(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan.

(2)

Le Rialachán Cur Chun Feidhme (AE) 2015/1043 ón gCoimisiún údaraíodh ullmhóid ion–1,4-béite-xiolanáise arna táirgeadh ag Trichoderma citrinoviride DSM 34663 (a sainaithníodh go tacsanomaíoch roimhe seo mar Trichoderma citrinoviride Bisset (IM SD135)) ar feadh tréimhse 10 mbliana mar bhreiseán beathaithe le haghaidh sicíní lena ramhrú, turcaithe lena ramhrú, béaróg, mionspeicis éanlaithe clóis lena ramhrú agus le bheith ina mbéaróga, bainbh scoite agus muca lena ramhrú, le Rialachán Cur Chun Feidhme (AE) 2017/1906 ón gCoimisiún (2) údaraíodh í le haghaidh sicíní a thógtar le bheith ina mbéaróga agus mionspeicis éanlaithe clóis a thógtar le bheith ina mbéaróga (3) agus le Rialachán Cur Chun Feidhme (AE) 2018/327 ón gCoimisiún údaraíodh í le haghaidh carbán (4).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide ion–1,4-béite-xiolanáise arna táirgeadh ag Trichoderma citrinoviride DSM 34663 a athnuachan mar bhreiseán beathaithe le haghaidh sicíní lena ramhrú, turcaithe lena ramhrú, béaróg, mionspeicis éanlaithe clóis lena ramhrú agus le bheith ina mbéaróga, bainbh scoite, muca lena ramhrú, sicíní a thógtar le bheith ina mbéaróga, agus carbán, iarratas inar iarradh go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. I gcomhréir le hAirteagal 7 de Rialachán (CE) Uimh. 1831/2003, bhain an t-iarratas sin freisin le húsáidí nua na hullmhóide céanna mar bhreiseán beathaithe a údarú le haghaidh cearca goir, turcaithe a thógtar le haghaidh pórúcháin, turcaithe le haghaidh pórúcháin, éin ornáideacha, bainbh diúil, mionspeicis mhucúla lena ramhrú, mionspeicis éanlaithe clóis a thógtar le haghaidh pórúcháin agus mionspeiceas éanlaithe clóis le haghaidh pórúcháin. Bhí na sonraí agus na doiciméid a cheanglaítear faoi Airteagail 14(2) agus 7(3) de Rialachán (CE) Uimh. 1831/2003 ag gabháil leis an iarratas sin.

(4)

Chuir an tÚdarás Eorpach um Shábháilteacht Bia (‘an tÚdarás’) in iúl sa tuairim uaidh an 5 Iúil 2023 (5), nach bhfuil fianaise bhreise ann a thabharfadh air athbhreithniú a dhéanamh ar a chonclúidí roimhe sin maidir leis an ullmhóid ion–1,4-béite-xiolanáise arna táirgeadh ag Trichoderma citrinoviride DSM 34663 go bhfuil sí sábháilte do na spriocspeiceas, lena n-áirítear na speicis dá bhfuil sí údaraithe faoi láthair, is é sin gach speiceas éanlaithe clóis lena ramhrú, le bheith ina bhéaróg agus a thógtar le bheith ina bhéaróg, bainbh scoite, muca lena ramhrú agus carbáin, na dtomhaltóirí agus an chomhshaoil faoi na coinníollacha úsáide a údaraítear faoi láthair. Tháinig an tÚdarás ar an gconclúid freisin go bhfuil an breiseán sábháilte do gach speiceas éanlaithe clóis le haghaidh pórúcháin, turcaithe a thógtar le haghaidh pórúcháin, mionspeicis éanlaithe clóis a thógtar le haghaidh pórúcháin, éin ornáideacha, bainbh diúil agus mionspeicis mhucúla lena ramhrú, agus do na tomhaltóirí agus don chomhshaol faoi na coinníollacha úsáide atá údaraithe faoi láthair. Thairis sin, luaigh an tÚdarás nach meastar an ullmhóid a bheith creimneach don chraiceann ná ina greannaitheoir súl. Luaigh sé gur greannaitheoir súl í an ullmhóid agus go meastar gur íogróir riospráide í, cé nach bhféadfaí teacht ar aon chonclúid maidir leis an ngreannú craicinn a d’fhéadfadh an breiseán a dhéanamh. Mheas an tÚdarás nach gá measúnú a dhéanamh ar éifeachtúlacht an bhreiseáin i gcomhthéacs athnuachan an údaraithe, ós rud é nach n-áirítear san iarratas aon togra maidir le coinníollacha úsáidte a leasú nó a fhorlíonadh i leith na speiceas/catagóirí a bhfuil údarás ann ina leith. Maidir leis na conclúidí ar ar thángthas i ndáil leis na speicis sin, mheas sé gur féidir na conclúidí sin a leathnú chun speicis eile a chumhdach agus dá bhrí sin, tháinig sé ar an gconclúid go bhféadfadh an breiseán a bheith éifeachtúil i mionspeicis éanlaithe clóis a thógtar le haghaidh pórúcháin, gach speicis éanlaithe clóis le haghaidh pórúcháin, éin ornáideacha, turcaithe a thógtar le haghaidh pórúcháin, bainbh diúil agus mionspeicis mhucúla lena ramhrú. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar ar thángthas le linn an mheasúnaithe a rinneadh i ndáil leis an modh a úsáideadh chun anailís a dhéanamh ar ion–1,4-béite-xiolanáis arna táirgeadh ag Trichoderma citrinoviride DSM 34663 mar bhreiseán beathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointí (a) agus (c) de Rialachán (CE) Uimh. 378/2005 (6) ón gCoimisiún, níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid ion–1,4-béite-xiolanáise arna táirgeadh ag Trichoderma citrinoviride DSM 34663 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan le haghaidh sicíní lena ramhrú, turcaithe lena ramhrú, béaróg, mionspeicis éanlaithe clóis lena ramhrú agus le bheith ina mbéaróga, bainbh scoite, muca lena ramhrú, sicíní a thógtar le bheith ina mbéaróga, mionspeicis éanlaithe clóis a thógtar le bheith ina mbéaróga, agus carbán, agus ba cheart úsáid na hullmhóide sin a údarú le haghaidh cearca goir, turcaithe a thógtar le haghaidh pórúcháin, turcaithe le haghaidh pórúcháin, éin ornáideacha, bainbh diúil, mionspeicis mhucúla lena ramhrú, mionspeicis éanlaithe clóis a thógtar le haghaidh pórúcháin agus mionspeiceas éanlaithe clóis le haghaidh pórúcháin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar údarú na hullmhóide ion–1,4-béite-xiolanáise arna táirgeadh ag Trichoderma citrinoviride DSM 34663 mar bhreiseán beathaithe a athnuachan le haghaidh sicíní lena ramhrú, turcaithe lena ramhrú, béaróg, mionspeicis éanlaithe clóis lena ramhrú agus le bheith ina mbéaróga, bainbh scoite, muca lena ramhrú, sicíní a thógtar le bheith ina mbéaróga, mionspeicis éanlaithe clóis a thógtar le bheith ina mbéaróga, agus carbán, ba cheart Rialacháin Cur Chun Feidhme (AE) 2015/1043, (AE) 2017/1906 agus (AE) 2018/327 a aisghairm.

(8)

Ós rud é nach gá na modhnuithe ar na coinníollacha údaraithe maidir leis an ullmhóid ion–1,4-béite-xiolanáise arna táirgeadh ag Trichoderma citrinoviride DSM 34663 le haghaidh sicíní lena ramhrú, turcaithe lena ramhrú, béaróg, mionspeicis éanlaithe clóis lena ramhrú agus le bheith ina mbéaróga, bainbh scoite, muca lena ramhrú, sicíní a thógtar le bheith ina mbéaróga, mionspeicis éanlaithe clóis a thógtar le bheith ina mbéaróga, agus carbán, a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,