(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Le Rialachán Cur Chun Feidhme (AE) Uimh. 544/2013 ón gCoimisiún (2) údaraíodh ullmhóid de Bifidobacterium animalis ssp. animalis DSM 16284, Ligilactobacillus salivarius DSM 16351 (a sainaithníodh go tacsanomaíoch roimhe seo mar Lactobacillus salivarius ssp. salivarius DSM 16351) agus Enterococcus faecium DSM 21913 ar feadh 10 mbliana mar bhreiseán beathaithe lena húsáid i mbeatha le haghaidh sicíní lena ramhrú agus, le Rialachán Cur Chun Feidhme (AE) 2015/1105 ón gCoimisiún (3) údaraíodh í lena húsáid i mbeatha agus in uisce óil le haghaidh sicíní a thógtar le bheith ina mbéaróga agus mionspeicis éanlaithe clóis, seachas béaróga, mar aon lena húsáid in uisce óil le haghaidh sicíní lena ramhrú.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 a athnuachan mar bhreiseán beathaithe le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis, seachas béaróga, iarratas inar iarradh go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. I gcomhréir le hAirteagal 7 de Rialachán (CE) Uimh. 1831/2003, bhain an t-iarratas sin freisin le húdarú úsáidí nua na hullmhóide céanna mar bhreiseán beathaithe lena húsáid i mbeatha agus in uisce óil le haghaidh sicíní a thógtar le haghaidh pórúcháin, turcaithe lena ramhrú agus turcaithe a thógtar le haghaidh pórúcháin. Bhí na sonraí agus na doiciméid a cheanglaítear faoi Airteagal 14(2) agus Airteagal 7(3) den Rialachán sin ag gabháil leis an iarratas.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 15 Samhain 2023 (4) maidir leis an ullmhóid Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 go bhfuil sé sábháilte do na spriocspeicis, do na tomhaltóirí agus don chomhshaol faoi na coinníollacha úsáide atá údaraithe agus mheas an tÚdarás go raibh feidhm ag an gconclúid sin maidir leis na spriocspeicis a ndearnadh iarraidh ar úsáidí nua ina leith. Tháinig sé ar an gconclúid freisin nach greannaitheoir craicinn ná súl atá san ullmhóid sin ach gur cheart a mheas gur íogróir riospráide atá inti. Chuir an tÚdarás in iúl nár ghá measúnú a dhéanamh ar éifeachtúlacht na hullmhóide de Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 i gcomhthéacs athnuachan an údaraithe le haghaidh sicíní lena ramhrú, le haghaidh sicíní a thógtar le bheith ina mbéaróga agus mionspeicis éanlaithe clóis, seachas béaróga. Thairis sin, tháinig sé ar an gconclúid gur measadh go raibh an ullmhóid sin éifeachtúil i mbeatha agus in uisce óil le haghaidh gach speicis éanlaithe clóis atá ag fás, lena n-áirítear a mhéid a bhaineann le comhoiriúnacht úsáid coicideastat a bhfuil údarú ann ina leith. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

Dá bhrí sin, i gcomhréir le hAirteagal 5(4), pointe (c), de Rialachán (CE) Uimh. 378/2005 ón gCoimisiún (5), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann ullmhóid Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 na coinníollacha, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú na hullmhóide sin a athnuachan lena húsáid i mbeatha agus in uisce óil le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis lena ramhrú agus a thógtar le bheith ina mbéaróga nó le haghaidh pórúcháin, agus ba cheart úsáid na hullmhóide sin a údarú lena húsáid i mbeatha agus in uisce óil le haghaidh sicíní a thógtar le haghaidh pórúcháin, turcaithe lena ramhrú agus turcaithe a thógtar le haghaidh pórúcháin. Is iomchuí a léiriú comhoiriúnacht úsáid na hullmhóide sin leis na coicideastait amóiniam madúraimícine, déchlasairil, hidreaclóiríd róibeinidín, dé-coicíonáit, naraisin, niocarbaisin, meascán de niocarbaisin agus naraisin. Ina theannta sin, ós rud é nach bhféadfar na coicideastait sin a údarú mar bhreiseáin bheathaithe le haghaidh gach speicis ná catagóir a liostaítear san Iarscríbhinn, níor cheart a n-úsáid chomhuaineach leis an ullmhóid Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 a bheith indéanta ach amháin i gcomhréir lena gcoinníollacha féin maidir le húdarú mar bhreiseáin bheathaithe. Faoi dheireadh, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Mar thoradh ar údarú ullmhóide de Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 a athnuachan mar bhreiseán beathaithe lena húsáid i mbeatha agus in uisce óil le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis a thógtar le bheith ina mbéaróga nó le haghaidh pórúcháin, ba cheart Rialacháin Cur Chun Feidhme (AE) Uimh. 544/2013 agus (AE) 2015/1105 a aisghairm.

(8)

Ós rud é nach gceanglaítear, ar chúiseanna sábháilteachta, na modhnuithe ar na coinníollacha údaraithe a chur i bhfeidhm láithreach maidir le hullmhóid Bifidobacterium animalis ssp. animalis DSM 16284, Ligilactobacillus salivarius DSM 16351 agus Enterococcus faecium DSM 21913 lena húsáid i mbeatha agus in uisce óil le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis lena ramhrú agus a thógtar le bheith ina mbéaróga nó le haghaidh pórúcháin, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as an údarú a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,