(1)

Le Rialachán Tarmligthe (AE) Uimh. 1062/2014 ón gCoimisiún (2) leagtar síos liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha i dtaca lena n-úsáid i dtáirgí bithicídeacha. Áirítear sa liosta sin clóiríd amóiniam démheitilbeinsile ailcile (C12-16) (ADBAC/BKC (C12-C16)) le haghaidh cineál táirge 2 (Uimh. CAS: 68424-85-1).

(2)

Rinneadh meastóireacht ar chlóiríd amóiniam démheitilbeinsile ailcile (C12-16) (ADBAC/BKC (C12-C16) lena húsáid i dtáirgí bithicídeacha de chineál táirge 2, dífhabhtáin a úsáidtear sa réimse phríobháideach agus i réimse na sláinte poiblí agus táirgí bithicídeacha eile, mar a thuairiscítear in Iarscríbhinn V a ghabhann le Treoir 98/8/CE ó Pharlaimint na hEorpa agus ón gComhairle (3), a chomhfhreagraíonn do chineál táirge 2, díghalráin agus ailgicídí nach bhfuil nach bhfuil sé beartaithe iad a chur go díreach ar dhaoine ná ar ainmhithe, mar a thuairiscítear in Iarscríbhinn V a ghabhann le Rialachán (AE) Uimh. 528/2012.

(3)

Ainmníodh an Iodáil mar Bhallstát is rapóirtéir agus chuir a húdarás inniúil meastóireachta tuarascálacha measúnachta mar aon lena chonclúidí faoi bhráid an Choimisiúin an 10 Meán Fómhair 2012. Tar éis an tuarascáil mheasúnachta a bheith curtha isteach, tionóladh pléití i gcruinnithe teicniúla a d’eagraigh an Ghníomhaireacht Eorpach Ceimiceán (‘An Ghníomhaireacht’).

(4)

Leanann sé ó Airteagal 90(2), an chéad fhomhír, de Rialachán (AE) Uimh. 528/2012 go bhfuil measúnú le déanamh ar shubstaintí a bhfuil meastóireacht na mBallstát curtha i gcrích ina leith faoin 1 Meán Fómhair 2013 i gcomhréir le Treoir 98/8/CE.

(5)

I gcomhréir le hAirteagal 75(1), an dara fomhír, pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir le hiarratais ar fhormheas substaintí gníomhacha. I gcomhréir le hAirteagal 7(2) de Rialachán Tarmligthe (AE) Uimh. 1062/2014 arna léamh i gcomhar le hAirteagal 75(1) agus (4) de Rialachán (AE) Uimh. 528/2012, an 2 Nollaig 2021 ghlac an Coiste um Tháirgí Bithicídeacha an tuairim ón nGníomhaireacht (4), ag féachaint do chonclúidí an údaráis inniúil meastóireachta. Sa tuairim uaithi, tháinig an Ghníomhaireacht ar an gconclúid gur féidir clóiríd amóiniam démheitilbeinsile ailcile (C12-16) (ADBAC/BKC (C12-C16)) a fhormheas mar shubstaint ghníomhach, ach thug triúr ball den Choiste um Tháirgí Bithicídeacha tuairimí mionlaigh a léirigh imní go bhféadfadh riosca a bheith ann d’urrann na hithreach.

(6)

Chuir an Coimisiún tús le comhairliúchán breise leis na Ballstáit maidir leis an ábhar sa Bhuanchoiste um Tháirgí Bithicídeacha, áit ar cinneadh go raibh gá le tuilleadh plé ar an leibhéal teicniúil maidir leis an riosca don urrann ithreach. Ina dhiaidh sin, cuireadh iarraidh ar thuairim faoi bhráid na Gníomhaireachta i gcomhréir le hAirteagal 75(1), pointe (g), de Rialachán (AE) Uimh. 528/2012. Ghlac an Coiste um Tháirgí Bithicídeacha tuairim athbhreithnithe ón nGníomhaireacht an 7 Meitheamh 2023 (5), inar thángthas ar an gconclúid go bhfuil an riosca d’urrann na hithreach inghlactha. De réir na tuairime sin ón nGníomhaireacht, féadfar coinne a bheith leis go ndéanfaidh táirgí bithicídeacha de chineál táirge 2 ina bhfuil clóiríd amóiniam démheitilbeinsile ailcile (C12-16) (ADBAC/BKC (C12-C16)) na ceanglais a leagtar síos in Airteagal 5(1), pointí (b), (c) agus (d) de Threoir 98/8/CE a chomhlíonadh, ar choinníoll go gcomhlíontar coinníollacha áirithe a bhaineann lena n-úsáid.

(7)

Agus tuairim na Gníomhaireachta á cur san áireamh, is iomchuí clóiríd amóiniam démheitilbeinsile ailcile (C12-16) (ADBAC/BKC (C12-C16)) a fhormheas mar shubstaint ghníomhach a bhfuiltear lena húsáid i dtáirgí bithicídeacha de chineál táirge 2 faoi réir comhlíonadh coinníollacha áirithe.

(8)

Ba cheart tréimhse réasúnta a bheith ann sula bhformheasfar substaint ghníomhach ionas go mbeidh páirtithe leasmhara in ann na bearta ullmhúcháin is gá a dhéanamh chun na ceanglais nua a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,