1.   Táirge TFC a chuirtear isteach lena dheimhniú, déanfar meastóireacht air i gcomhréir leis na nithe seo a leanas ar a laghad:

2.   I gcásanna eisceachtúla agus i gcásanna a bhfuil údar cuí leo, féadfaidh comhlacht um measúnú comhréireachta a iarraidh go staonfaí ón doiciméad úrscothach ábhartha a chur i bhfeidhm. I gcásanna den sórt sin, cuirfidh an comhlacht um measúnú comhréireachta údar cuí-réasúnaithe lena iarraidh in iúl don údarás náisiúnta um dheimhniú cibearshlándála. Déanfaidh an t-údarás náisiúnta um dheimhniú cibearshlándála measúnú ar an údar atá le heisceacht agus, i gcás ina bhfuil údar cuí leis, formheasfaidh sé é. Go dtí go ndéanfaidh an t-údarás náisiúnta um dheimhniú cibearshlándála cinneadh, ní eiseoidh an comhlacht um measúnú comhréireachta aon deimhniú. Tabharfaidh an t-údarás náisiúnta um dheimhniú cibearshlándála fógra faoin eisceacht fhormheasta, gan moill mhíchuí, don Ghrúpa Eorpach um Dheimhniú Cibearshlándála, a fhéadfaidh tuairim a eisiúint. Tabharfaidh an t-údarás náisiúnta um dheimhniú cibearshlándála lánaird ar an tuairim ón nGrúpa Eorpach um Dheimhniú Cibearshlándála.

3.   Beidh deimhniú táirgí TFC ar leibhéal AVA_VAN 4 nó 5 indéanta sna cásanna seo a leanas amháin:

4.   I gcás ina measann comhlacht um measúnú comhréireachta go bhfuil cás eisceachtúil agus cuí-réasúnaithe dá dtagraítear i bpointe (c) de mhír 3 ann, tabharfaidh sé fógra faoin deimhniú atá beartaithe don údarás náisiúnta um dheimhniú cibearshlándála mar aon le réasúnú agus modheolaíocht mheastóireachta atá beartaithe. Déanfaidh an t-údarás náisiúnta um dheimhniú cibearshlándála measúnú ar an réasúnú atá le heisceacht agus, i gcás ina bhfuil údar cuí leis, formheasfaidh sé nó leasóidh sé an mhodheolaíocht mheastóireachta atá le cur i bhfeidhm ag an gcomhlacht um measúnú comhréireachta Go dtí go ndéanfaidh an t-údarás náisiúnta um dheimhniú cibearshlándála cinneadh, ní eiseoidh an comhlacht um measúnú comhréireachta aon deimhniú. Tuairisceoidh an t-údarás náisiúnta um dheimhniú cibearshlándála, gan moill mhíchuí, an deimhniú atá beartaithe don Ghrúpa Eorpach um Dheimhniú Cibearshlándála, a fhéadfaidh tuairim a eisiúint. Tabharfaidh an t-údarás náisiúnta um dheimhniú cibearshlándála lánaird ar an tuairim ón nGrúpa Eorpach um Dheimhniú Cibearshlándála.

5.   I gcás táirge TFC a bhfuil meastóireacht táirge ilchodaigh á déanamh air i gcomhréir leis na doiciméid úrscothacha ábhartha, déanfaidh an ITSEF a rinne an mheastóireacht ar an táirge TFC foluiteach an fhaisnéis ábhartha a chomhroinnt leis an ITSEF ag a bhfuil an mheastóireacht ar an táirge ilchodach TFC á déanamh.

1.   Déanfaidh iarratasóir ar dheimhniú faoi SEDC an fhaisnéis uile is gá le haghaidh na ngníomhaíochtaí deimhniúcháin a sholáthar nó a chur ar fáil ina mhalairt de chás don chomhlacht deimhniúcháin agus do ITSEF.

2.   Beidh san fhaisnéis dá dtagraítear i mír 1 an fhianaise ábhartha uile i gcomhréir leis na ranna faoi ‘Eilimintí na gníomhaíochta ón bhforbróir’ san fhormáid iomchuí mar a leagtar amach sna ranna faoi ‘Inneachar agus cur i láthair eilimint na fianaise’ de na Critéir Choiteanna agus den Mhodheolaíocht Mheastóireachta Choiteann i gcás an leibhéil dearbhúcháin roghnaithe agus na gceanglas dearbhúcháin slándála bainteach. Beidh san fhianaise, i gcás inar gá, mionsonraí faoin táirge TFC agus faoina chód foinse i gcomhréir leis an Rialachán seo, faoi réir coimircí in aghaidh nochtadh neamhúdaraithe.

3.   Féadfaidh iarratasóirí ar dheimhniú torthaí meastóireachta iomchuí ó dheimhniú roimhe seo a sholáthar don chomhlacht deimhniúcháin agus do ITSEF de bhun na nithe seo a leanas:

4.   I gcás ina mbaineann torthaí na meastóireachta lena chúraimí, féadfaidh ITSEF torthaí na meastóireachta a úsáid ar choinníoll go mbeidh na torthaí sin i gcomhréir leis na ceanglais is infheidhme agus go ndeimhneofar a mbarántúlacht.

5.   I gcás ina dtugann an comhlacht deimhniúcháin cead go ndéanfar deimhniú táirge ilchodaigh ar an táirge, i gcás inarb infheidhme, i gcomhréir leis an doiciméad úrscothach, cuirfidh an t-iarratasóir ar dheimhniú na heilimintí uile is gá ar fáil don chomhlacht deimhniúcháin agus do ITSEF.

6.   Soláthróidh iarratasóirí ar dheimhniú an fhaisnéis seo a leanas don chomhlacht deimhniúcháin agus do ITSEF freisin:

7.   An doiciméadacht ábhartha uile dá dtagraítear san Airteagal seo, coinneoidh an comhlacht deimhniúcháin, ITSEF agus an t-iarratasóir í ar feadh tréimhse 5 bliana tar éis dhul in éag an deimhnithe.

1.   Eiseoidh na comhlachtaí deimhniúcháin deimhniú SEDC i gcás ina gcomhlíonfar na coinníollacha seo a leanas uile:

2.   Tabharfaidh an t-iarratasóir ar dheimhniú na gealltanais seo a leanas:

3.   I gcás táirge TFC a bhfuil deimhniú táirge ilchodaigh á dhéanamh air i gcomhréir leis na doiciméid úrscothacha ábhartha, déanfaidh an comhlacht deimhniúcháin a rinne an deimhniú ar an táirge TFC foluiteach an fhaisnéis ábhartha a chomhroinnt leis an gcomhlacht deimhniúcháin ag a bhfuil an deimhniú ar an táirge ilchodach TFC á dhéanamh.

1.   Beidh i ndeimhniú SEDC ar a laghad an fhaisnéis a leagtar amach in Iarscríbhinn VII.

2.   Sonrófar gan athbhrí sa deimhniú SEDC nó sa tuarascáil deimhniúcháin raon feidhme agus teorainneacha an táirge TFC deimhnithe, lena dtabharfar le fios an bhfuil an táirge TFC iomlán deimhnithe nó codanna de.

3.   Soláthróidh an comhlacht deimhniúcháin an deimhniú SEDC don iarratasóir i bhfoirm leictreonach ar a laghad.

4.   Cuirfidh an comhlacht deimhniúcháin tuarascáil deimhniúcháin ar fáil i gcomhréir le hIarscríbhinn V i gcás gach deimhnithe SEDC dá n-eisíonn sé. Beidh an tuarascáil deimhniúcháin bunaithe ar an tuarascáil theicniúil mheastóireachta a eiseoidh ITSEF. Leis an tuarascáil theicniúil mheastóireachta agus leis an tuarascáil deimhniúcháin tabharfar le fios na critéir agus na modhanna meastóireachta sonracha dá dtagraítear in Airteagal 7 agus a úsáidtear le haghaidh na meastóireachta.

5.   Soláthróidh an comhlacht deimhniúcháin gach deimhniú SEDC agus gach tuarascáil deimhniúcháin don údarás náisiúnta um dheimhniú cibearshlándála agus do ENISA i bhfoirm leictreonach.

1.   Féadfaidh sealbhóir deimhnithe marc agus lipéad a ghreamú de tháirge TFC deimhnithe. Léiríonn marc agus lipéad go bhfuil an táirge TFC deimhnithe i gcomhréir leis an Rialachán seo. Greamófar an marc agus an lipéad i gcomhréir leis an Airteagal seo agus le hIarscríbhinn IX.

2.   Ní mór an marc agus an lipéad a ghreamú go hinfheicthe, go hinléite agus go doscriosta den táirge TFC deimhnithe nó dá phláta dáta. I gcás nach féidir é sin a dhéanamh nó mura bhfuil gá leis sin mar gheall ar chineál an táirge, greamófar den phacáistíocht é agus de na doiciméid a ghabhann léi. I gcás ina seachadtar an táirge TFC deimhnithe i bhfoirm bogearraí, beidh an marc agus an lipéad le feiceáil go soiléir agus go doscriosta sna doiciméid a ghabhann leis nó beidh rochtain éasca agus dhíreach ag úsáideoirí ar an doiciméadacht sin ar shuíomh gréasáin.

3.   Leagfar an marc agus an lipéad amach mar atá in Iarscríbhinn IX agus beidh an méid seo a leanas iontu:

4.   Ag gabháil leis an marc agus leis an lipéad beidh cód QR in éineacht le nasc chuig suíomh gréasáin ina mbeidh na nithe seo a leanas ar a laghad:

1.   Leagfaidh an comhlacht deimhniúcháin tréimhse bhailíochta síos i gcás gach deimhnithe SEDC dá n-eisítear agus saintréithe an táirge TFC deimhnithe á gcur san áireamh.

2.   Ní mhairfidh tréimhse bhailíochta an deimhnithe SEDC níos faide ná 5 bliana.

3.   De mhaolú ar mhír 2, féadfaidh an tréimhse sin maireachtáil níos faide ná 5 bliana, ach é sin a bheith formheasta ag an údarás náisiúnta um dheimhniú cibearshlándála roimh ré. Tabharfaidh an t-údarás náisiúnta um dheimhniú cibearshlándála fógra faoin bhformheas a deonaíodh don Ghrúpa Eorpach um Dheimhniú Cibearshlándála gan moill mhíchuí.

1.   Arna iarraidh sin do shealbhóir an deimhnithe nó ar chúiseanna eile a bhfuil bonn cirt leo, féadfaidh an comhlacht deimhniúcháin cinneadh a dhéanamh an deimhniú SEDC le haghaidh táirge TFC a athbhreithniú. Déanfar an t-athbhreithniú i gcomhréir le hIarscríbhinn IV. Is é an comhlacht deimhniúcháin a chinnfidh fairsinge an athbhreithnithe. I gcás inar gá le haghaidh an athbhreithnithe, iarrfaidh an comhlacht deimhniúcháin ar ITSEF athmheastóireacht a dhéanamh ar an táirge TFC deimhnithe.

2.   Tar éis thorthaí an athbhreithnithe, agus i gcás inarb infheidhme, tar éis na hathmheastóireachta, déanfaidh an comhlacht deimhniúcháin na nithe seo a leanas:

3.   Féadfaidh an comhlacht deimhniúcháin cinneadh a dhéanamh an deimhniú SEDC a chur ar fionraí, gan moill mhíchuí, i gcomhréir le hAirteagal 30, ar feitheamh beart feabhais ó shealbhóir an deimhnithe SEDC.

1.   Gan dochar d’Airteagal 58(8), pointe (e) de Rialachán (AE) 2019/881, an comhlacht deimhniúcháin a d’eisigh deimhniú SEDC, is é a tharraingeoidh siar an deimhniú sin.

2.   An comhlacht deimhniúcháin dá dtagraítear i mír 1, tabharfaidh sé fógra don údarás náisiúnta um dheimhniú cibearshlándála faoi tharraingt siar an deimhnithe. Tabharfaidh sé fógra do ENISA faoin tarraingt siar sin freisin i bhfianaise fheidhmiú a chúraim faoi Airteagal 50 de Rialachán (AE) 2019/881 a éascú. Tabharfaidh an t-údarás náisiúnta um dheimhniú cibearshlándála fógra d’údaráis ábhartha eile um fhaireachas margaidh.

3.   Féadfaidh sealbhóir deimhnithe SEDC tarraingt siar an deimhnithe a iarraidh.

1.   Déanfar meastóireacht ar phróifíl cosanta, ar a laghad, i gcomhréir leis na nithe seo a leanas:

2.   I gcásanna eisceachtúla agus i gcásanna a bhfuil údar cuí leo, féadfaidh comhlacht um measúnú comhréireachta próifíl chosanta a dheimhniú gan na doiciméid úrscothacha ábhartha a chur i bhfeidhm. I gcásanna den sórt sin, cuirfidh sé an t-údarás inniúil náisiúnta um dheimhniú cibearshlándála ar an eolas agus tabharfaidh sé údar leis an deimhniú atá beartaithe gan na doiciméid úrscothacha ábhartha agus an mhodheolaíocht meastóireachta atá beartaithe a chur i bhfeidhm. Déanfaidh an t-údarás náisiúnta um dheimhniú cibearshlándála measúnú ar an réasúnú agus, i gcás ina bhfuil údar cuí leis, formheasfaidh neamhchur i bhfeidhm na ndoiciméad úrscothach, agus formheasfaidh sé nó leasóidh sé, i gcás inarb iomchuí, an mhodheolaíocht mheastóireachta atá le cur i bhfeidhm ag an gcomhlacht um measúnú comhréireachta. Go dtí go ndéanfaidh an t-údarás náisiúnta um dheimhniú cibearshlándála cinneadh, ní eiseoidh an comhlacht um measúnú comhréireachta aon deimhniú le haghaidh na próifíle cosanta. Tabharfaidh an t-údarás náisiúnta um dheimhniú cibearshlándála, gan moill mhíchuí, fógra faoi neamhchur i bhfeidhm na ndoiciméad úrscothach ábhartha don Ghrúpa Eorpach um Dheimhniú Cibearshlándála, a fhéadfaidh tuairim a eisiúint. Tabharfaidh an t-údarás náisiúnta um dheimhniú cibearshlándála lánaird ar an tuairim ón nGrúpa Eorpach um Dheimhniú Cibearshlándála.

1.   Déanfaidh an t-iarratasóir ar dheimhniú an fhaisnéis iomlán cheart uile is gá a sholáthar don chomhlacht deimhniúcháin agus do ITSEF.

2.   Beidh feidhm ag Airteagail 9 agus 10 mutatis mutandis.

3.   Déanfaidh ITSEF meastóireacht an bhfuil próifíl chosanta iomlán, comhsheasmhach, fónta go teicniúil agus éifeachtach le haghaidh na húsáide beartaithe agus chuspóirí slándála chatagóir an táirge TFC a chumhdaítear leis an bpróifíl chosanta sin.

4.   Is iad na húdaráis nó comhlachtaí seo a leanas amháin a dheimhneofar próifíl chosanta:

1.   Leagfaidh an comhlacht deimhniúcháin tréimhse bhailíochta síos i gcás gach deimhnithe SEDC.

2.   D’fhéadfadh an tréimhse bhailíochta maireachtáil chomh fada le saolré na próifíle cosanta lena mbaineann.

1.   Arna iarraidh sin do shealbhóir an deimhnithe nó ar chúiseanna eile a bhfuil bonn cirt leo, féadfaidh an comhlacht deimhniúcháin cinneadh a dhéanamh deimhniú SEDC le haghaidh próifíl chosanta a athbhreithniú. Déanfar an t-athbhreithniú trí na coinníollacha a leagtar amach in Airteagal 15 a chur i bhfeidhm. Is é an comhlacht deimhniúcháin a chinnfidh fairsinge an athbhreithnithe. I gcás inar gá le haghaidh an athbhreithnithe, iarrfaidh an comhlacht deimhniúcháin ar ITSEF athmheastóireacht a dhéanamh ar an bpróifíl chosanta dheimhnithe.

2.   Tar éis thorthaí an athbhreithnithe, agus i gcás inarb infheidhme, na hathmheastóireachta, déanfaidh an comhlacht deimhniúcháin ceann amháin de na nithe seo a leanas:

1.   Gan dochar d’Airteagal 58(8), pointe (e) de Rialachán (AE) 2019/881, an comhlacht deimhniúcháin a d’eisigh deimhniú SEDC le haghaidh próifíl chosanta, is é a tharraingeoidh siar an deimhniú sin. Beidh feidhm mutatis mutandis ag Airteagal 14.

2.   Maidir le deimhniú le haghaidh próifíl chosanta arna eisiúint i gcomhréir le hAirteagal 17(4), pointe (b), is é an t-údarás náisiúnta um dheimhniú cibearshlándála a d’fhormheas an deimhniú sin a tharraingeoidh siar é.

1.   Gan dochar d’Airteagal 58(7) de Rialachán (AE) 2019/881, déanfaidh an t-údarás náisiúnta um dheimhniú cibearshlándála faireachán ar chomhlíontacht i leith na nithe seo a leanas:

2.   Déanfaidh an t-údarás náisiúnta um dheimhniú cibearshlándála a ghníomhaíochtaí faireacháin ar bhonn na nithe seo a leanas go háirithe:

3.   Déanfaidh an t-údarás náisiúnta um dheimhniú cibearshlándála, i gcomhar le húdaráis eile um fhaireachas margaidh, sampláil ar 4 % ar a laghad ar bhonn bliantúil de na deimhnithe mar a chinntear le measúnú riosca. Arna iarraidh sin agus ag gníomhú dó thar ceann an údaráis náisiúnta um dheimhniú cibearshlándála, tabharfaidh comhlachtaí deimhniúcháin agus, i gcás inar gá, ITSEF, cúnamh don údarás sin san fhaireachán ar chomhlíontacht.

4.   Déanfaidh an t-údarás náisiúnta um dheimhniú cibearshlándála sampla na dtáirgí TFC deimhnithe atá le seiceáil a roghnú agus critéir oibiachtúla á n-úsáid, lena n-áirítear an méid seo a leanas:

5.   Cuirfidh an t-údarás náisiúnta um dheimhniú cibearshlándála sealbhóirí an deimhnithe SEDC ar an eolas faoi na táirgí TFC roghnaithe agus faoi na critéir roghnúcháin.

6.   An comhlacht deimhniúcháin a dheimhnigh an táirge TFC sampláilte, arna iarraidh sin don údarás náisiúnta um dheimhniú cibearshlándála, le cúnamh an ITSEF shonraigh, déanfaidh sé athbhreithniú breise i gcomhréir leis an nós imeachta a leagtar síos i Roinn IV.2 d’Iarscríbhinn IV agus cuirfidh sé an t-údarás náisiúnta um dheimhniú cibearshlándála ar an eolas faoi na torthaí.

7.   I gcás ina mbeidh cúis leormhaith ag an údarás náisiúnta um dheimhniú cibearshlándála chun a chreidiúint nach bhfuil táirge TFC deimhnithe i gcomhréir leis an Rialachán seo nó le Rialachán (AE) 2019/881 a thuilleadh, féadfaidh sé imscrúduithe a dhéanamh nó úsáid a bhaint as aon chumhacht faireacháin eile a leagtar amach in Airteagal 58(8) de Rialachán (AE) 2019/881.

8.   Cuirfidh an t-údarás náisiúnta um dheimhniú cibearshlándála an comhlacht deimhniúcháin agus an ITSEF lena mbaineann ar an eolas faoi imscrúduithe atá ar siúl maidir le táirgí TFC roghnaithe.

9.   I gcás ina sainaithníonn an t-údarás náisiúnta um dheimhniú cibearshlándála go mbaineann imscrúdú atá ar siúl le táirgí TFC atá deimhnithe ag comhlachtaí deimhniúcháin atá bunaithe i mBallstáit eile, cuirfidh sé údaráis náisiúnta um dheimhniú cibearshlándála na mBallstát ábhartha ar an eolas faoi sin chun dul i gcomhar leis sna himscrúduithe, i gcás inarb ábhartha. Tabharfaidh an t-údarás náisiúnta sin um dheimhniú cibearshlándála fógra faoi na himscrúduithe trasteorann don Ghrúpa Eorpach um Dheimhniú Cibearshlándála agus faoi na torthaí dá n-éis.

1.   Déanfaidh an comhlacht deimhniúcháin faireachán ar na nithe seo a leanas:

2.   Tabharfaidh an comhlacht deimhniúcháin faoina ghníomhaíochtaí faireacháin ar bhonn na nithe seo a leanas:

3.   Féadfaidh an t-údarás náisiúnta um dheimhniú cibearshlándála rialacha a tharraingt suas maidir le hidirphlé tréimhsiúil idir comhlachtaí deimhniúcháin agus sealbhóirí deimhnithe SEDC chun an chomhlíontacht leis na gealltanais a rinneadh de bhun Airteagal 9(2) a fhíorú agus chun tuairisciú faoin gcomhlíontacht sin, gan dochar do ghníomhaíochtaí a bhaineann le húdaráis ábhartha eile um fhaireachas margaidh.

1.   Déanfaidh sealbhóir deimhnithe SEDC na cúraimí seo a leanas chun faireachán a dhéanamh ar chomhréireacht an táirge TFC dheimhnithe lena cheanglais slándála:

2.   Oibreoidh sealbhóir deimhnithe SEDC i gcomhar leis an gcomhlacht deimhniúcháin, le ITSEF, agus, i gcás inarb infheidhme, leis an údarás náisiúnta um dheimhniú cibearshlándála chun tacú lena ngníomhaíochtaí faireacháin.

1.   I gcás nach mbeidh táirge TFC deimhnithe nó próifíl chosanta i gcomhréir leis na ceanglais a leagtar síos sa Rialachán seo agus i Rialachán (AE) 2019/881, cuirfidh an comhlacht deimhniúcháin sealbhóir an deimhnithe SEDC ar an eolas faoin neamh-chomhréireacht shainaitheanta agus iarrfaidh sé bearta feabhais.

2.   I gcás ina bhféadfadh cás neamh-chomhréireachta le forálacha an Rialacháin seo difear a dhéanamh don chomhlíontacht le reachtaíocht ábhartha eile an Aontais, lena bhforáiltear maidir leis an bhféidearthacht chun toimhde na comhréireachta le ceanglais an ghnímh dlí sin a léiriú tríd an deimhniú SEDC a úsáid, cuirfidh an comhlacht deimhniúcháin an t-údarás náisiúnta um dheimhniú cibearshlándála ar an eolas gan mhoill. Tabharfaidh an t-údarás náisiúnta um dheimhniú cibearshlándála fógra láithreach don údarás um fhaireachas margaidh atá freagrach as rialáil reachtaíocht ábhartha eile an Aontais den sórt sin faoin gcás neamh-chomhréireachta a sainaithníodh.

3.   Ar dó an fhaisnéis dá dtagraítear i mír 1 a fháil, déanfaidh sealbhóir an deimhnithe SEDC, laistigh den tréimhse ama arna leagan síos ag an gcomhlacht deimhniúcháin, nach mbeidh níos faide ná 30 lá, an beart feabhais is gá chun aghaidh a thabhairt ar an neamh-chomhréireacht a mholadh don chomhlacht deimhniúcháin.

4.   Féadfaidh an comhlacht deimhniúcháin an deimhniú SEDC a chur ar fionraí, gan moill mhíchuí, i gcomhréir le hAirteagal 30 i gcás éigeandála, nó i gcás nach gcomhoibreoidh sealbhóir an deimhnithe SEDC go cuí leis an gcomhlacht deimhniúcháin.

5.   Déanfaidh an comhlacht deimhniúcháin athbhreithniú i gcomhréir le hAirteagail 13 agus 19, agus measúnú á dhéanamh ar cé acu a thugann nó nach dtugann an beart feabhais aghaidh ar an neamh-chomhréireacht.

6.   I gcás nach molfaidh sealbhóir an deimhnithe SEDC beart feabhais iomchuí le linn na tréimhse dá dtagraítear i mír 3, cuirfear an deimhniú ar fionraí i gcomhréir le hAirteagal 30 nó tarraingeofar siar i gcomhréir le hAirteagail 14 nó 20 é.

7.   Ní bheidh feidhm ag an Airteagal seo maidir le cásanna leochaileachtaí a dhéanann difear do tháirge TFC deimhnithe, cásanna a dhéanfar a láimhseáil i gcomhréir le Caibidil VI.

1.   I gcás ina gcinnfidh an comhlacht deimhniúcháin:

2.   I gcás nach molfaidh sealbhóir an deimhnithe SEDC beart feabhais iomchuí le linn na tréimhse ama dá dtagraítear i mír 1, cuirfear an deimhniú ar fionraí i gcomhréir le hAirteagal 30 nó tarraingeofar siar i gcomhréir le hAirteagail 14 agus 20 é.

3.   Sárú leanúnach nó athfhillteach ar na hoibleagáidí dá dtagraítear i mír 1 ag sealbhóir an deimhnithe SEDC, tionscnóidh sé tarraingt siar an deimhnithe SEDC i gcomhréir le hAirteagail 14 nó 20.

4.   Cuirfidh an comhlacht deimhniúcháin an t-údarás náisiúnta um dheimhniú cibearshlándála ar an eolas faoi na torthaí dá dtagraítear i mír 1. I gcás ina ndéanann cás na neamhchomhlíontachta difear do chomhlíontacht le reachtaíocht ábhartha eile an Aontais, tabharfaidh an t-údarás náisiúnta um dheimhniú cibearshlándála fógra láithreach don údarás um fhaireachas margaidh atá freagrach as an reachtaíocht ábhartha eile sin de chuid an Aontais faoi chás na neamhchomhlíontachta a sainaithníodh.

1.   I gcás ina dtagraíonn an Rialachán seo d’fhionraíocht deimhnithe SEDC, cuirfidh an comhlacht deimhniúcháin deimhniú SEDC lena mbaineann ar fionraí ar feadh tréimhse is iomchuí i dtaca leis na himthosca a thionscain an fhionraíocht, ar tréimhse í sin nach faide ná 42 lá. Tosóidh an tréimhse fionraíochta an lá tar éis lá an chinnidh ón gcomhlacht deimhniúcháin. Ní dhéanfaidh an fhionraíocht difear do bhailíocht an deimhnithe.

2.   Tabharfaidh an comhlacht deimhniúcháin fógra do shealbhóir an deimhnithe agus don údarás náisiúnta um dheimhniú cibearshlándála gan moill mhíchuí agus soláthróidh na cúiseanna leis an bhfionraíocht, na gníomhaíochtaí a iarrtar a dhéanamh agus an tréimhse fionraíochta.

3.   Tabharfaidh sealbhóirí deimhnithe fógra do cheannaitheoirí na dtáirgí TFC lena mbaineann faoin bhfionraíocht agus faoi na cúiseanna a sholáthair an comhlacht deimhniúcháin leis an bhfionraíocht, cé is moite de na páirteanna sin de na cúiseanna ar riosca slándála a bheadh i gceist dá gcomhroinnfí iad, nó ina bhfuil faisnéis íogair. Cuirfidh sealbhóir an deimhnithe an fhaisnéis ar fáil go poiblí freisin.

4.   I gcás ina ndéantar foráil le reachtaíocht ábhartha eile an Aontais maidir le toimhde comhréireachta bunaithe ar dheimhnithe arna n-eisiúint faoi fhorálacha an Rialacháin seo, cuirfidh an t-údarás náisiúnta um dheimhniú cibearshlándála an t-údarás um fhaireachas margaidh atá freagrach as reachtaíocht ábhartha eile sin an Aontais ar an eolas faoin bhfionraíocht.

5.   Tabharfar fógra do ENISA faoi dheimhniú a chuirtear ar fionraí i gcomhréir le hAirteagal 42(3).

6.   I gcásanna a bhfuil bonn cirt leo, féadfaidh an t-údarás náisiúnta um dheimhniú cibearshlándála údarú a thabhairt go gcuirfear síneadh le tréimhse fionraíochta an deimhnithe SEDC. Ní fhéadfaidh tréimhse iomlán na fionraíochta a bheith níos faide ná 1 bhliain amháin.

1.   I gcás neamhchomhlíontachta ag comhlacht deimhniúcháin lena oibleagáidí, nó ag an gcomhlacht deimhniúcháin ábhartha i gcás ina sainaithneofar neamhchomhlíontacht ag ITSEF, déanfaidh an t-údarás náisiúnta um dheimhniú cibearshlándála na nithe seo a leanas, gan moill mhíchuí:

2.   Ar bhonn na mbeart dá dtagraítear i mír 1, glacfaidh an comhlacht deimhniúcháin ceachtar de na cinntí seo a leanas i leith gach deimhniú SEDC dá ndéantar difear:

3.   Ar bhonn na mbeart dá dtagraítear i mír 1, déanfaidh an t-údarás náisiúnta um dheimhniú cibearshlándála an méid seo a leanas:

1.   Déanfaidh sealbhóir deimhnithe SEDC na nósanna imeachta uile um bainistíocht leochaileachta is gá a leagan síos agus a choinneáil ar bun i gcomhréir leis na rialacha a leagtar síos sa Roinn seo agus, i gcás inar gá, arna bhforlíonadh ag na nósanna imeachta a leagtar amach in EN ISO/IEC 30111.

2.   Déanfaidh sealbhóir deimhnithe SEDC modhanna iomchuí a choinneáil ar bun agus a fhoilsiú ar modhanna iad chun faisnéis a fháil faoi leochaileachtaí a bhaineann lena dtáirgí ó fhoinsí seachtracha, lena n-áirítear úsáideoirí, comhlachtaí deimhniúcháin agus taighdeoirí slándála.

3.   I gcás ina mbraitheann sealbhóir deimhnithe SEDC leochaileacht a d’fhéadfadh difear a dhéanamh do tháirge TFC deimhnithe, nó i gcás ina bhfaigheann sé faisnéis faoi sin, déanfaidh sé sin a thaifeadadh agus déanfaidh anailís ar an tionchar leochaileachta.

4.   I gcás ina mbeidh tionchar ag leochaileacht fhéideartha ar tháirge ilchodach, cuirfidh sealbhóir an deimhnithe SEDC sealbhóir deimhnithe SEDC spleácha ar an eolas faoi leochaileacht a d’fhéadfadh a bheith ann.

5.   Mar fhreagairt ar iarraidh réasúnach ón gcomhlacht deimhniúcháin a d’eisigh an deimhniú, déanfaidh sealbhóir deimhnithe SEDC gach faisnéis ábhartha faoi leochaileachtaí a d’fhéadfadh a bheith ann a tharchur chuig an gcomhlacht deimhniúcháin sin.

1.   Déanfar tagairt sa mheasúnú tionchair leochaileachta ar do sprioc na meastóireachta agus do na ráitis dearbhaithe atá sa deimhniú. Déanfar anailís ar an tionchar leochaileachta laistigh de thréimhse ama is iomchuí maidir le cumas dúshaothraithe agus criticiúlacht leochaileacht fhéideartha an táirge TFC dheimhnithe.

2.   I gcás inarb infheidhme, ríomhfar acmhainneacht ionsaithe i gcomhréir leis an modheolaíocht ábhartha atá sna caighdeáin dá dtagraítear in Airteagal 3 agus sna doiciméid úrscothacha ábhartha a liostaítear in Iarscríbhinn I, chun cumas dúshaothraithe na leochaileachta a chinneadh. Cuirfear leibhéal AVA_VAN an deimhnithe SEDC san áireamh.

1.   Cuirfidh an sealbhóir tuarascáil measúnaithe tionchair leochaileachta ar fáil i gcás ina léirítear sa mheasúnú tionchair gur dócha go mbeidh tionchar ag an leochaileacht ar chomhréireacht an táirge TFC lena dheimhniú.

2.   Beidh measúnú ar na heilimintí seo a leanas i dtuarascáil an mheasúnaithe tionchair leochaileachta:

3.   Beidh i dtuarascáil an mheasúnaithe tionchair leochaileachta, i gcás inarb infheidhme, mionsonraí faoi na bealaí a bhféadfaí an leochaileacht a dhúshaothrú. Faisnéis a bhaineann le bealaí a bhféadfaí an leochaileacht a dhúshaothrú, láimhseálfar i gcomhréir le bearta slándála iomchuí í chun a rúndacht a chosaint agus a dáileadh teoranta a áirithiú, i gcás inar gá.

4.   Tarchuirfidh sealbhóir an deimhnithe SEDC tuarascáil an mheasúnaithe tionchair leochaileachta chuig an gcomhlacht deimhniúcháin nó chuig an údarás náisiúnta um dheimhniú cibearshlándála i gcomhréir le hAirteagal 56(8) de Rialachán (AE) 2019/881, gan moill mhíchuí.

5.   I gcás ina gcinntear le tuarascáil an mheasúnaithe tionchair leochaileachta nach bhfuil an leochaileacht iarmharach de réir bhrí na gcaighdeán dá dtagraítear in Airteagal 3, agus gur féidir í a leigheas, beidh feidhm ag Airteagal 36.

6.   I gcás ina gcinnfear i dtuarascáil an mheasúnaithe tionchair leochaileachta nach bhfuil an leochaileacht iarmharach agus nach féidir í a leigheas, tarraingeofar an deimhniú SEDC siar i gcomhréir le hAirteagal 14.

7.   Déanfaidh sealbhóir an deimhnithe SEDC faireachán ar aon leochaileacht iarmharach chun a áirithiú nach féidir í a dhúshaothrú i gcás na n-athruithe sa timpeallacht oibríochtúil.

1.   San fhaisnéis a sholáthair an comhlacht deimhniúcháin don údarás náisiúnta um dheimhniú cibearshlándála, áireofar na heilimintí uile is gá don údarás náisiúnta um dheimhniú cibearshlándála chun tionchar na leochaileachta a thuiscint, mar aon leis na hathruithe atá le déanamh ar an táirge TFC agus, i gcás ina bhfuil sí le fáil, aon fhaisnéis ón gcomhlacht deimhniúcháin maidir leis na himpleachtaí níos leathana a bhaineann leis an leochaileacht le haghaidh táirgí TFC deimhnithe eile.

2.   An fhaisnéis sin a sholáthrófar i gcomhréir le mír 1, ní bheidh mionsonraí inti faoi na bealaí chun an leochaileacht a dhúshaothrú. Tá an fhoráil sin gan dochar do chumhachtaí imscrúdaitheacha an údaráis náisiúnta um dheimhniú cibearshlándála.

1.   Comhroinnfidh an t-údarás náisiúnta um dheimhniú cibearshlándála an fhaisnéis ábhartha a fhaightear i gcomhréir le hAirteagal 37 le údaráis náisiúnta eile um dheimhniú cibearshlándála agus le ENISA.

2.   Féadfaidh údaráis náisiúnta eile um dheimhniú cibearshlándála cinneadh a dhéanamh tuilleadh anailíse a dhéanamh ar an leochaileacht nó, tar éis sealbhóir an deimhnithe SEDC a chur ar an eolas, féadfaidh siad iarraidh ar na comhlachtaí deimhniúcháin ábhartha measúnú a dhéanamh ar cé acu a d’fhéadfadh nó nach bhféadfadh an leochaileacht difear a dhéanamh do tháirgí TFC deimhnithe eile.