This document is an excerpt from the EUR-Lex website
Document 32024R0331
Commission Regulation (EU) 2024/331 of 19 January 2024 amending Annexes II and V to Regulation (EC) No 396/2005 of the European Parliament and of the Council as regards maximum residue levels for oxamyl in or on certain products
Rialachán (AE) 2024/331 ón gCoimisiún an 19 Eanáir 2024 lena leasaítear Iarscríbhinní II agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar ocsaimile i dtáirgí áirithe nó ar tháirgí áirithe
Rialachán (AE) 2024/331 ón gCoimisiún an 19 Eanáir 2024 lena leasaítear Iarscríbhinní II agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar ocsaimile i dtáirgí áirithe nó ar tháirgí áirithe
C/2024/260
IO L, 2024/331, 22.1.2024, ELI: http://data.europa.eu/eli/reg/2024/331/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2024/331 |
22.1.2024 |
RIALACHÁN (AE) 2024/331 ÓN gCOIMISIÚN
an 19 Eanáir 2024
lena leasaítear Iarscríbhinní II agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar ocsaimile i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1), pointe (a), agus Airteagal 18(1), pointe (b), de,
De bharr an mhéid seo a leanas:
|
(1) |
I gcás na substainte gníomhaí ocsaimil, socraíodh uasleibhéil iarmhar (‘MRLanna’) in Iarscríbhinn II a ghabhann le Rialachán (CE) Uimh. 396/2005. |
|
(2) |
Chuaigh formheas na substainte gníomhaí ocsaimil in éag an 1 Bealtaine 2023 (2). Beidh gach údarú le haghaidh táirgí cosanta plandaí ina bhfuil an tsubstaint ghníomhach sin cúlghairthe faoin 1 Samhain 2023. |
|
(3) |
I gcomhthéacs an nós imeachta chun formheas na substainte gníomhaí sin a athnuachan i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle (3), d’fhoilsigh an tÚdarás Eorpach um Shábháilteacht Bia (‘an tÚdarás’) conclúid maidir leis an athbhreithniú piaraí ar an measúnú riosca ar an tsubstaint ghníomhach sin (4), lena mbunaítear iontógáil laethúil inghlactha (ILI) níos ísle agus géardháileog thagartha níos ísle (ARfD). |
|
(4) |
I gcomhréir le hAirteagal 43 de Rialachán (CE) Uimh. 396/2005, d’iarr an Coimisiún ar an Údarás tuairim réasúnaithe a thabhairt, ina ndéanfaí measúnú ar na rioscaí a d’fhéadfadh a bheith ag baint leis na MRLanna atá ann faoi láthair, lena n-áirítear iad siúd atá bunaithe ar uasteorainneacha iarmhar Codex (CXLanna), i gcás ocsaimile, i gcás tomhaltóirí i bhfianaise an laghdaithe ar an ILI agus ar an ARfD sin. |
|
(5) |
Ina thuairim réasúnaithe (5), shainaithin an tÚdarás rioscaí do-ghlactha maidir le teagmháil ainsealach i gcás raon leathan aistí bia, chomh maith le rioscaí géartheagmhála i gcás réimse leathan tráchtearraí, lena n-áirítear i gcás mealbhacán agus mealbhacáin uisce a bhfuil MRLanna socraithe ina leith ar bhonn CXLanna. Dá bhrí sin, ní féidir aon MRL a choinneáil agus ba cheart MRLanna i gcás ocsaimile i ngach táirge a shocrú ag na teorainneacha cinnidh (LOD) faoi seach, ar cheart iad a shocrú in Iarscríbhinn V a ghabhann le Rialachán (CE) Uimh. 396/2005 i gcomhréir le hAirteagal 18(1), pointe (b) den Rialachán sin. Ina theannta sin, ba cheart na fonótaí ina léirítear easpa faisnéise maidir le cobhsaíocht stórála, meitibileacht barr agus trialacha ar iarmhair a scriosadh. |
|
(6) |
Ina theannta sin, shainaithin an tÚdarás nach dtugann luach réamhshocraithe LOD 0,01* mg/kg leibhéal leordhóthanach cosanta do thomhaltóirí i gcás fhormhór na dtráchtearraí, ionas gur cheart LOD do na táirgí sin a shocrú ar leibhéil níos ísle agus níos cosantaí. |
|
(7) |
Chuaigh an Coimisiún i gcomhairle le saotharlanna tagartha an Aontais Eorpaigh maidir le hiarmhair lotnaidicídí a mhéid a bhaineann leis an ngá LODanna áirithe a oiriúnú. Mhol na saotharlanna sin LODanna a bhaineann go sonrach leis an táirge agus ar féidir iad a bhaint amach go hanailíseach. |
|
(8) |
Chuathas i gcomhairle le comhpháirtithe trádála an Aontais maidir leis na MRLanna nua tríd an Eagraíocht Dhomhanda Trádála, agus cuireadh a mbarúlacha san áireamh. |
|
(9) |
Dá bhrí sin, ba cheart Iarscríbhinn II agus V a ghabhann le Rialachán (CE) Uimh. 396/2005 a leasú dá réir. |
|
(10) |
Ba cheart tréimhse réasúnta a bheith ann sula mbeidh feidhm ag na MRLanna nua ionas go mbeidh na Ballstáit, tríú tíortha agus oibreoirí gnólachtaí bia in ann iad féin a oiriúnú do na ceanglais nua a thagann as an modhnú ar na MRLanna. |
|
(11) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II agus V a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 11 Bealtaine 2024
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 19 Eanáir 2024.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1.
(2) Rialachán Cur Chun Feidhme (AE) 2023/741 ón gCoimisiún an 5 Aibreán 2023 maidir le neamh-athnuachan ar fhormheas na substainte gníomhaí ocsaimil, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle, agus lena leasaítear Rialachán Cur Chun Feidhme (AE) Uimh. 540/2011 ón gCoimisiún (IO L 98, 11.04.2023, lch. 1)
(3) Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1).
(4) An tÚdarás Eorpach um Shábháilteacht Bia; Conclusion on the peer review of the pesticide risk assessment of the active substance oxamyl (‘Conclúid maidir leis an athbhreithniú piaraí ar an measúnú riosca lotnaidicídí ar an tsubstaint ghníomhach ocsaimil’]. EFSA Journal [Iris EPSA] 2022;20(5):7296.
(5) an tÚdarás Eorpach um Shábháilteacht Bia; Ráiteas maidir leis an measúnú riosca ar uasleibhéil iarmhar (MRLanna) le haghaidh ocsaimile i bhfianaise chosaint an tomhaltóra. EFSA Journal [Iris EFSA] 2023;21(3):7823.
IARSCRÍBHINN
Leasaítear Iarscríbhinní II agus V a ghabhann le Rialachán (CE) Uimh. 396/2005 mar a leanas:
|
(1) |
in Iarscríbhinn II, cuirtear isteach an colún le haghaidh ocsaimile: |
|
(2) |
in Iarscríbhinn V, cuirtear isteach an colún seo a leanas le haghaidh ocsaimile: ‘ Iarmhair lotnaidicídí agus uasleibhéil iarmhar (mg/kg)
|
((*)) Léiríonn an (*) íosteorainn an chinnidh anailísigh
(1) Chun liosta iomlán na dtáirgí ar de thionscnamh ainmhíoch agus plandaí iad a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I’
ELI: http://data.europa.eu/eli/reg/2024/331/oj
ISSN 1977-0839 (electronic edition)