(1)

I gcomhréir le hAirteagal 88(6), an dara fomhír, de Rialachán (AE) 2021/2115, chinn an Fhrainc ina Plean Straitéiseach CBT suas le 5 % dá leithdháiltí le haghaidh íocaíochtaí díreacha le haghaidh cineálacha idirghabhálacha in earnálacha eile dá dtagraítear i dTeideal III, Caibidil III, Roinn 7, de Rialachán (AE) 2021/2115 le haghaidh na mblianta féilire 2024 go 2027. Bainfear, dá bhrí sin, na méideanna comhfhreagracha ó leithdháiltí na Fraince le haghaidh íocaíochtaí díreacha.

(2)

Léiríodh le Rialachán Tarmligthe (AE) 2023/813 (2) ón gCoimisiún na hathruithe ar leithdháiltí na mBallstát le haghaidh íocaíochtaí díreacha tar éis Phleananna Straitéiseacha CBT a fhormheas, ach níor áiríodh ann na hathruithe a chinn an Fhrainc le haghaidh an chineáil sin aistrithe. Chun cinneadh an Bhallstáit sin a léiriú, is gá, dá bhrí sin, leithdháiltí na Fraince a oiriúnú le haghaidh íocaíochtaí díreacha a leagtar amach in Iarscríbhinní V agus IX a ghabhann le Rialachán (AE) 2021/2115.

(3)

Ba cheart, dá bhrí sin, Iarscríbhinní V agus IX a ghabhann le Rialachán (AE) 2021/2115 a leasú dá réir.

(4)

Ós rud é go mbaineann aistriú na leithdháiltí a chinn an Fhrainc le cur chun feidhme na n-idirghabhálacha sna blianta féilire 2024 go 2027, tiocfaidh sé i bhfeidhm ón 1 Eanáir 2024. Chun an modhnú sin a léiriú go leordhóthanach freisin i Rialachán (AE) 2021/2115 agus ós rud é go ndéanann na leasuithe a dhéantar ar an Rialachán sin difear do chur i bhfeidhm Rialachán (AE) 2021/2115 ón mbliain 2024, go háirithe a mhéid a bhaineann le cineálacha idirghabhála i bhfoirm íocaíochtaí, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh agus ba cheart feidhm chúlghabhálach a bheith aige ón 1 Eanáir 2024.