1.   Áireofar sa mharcáil dá dtagraítear in Airteagal 11(11) de Threoir (AE) 2020/2184 (an ‘mharcáil’) an tsiombail a thugtar san Iarscríbhinn. Beidh an tsiombail 5 mm ar airde ar a laghad.

I gcás nach féidir an tsiombail den íosmhéid a ghreamú den táirge, greamófar í den phacáistíocht agus den doiciméadacht.

Greamófar an tsiombail go feiceálach doscriosta de dhromchla amháin nó níos mó den táirge, d’aon doiciméad teicniúil nó riaracháin a ghabhann leis an táirge (an ‘doiciméadacht’) agus de phacáistíocht an táirge.

2.   Áireofar sa mharcáil ar dhoiciméadacht agus pacáistíocht an táirge an téacs faisnéise seo a leanas freisin:

3.   An téacs faisnéise dá dtagraítear i mír 2, beidh sé feiceálach go soiléir agus cuirfear faoin tsiombail é, sa chás uachtair agus in Helvetica Bolt le clómhéid íosta de 5 mm.

An téacs faisnéise a ghreamófar den doiciméadacht, scríobhfar é i dteangacha oifigiúla an Bhallstáit ina gcuirtear an táirge ar an margadh, mura bhforálann an Ballstát sin a mhalairt.

An téacs faisnéise a ghreamófar den phacáistíocht, scríobhfar é in ar a laghad ceann amháin de theangacha oifigiúla an Bhallstáit ina gcuirtear an táirge ar an margadh.

Féadfaidh tuilleadh teangacha a úsáid le haghaidh an téacs faisnéise ná mar a éilítear sa mír seo, ar choinníoll go bhfuil an fhaisnéis chéanna ar fáil i ngach teanga a úsáidtear.

I gcás ina n-aistrítear an téacs faisnéise go teanga eile seachas na teangacha a éilítear dá dtagraítear sa mír seo, cuirfear an téacs aistrithe faoin téacs faisnéise sna teangacha sin a éilítear.

4.   Maidir le dath agus cur i láthair na marcála, beidh siad de chineál a fhágann go seasann an tsiombail amach go soiléir.

5.   Féadfar lipéadú eile a ghreamú den táirge, den doiciméadacht agus den phacáistíocht, ar choinníoll nach gcuirtear isteach ar infheictheacht, inléiteacht agus brí na marcála.

6.   Beidh gach cuid den mharcáil suite cóngarach don lipéadú eile ar an táirge, ar an doiciméadacht agus ar an bpacáistíocht.