1.   Bunaítear leis an Treoirlíne seo rialacha agus socruithe comhchuibhithe maidir le slógadh agus bainistiú comhthaobhachta atá incháilithe faoi Threoirlíne (AE) 2015/510 ón mBanc Ceannais Eorpach (BCE/2014/60) (4) agus/nó faoi Threoirlíne BCE/2014/31 ón mBanc Ceannais Eorpach (5) ar bhonn intíre nó trasteorann chun oibríochtaí creidmheasa an Eurochórais a chomhthaobhú. I gcás ina mbeidh aon neamhréireacht idir an Treoirlíne seo agus Treoirlíne (AE) 2015/510 (BCE/2014/60) beidh forlámhas ag an Treoirlíne seo maidir le hábhair a thagann faoina raon feidhme.

2.   Bainfidh banc ceannais náisiúnta (BCNanna) úsáid as Córas Bainistíochta Comhthaobhachta an Eurochórais (Eurosystem Collateral Management System, ECMS) mar ardán aonair de chuid an Eurochórais chun an chomhthaobhacht dá dtagraítear i mír 1 a shlógadh agus a bhainistiú.

3.   D’ainneoin mhír 1 agus mhír 2:

4.   In aon chás ina ndéantar sócmhainní a shlógadh lasmuigh de ECMS, taifeadfaidh BCNanna faisnéis faoi luach comhthaobhachta na sócmhainní sin in ECMS.

5.   Féadfaidh BCNanna úsáid a bhaint as ECMS freisin chun comhthaobhacht arna slógadh chun críocha áirithe eile a bhainistiú de réir mar a chinnfidh an tEurochóras ó am go ham.

1.   Chun slógadh agus bainistiú comhthaobhachta a éascú, déanfaidh BCNanna an méid seo a leanas:

2.   Ceadóidh BCNanna dá gcontrapháirtithe údarú a thabhairt do thríú páirtí chun cuntais sócmhainní ainmnithe agus/nó cuntais airgid an chontrapháirtí a bhainistiú, agus sa chás sin beidh feidhm ag an méid seo a leanas:

3.   Chun sócmhainní indíolta agus ionstraimí fiachais neamh-indíolta arna dtacú le héilimh chreidmheasa incháilithe (DECCanna) a fháil mar chomhthaobhacht ó chontrapháirtithe, féadfaidh BCNanna cuntais sócmhainní seachtracha a oscailt. Ní osclófar cuntais den sórt sin ach amháin in córas socraíochta urrús (SSS incháilithe).

4.   Osclóidh BCNanna cuntais sócmhainní inmheánacha do gach contrapháirtí chun comhthaobhacht a fháil ó chontrapháirtithe agus/nó chun faisnéis a thaifeadadh faoin gcomhthaobhacht arna slógadh ag an gcontrapháirtí. Osclófar cuntais sócmhainní inmheánacha ar leithligh le haghaidh na nithe seo a leanas:

5.   Bainfidh BCNanna úsáid as comhthiomsú chun comhthaobhacht arna slógadh ag a gcontrapháirtithe a choinneáil ar bun.

6.   Sainaithneofar gach cuntas sócmhainní inmheánacha agus gach comhthiomsú comhthaobhachta trí bhíthin coinbhinsiún ainmniúcháin uathúil agus comhchuibhithe arna shainiú ag an Eurochóras agus arna leagan amach sa doiciméad dar teideal ‘Collateral management in Eurosystem credit operations – information for Eurosystem counterparties’ (Bainistiú comhthaobhachta in oibríochtaí creidmheasa an Eurochórais – faisnéis do chontrapháirtithe an Eurochórais), arna fhoilsiú ar shuíomh gréasáin BCE.

7.   Faoi réir an cheanglais maidir le deighilt comhthiomsuithe a leagtar síos i mír 8, féadfar cuid de luach comhthaobhachta na comhthaobhachta slógtha a fhorchoimeád laistigh den chomhthiomsú comhthaobhachta atá ag contrapháirtí chun críocha a bhaineann leis an soláthar urrúis chomhthaobhaigh a ghabhann le hoibríochtaí creidmheasa an Eurochórais nó chun críocha áirithe eile arna gcinneadh ag an Eurochóras ó am go ham agus arna leagan amach sa doiciméad dar teideal Collateral management in Eurosystem credit operations – information for Eurosystem counterparties [Bainistiú comhthaobhachta in oibríochtaí creidmheasa an Eurochórais – faisnéis do chontrapháirtithe an Eurochórais], arna fhoilsiú ar shuíomh gréasáin BCE.

8.   An chomhthaobhacht arna slógadh chun oibríochtaí creidmheasa an Eurochórais a chomhthaobhú, coinneofar ar bun í i gcomhthiomsú ar leithligh ó na comhthiomsuithe a úsáidtear chun comhthaobhacht a bhainistiú chun críocha eile dá dtagraítear i mír 7. Féadfaidh BCNanna a oiread comhthiomsuithe comhthaobhachta agus is gá a choinneáil ar bun in aghaidh an chontrapháirtí chun na gcríoch sin.

9.   Féadfaidh BCNanna roinnt cuntais sócmhainní inmheánacha a oscailt in aghaidh an chontrapháirtí. Ní bheidh cuntas sócmhainní inmheánacha nasctha ach le comhthiomsú comhthaobhachta amháin. Féadfar comhthiomsú comhthaobhachta amháin a nascadh le roinnt cuntais sócmhainní inmheánacha.

10.   Chun creidmheas ionlae a sholáthar do chontrapháirtí, ní dhéanfar ach an comhthiomsú comhthaobhachta a choinnítear ar bun chun oibríochtaí creidmheasa an Eurochórais a chomhthaobhú a nascadh leis an MCA príomhúil in TARGET atá ainmnithe ag an gcontrapháirtí.

11.   Chun tacú le forghníomhú oibríochtaí bainistíochta comhthaobhachta, féichiúnóidh BCNanna príomh-MCA an chontrapháirtí in TARGET chun íoc oibleagáidí atá gan chomhlíonadh leis an Eurochóras a éascú maidir leis na gníomhaíochtaí seo a leanas, i measc nithe eile:

1.   Déanfar sócmhainní indíolta agus DECCanna arna slógadh mar chomhthaobhacht ag contrapháirtí a sheachadadh chuig cuntas arna shealbhú le SSS incháilithe.

2.   Más rud é nach ionann an CSD ina n-eisítear an tsócmhainn agus an CSD ina sealbhaítear an tsócmhainn, ní shlógfar comhthaobhacht ach amháin má tá na SSSanna arna n-oibriú ag an dá CSD sin nasctha le nasc incháilithe.

3.   Má iarrann BCN eile (mar banc ceannais baile (home central bank, (HCB)) amhlaidh, déanfaidh BCN (mar CCB) cuntas urrús leithscartha nó omnibus a choinneáil ar bun in SSS incháilithe atá bunaithe sa dlínse ina bhfuil CCB bunaithe agus sealbhóidh sé an chomhthaobhacht thar ceann an HCB.

4.   Féadfaidh BCN, chun comhthaobhacht a fháil óna chontrapháirtithe, cuntas a oscailt go díreach in SSS incháilithe atá bunaithe i ndlínse seachas an dlínse ina bhfuil an BCN bunaithe.

5.   Chun éilimh chreidmheasa agus CCTanna a shlógadh mar chomhthaobhacht, cuirfidh BCNanna de cheangal ar chontrapháirtithe na sócmhainní sin a shlógadh chuig cuntas sócmhainní arna ainmniú ag an HCB. Beidh de rogha ag BCN slógadh intíre éileamh creidmheasa agus CCTanna lasmuigh de ECMS a bhainistiú, agus sa chás sin cinnfidh an BCN an bhfuil gá le cuntas sócmhainní le haghaidh slógadh.

6.   I gcás ina ndéantar airgead a shlógadh mar chomhthaobhacht, slógfar é ar threoir ón BCN nó ón gcontrapháirtí trí MCA príomhúil ainmnithe an chontrapháirtí a chur do dhochar agus trí chuntas an HCB a chur do shochar.

7.   Ní shlógfar éilimh chreidmheasa mar chomhthaobhacht ach amháin trí bhíthin samhail chomhfhreagrach na baincéireachta ceannais (correspondent central banking model, CCBM) chun oibríochtaí creidmheasa an Eurochórais a chomhthaobhú. Ní shlógfar ACCanna, RMBDanna ná taiscí téarma sheasta (FTDanna) mar chomhthaobhacht trí bhíthin an CCBM.

8.   Beidh éifeachtaí dlíthiúla na gcuntas reatha (sa mhód um aistriú a chur in áirithe nó sa mhód um choinneáil áirithinte) ar chuntais sócmhainní faoi rialú shocruithe conarthacha nó rialála an BCN leis an gcontrapháirtí. An úsáid a bhaintear as cuntais chun sócmhainní a shlógadh, beidh sí i gcomhréir leis na ceanglais faoin dlí náisiúnta is ábhartha maidir le heirí ar shócmhainní den sórt sin a chruthú nó a scaoileadh.

1.   I gcás ina bhféachann contrapháirtí le sócmhainní indíolta nó DECCanna a shlógadh nó a dhíshlógadh mar chomhthaobhacht, déanfaidh BCNanna, sula nglacfaidh siad le hiarraidh ar shlógadh nó ar dhíshlógadh den sórt sin, seiceálacha bailíochtaithe, mar a shainmhíníonn an tEurochóras agus mar a leagtar amach sa doiciméad dar teideal Collateral management in Eurosystem credit operations – information for Eurosystem counterparties (Bainistiú comhthaobhachta in oibríochtaí creidmheasa an Eurochórais – faisnéis do chontrapháirtithe an Eurochórais), arna fhoilsiú ar shuíomh gréasáin BCE, de réir an doiciméid sin, ar na treoracha um shlógadh nó um dhíshlógadh arna dtíolacadh ag an gcontrapháirtí ábhartha.

2.   Déanfar sócmhainní indíolta agus DECCanna a shlógadh ar bhonn saor ó íocaíocht (free of payment, FOP), cé is moite d’idirbhearta uathsholáthair urrúis chomhthaobhaigh, dá dtagraítear in Airteagal 8, a ndéantar socraíocht ina leith ar bhonn seachadadh in áit íocaíochta (delivery versus payment, DVP).

3.   Sula nglacfaidh siad le treoir maidir le díshlógadh, laghdóidh BCNanna luach an chomhthiomsaithe ábhartha comhthaobhachta agus, más ábhartha, luach na líne creidmheasa de réir mhéid atá cothrom le luach comhthaobhachta na sócmhainní indíolta nó na DECCanna a bhfuil díshlógadh á iarraidh ina leith. Dá mbeadh luach iomlán an chomhthiomsaithe comhthaobhachta níos ísle ná an suíomh creidmheasa iomlán mar thoradh ar an laghdú sin ar luach an chomhthiomsaithe comhthaobhachta, cuirfidh na BCNanna an iarraidh ar dhíshlógadh ar feitheamh agus ní dhéanfaidh siad an coigeartú ar an gcomhthiomsú comhthaobhachta ná, más ábhartha, ar an líne chreidmheasa. Diúltóidh BCNanna do threoracha díshlógtha a bheidh fós ar feitheamh ag deireadh an lae.

4.   Tiocfaidh coigeartuithe críochnaitheacha ar shuíomhanna sócmhainní agus ar an gcomhthiomsú comhthaobhachta i bhfeidhm ar dheimhniú socraíochta a fháil ó T2S.

5.   Arna iarraidh sin don HCB, gníomhóidh BCN mar CCB thar ceann an HCB sin i ndáil le slógadh sócmhainní indíolta agus DECCanna trí bhíthin an CCBM. I gcás slógadh agus díshlógadh sócmhainní indíolta agus DECCanna trí bhíthin an CCBM, beidh an HCB freagrach as bailíocht na hiarrata ar shlógadh nó ar dhíshlógadh arna tíolacadh ag an gcontrapháirtí a sheiceáil, agus beidh an CCB freagrach as saincheisteanna a bhaineann le socrú na treorach agus ar gá idirghníomhaíocht leis an CSD lena n-aghaidh. Áiritheoidh an CCB go bhfaighidh an HCB gach faisnéis a mhalartaítear idir an CCB agus T2S.

6.   D’ainneoin mhíreanna 1 go 5, féadfaidh HCB bac a chur ar shlógadh agus ar dhíshlógadh sócmhainní indíolta agus DECCanna ar fhorais ábhartha, lena n-áirítear ach gan bheith teoranta do theagmhas mainneachtana, ar fhorais stuamachta, nó mar gheall ar aon chúis eile a measann an HCB gur gá bac a chur ar shlógadh agus ar dhíshlógadh dá barr.

7.   Thairis sin, féadfaidh an HCB, nó CCB i gcás an CCBM, diúltú d’iarraidh ar shlógadh sócmhainní indíolta agus DECCanna nár thíolaic contrapháirtí an doiciméadacht chánachais is gá nó doiciméadacht eile a d’éiligh an HCB, nó an CCB, de réir mar is iomchuí, ina leith.

1.   I gcás ina bhféachann contrapháirtí le héilimh chreidmheasa nó ACCanna aonair a chlárú, a shlógadh nó a dhíshlógadh mar chomhthaobhacht, déanfaidh BCNanna, sula nglacfaidh siad le hiarraidh ar chlárú, ar shlógadh nó ar dhíshlógadh den sórt sin, seiceálacha bailíochtaithe, mar a shainmhíníonn an tEurochóras agus mar a leagtar amach sa doiciméad dar teideal ‘Collateral management in Eurosystem credit operations – information for Eurosystem counterparties’ (Bainistiú comhthaobhachta in oibríochtaí creidmheasa an Eurochórais – faisnéis do chontrapháirtithe an Eurochórais), arna fhoilsiú ar shuíomh gréasáin BCE, de réir an doiciméid sin, ar na treoracha um chlárú, um shlógadh nó um dhíshlógadh arna dtíolacadh ag an gcontrapháirtí ábhartha.

2.   Sula ndéanfar éileamh creidmheasa nó ACC aonair a shlógadh mar chomhthaobhacht, ní mór don chontrapháirtí atá ag féachaint le hé sin a dhéanamh an t-éileamh creidmheasa sin nó an ACC aonair sin a chlárú leis an HCB, nó – i gcás slógadh trí bhíthin an CCBM – le CCB. I gceachtar cás, ceanglóidh an HCB ar an gcontrapháirtí go soláthróidh sé, ar a laghad, mar chuid den phróiseas clárúcháin, tacar croí-eilimintí sonraí mar a shainmhíníonn an tEurochóras agus mar a leagtar amach sa doiciméad dar teideal ‘Collateral management in Eurosystem credit operations – information for Eurosystem counterparties’ (Bainistiú comhthaobhachta in oibríochtaí creidmheasa an Eurochórais – faisnéis do chontrapháirtithe an Eurochórais), arna fhoilsiú ar shuíomh gréasáin BCE.

3.   Gan dochar d’oibleagáid na gcontrapháirtithe faoi Airteagal 101(1), pointe (a) (iv), de Threoirlíne (AE) 2015/510 (BCE/2014/60), ceanglóidh BCNanna ar chontrapháirtithe nuashonruithe a sheoladh chuig na croí-eilimintí sonraí maidir le héilimh chreidmheasa a shlógtar nó CCTanna aonair a sholáthraítear i gcomhréir le mír 2 le linn an chéad lae gnó eile aon uair a thagann athrú ar na croí-eilimintí sonraí sin.

4.   I gcás nach rialaítear an t-éileamh creidmheasa le dlí na dlínse ina bhfuil an HCB bunaithe, féadfaidh an HCB úsáid a bhaint as an CCBM chun an t-éileamh creidmheasa a shlógadh. Chun na gcríoch sin, ullmhóidh an BCN atá ag gníomhú mar CCB i gcomhréir le mír 5 sraith téarmaí agus coinníollacha, i bhfoirm Iarscríbhinn III, a bheidh le comhaontú le contrapháirtí an HCB chun slógadh a n-éileamh creidmheasa arna rialú le dlí na dlínse ina bhfuil an CCB bunaithe a éascú.

5.   Arna iarraidh sin don HCB, gníomhóidh BCN mar CCB thar ceann an HCB sin i ndáil le slógadh éileamh creidmheasa, faoi réir gach ceann de na coinníollacha seo a leanas:

6.   Déanfaidh an CCB gach beart agus gníomh is gá faoi dhlí na dlínse ina bhfuil sé bunaithe chun a áirithiú go bhfuil oibríocht CCBM bailí, ceangailteach agus infhorfheidhmithe. Déanfaidh an CCB an méid seo a leanas:

Tabharfaidh an HCB cúnamh don CCB (lena n-áirítear, ach gan bheith teoranta dó, i gcás ina bhfuil an féichiúnaí agus/nó an creidiúnaí agus/nó an ráthóir lonnaithe sa dlínse chéanna ina bhfuil an HCB) trí na doiciméid uile a sholáthar go pras don CCB agus trí chur i gcrích gníomhaíochtaí nó foirmiúlachtaí ar bith a iarrann an CCB agus a bhfuil gá leo chun go mbeidh ar chumas an CCB a chuid oibleagáidí a chomhlíonadh.

7.   Ní bheidh an CCB faoi dhliteanas ag an HCB ach amháin maidir le forghníomhú faillíoch a chuid oibleagáidí faoi mhír 6, pointí (a) agus (b). Déanfar dliteanas an CCB a mheasúnú ar bhonn dhlí na dlínse ina bhfuil sé bunaithe, agus beidh sé teoranta do mhéid an éilimh creidmheasa, agus ní thabharfar aon damáiste iarmhartach san áireamh ann.

8.   Ní bheidh an CCB faoi dhliteanas ag an HCB as aon oibleagáidí eile a shárú ach amháin i gcás mórfhaillí nó mí-iompar toiliúil, agus déanfar dliteanas CCB a mheasúnú ar bhonn dhlí na dlínse ina bhfuil sé bunaithe.

9.   Gníomhóidh an BCN, arna iarraidh sin do HCB, mar ACB i ndáil le héilimh chreidmheasa a shlógadh. Cuirfidh BCN atá ag gníomhú mar ACB comhairle ar an HCB maidir le slógadh an éilimh creidmheasa chun a áirithiú go gcomhlíonfar na ceanglais dhlíthiúla a bhfuil feidhm acu sa dlínse ina bhfuil an ACB bunaithe. Sonróidh an ACB go háirithe, agus i bhfoirm na dtéarmaí agus na gcoinníollacha a leagtar amach in Iarscríbhinn IV, an méid seo a leanas:

Más gá, tabharfaidh an ACB cúnamh ó thaobh chur i gcrích na gcúraimí is gá chun na ceanglais a luaitear i bpointí (a) go (c) a chomhlíonadh.

Arna iarraidh sin don HCB, agus i gcás ina bhfuil an féichiúnaí agus/nó an ráthóir bunaithe sa dlínse ina bhfuil an ACB bunaithe, soláthróidh an ACB faisnéis ábhartha maidir leis an bhféichiúnaí agus/nó an ráthóir sin, lena n-áirítear seiceálacha dlúthnasc agus rátáil córais measúnaithe creidmheasa intí (ICAS).

10.   Déanfar slógadh agus díshlógadh (a) RMBDanna agus (b) comhthiomsuithe ACCanna a chur i gcrích i gcomhréir leis na nósanna imeachta arna sainiú ag an HCB.

11.   Déanfar taiscí téarma sheasta (fixed term deposits, FTDanna) a shlógadh go huathoibríoch mar chomhthaobhacht mar chuid de shocraíocht an FTD. Tarlóidh an tsocraíocht trí MCA an chontrapháirtí phríomhá a chur chun dochair agus trí chuntas an HCB a chur chun sochair.

1.   Ceadóidh BCNanna do chontrapháirtithe na sócmhainní seo a leanas a shlógadh mar chomhthaobhacht don HCB trí úsáid a bhaint as seirbhísí bainistíochta comhthaobhachta trípháirteacha ó gníomhaire trípháirteach (TPA incháilithe):

2.   Féadfar sócmhainní indíolta agus DECCanna a shlógadh trí úsáid a bhaint as seirbhísí ó TPA i gcomhréir le mír 1 trí úsáid a bhaint as an gcainéal slógtha intíre, as an gcainéal slógtha nasc, as an gcainéal CCBM nó as an gcainéal slógtha rochtana dírí de réir mar is infheidhme.

3.   I gcás ina slógtar trí bhíthin an CCBM, déanfaidh an CCB, arna iarraidh sin don HCB, socruithe conarthacha leis an TPA i gcomhréir leis na critéir a leagtar amach in Iarscríbhinn II. Beidh feidhm ag an deighilt freagrachta seo a leanas idir an HCB agus an CCB:

1.   Déanfar uathsholáthar urrúis chomhthaobhaigh a rochtain trí bhíthin an chainéil slógtha intíre, an chainéil slógtha nasc, an chainéil CCBM nó an chainéil slógtha rochtana dírí.

2.   Gníomhóidh BCN, arna iarraidh sin do HCB, mar CCB thar ceann an HCB sin le haghaidh idirbhearta uathsholáthair urrúis chomhthaobhaigh T2S.

3.   Tacófar le hidirbhearta uathsholáthair urrúis chomhthaobhaigh CCBM trí úsáid a bhaint as an mód um aistriú a chur in áirithe nó as an mód um choinneáil áirithinte, de réir mar a chinnfidh an CCB.

4.   Chun tacú le forghníomhú idirbheart um uathsholáthar urrúis chomhthaobhaigh, saineoidh gach HCB ar bhonn laethúil liosta de shócmhainní indíolta agus de DECCanna atá incháilithe lena n-úsáid in uathsholáthar urrúis chomhthaobhaigh. Féadfar a áireamh ar an liosta sin sócmhainní arna n-eisiúint sa CSD atá ag oibriú an SSS incháilithe mar a bhfuil cuntas ag an HCB, mar aon le sócmhainní arna n-eisiúint in CSD a bhfuil nasc incháilithe ag a SSS leis an SSS incháilithe.

1.   Déanfaidh BCNanna suíomh creidmheasa contrapháirtí a nuashonrú mar chuid de shocraíocht oibríocht chreidmheasa ghaolmhar an Eurochórais.

2.   Socróidh BCNanna oibríochtaí creidmheasa de chuid an Eurochórais ar ghlanbhonn, ach amháin go bhféadfaidh siad na hoibríochtaí creidmheasa sin a shocrú ar bhonn comhlán i gcásanna teagmhais.

3.   Maidir le contrapháirtithe a bhfuil rochtain acu ar chreidmheas ionlae in TARGET, gach luach comhthaobhachta, seachas an luach atá curtha i leith RMBDanna, i gcomhthiomsú comhthaobhachta an chontrapháirtí atá tiomnaithe do chomhthaobhú oibríochtaí creidmheasa an Eurochórais, ar luach comhthaobhachta é nach gá chun oibríochtaí beartais airgeadaíochta an Eurochórais a chomhthaobhú ná nach bhfuil forchoimeádta, cuirfear an luach comhthaobhachta sin ar fáil mar creidmheas i gcomhréir le mír 4.

4.   Cinnfidh an HCB luach na líne creidmheasa i gcomhréir le hathruithe ar mhéid na comhthaobhachta atá ar fáil (i.e. líne chreidmheasa chomhlúthach), ach amháin i gcás ina socraíonn an contrapháirtí agus/nó an HCB uasluach na líne creidmheasa chun teorainn a chur leis an méid creidmheasa ionlae a fhéadfar a fháil in TARGET (i.e. líne chreidmheasa uasta).

5.   Más rud é, de bhun mhír 4, go socraíonn an HCB agus an contrapháirtí araon uasluach difriúil don líne chreidmheasa, beidh an t-uasluach cothrom leis an gceann is ísle den dá luach.

6.   I gcás ina mbíonn de thoradh ar uasluach líne creidmheasa arna socrú ag contrapháirtí go gcuirtear bac ar shocrú oibríochta creidmheasa de chuid an Eurochórais, féadfaidh an HCB an t-uasluach sin a bhaint.

1.   Tabharfaidh HCB fógra dá chontrapháirtithe sula dtarlóidh ócáidí corparáideacha arna gcur in iúl ag an CSD agus a bhfuil sócmhainní indíolta nó DECCanna a shlóg an contrapháirtí mar chomhthaobhacht i gceist iontu.

2.   I gcás ina bhfuil an rannpháirtíocht in ócáid chorparáideach deonach nó ina bhfuil roghanna éagsúla i gceist inti, gníomhóidh an HCB i gcomhréir leis an treoir maidir le hócáidí corparáideacha arna tíolacadh ag an gcontrapháirtí faoin spriocdháta freagartha a leagtar amach i bhfógra an BCN. Mura dtíolacann an contrapháirtí treoir maidir le hócáidí corparáideacha, beidh feidhm ag an rogha réamhshocraithe arna cur in iúl ag an CSD, i gcás inarb infheidhme.

3.   Faoi réir mhíreanna 4 agus 5, i gcás ócáid chorparáideach a bhfuil sreabhadh airgid ón eisitheoir chuig an gcontrapháirtí (i.e. sreabhadh airgid deimhneach) i gceist inti, déanfaidh an HCB, tar éis na fáltais ón ócáid chorparáideach a fháil, na fáltais sin a aistriú chuig ceann de na cuntais seo a leanas:

4.   Ní aistreoidh an HCB na fáltais ón ócáid chorparáideach dá dtagraítear i mír 3 chuig an gcontrapháirtí in aon cheann de na cásanna seo a leanas:

5.   Déanfar fáltais airgid arna n-ainmniú in euro a shlógadh go huathoibríoch mar chomhthaobhacht de réir mhéid nach mó ná méid an ghlao ar éarlais ag 16:55 CET an lá a bhfaighidh an HCB fáltais na hócáide corparáidí má bhíonn an glao ar éarlais dá dtagraítear i mír 4, pointe (a), fós gan íoc an tráth sin. Aon fháltais ón ócáid chorparáideach de bhreis ar an méid is gá chun an glao ar éarlais (más ann dó) a chomhthaobhú, aistreoidh an HCB chuig an gcontrapháirtí iad.

6.   I gcás sreabhadh airgid deimhneach ar shócmhainní indíolta nó ar DECCanna arna slógadh trí bhíthin an CCBM, cuirfidh an CCB na fáltais ón ócáid chorparáideach chun sochair an chuntais airgid tirim euro nó seach-euro arna ainmniú ag an HCB, de réir mar is ábhartha, chun íoc ar aghaidh na bhfáltas ag an HCB leis an MCA príomhúil a éascú, i ndáil le fáltais atá ainmnithe in euro, nó chuig an gcuntas seach-euro arna ainmniú ag an gcontrapháirtí, i ndáil le fáltais nach bhfuil ainmnithe in euro.

7.   Maidir le hócáidí corparáideacha a bhfuil sreabhadh airgid ón gcontrapháirtí chuig an eisitheoir (i.e. sreabhadh airgid diúltach) i gceist iontu, déanfaidh an HCB an méid atá dlite a aisghabháil ar cheann de na bealaí seo a leanas:

8.   I gcás sreabhadh airgid diúltach ar shócmhainní indíolta nó ar DECCanna arna slógadh trí bhíthin an CCBM, cuirfidh an HCB na fáltais ón ócáid chorparáideach chun sochair an chuntais airgid thirim euro nó seach-euro arna ainmniú ag an CCB, de réir mar is ábhartha.

9.   Más rud é, tar éis íocaíocht a dhéanamh, go n-eisíonn an CSD fógra um fhreaschur chun na gluaiseachtaí airgid agus urrús atá i gceist san ócáid chorparáideach a aisiompú, déanfaidh an HCB an ghníomhaíocht seo a leanas:

10.   Má bhaineann an fógra um fhreaschur dá dtagraítear i mír 9 le sócmhainní arna slógadh trí bhíthin an CCBM, beidh feidhm ag an méid seo a leanas:

11.   Maidir le fáltais ó ócáidí corparáideacha a bhaineann le sócmhainní indíolta nó le DECCanna a shlógtar trí bhíthin an CCBM, agus mura bhfuil an doiciméadacht is gá le haghaidh faoiseamh cánach curtha ar fáil ag an gcontrapháirtí nó mura bhfuil feidhm ag an bhfaoiseamh sin mar ábhar dlí, déanfaidh an CCB méid aon chánach is gá a asbhaint nó a choinneáil siar i leith aon fháltais, a bhfuil CCB faoi dhliteanas ina leith nó cuntasach do na húdaráis chánach ina leith.

1.   Déanfaidh BCNanna athluacháil laethúil ar chomhthaobhacht arna slógtha i gcomhréir leis na rialacha luachála agus rialúcháin riosca a leagtar síos i dTreoirlíne (AE) 2015/510 (BCE/2014/60), i dTreoirlíne BCE/2014/31 agus i dTreoirlíne (AE) 2016/65 ón mBanc Ceannais Eorpach (BCE/2015/35). (9)

2.   Déanfaidh BCNanna suíomhanna creidmheasa agus suíomhanna comhthaobhachta a nuashonrú go laethúil chun ús fabhraithe a chur san áireamh.

3.   Eiseoidh BCNanna glao ar éarlais deireadh lae idir 19:00 CET agus 19:30 CET gach lá gnó más rud é, tar éis athluacháil a dhéanamh ar chomhthaobhacht arna slógadh agus tar éis nuashonrú a dhéanamh ar na suíomhanna creidmheasa agus ar na suíomhanna comhthaobhachta dá dtagraítear i mír 1 agus i mír 2 faoi seach, nach bhfuil comhthaobhacht leordhóthanach ann a thuilleadh i gcomhthiomsú comhthaobhachta ar leith.

4.   Féadfaidh BCNanna glaonna ar éarlais a eisiúint tráth ar bith, má bhraitear neamhdhóthanacht comhthaobhachta i rith an lae.

5.   I gcás nach réitítear glao ar éarlais faoi 16:55 CET lá gnó ar leith, chun an t-easnamh atá fágtha a chomhthaobhú, déanfaidh an HCB na fáltais airgid ó ócáid chorparáideach (más ann di) a shlógadh go huathoibríoch mar chomhthaobhacht i gcomhréir le hAirteagal 10(5). Mura leor na fáltais airgid ón ócáid chorparáideach chun an glao ar éarlais a réiteach go hiomlán nó in éagmais fáltais airgid ón ócáid chorparáideach, déanfaidh an HCB airgead tirim a shlógadh go huathoibríoch mar chomhthaobhacht tríd an MCA príomhúil arna ainmniú ag an gcontrapháirtí a fhéichiúnú le méid atá cothrom leis an nglao ar éarlais. Tar éis na hathluachála laethúla ar an gcomhthiomsú comhthaobhachta agus tar éis ríomh an úis fhabhraithe ar an airgead tirim arna shlógadh mar chomhthaobhacht, díshlógfaidh an HCB go huathoibríoch aon airgead tirim arna shlógadh de bhreis ar an méid is gá chun an glao ar éarlais a chumhdach.

6.   Déanfaidh BCNanna réiteach laethúil ar na sealúchais atá á sealbhú ar gach cuntas sócmhainne.

1.   I gcás sócmhainní indíolta agus DECCanna, gnóthóidh gach BCN óna chontrapháirtithe na táillí arna ngearradh ag TLUnna agus ag TPAnna. Maidir le comhthaobhacht a shlógtar trí bhíthin an CCBM, aistreoidh an HCB na táillí a bhailítear óna chontrapháirtithe chuig an CCB.

2.   Maidir le héilimh chreidmheasa, ACCanna agus RMBDanna a shlógtar mar chomhthaobhacht, cinnfidh an HCB nó, i gcás comhthaobhacht a shlógtar trí bhíthin an CCBM, cinnfidh an CCB an bhfuil nó nach bhfuil táille le gearradh. I gcás ina ngearrtar táillí, cinnfidh an HCB, nó i gcás comhthaobhacht arna slógadh trí bhíthin an CCBM, cinnfidh an CCB leibhéal na táille idirbhirt agus na táille seirbhíse.

3.   Déanfaidh an HCB na táillí atá dlite ó MCA príomhúil an chontrapháirtí in TARGET a fhéichiúnú ar bhonn míosúil.

1.   Féadfar comhthaobhacht a ath-leithdháileadh ón gcuntas sócmhainní a ainmníodh tráth an tslógtha chuig cuntas sócmhainní eile sna himthosca seo a leanas:

2.   I gcás ina dtagann an HCB ar an eolas faoi mhainneachtain nó fionraí contrapháirtí, forchoimeádann an HCB an ceart chun gach gníomhaíocht bainistíochta comhthaobhachta ag an gcontrapháirtí lena mbaineann a bhlocáil láithreach.

3.   I gcás comhthaobhacht a shlógtar trí bhíthin an CCBM, i gcás ina dtugann an HCB fógra don CCB faoi mhainneachtain an chontrapháirtí agus ar threoir an HCB, déanfaidh an CCB an méid seo a leanas:

1.   Gabhfaidh éifeacht leis an Treoirlíne seo an lá a dtabharfar fógra faoi do bhainc cheannais náisiúnta na mBallstát a bhfuil an euro mar airgeadra acu.

2.   Déanfaidh bainc cheannais náisiúnta na mBallstát a bhfuil an euro mar airgeadra acu na bearta is gá chun an Treoirlíne seo a chomhlíonadh agus cuirfidh siad i bhfeidhm iad ón 18 Samhain 2024. Cuirfidh siad na téacsanna agus na modhanna a bhaineann leis na bearta sin in iúl do BCE faoin 11 Deireadh Fómhair ar a dhéanaí.