(1)

I dTábla 1 den Iarscríbhinn a ghabhann le Rialachán (AE) Uimh. 37/2010 ón gCoimisiún (2) leagtar amach na substaintí atá gníomhach ó thaobh na cógaseolaíochta de agus a n-aicmiú i ndáil le huasteorainneacha iarmhar (‘MRLanna’) i mbia-ábhair de thionscnamh ainmhíoch.

(2)

Áirítear an tsubstaint salaicioláit sóidiam sa tábla sin mar shubstaint cheadaithe.

(3)

An 30 Meán Fómhair 2022, de bhun Airteagal 3 de Rialachán (CE) Uimh. 470/2009, chuir Dopharma B.V. iarratas faoi bhráid na Gníomhaireachta Leigheasra Eorpaí (‘Gníomhaireacht’) chun an iontráil atá ann cheana maidir leis an tsubstaint salaicioláit sóidiam a leathnú chun sicín a chumhdach.

(4)

An 5 Deireadh Fómhair 2023, ar bhonn na tuairime ón gCoiste um Tháirgí Íocshláinte d’Úsáid Tréidliachta, coiste a cuireadh ar bun de bhun Airteagal 139 de Rialachán (AE) 2019/6 ó Pharlaimint na hEorpa agus ón gComhairle (3), agus tar éis di breithniú a dhéanamh ar an iarratas ó Dopharma B.V., mhol an Ghníomhaireacht na huasteorainneacha iarmhar le haghaidh na substainte salaicioláit sóidiam i sicín a leathnú agus MRLanna uimhriúla a bhunú.

(5)

Tháinig an Ghníomhaireacht ar an gconclúid freisin gurb iomchuí na MRLanna le haghaidh salaicioláit sóidiam i sicín a eachtarshuí ó fhíocháin sicín go fíocháin speiceas eile éanlaithe clóis seachas turcaí.

(6)

I bhfianaise na tuairime ón nGníomhaireacht, measann an Coimisiún gurb iomchuí an MRL molta a bhunú le haghaidh salaicioláit sóidiam i bhfíocháin sicín agus é a eachtarshuí go speicis eile éanlaithe clóis seachas turcaí, ach gan dul thar ainmhithe nach dtáirgeann uibheacha lena gcaitheamh ag an duine ós rud é nár soláthraíodh aon sonraí iarmhar le haghaidh uibheacha.

(7)

Dá bhrí sin, ba cheart Rialachán (AE) Uimh. 37/2010 a leasú dá réir.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Íocshláinte Tréidliachta,