(1)

Le hAirteagal 33(1) de Rialachán (AE) Uimh. 952/2013, ceanglaítear ar údaráis chustaim, faoi réir coinníollacha áirithe, cinntí a dhéanamh maidir le faisnéis taraife cheangailteach (‘cinntí BTI’) agus cinntí a bhaineann le faisnéis cheangailteach i leith tionscnaimh (‘cinntí BOI’).

(2)

Le hAirteagal 35 de Rialachán (AE) Uimh. 952/2013, i gcásanna sonracha, ceanglaítear ar na húdaráis chustaim cinntí a dhéanamh, ar cinntí iad a bhaineann le faisnéis cheangailteach maidir le tosca eile dá dtagraítear i dTeideal II den Rialachán sin. Ceann de na tosca eile sin nach bhfuil faoi réir cinntí a bhaineann le faisnéis cheangailteach go fóill is ea luach earraí chun críocha custaim, dá dtagraítear i dTeideal II, Caibidil 3, de Rialachán (AE) Uimh. 952/2013.

(3)

Cinntí a bhaineann le faisnéis luachála cheangailteach (‘cinntí BVI’), ba cheart iad a thabhairt isteach sa reachtaíocht custaim chun trédhearcacht, deimhneacht dhlíthiúil, comhlíonadh agus aonfhoirmeacht na luachála custaim a mhéadú, chun tairbhe oibreoirí eacnamaíocha, údarás custaim agus leasanna airgeadais an Aontais.

(4)

Chun comhsheasmhacht a áirithiú i measc cineálacha éagsúla faisnéise ceangailtí, a mhéid is féidir, ba cheart na forálacha a bhaineann le cinntí BVI a ailíniú le forálacha Rialachán (AE) Uimh. 952/2013 agus Rialachán Tarmligthe (AE) 2015/2446 ón gCoimisiún (2) a bhaineann le cinntí BTI agus cinntí BOI.

(5)

Ba cheart Airteagal 10 de Rialachán Tarmligthe (AE) 2015/2446 a leasú chun cinntí BVI a chur faoi réir na heisceachta céanna leis an gceart chun éisteacht a fháil leis na cinn is infheidhme maidir le cinntí BTI agus BOI faoi Airteagal 22(6) de Rialachán (AE) Uimh. 952/2013.

(6)

Ba cheart Airteagal 18a nua a thabhairt isteach i Rialachán Tarmligthe (AE) 2015/2446, chun luacháil custaim a shainaithint mar chás le haghaidh cinntí a bhaineann le faisnéis cheangailteach, chun raon feidhme ábhartha cinntí den sórt sin a shainiú, chun na cásanna nach nglacfar le hiarratas ar chinneadh BVI a shonrú, agus chun a ngné cheangailteach a shuí i ndáil leis na húdaráis chustaim agus le sealbhóir an chinnidh araon, chomh maith lena dtréimhse bhailíochta, trí fhorálacha atá comhchosúil leis na forálacha is infheidhme maidir le cinntí BTI agus BOI, de bhun Airteagal 33 de Rialachán (AE) Uimh. 952/2013.

(7)

Ceanglaítear le hAirteagal 6(1) de Rialachán (AE) Uimh. 952/2013 go ndéanfar gach malartú faisnéise, amhail dearbhuithe, iarratais nó cinntí, idir údaráis chustaim na mBallstát agus idir oibreoirí eacnamaíocha agus údaráis chustaim na mBallstát, agus stóráil na faisnéise sin, de réir mar a cheanglaítear faoin reachtaíocht chustaim, trí theicnící leictreonacha próiseála sonraí a úsáid. Ba cheart Airteagal 19(3) agus Airteagal 21 de Rialachán Tarmligthe (AE) 2015/2446 a scriosadh dá réir sin toisc go bhfuil sé beartaithe iarratais BOI agus cinntí BOI a áireamh sa chóras leictreonach dá dtagraítear in Airteagal 21 de Rialachán Cur Chun Feidhme (AE) 2015/2447 ón gCoimisiún (3) arna leasú.

(8)

Maidir le hAirteagal 20 de Rialachán Tarmligthe (AE) 2015/2446, ina ndéantar foráil maidir le teorainneacha ama breisithe chun cinntí BTI agus cinntí BOI a dhéanamh i gcás ina gcuirtear glacadh na gcinntí sin ar fionraí toisc nach n-áirithítear an t-aicmiú taraife ceart agus aonfhoirmeach nó an cinneadh tionscnaimh ceart agus aonfhoirmeach, ba cheart é a leathnú chuig cinntí BVI a ghlacadh i gcás ina gcuirtear glacadh na gcinntí sin ar fionraí toisc nach n-áirithítear cinneadh ceart aonfhoirmeach maidir leis an luach custaim.

(9)

Ba cheart Airteagal 20a nua a thabhairt isteach i Rialachán Tarmligthe (AE) 2015/2446 chun cinntí BVI a chur faoi réir forálacha maidir le bainistiú cinntí den sórt sin atá comhchosúil leis na forálacha dá bhforáiltear in Airteagal 34 de Rialachán (AE) Uimh. 952/2013 le haghaidh cinntí BTI agus BOI.

(10)

D’fhonn cur i bhfeidhm comhleanúnach na gcinntí BVI a áirithiú, lena n-áirítear an méid a bhaineann lena mbainistiú trí chóras leictreonach, ba cheart feidhm a bheith ag an Rialachán seo ón dáta céanna faoina n-imscarfar an córas leictreonach dá dtagraítear in Airteagal 21 de Rialachán Cur Chun Feidhme (AE) 2015/2447.

(11)

Maidir le forálacha an Rialacháin seo a bhaineann le deireadh a chur leis an eisceacht maidir le teicnící próiseála sonraí leictreonacha a úsáid chun faisnéis a mhalartú agus a stóráil maidir le hiarratais ar chinntí BOI agus maidir le cinntí BOI faoi seach, ba cheart feidhm a bheith acu ó dháta imscartha an chórais leictreonaigh dá dtagraítear in Airteagal 21 de Rialachán Cur Chun Feidhme (AE) 2015/2447, chun críocha na gcinntí sin.

(12)

Dá bhrí sin, ba cheart Rialachán Tarmligthe (AE) 2015/2446 a leasú dá réir sin,

(1)

cuirtear pointe (e) isteach in Airteagal 10 mar a leanas:

(2)

i dTeideal I, Caibidil 2, Rannóg 2, Fo-rannóg 3, cuirtear an tAirteagal 18a seo a leanas isteach:

(3)

Scriostar Airteagal 19(3);

(4)

in Airteagal 20(1), cuirtear an méid seo a leanas in ionad na chéad mhíre:

‘I gcás ina dtabharfaidh an Coimisiún fógra do na húdaráis chustaim go bhfuil glacadh cinnidh a bhaineann le faisnéis cheangailteach curtha ar fionraí i gcomhréir le hAirteagal 34(10), pointe (a), den Chód, le haghaidh chinntí BTI agus BOI, nó i gcomhréir le hAirteagal 20a(7), pointe (a), le haghaidh chinneadh BVI, déanfar síneadh breise a chur leis an teorainn ama le haghaidh glacadh an chinnidh dá dtagraítear in Airteagal 22(3), an chéad fhomhír, den Chód, go dtí go gcuirfidh an Coimisiún in iúl do na húdaráis chustaim go n-áirithítear an t-aicmiú taraife ceart aonfhoirmeach, cinneadh tionscnaimh nó cinneadh an luacha custaim.’;

(5)

cuirtear an tAirteagal 20 a seo a leanas isteach:

(6).

Scriostar Airteagal 21.