó i gcás ina bhfuil na hiarratais go léir bunaithe ar na forais bheachta chéanna ar a mbunaítear iarratas an duine fhásta atá freagrach as an mionaoiseach nó an duine fásta cleithiúnach sin, féadfaidh an t-údarás cinntitheach, tar éis measúnú aonair a dhéanamh ar gach iarratasóir, aon chinneadh amháin a dhéanamh, a chuimseoidh na hiarratasóirí uile, ach amháin, dá ndéanfaí sin, go nochtfaí cúinsí áirithe iarratasóra a d’fhéadfadh a leas a chur i mbaol, go háirithe i gcásanna a bhaineann le foréigean inscnebhunaithe, gáinneáil ar dhaoine, agus géarleanúint bunaithe ar inscne, gnéaschlaonadh, féiniúlacht inscne nó aois. I gcásanna den sórt sin, eiseofar cinneadh ar leithligh agus tabharfar fógra ina leith don duine lena mbaineann i gcomhréir le mír 1.

1.   Féadfaidh an t-údarás cinntitheach measúnú a dhéanamh ar inghlacthacht iarratais, i gcomhréir leis na bunphrionsabail agus na ráthaíochtaí dá bhforáiltear i gCaibidil II, agus féadfar é a údarú faoin dlí náisiúnta iarratas a dhiúltú toisc é a bheith neamh-inghlactha i gcás ina bhfuil ceann ar bith de na forais seo a leanas i bhfeidhm:

2.   Diúltóidh an t-údarás cinntitheach iarratas toisc é a bheith neamh-inghlactha i gcás inar iarratas iardain é, i gcás nár eascair nó nár thug an t-iarratasóir ar aird eilimintí nua ar bith dá dtagraítear in Airteagal 55(3) agus (5) i dtaca leis an scrúdú ar cé acu a cháilíonn nó nach gcáilíonn an t-iarratasóir mar thairbhí de chosaint idirnáisiúnta i gcomhréir le Rialachán (AE) 2024/1347 nó i dtaca leis an bhforas neamh-inghlacthachta a cuireadh i bhfeidhm cheana, a tháinig chun cinn nó a chuir an t-iarratasóir i láthair.

1.   Ní dhéanfar iarratas a scrúdú ar a thuillteanais sna cásanna seo a leanas:

2.   Agus scrúdú á dhéanamh aige ar iarratas ar a thuillteanais, déanfaidh an t-údarás cinntitheach cinneadh maidir le cé acu a cháilíonn nó nach gcáilíonn an t-iarratasóir mar dhídeanaí agus, mura gcáilíonn, cinnfidh sé an bhfuil an t-iarratasóir incháilithe le haghaidh cosaint coimhdeach i gcomhréir le Rialachán (AE) 2024/1347.

3.   Diúltóidh an t-údarás cinntitheach d’iarratas toisc é a bheith gan bhunús i gcás ina suitear nach gcáilíonn an t-iarratasóir do chosaint idirnáisiúnta faoi bhun Rialachán (AE) 2024/1347.

4.   Féadfar an t-údarás cinntitheach a údarú faoin dlí náisiúnta chun a dhearbhú gur follasach nach bhfuil bunús leis an t-iarratas atá gan bhunús, más rud é, tráth a thabharfar an scrúdú i gcrích, go mbeidh feidhm ag aon cheann de na cúinsí dá dtagraítear in Airteagal 42(1) agus (3).

1.   Féadfaidh iarratasóir, as a stuaim féin, agus ag am ar bith le linn an nós imeachta, a iarratas nó a hiarratas a tharraingt siar. Déanfar an t-iarratas a tharraingt siar ag an iarratasóir i scríbhinn go pearsanta nó ag comhairleoir dlí an iarratasóra a dhéanann ionadaíocht dhlíthiúil air nó uirthi i gcomhréir leis an dlí náisiúnta.

2.   Déanfaidh na húdaráis inniúla, tráth tharraingt siar an iarratais, an t-iarratasóir a chur ar an eolas i gcomhréir le hAirteagal 8(2), pointe (c), faoi na hiarmhairtí uile a bhaineann le nós imeachta a tharraingt siar mar sin i dteanga a thuigeann sé nó sí, nó a shíltear le réasún go dtuigfidh sé nó sí í.

3.   I gcás ina ndéantar an t-iarratas a tharraingt siar go sainráite os comhair údarás inniúil seachas an t-údarás cinntitheach, cuirfidh an t-údarás sin in iúl don údarás cinntitheach gur tarraingíodh siar an t-iarratas. Glacfaidh an t-údarás cinntitheach cinneadh lena ndearbhófar gur tarraingíodh siar an t-iarratas go sainráite. Beidh an cinneadh sin críochnaitheach agus ní bheidh sé faoi réir achomhairc mar a thagraítear dó i gCaibidil V den Rialachán seo.

4.   I gcás, ag an gcéim ina ndéanann an t-iarratasóir an t-iarratas a tharraingt siar go sainráite, gur chinn an t-údarás cinntitheach cheana féin nach gcáilíonn an t-iarratasóir do chosaint idirnáisiúnta de bhun Rialachán (AE) 2024/1347, féadfaidh sé fós cinneadh a dhéanamh diúltú don iarratas toisc é a bheith gan bhunús nó gur follasach go bhfuil an t-iarratas gan bhunús.

1.   Dearbhófar gur tarraingíodh siar iarratas go hintuigthe sna cásanna seo a leanas:

2.   I gcás inar údarás inniúil seachas an t-údarás cinntitheach é an t-údarás a mheasann ar tarraingíodh siar an t-iarratas go hintuigthe agus i gcás ina measann an t-údarás sin nach mór an t-iarratas a mheas mar iarratas a tarraingíodh siar go intuigthe, cuirfidh an t-údarás sin an t-údarás cinntitheach ar an eolas dá réir. Glacfaidh an t-údarás cinntitheach cinneadh lena ndearbhófar gur tarraingíodh siar an t-iarratas go sainráite.

3.   Nuair a bheidh an t-iarratasóir i láthair, cuirfidh an t-údarás inniúil, tráth na tarraingthe siar, an t-iarratasóir ar an eolas i gcomhréir le hAirteagal 8(2), pointe (c), faoi na hiarmhairtí uile a bhaineann le nós imeachta a tharraingt siar mar sin i dteanga a thuigeann sé nó sí, nó a shíltear le réasún go dtuigfidh sé nó sí í.

4.   Féadfaidh an t-údarás inniúil an nós imeachta a chur ar fionraí chun deis a thabhairt don iarratasóir údar a thabhairt le neamhghníomhartha nó gníomhartha a leagtar amach i mír 1 nó iad a cheartú sula ndéanfar cinneadh lena ndearbhaítear gur tarraingíodh an t-iarratas siar go hintuigthe.

5.   Féadfar iarratas a dhiúltú toisc é a bheith gan bhunús nó gur follasach go bhfuil an t-iarratas gan bhunús i gcás, ag an gcéim ina dtarraingítear an t-iarratas siar go hintuigthe, ina bhfuil sé cinntithe ag an údarás cinntitheach cheanna féin nach gcáilíonn an t-iarratasóir do chosaint idirnáisiúnta de bhun Rialachán (AE) 2024/1347.

1.   Gan dochar d’Airteagal 21(2), déanfaidh an t-údarás cinntitheach, i gcomhréir leis na bunphrionsabail agus na ráthaíochtaí dá bhforáiltear i gCaibidil II, an scrúdú ar thuillteanais iarratais ar chosaint idirnáisiúnta a bhrostú, sna cásanna seo a leanas:

I gcás inar chuir an Ghníomhaireacht um Thearmann nóta treorach ar fáil maidir le tír thionscnaimh i gcomhréir le hAirteagal 11 de Rialachán (AE) 2021/2303 lena léirítear gur tharla athrú suntasach sa tríú tír lena mbaineann ó foilsíodh na sonraí ábhartha ó Eurostat, úsáidfidh na Ballstáit an nóta treorach sin mar thagairt chun an chéad fhomhír, pointe (j) den mhír seo a chur i bhfeidhm.

2.   I gcás ina measann an t-údarás cinntitheach go mbaineann an scrúdú ar an iarratas le saincheisteanna fíorais nó dlí atá róchasta le scrúdú faoi nós imeachta scrúdúcháin brostaithe, féadfaidh sé leanúint den scrúdú ar na tuillteanais i gcomhréir le hAirteagal 35(4) agus Airteagal 39. Sa chás sin, cuirfear an t-iarratasóir lena mbaineann ar an eolas faoin athrú sa nós imeachta.

3.   Ní fhéadfar an nós imeachta scrúdúcháin brostaithe a chur i bhfeidhm ar mhionaoisigh neamhthionlactha ach amháin sna cásanna seo a leanas:

I gcás inar chuir an Ghníomhaireacht um Thearmann nóta treorach ar fáil maidir le tír thionscnaimh i gcomhréir le hAirteagal 11 de Rialachán (AE) 2021/2303 lena léirítear gur tharla athrú suntasach sa tríú tír lena mbaineann ó foilsíodh na sonraí ábhartha ó Eurostat, úsáidfidh na Ballstáit an nóta treorach sin mar thagairt chun an chéad fhomhír, pointe (e), den mhír seo a chur i bhfeidhm.

1.   Tar éis an scagtha a rinneadh i gcomhréir le Rialachán (AE) 2024/1356, i gcás inarb infheidhme agus ar choinníoll nár údaraíodh an t-iarratasóir fós dul isteach i gcríoch na mBallstát, féadfaidh Ballstát, i gcomhréir le bunphrionsabail agus ráthaíochtaí Chaibidil II, scrúdú a dhéanamh ar iarratas trí nós imeachta teorann i gcás inarb iarratas é a rinne náisiúnach tríú tír nó duine gan stát nach gcomhlíonann na coinníollacha maidir le dul isteach i gcríoch Bhallstáit faoi mar a leagtar amach in Airteagal 6 de Rialachán (AE) 2016/399. Féadfar an nós imeachta teorann a chur i bhfeidhm:

2.   Iarratasóirí atá faoi réir an nós imeachta teorann, ní údarófar iad le dul isteach i gcríoch Ballstáit, gan dochar d’Airteagal 51(2) agus d’Airteagal 53(2). Aon bheart a dhéanfaidh na Ballstáit chun dul isteach neamhúdaraithe ina gcríoch a chosc, déanfar é i gcomhréir le Treoir (AE) 2024/1346.

3.   De mhaolú ar Airteagal 51(2), an chéad fhomhír, an abairt dheireanach, ní údarófar an t-iarratasóir le dul isteach i gcríoch an Bhallstáit i gcás:

Sna cásanna dá dtagraítear sa chéad fhomhír den mhír seo, i gcás inar eisíodh cinneadh um fhilleadh don iarratasóir i gcomhréir le Treoir 2008/115/CE nó inar diúltaíodh cead isteach i gcomhréir le hAirteagal 14 de Rialachán (AE) 2016/399, beidh feidhm ag Airteagal 4 de Rialachán (AE) 2024/1349.

4.   Gan dochar don sásra faireacháin a leagtar síos in Airteagal 14 de Rialachán (AE) 2021/2303 agus comhlántach leis, déanfaidh gach Ballstát foráil do shásra chun faireachán a dhéanamh ar chearta bunúsacha i ndáil leis an nós imeachta teorann lena gcomhlíonfar na critéir a leagtar amach in Airteagal 10 de Rialachán (AE) 2024/1356.

1.   Agus nós imeachta teorann á chur i bhfeidhm, féadfar cinntí a dhéanamh maidir leis an méid seo a leanas:

2.   I gcás inar mó líon na n-iarratasóirí ná an líon dá dtagraítear in Airteagal 47(1) agus chun cinneadh a dhéanamh i dtaca le cé a chuirfear faoi réir nós imeachta teorann de bhun Airteagal 42(1), pointí (c), (f) nó (j) nó Airteagal 42(3), pointe (b), tabharfar tosaíocht do na catagóirí iarratas a leanas:

3.   I gcás ina gcuirfear an nós imeachta teorann i bhfeidhm maidir le mionaoisigh agus a mbaill teaghlaigh, tabharfar tosaíocht don scrúdú ar a n-iarratas.

Féadfaidh na Ballstáit tosaíocht a thabhairt freisin don scrúdú ar iarratais ó náisiúnaigh tríú tír áirithe nó, i gcás daoine gan stát, ó dhaoine a raibh gnáthchónaí orthu i dtríú tír roimhe seo, a bhfuil sé níos dóchúla, i gcás cinneadh diúltach, go bhfillfear iad, de réir mar is infheidhme, chuig a dtír thionscnaimh, an tír ina raibh gnáthchónaí orthu roimhe sin, tríú tír shábháilte nó tír an chéad tearmainn, de réir bhrí an Rialacháin seo.

1.   Scrúdóidh Ballstát iarratas trí nós imeachta teorann sna cásanna dá dtagraítear in Airteagal 43(1) i gcás ina mbeidh feidhm ag aon cheann de na cúinsí dá dtagraítear in Airteagal (42)(1), pointe (c), (f) nó (j).

2.   I gcás ina mbeidh feidhm ag na cúinsí in Airteagal 42(1), pointe (f), agus gan dochar d’Airteagal 54, déanfaidh na Ballstáit bearta iomchuí chun aontacht teaghlaigh a choimeád sa nós imeachta teorann a mhéid is féidir.

3.   Chun críocha mhír 2, chun aontacht teaghlaigh a choinneáil, is é a thuigfear le ‘baill de theaghlach an iarratasóra’, a mhéid arbh ann don teaghlach cheana féin sular shroich an t-iarratasóir críoch na mBallstát, na baill seo a leanas de theaghlach an iarratasóra, ar baill teaghlaigh iad atá i láthair ar chríoch an Bhallstáit chéanna i ndáil leis an iarratas ar chosaint idirnáisiúnta:

Chun críocha phointí (b), (c) agus (d) den chéad fhomhír, ar bhonn measúnú aonair, measfar mionaoiseach a bheith neamhphósta i gcás nach bhféadfaí conradh a dhéanamh as a phósadh nó a pósadh i gcomhréir le dlí náisiúnta an Bhallstáit lena mbaineann, go háirithe agus aird á tabhairt ar aois dhlíthiúil an phósta.

4.   I gcás ina mbeidh forais ag an gCoimisiún, ar bhonn faisnéise a fuarthas faoi chuimsiú an fhaireacháin arna dhéanamh de bhun Airteagail 14 agus 15 de Rialachán (AE) 2021/2303, lena mheas nach bhfuil na ceanglais a leagtar síos in Airteagal 54(2) á gcomhlíonadh ag Ballstát, molfaidh sé, gan mhoill, cur i bhfeidhm an nós imeachta teorann maidir le teaghlaigh a bhfuil mionaoisigh acu a chur ar fionraí de bhun Airteagal 53(2), pointe (b). Cuirfidh an Coimisiún an moladh sin ar fáil go poiblí.

Tabharfaidh an Ballstát lena mbaineann lánaird ar mholadh an Choimisiúin i ndáil lena oibleagáidí faoi Airteagal 53(2), pointe (b) agus d’fhonn aghaidh a thabhairt ar aon easnaimh arna sainaithint chun a áirithiú go gcomhlíonfar ceanglais Airteagal 54(2) go hiomlán. Cuirfidh an Ballstát lena mbaineann an Coimisiún ar an eolas faoi na bearta a rinneadh chun éifeacht a thabhairt don mholadh.

1.   Déanfaidh an Coimisiún, trí bhíthin gníomhartha cur chun feidhme, an uimhir a chomhfhreagraíonn d’acmhainneacht leordhóthanach gach Ballstáit a ríomh tríd an bhfoirmle a leagtar a leagtar síos i mír 4 a úsáid.

Gan dochar do mhír 3, socróidh an Coimisiún freisin, trí bhíthin gníomhartha cur chun feidhme, an líon uasta iarratas a cheanglaítear ar Bhallstát scrúdú a dhéanamh orthu sa nós imeachta teorann in aghaidh na bliana. Is é an líon uasta sin dhá uair an lín a fhaightear tríd an bhfoirmle a leagtar síos i mír 4 a úsáid ón 12 Meitheamh 2026, trí huaire an lín a fhaightear tríd an bhfoirmle a leagtar síos i mír 4 a úsáid ón 13 Meitheamh 2027 agus ceithre huaire an lín a fhaightear tríd an bhfoirmle a leagtar síos i mír 4 a úsáid ón 13 Meitheamh 2028.

2.   I gcás ina sroichtear acmhainneacht leordhóthanach Ballstáit dá dtagraítear sa chéad fhomhír de mhír 1, ní cheanglófar ar an mBallstát sin nósanna imeachta teorann a chur dhéanamh a thuilleadh sna cásanna dá dtagraítear in Airteagal 43(1) i gcás ina bhfuil feidhm ag na cúinsí dá dtagraítear in Airteagal 42(1), pointe (j).

3.   I gcás ina mbeidh scrúdú déanta ag Ballstát ar an líon uasta iarratas dá dtagraítear sa dara fomhír de mhír 1, ní cheanglófar ar an mBallstát sin nósanna imeachta teorann a dhéanamh a thuilleadh sna cásanna dá dtagraítear in Airteagal 43(1) i gcás ina mbeidh feidhm ag na cúinsí dá dtagraítear in Airteagal 42(1), pointe (c) nó pointe (j). Leanfaidh an Ballstát sin, dá ainneoin sin, de scrúdú a dhéanamh, tríd an nós imeachta teorann, ar iarratais ó náisiúnaigh tríú tír a bhfuil feidhm ag na cúinsí dá dtagraítear in Airteagal 42(1), pointe (f) agus in Airteagal 42(3), pointe (b) maidir leo.

4.   Ríomhfar an líon dá dtagraítear sa chéad fhomhír de mhír 1, tríd an líon a leagtar amach in Airteagal 46 a iolrú faoi shuim na dtrasnuithe neamhrialta ag an teorainn sheachtrach, líon na ndaoine a tháinig isteach tar éis oibríochtaí cuardaigh agus tarrthála, agus líon na ndaoine dár diúltaíodh cead isteach ag an teorainn sheachtrach sa Bhallstát lena mbaineann le linn na 3 bliana roimhe sin agus tríd an toradh a fhaightear a roinnt ar shuim na dtrasnuithe neamhrialta ag an teorainn sheachtrach, líon na ndaoine a tháinig isteach tar éis oibríochtaí cuardaigh agus tarrthála, agus líon na ndaoine dár diúltaíodh cead isteach ag an teorainn sheachtrach san Aontas ina iomláine le linn na tréimhse céanna de réir na faisnéise Frontex agus Eurostat is déanaí atá ar fáil.

5.   Déanfaidh an Coimisiún an chéad gníomh cur chun feidhme den sórt sin dá dtagraítear i mír 1 a ghlacadh ar an 12 Lúnasa 2024 agus faoin 15 Deireadh Fómhair gach 3 bliana ina dhiaidh sin.

Tar éis don Choimisiún an gníomh cur chun feidhme dá dtagraítear i mír 1 a ghlacadh, áiritheoidh gach Ballstát, laistigh de 6 mhí ó ghlacadh an dara gníomh cur chun feidhme agus gach gníomh cur chun feidhme ina dhiaidh sin, go mbeidh an acmhainneacht leordhóthanach acu a leagtar amach sa ghníomh cur chun feidhme sin. Chun críocha an chéad ghnímh cur chun feidhme sin, áiritheoidh na Ballstáit go mbeidh an acmhainneacht leordhóthanach acu a leagtar amach sa ghníomh cur chun feidhme sin roimh an 12 Meitheamh 2026.

1.   I gcás ina mbeidh líon na n-iarratasóirí atá faoi réir an nós imeachta teorann um thearmann i mBallstát ag aon tráth ar leith, in éineacht leis an líon daoine atá faoi réir nós imeachta teorann um fhilleadh arna bhunú de bhun Rialachán (AE) 2024/1349 nó, i gcás inarb infheidhme, nós imeachta coibhéiseach teorann um fhilleadh arna bhunú faoin dlí náisiúnta, comhionann leis an líon a leagtar amach i leith an Bhallstáit sin sa ghníomh cur chun feidhme ón gCoimisiún dá dtagraítear in Airteagal 47(1), an chéad fhomhír nó os cionn an lín sin, féadfaidh an Ballstát sin fógra a thabhairt don Choimisiún faoin méid sin.

2.   I gcás ina dtabharfaidh Ballstát fógra don Choimisiún i gcomhréir le mír 1, de mhaolú ar Airteagal 45(1), ní cheanglaítear ar an mBallstát sin scrúdú a dhéanamh ar iarratais arna ndéanamh ag iarratasóirí dá dtagraítear in Airteagal 42(1), pointe (j), trí nós imeachta teorann tráth a bheidh líon na n-iarratasóirí atá faoi réir an nós imeachta teorann sa Bhallstát sin cothrom leis nó os cionn an lín dá dtagraítear in Airteagal 47(1), an chéad fhomhír.

3.   Cuirfear an beart dá bhforáiltear i mír 2 i bhfeidhm ar bhonn insreabhadh agus eis-sreabhadh agus ceanglófar ar an mBallstát lena mbaineann leanúint de scrúdú a dhéanamh trí nós imeachta teorann ar iarratais arna ndéanamh ag iarratasóirí mar a thagraítear dóibh in Airteagal 42(1), pointe (j) a luaithe a bheidh líon na n-iarratasóirí atá faoi réir an nós imeachta teorann sa Bhallstát sin níos ísle, ag aon tráth, ná an líon dá dtagraítear in Airteagal 47(1), an chéad fhomhír.

4.   Féadfaidh Ballstát an beart dá bhforáiltear i mír 2 a chur i bhfeidhm don chuid eile den bhliain féilire chéanna ón lá tar éis an dáta a thugtar fógra faoi mhír 1.

1.   Beidh an fhaisnéis seo a leanas san fhógra dá dtagraítear in Airteagail 48:

2.   Féadfaidh na Ballstáit fógra a thabhairt don Choimisiún i gcomhréir le hAirteagal 48 den Rialachán seo mar chuid den fhógra dá dtagraítear in Airteagail 58 agus 59 de Rialachán (AE) 2024/1351, i gcás inarb infheidhme.

3.   I gcás ina dtabharfaidh Ballstát fógra don Choimisiún i gcomhréir le hAirteagail 48, cuirfidh an Ballstát lena mbaineann na Ballstáit eile ar an eolas dá réir sin.

4.   Ballstát a mbeidh an beart dá dtagraítear in Airteagal 48 á chur i bhfeidhm aige, cuirfidh sé an Coimisiún ar an eolas ar bhonn míosúil faoi na heilimintí seo a leanas:

Déanfaidh an Coimisiún faireachán ar chur i bhfeidhm an bhirt dá dtagraítear in Airteagal 48 den Rialachán seo, agus chuige sin, déanfaidh sé athbhreithniú ar an bhfaisnéis arna soláthar ag na Ballstáit. Déanfaidh an Coimisiún, sa tuarascáil dá dtagraítear in Airteagal 9 de Rialachán (AE) 2024/1351, measúnú a thabhairt ar chur i bhfeidhm an bhirt dá dtagraítear in Airteagal 48 den Rialachán seo i ngach Ballstát.

1.   De mhaolú ar Airteagal 28 den Rialachán seo, déanfar iarratais atá faoi réir nós imeachta teorann a thaisceadh tráth nach déanaí ná 5 lá tar éis clárú den chéad uair nó, tar éis aistriú de bhun Airteagal 67(11) de Rialachán (AE) 2024/1351, 5 lá ó shroich an t-iarratasóir an Ballstát athshocrúcháin tar éis aistriú mar sin ar choinníoll go dtugtar deis éifeachtach don iarratasóir é sin a dhéanamh. Mura gcomhlíontar an sprioc-am 5 lá, ní dhéanfar difear do chur i bhfeidhm leanúnach an nós imeachta teorann.

2.   Beidh an nós imeachta teorann chomh gearr agus is féidir agus san am céanna, beifear in ann scrúdú iomlán, cothrom a dhéanamh ar na héilimh. Gan dochar don tríú fomhír den mhír seo, is é 12 sheachtain uasfhad an nós imeachta teorann ón uair a chláraítear an t-iarratas go dtí nach mbeidh ceart fanachta ag an iarratasóir a thuilleadh agus ní bheidh cead aige/aici fanacht. Tar éis na tréimhse sin, údarófar an t-iarratasóir le dul isteach i gcríoch an Bhallstáit seachas i gcás ina mbeidh feidhm ag Airteagal 4 de Rialachán (AE) 2024/1349.

Leagfaidh na Ballstáit síos forálacha maidir le fad an nós imeachta scrúdúcháin de mhaolú ar Airteagal 35, maidir le fad an scrúdaithe a dhéanfaidh cúirt nó binse ar iarraidh fanacht ag an gcéim taiscthe i gcomhréir le hAirteagal 68(4) agus (5) agus, más infheidhme, maidir le fad an nós imeachta achomhairc. Áiritheofar leis an tréimhse a leagtar síos go dtabharfar na céimeanna nós imeachta sin ar fad chun críche laistigh de 12 sheachtain ón tráth a chlárófar an t-iarratas.

Féadfar an tréimhse 12 sheachtain a shíneadh go 16 seachtaine má tá an nós imeachta teorann á chur i bhfeidhm ag an mBallstát a n-aistreofar an duine chuige de bhun Airteagal 67(11) de Rialachán AE 2024/1351.

1.   I gcás ina mbeidh feidhm ag na coinníollacha maidir leis an nós imeachta teorann, cinnfidh na Ballstáit an nós imeachta a dhéanamh chun a chinneadh cé acu Ballstát atá freagrach as scrúdú a dhéanamh ar an iarratas de réir mar a leagtar síos i Rialachán (AE) 2024/1351, ag na suíomhanna ina ndéanfar an nós imeachta teorann, gan dochar do na sprioc-amanna a bhunaítear in Airteagal 51(2) den Rialachán seo.

2.   I gcás ina gcomhlíonfar na coinníollacha maidir leis an nós imeachta teorann a chur i bhfeidhm sa Bhallstát óna n-aistreofar an t-iarratasóir, an Ballstát chuig a n-aistreofar an t-iarratasóir, féadfaidh sé nós imeachta teorann a chur i bhfeidhm i gcomhréir le hAirteagal 67(11) de Rialachán (AE) 2024/1351, gan dochar do na spriocdhátaí arna mbunú in Airteagal 51(2)(d) den Rialachán seo.

1.   Ní chuirfear an nós imeachta teorann i bhfeidhm maidir le mionaoisigh neamhthionlactha ach amháin sna cúinsí dá dtagraítear in Airteagal 42(3), pointe (b). I gcás ina mbeidh amhras ann faoi aois an iarratasóra, déanfaidh na húdaráis inniúla measúnú aoise go pras i gcomhréir le hAirteagal 25.

2.   Ní chuirfidh na Ballstáit an nós imeachta teorann i bhfeidhm nó scoirfidh siad dá chur i bhfeidhm ag aon chéim den nós imeachta i gcás:

Sna cásanna a leagtar amach sa chéad fhomhír den mhír seo, údaróidh an t-údarás inniúil an t-iarratasóir le dul isteach i gcríoch an Bhallstáit agus an nós imeachta iomchuí dá bhforáiltear i gCaibidil III a chur i bhfeidhm.

1.   Le linn an scrúdaithe ar iarratais atá faoi réir nós imeachta teorann, ceanglóidh Ballstát, de bhun Airteagal 9 de Threoir (AE) 2024/1346 agus gan dochar d’Airteagal 10 di, go mbeidh cónaí ar na hiarratasóirí ag an teorainn sheachtrach nó gar di nó ag na criosanna idirthurais nó gar dóibh, mar riail ghinearálta, nó i suíomhanna ainmnithe eile laistigh dá gcríoch, agus cúinsí geografacha sonracha an Bhallstáit sin á gcur san áireamh go hiomlán.

2.   Gan dochar d’Airteagal 47, áiritheoidh na Ballstáit go mbeidh teaghlaigh a bhfuil mionaoisigh acu ina gcónaí i saoráidí glactha atá oiriúnach dá riachtanais tar éis dóibh leas an linbh a mheas agus áiritheoidh siad caighdeán maireachtála atá leordhóthanach d’fhorbairt fhisiciúil, mheabhrach, spioradálta, mhorálta agus shóisialta an mhionaoisigh agus ceanglais Chaibidil IV de Threoir (AE) 2024/1346 á n-urramú go hiomlán.

3.   Tabharfaidh gach Ballstát fógra don Choimisiún, faoin 11 Aibreán 2026, faoi na suíomhanna ina ndéanfar an nós imeachta teorann i gcrích, lena n-áirítear nuair a bheidh Airteagal 45 á chur i bhfeidhm. Áiritheoidh na Ballstáit gur leor acmhainneacht na suíomhanna sin chun scrúdú a dhéanamh ar na hiarratais a chumhdaítear le hAirteagal 45. Aon athrú a dhéanfar maidir le sainaithint na suíomhanna ina ndéantar an nós imeachta teorann, tabharfar fógra don Choimisiún ina leith laistigh de 2 mhí ón dáta a ndéanfar na hathruithe.

4.   An ceanglas maidir le cónaí in áit ar leith i gcomhréir le míreanna 1, 2 agus 3, ní mheasfar gur údarú é chun dul isteach i gcríoch Ballstáit agus fanacht ann.

5.   I gcás inar gá iarratasóir atá faoi réir an nós imeachta teorann a aistriú chuig an údarás cinntitheach nó chuig cúirt nó binse inniúil céadchéime chun críocha an nós imeachta sin, nó i gcás inar gá é/í a aistriú chun cóir leighis a fháil, ní hionann an taisteal sin as féin agus dul isteach i gcríoch Ballstáit.

1.   Aon iarratas a dhéanfar i gcás nach mbeidh cinneadh críochnaitheach déanta fós faoin iarratasóir céanna maidir le hiarratas a rinneadh roimhe sin, measfar gur ionadaíocht bhreise é agus ní mheasfar gur iarratas nua é.

Déanfar an ionadaíocht bhreise sin a scrúdú sa Bhallstát freagrach faoi chuimsiú an scrúdaithe leanúnaigh tríd an nós imeachta riaracháin nó faoi chuimsiú aon nós imeachta achomhairc atá ar siúl a mhéid a fhéadfaidh an chúirt inniúil nó an binse inniúil na heilimintí is bun leis an ionadaíocht bhreise a chur san áireamh.

2.   Aon iarratas eile a dhéanfaí in aon Ballstát tar éis cinneadh críochnaitheach a bheith déanta maidir le hiarratas a rinne an t-iarratasóir céanna roimhe sin, measfar gur iarratas iardain é agus déanfaidh an Ballstát freagrach scrúdú air.

3.   Beidh iarratas iardain faoi réir réamhscrúdú ina suífidh an t-údarás cinntitheach an bhfuil eilimintí nua tagtha chun cinn nó tugtha ar aird ag an iarratasóir agus:

4.   Déanfar an réamhscrúdú ar bhonn aighneachtaí i scríbhinn nó agallamh pearsanta i gcomhréir leis na bunphrionsabail agus na ráthaíochtaí dá bhforáiltear i gCaibidil II. Go háirithe, féadfar an t-agallamh pearsanta a ligean ar ceal sna cásanna sin inar léir, ó na haighneachtaí i scríbhinn, nach bhfuil aon eilimintí nua ann ag eascairt as an iarratas dá dtagraítear i mír 3.

5.   Ní mheasfar na heilimintí arna dtíolacadh ag an iarratasóir a bheith nua ach amháin i gcás nach raibh an t-iarratasóir in ann, gan aon locht dá chuid nó dá cuid féin, na heilimintí sin a thíolacadh i gcomhthéacs an iarratais níos luaithe. Ní gá aon eilimintí a d’fhéadfadh an t-iarratasóir a thíolacadh níos luaithe a chur san áireamh mura gcuireann siad go mór leis an dóchúlacht nach beidh an t-iarratas inghlactha nó go gcáileoidh an t-iarratasóir do chosaint idirnáisiúnta nó má diúltaíodh an t-iarratas roimhe sin toisc gur tarraingíodh siar go hintuigthe é i gcomhréir le hAirteagal 41 gan scrúdú a dhéanamh ar na tuillteanais.

6.   I gcás inar thíolaic an t-iarratasóir eilimintí nua dá dtagraítear i mír 3 nó inar tháinig eilimintí nua chun cinn, déanfar scrúdú breise ar an iarratas ar a thuillteanais, mura bhféadfar a mheas go bhfuil an t-iarratas neamh-inghlactha ar bhonn foras eile dá bhforáiltear in Airteagal 38(1).

7.   I gcás nár thíolaic an t-iarratasóir aon eilimintí nua dá dtagraítear i mír 3 nó nár tháinig aon cheann chun cinn, diúltófar an t-iarratas toisc é a bheith neamh-inghlactha de bhun Airteagal 38 (2).

1.   Measfar, maidir le tríú tír a bhfuil Coinbhinsiún na Ginéive daingnithe aici agus a urramaíonn an Coinbhinsiún sin, go mbíonn cosaint éifeachtach á háirithiú aici laistigh de theorainneacha na maoluithe nó de theorainneacha arna mbunú ag an tríú tír sin, mar a cheadaítear faoin gCoinbhinsiún. I gcás teorainneacha geografacha arna ndéanamh ag an tríú tír, déanfar measúnú ar chosaint a bheith ann do dhaoine nach dtagann faoi raon feidhme Choinbhinsiún na Ginéive i gcomhréir leis na critéir a leagtar amach i mír 2.

2.   I gcásanna seachas an cás dá dtagraítear i mír 1, measfar nach bhfuil cosaint éifeachtach á háirithiú ag an tríú tír ach i gcás ina gcomhlíontar na critéir seo a leanas ar a laghad:

1.   Ní fhéadfar a mheas gur tír an chéad tearmainn í tríú tír d’iarratasóir ach amháin más rud é, sa tír sin:

2.   Ní fhéadfar coincheap thír an chéad tearmainn a chur i bhfeidhm ach amháin ar choinníoll nach féidir leis an iarratasóir eilimintí a sholáthar lena dtugtar údar don chúis nach bhfuil coincheap thír an chéad tearmainn infheidhme maidir leis nó léi, faoi chuimsiú measúnú aonair.

3.   Ní fhéadfar tríú tír a mheas mar thír an chéad tearmainn do mhionaoiseach neamhthionlactha ach amháin i gcás nach bhfuil sé sin ag teacht salach ar a leas agus i gcás ina bhfuair údaráis na mBallstát dearbhú ar dtús ó údaráis an tríú tír atá i gceist go nglacfaidh na húdaráis sin an mionaoiseach neamhthionlactha ar láimh agus go mbainfidh sé nó sí tairbhe láithreach as cosaint éifeachtach mar a shainmhínítear in Airteagal 57 í.

4.   I gcás ina ndiúltaítear iarratas toisc é a bheith neamh-inghlactha mar thoradh ar chur i bhfeidhm choincheap thír an chéad tearmainn, déanfaidh an t-údarás cinntitheach an méid seo a leanas:

5.   I gcás nach ndéanfaidh an tríú tír atá i gceist an t-iarratasóir a athligean isteach ar a críoch nó i gcás nach dtabharfaidh sí freagra laistigh de theorainn ama arna socrú ag an údarás inniúil, beidh rochtain ag an iarratasóir ar an nós imeachta i gcomhréir leis na bunphrionsabail agus ráthaíochtaí dá bhforáiltear i gCaibidil II agus i Roinn I de Chaibidil III.

1.   Ní fhéadfar tríú tír a ainmniú mar thríú tír shábháilte ach amháin i gcás, sa tír sin:

2.   Féadfar tríú tír a ainmniú mar thríú tír shábháilte ar leibhéal an Aontais agus ar an leibhéal náisiúnta araon cé is moite d’eisceachtaí i gcás codanna sonracha dá críoch nó i gcás catagóirí daoine atá inaitheanta go soiléir.

3.   Bunófar an measúnú i dtaca le cé acu an bhféadfaí tríú tír a ainmniú mar thríú tír shábháilte i gcomhréir leis an Rialachán seo ar raon foinsí faisnéise ábhartha atá ar fáil, lena n-áirítear faisnéis ó na Ballstáit, ón nGníomhaireacht um Thearmann, ón tSeirbhís Eorpach Gníomhaíochta Seachtraí, ó Ard-Choimisinéir na Náisiún Aontaithe le haghaidh Dídeanaithe, ó Chomhairle na hEorpa agus ó eagraíochtaí idirnáisiúnta ábhartha eile.

4.   Féadfar coincheap an tríú tír shábháilte a chur i bhfeidhm mar a leanas:

5.   Ní fhéadfar coincheap an tríú tír shábháilte a chur i bhfeidhm ach amháin ar choinníoll:

6.   Ní fhéadfar tríú tír a mheas mar thríú tír shábháilte do mhionaoiseach neamhthionlactha ach amháin i gcás nach bhfuil sé sin ag teacht salach ar a leas agus i gcás ina bhfuair údaráis na mBallstát dearbhú ó údaráis an tríú tír atá i gceist ar an gcéad dul síos go nglacfaidh na húdaráis sin an mionaoiseach neamhthionlactha ar láimh agus go mbeidh rochtain láithreach aige nó aici ar chosaint éifeachtach mar a shainmhínítear in Airteagal 57.

7.   I gcás ina mbeidh an tAontas agus tríú tír tar éis teacht ar chomhaontú de bhun Airteagal 218 CFAE go ndéanfar imircigh arna nglacadh faoin gcomhaontú sin a chosaint i gcomhréir leis na caighdeáin idirnáisiúnta ábhartha agus lánurraim á tabhairt do phrionsabal an non-refoulement, féadfar a thoimhdiú go bhfuil coinníollacha an Airteagail seo maidir le stádas sábháilte tríú tír comhlíonta gan dochar do mhíreanna 5 agus 6.

8.   I gcás ina ndiúltaítear iarratas toisc é a bheith neamh-inghlactha mar thoradh ar chur i bhfeidhm choincheap an tríú tír shábháilte, déanfaidh an t-údarás cinntitheach:

9.   I gcás nach ndéanfaidh an tríú tír atá i gceist an t-iarratasóir a ligean isteach nó a athligean isteach ar a críoch, beidh rochtain ag an iarratasóir ar an nós imeachta i gcomhréir leis na bunphrionsabail agus ráthaíochtaí dá bhforáiltear i gCaibidil II agus i Roinn I de Chaibidil III.

1.   Déanfar tíortha a ainmniú mar thríú tíortha sábháilte ar leibhéal an Aontais, i gcomhréir leis na coinníollacha a leagtar síos in Airteagal 59(1).

2.   Déanfaidh an Coimisiún athbhreithniú ar an staid i dtríú tíortha atá ainmnithe mar thríú tíortha sábháilte le cúnamh ón nGníomhaireacht um Thearmann agus bunaithe ar na foinsí faisnéise eile dá dtagraítear in Airteagal 59(3).

3.   Arna iarraidh sin don Choimisiún, cuirfidh an Ghníomhaireacht um Thearmann, faisnéis agus anailís ar fáil dó maidir le tríú tíortha sonracha a d’fhéadfaí a mheas lena n-ainmniú mar thríú tíortha sábháilte ar leibhéal an Aontais. Breithneoidh an Coimisiún go pras aon iarraidh ó Bhallstát chun a mheas an bhféadfaí tríú tír a ainmniú mar thríú tír shábháilte ar leibhéal an Aontais.

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 74 a bhaineann le hainmniú tríú tír mar thríú tír shábháilte ar leibhéal an Aontais a chur ar fionraí faoi réir na gcoinníollacha mar a leagtar amach in Airteagal 63.

1.   Ní fhéadfar tríú tír a ainmniú mar thír shábháilte thionscnaimh i gcomhréir leis an Rialachán seo ach amháin, ar bhonn na staide dlí, chur i bhfeidhm an dlí laistigh de chóras daonlathach agus na gcúinsí polaitiúla i gcoitinne, i gcás inar féidir a léiriú nach bhfuil géarleanúint á déanamh inti mar a shainmhínítear in Airteagal 9 de Rialachán (AE) 2024/1347 agus nach bhfuil fíorbhaol ann go ndéanfar díobháil thromchúiseach mar a shainmhínítear in Airteagal 15 den Rialachán sin.

2.   Féadfar tríú tír a ainmniú mar thír shábháilte thionscnaimh ar leibhéal an Aontais agus ar an leibhéal náisiúnta araon cé is moite d’eisceachtaí i gcás codanna sonracha dá críoch nó i gcás catagóirí daoine atá inaitheanta go soiléir.

3.   Bunófar an measúnú i dtaca le cé acu an tír shábháilte thionscnaimh an tríú tír i gcomhréir leis an Rialachán seo nó nach í ar réimse foinsí faisnéise ábhartha atá ar fáil, lena n-áirítear faisnéis ó Bhallstáit, ón nGníomhaireacht um Thearmann, ón tSeirbhís Eorpach Gníomhaíochta Seachtraí, ó Ard-Choimisinéir na Náisiún Aontaithe le haghaidh Dídeanaithe, agus ó eagraíochtaí ábhartha idirnáisiúnta eile, agus cuirfear san áireamh ann, i gcás ina bhfuil sí ar fáil, an anailís choiteann ar an bhfaisnéis ar thíortha tionscnaimh dá dtagraítear in Airteagal 11 de Rialachán (AE) 2021/2303.

4.   Agus an measúnú dá dtagraítear i mír 3 á dhéanamh, cuirfear san áireamh, inter alia, a mhéid a thugtar cosaint ar ghéarleanúint nó ar dhíobháil thromchúiseach trí na bealaí seo a leanas:

5.   Ní fhéadfar coincheap na tíre sábháilte tionscnaimh a chur i bhfeidhm ach ar choinníoll:

1.   Déanfar tíortha a ainmniú mar thríú tíortha sábháilte tionscnaimh ar leibhéal an Aontais, i gcomhréir leis na coinníollacha a leagtar síos in Airteagal 61.

2.   Déanfaidh an Coimisiún athbhreithniú ar an staid i dtríú tíortha atá ainmnithe mar thíortha sábháilte tionscnaimh, le cúnamh ón nGníomhaireacht um Thearmann agus bunaithe ar na foinsí faisnéise eile dá dtagraítear in Airteagal 61(3).

3.   Arna iarraidh sin don Choimisiún, cuirfidh an Ghníomhaireacht um Thearmann, faisnéis agus anailís ar fáil dó maidir le tríú tíortha sonracha a d’fhéadfaí a mheas lena n-ainmniú mar thíortha sábháilte tionscnaimh ar leibhéal an Aontais. Breithneoidh an Coimisiún go pras aon iarraidh ó Bhallstát chun a mheas an bhféadfaí tríú tír a ainmniú mar tír shábháilte thionscnaimh ar leibhéal an Aontais.

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 74 a bhaineann le hainmniú tríú tír mar thír shábháilte thionscnaimh ar leibhéal an Aontais a chur ar fionraí faoi réir na gcoinníollacha a leagtar amach in Airteagal 63.

1.   I gcás athruithe suntasacha ar staid tríú tír atá ainmnithe mar thríú tír shábháilte nó mar thír shábháilte thionscnaimh ar leibhéal an Aontais, déanfaidh an Coimisiún measúnú réasúnaithe ar an gcaoi a gcomhlíonann an tríú tír sin na coinníollacha a leagtar amach in Airteagal 59 nó 61 agus, i gcás ina measann an Coimisiún nach bhfuil na coinníollacha sin á gcomhlíonadh a thuilleadh, glacfaidh sé gníomh tarmligthe i gcomhréir le hAirteagal 74 lena gcuirfear ainmniú an tríú tír sin mar thríú tír shábháilte nó mar thír shábháilte thionscnaimh ar leibhéal an Aontais ar fionraí go ceann 6 mhí.

2.   Déanfaidh an Choimisiún athbhreithniú leanúnach ar an staid sa tríú tír dá dtagraítear i mír 1 agus, inter alia, faisnéis a sholáthraíonn na Ballstáit agus an Ghníomhaireacht um Thearmann maidir le hathruithe ina dhiaidh sin ar staid an tríú tír sin á cur san áireamh aige.

3.   I gcás ina bhfuil gníomh tarmligthe glactha ag an gCoimisiún i gcomhréir le mír 1 lena gcuirtear ainmniú tríú tír mar thríú tír shábháilte nó mar thír shábháilte thionscnaimh ar leibhéal an Aontais ar fionraí, déanfaidh sé, laistigh de 3 mhí ón dáta a ghlacfar an gníomh tarmligthe sin, togra a thíolacadh, i gcomhréir leis an ngnáthnós imeachta reachtach, maidir leis an Rialachán seo a leasú chun ainmniú an tríú tír sin mar thríú tír shábháilte nó mar thír shábháilte thionscnaimh a bhaint ar leibhéal an Aontais.

4.   I gcás nár thíolaic an Coimisiún togra dá dtagraítear i mír 3 laistigh de 3 mhí ó ghlacadh an ghnímh tharmligthe mar a thagraítear dó i mír 1, beidh deireadh le feidhm an ghnímh tharmligthe lena gcuirtear ainmniú an tríú tír mar thríú tír shábháilte nó mar thír shábháilte thionscnaimh ar leibhéal an Aontais ar fionraí. I gcás go dtíolacann an Coimisiún togra mar sin laistigh de 3 mhí ó glacadh an gníomh tarmligthe mar a thagraítear dó i mír 1, tabharfar de chumhacht don Choimisiún, ar bhonn measúnú réasúnaithe, síneadh 6 mhí a chur le bailíocht an ghnímh tharmligthe sin, agus an deis ann an síneadh sin a athnuachan uair amháin.

5.   Gan dochar do mhír 4, i gcás nach nglacfar an togra a thíolaic an Coimisiún chun ainmniú tríú tír mar thríú tír shábháilte nó mar thír shábháilte thionscnaimh ar leibhéal an Aontais a bhaint laistigh de 15 mhí ón tráth a thíolaic an Coimisiún an togra, ní bheidh éifeacht a thuilleadh le fionraí ainmniú an tríú tír mar thríú tír shábháilte nó mar thír shábháilte thionscnaimh ar leibhéal an Aontais.

1.   Féadfaidh na Ballstáit reachtaíocht a choimeád nó a thabhairt isteach lena gceadaítear ainmniú náisiúnta tríú tíortha sábháilte nó tíortha sábháilte tionscnaimh seachas iad siúd a ainmnítear ar leibhéal an Aontais chun scrúdú a dhéanamh ar iarratais ar chosaint idirnáisiúnta.

2.   I gcás ina gcuirfear ainmniú tríú tír mar thríú tír shábháilte nó mar thír shábháilte thionscnaimh ar leibhéal an Aontais ar fionraí de bhun Airteagal 63(1), ní ainmneoidh na Ballstáit an tír sin mar thríú tír shábháilte nó mar thír shábháilte thionscnaimh ar an leibhéal náisiúnta.

3.   I gcás inar cuireadh ainmniú tríú tír mar thríú tír shábháilte nó mar thír shábháilte thionscnaimh ar leibhéal an Aontais ar fionraí i gcomhréir leis an ngnáthnós imeachta reachtach, féadfaidh Ballstát fógra a thabhairt don Choimisiún go measann sé, i ndiaidh athruithe ar staid na tíre sin, go gcomhlíonann sí arís na coinníollacha a leagtar amach in Airteagal 59(1) agus Airteagal 61.

Áireoidh an fógra measúnú réasúnaithe ar a mhéid a chomhlíonann an tír sin na coinníollacha a leagtar amach in Airteagal 59(1) agus Airteagal 61 lena n-áirítear míniú ar na hathruithe sonracha ar staid an tríú tír a fhágann go gcomhlíonann an tír na coinníollacha sin arís.

Tar éis dó an fógra a thabhairt, iarrfaidh an Coimisiún ar an nGníomhaireacht um Thearmann faisnéis agus anailís ar an staid sa tríú tír a thabhairt dó.

Ní féidir leis an mBallstát atá ag tabhairt an fhógra an tríú tír sin a ainmniú mar thríú tír shábháilte nó mar thír shábháilte thionscnaimh ar an leibhéal náisiúnta ach ar choinníoll nach ndéanfaidh an Coimisiún agóid i gcoinne an ainmnithe sin.

Beidh ceart agóide an Choimisiúin teoranta do thréimhse 2 bhliain tar éis an dáta ar baineadh ainmniú an tríú tír sin mar thríú tír shábháilte nó mar thír shábháilte thionscnaimh ar leibhéal an Aontais. Eiseoidh an Coimisiún aon agóid laistigh de thréimhse 3 mhí tar éis an dáta a thabharfaidh an Ballstát gach fógra agus tar éis athbhreithniú cuí a dhéanamh ar an staid sa tríú tír sin, ag féachaint do na coinníollacha a leagtar amach in Airteagal 59(1) agus in Airteagal 61 den Rialachán seo.

I gcás ina measann sé go gcomhlíontar na coinníollacha sin, féadfaidh an Coimisiún togra a thíolacadh, i gcomhréir leis an ngnáthnós imeachta reachtach, chun an Rialachán seo a leasú chun an tríú tír sin a ainmniú mar thríú tír shábháilte nó mar thír shábháilte thionscnaimh ar leibhéal an Aontais.

4.   Tabharfaidh na Ballstáit fógra don Choimisiún agus don Ghníomhaireacht um Thearmann faoi na tríú tíortha atá ainmnithe mar thríú tíortha sábháilte nó mar thíortha sábháilte tionscnaimh ar an leibhéal náisiúnta faoin 12 Meitheamh 2026 agus díreach tar éis gach ainmnithe nó tar éis athrú a dhéanamh ar an ainmniú. Cuirfidh na Ballstáit an Coimisiún agus an Ghníomhaireacht um Thearmann ar an eolas uair sa bhliain faoi na tríú tíortha sábháilte eile ar a gcuirtear an coincheap i bhfeidhm i dtaca le hiarratasóirí ar leith dá dtagraítear in Airteagal 59(4), pointe (b).