Tuairisc ar na hearraí

Aicmiú (Cód AC)

Cúiseanna

(1)

(2)

(3)

Ullmhóid ar meascán é ina bhfuil, de réir meáchain, cion 17 % de nisin, ar peiptíd iltimthriallach é, agus cion 83 % de chlóiríd sóidiam.

Cuirtear clóiríd sóidiam léi ar dtús le linn céim íonaithe i dtáirgeadh nisine. I gcéim eile ina dhiaidh sin, cuirtear clóiríd sóidiam breise léi chun an ullmhóid a chaighdeánú do ghníomhaíocht antaibheathach shainithe, agus chun na críche sin amháin.

Úsáidtear an ullmhóid mar bhreiseán bia chun fás baictéarach a chosc.

3824 99 96

Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, le Nóta 1 a ghabhann le Caibidil 29 agus le foclaíocht na gcód AC 3824 , 3824 99 agus 3824 99 96 .

An chlóiríd sóidiam atá san ullmhóid, cuirtear í léi chun críoch caighdeánaithe agus ní chun críoch cothaitheach. Úsáidtear an ullmhóid mar bhreiseán teicniúil bia agus ní mheastar gur meascán ceimiceán í ina bhfuil earraí bia nó substaintí eile a bhfuil luach cothaitheach acu de réir bhrí Nóta 1(b) a ghabhann le Caibidil 38. Dá bhrí sin, eisiatar aicmiú mar ullmhóid bhia faoi cheannteideal 2106 (féach Nóta Míniúcháin an Chórais Chomhchuibhithe a ghabhann le Caibidil 38, Ginearálta, an cúigiú mír).

Eisiatar aicmiú i gCaibidil 29 toisc gur cuireadh clóiríd sóidiam léi d’aon turas chun an ullmhóid a dhéanamh an-oiriúnach d’úsáid shonrach mar bhreiseán bia a bhfuil gníomhaíocht antaibheathach shainithe aige. Thairis sin, ní eisíontas í clóiríd sóidiam a thagann as an bpróiseas monaraíochta (féach Nóta 1(a) a ghabhann le Caibidil 29 agus Nóta Míniúcháin an Chórais Chomhchuibhithe a ghabhann le Caibidil 29, Ginearálta, pointe (A), an dara mír agus an cúigiú mír).

Dá bhrí sin, tá an ullmhóid le haicmiú faoi chód AC 3824 99 96 amhail ullmhóidí eile de chuid na dtionscal ceimiceach nó na dtionscal gaolmhar, nach sonraítear ná nach n-áirítear aon áit eile (féach freisin, de réir analaí, tuairim 3824.99/3 ar aicmiú an Chórais Chomhchuibhithe).