EUR-Lex Access to European Union law
This document is an excerpt from the EUR-Lex website
Document 32024R0860
Commission Implementing Regulation (EU) 2024/860 of 18 March 2024 amending Regulation (EU) No 37/2010 as regards the substance 17β-oestradiol
Rialachán Cur Chun Feidhme (AE) 2024/860 ón gCoimisiún an 18 Márta 2024 lena leasaítear Rialachán (AE) Uimh. 37/2010 a mhéid a bhaineann leis an tsubstaint éastraidé-ól 17β
Rialachán Cur Chun Feidhme (AE) 2024/860 ón gCoimisiún an 18 Márta 2024 lena leasaítear Rialachán (AE) Uimh. 37/2010 a mhéid a bhaineann leis an tsubstaint éastraidé-ól 17β
C/2024/1671
IO L, 2024/860, 19.3.2024, ELI: http://data.europa.eu/eli/reg_impl/2024/860/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2024/860 |
19.3.2024 |
RIALACHÁN CUR CHUN FEIDHME (AE) 2024/860 ÓN gCOIMISIÚN
an 18 Márta 2024
lena leasaítear Rialachán (AE) Uimh. 37/2010 a mhéid a bhaineann leis an tsubstaint éastraidé-ól 17β
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 470/2009 ó Pharlaimint na hEorpa agus ón gComhairle an 6 Bealtaine 2009 lena leagtar síos nósanna imeachta Comhphobail chun teorainneacha na n-iarmhar a bhunú do shubstaintí atá gníomhach ó thaobh na cógaseolaíochta de i mbia-ábhair de thionscnamh ainmhíoch, agus lena n-aisghairtear Rialachán (CEE) Uimh. 2377/90 ón gComhairle agus lena leasaítear Treoir 2001/82/CE ó Pharlaimint na hEorpa agus ón gComhairle agus Rialachán (CE) Uimh. 726/2004 ó Pharlaimint na hEorpa agus ón gComhairle (1), agus go háirithe Airteagal 14 de,
De bharr an mhéid seo a leanas:
(1) |
I Rialachán (AE) Uimh. 37/2010 ón gCoimisiún (2), leagtar amach na substaintí atá gníomhach ó thaobh na cógaseolaíochta de agus a n-aicmiú maidir le huasteorainneacha iarmhar i mbia-ábhair de thionscnamh ainmhíoch. Corpraíodh na substaintí atá gníomhach ó thaobh na cógaseolaíochta de sna ceithre Iarscríbhinn a ghabhann le Rialachán (CEE) Uimh. 2377/90 ón gComhairle (3), Rialachán a aisghaireadh agus ar cuireadh Rialachán (CE) Uimh. 470/2009 ina ionad. |
(2) |
Tráth a glacadh Rialachán (AE) Uimh. 37/2010, áiríodh an tsubstaint éastraidé-ól 17β i dTábla 1 (‘substaintí ceadaithe’) den Iarscríbhinn a ghabhann le Rialachán (AE) Uimh. 37/2010, ar substaint í a áiríodh in Iarscríbhinn II (‘liosta de na substaintí nach bhfuil faoi réir uasteorainneacha iarmhar’) a ghabhann le Rialachán (CEE) Uimh. 2377/90. |
(3) |
Foráiltear le hAirteagal 1(3) de Rialachán (CE) Uimh. 470/2009 go mbeidh feidhm ag Rialachán (CE) Uimh. 470/2009 gan dochar do reachtaíocht Chomhphobail lena dtoirmeasctar substaintí áirithe a ngabhann gníomhaíocht hormónach nó thíreastatach leo agus béite-agónaithe a úsáid i mbia-ainmhithe, dá bhforáiltear le Treoir 96/22/CE ón gComhairle (4). |
(4) |
Le Treoir 96/22/CE toirmeasctar éastraidé-ól 17β a thabhairt d’ainmhithe feirme. |
(5) |
Dá bhrí sin, is iomchuí an tsubstaint éastraidé-ól 17β a bhaint de Thábla 1 de Rialachán (AE) Uimh. 37/2010. |
(6) |
Ba cheart, dá bhrí sin, Rialachán (AE) Uimh. 37/2010 a leasú dá réir. |
(7) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Íocshláinte Tréidliachta, |
TAR ÉIS AN RIALACHÁN SEO A GHLACADH:
Airteagal 1
Leasaítear an Iarscríbhinn a ghabhann le Rialachán (AE) Uimh. 37/2010 mar a leagtar amach san Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 18 Márta 2024.
Thar ceann an Choimisiúin
An tUachtarán
Ursula VON DER LEYEN
(1) IO L 152, 16.6.2009, lch. 11, ELI: http://data.europa.eu/eli/reg/2009/470/oj.
(2) Rialachán (AE) Uimh. 37/2010 ón gCoimisiún an 22 Nollaig 2009 maidir le substaintí atá gníomhach ó thaobh na cógaseolaíochta de agus a n-aicmiú i ndáil le huasteorainneacha iarmhar i mbia-ábhair de thionscnamh ainmhíoch (IO L 15, 20.1.2010, lch. 1, ELI: http://data.europa.eu/eli/reg/2010/37(1)/oj).
(3) Rialachán (CEE) Uimh. 2377/90 ón gComhairle an 26 Meitheamh 1990 lena leagtar síos nós imeachta Comhphobail maidir le huasteorainneacha iarmhair do tháirgí íocshláinte tréidliachta in earraí bia de thionscnamh ainmhíoch a bhunú (IO L 224, 18.8.1990, lch. 1, ELI: http://data.europa.eu/eli/reg/1990/2377/oj).
(4) Treoir 96/22/CE ón gComhairle an 29 Aibreán 1996 maidir le toirmeasc ar shubstaintí áirithe a ngabhann gníomhaíocht hormónach nó thíreastatach leo, agus ar bhéite-agónaithe, a úsáid i bhfeirmeoireacht stoic agus lena n-aisghairtear Treoracha 81/602/CEE, 88/146/CEE agus 88/299/CEE, (IO L 125, 23.5.1996, lch. 3, ELI: http://data.europa.eu/eli/dir/1996/22/2008-12-18).
IARSCRÍBHINN
I dTábla 1 den Iarscríbhinn a ghabhann le Rialachán (AE) Uimh. 37/2010, scriostar an iontráil maidir le ‘éastraidé-ól 17β’.
ELI: http://data.europa.eu/eli/reg_impl/2024/860/oj
ISSN 1977-0839 (electronic edition)