(1)

Tá roinnt leasuithe le déanamh ar Threoirlíne (AE) 2021/564 ón mBanc Ceannais Eorpach (BCE/2021/9) (1). De ghrá na soiléireachta, ba cheart an Treoirlíne sin a athmhúnlú.

(2)

I gcomhréir le ról an euro mar airgeadra cúltaca idirnáisiúnta, tá an tEurochóras tar éis creat a fhorbairt chun seirbhísí bainistíochta cúlsócmhainní in euro a sholáthar do bhainc cheannais, d’údaráis airgeadaíochta agus do thíortha atá lonnaithe lasmuigh den limistéar euro agus d’eagraíochtaí idirnáisiúnta. Tá seirbhísí bainistíochta cúlsócmhainní an Eurochórais i gceartlár an chreata sin agus is éard atá iontu tacar dea-shainithe de sheirbhísí caighdeánaithe bainistíochta cúlsócmhainní lena gcuirtear ar cumas custaiméirí na cúlsócmhainní dá gcuid atá ainmnithe in euro a bhainistiú go cuimsitheach trí bhanc ceannais aonair de chuid an Eurochórais.

(3)

De bhun Airteagal 23 in éineacht le hAirteagal 42.4 de Reacht an Chórais Eorpaigh Banc Ceannais agus an Bhainc Ceannais Eorpaigh (dá ngairtear ‘Reacht CEBC’ anseo feasta), féadfaidh an Banc Ceannais Eorpach (BCE) agus bainc cheannais náisiúnta na mBallstát a bhfuil an euro mar airgeadra acu caidreamh a bhunú le bainc cheannais agus le hinstitiúidí airgeadais i dtíortha eile agus, i gcás inarb iomchuí, le heagraíochtaí idirnáisiúnta, agus gach cineál idirbheart baincéireachta a sheoladh ina gcaidreamh le tríú tíortha agus le heagraíochtaí idirnáisiúnta.

(4)

Agus seirbhísí bainistíochta cúlsócmhainní an Eurochórais á soláthar aige do chustaiméirí, gan beann ar an mbanc ceannais de chuid an Eurochórais trína gcuirtear na seirbhísí sin ar fáil, ba cheart don Eurochóras gníomhú mar chóras aonair. Chuige sin, is é is aidhm don Treoirlíne seo a áirithiú, inter alia, go gcuirtear seirbhísí bainistíochta cúlsócmhainní an Eurochórais ar fáil ar bhonn caighdeánaithe faoi théarmaí agus coinníollacha comhchuibhithe agus go bhfaighidh BCE, soláthraithe ERMS nó an tEurochóras, de réir mar is iomchuí, faisnéis leordhóthanach maidir leis na seirbhísí sin.

(5)

Is de chineál rúnda iad an fhaisnéis, na sonraí agus na doiciméid go léir, lena n-áirítear iad siúd a fhaightear ó chustaiméirí, arna ndréachtú ag bainc cheannais an Eurochórais agus/nó arna malartú eatarthu i gcomhthéacs seirbhísí bainistíochta cúlsócmhainní an Eurochórais agus tá siad faoi réir Airteagal 37 de Reacht CEBC. Aon chomhroinnt a dhéantar ar fhaisnéis ina bhfuil sonraí pearsanta, ní mór an chomhroinnt sin a dhéanamh i gcomhréir leis an dlí is infheidhme de chuid an Aontais lena rialaítear cosaint sonraí.

(6)

I gcomhréir le hAirteagal 1, pointe (c), de Threoirlíne (AE) 2019/671 ón mBanc Ceannais Eorpach (BCE/2019/7) (2), níl feidhm ag forálacha na Treoirlíne sin maidir le hidirbhearta a fhorghníomhaítear agus taiscí a ghlactar faoi chuimsiú sheirbhísí bainistíochta cúlsócmhainní an Eurochórais. Chun amhras a sheachaint agus ar mhaithe le deimhneacht dhlíthiúil, ba cheart é sin a shonrú sa Treoirlíne seo

(7)

Chinn an Chomhairle Rialaithe go bhfuil gá le trédhearcacht níos fearr maidir le luach saothair taiscí beartais neamhairgeadaíochta. Leagtar amach na rátaí luacha saothair is infheidhme maidir leis na taiscí sin i roinnt gníomhartha dlíthiúla éagsúla. Chun trédhearcacht a fheabhsú, chomh maith le comhsheasmhacht ar fud na ngníomhartha dlíthiúla gaolmhara, is iomchuí rátaí luacha saothair a leagan amach ar bhealach cuimsitheach in aon ghníomh dlí amháin chun cumarsáid na rátaí luacha saothair a éascú agus chun gur féidir na rátaí sin a choigeartú amach anseo. Dá bhrí sin, áirítear sna rialacha luacha saothair a bhaineann le taiscí a ghlactar faoi chuimsiú sheirbhísí bainistithe chúlchiste an Eurochórais tagairtí d’fhorálacha ábhartha Chinneadh (AE) 2024/1209 ón mBanc Ceannais Eorpach (BCE/2024/11) (3), arb é an gníomh aonair dlí é lena leagtar amach an luach saothair is infheidhme maidir le taiscí beartais neamhairgeadaíochta.

(8)

Chun deimhneacht dhlíthiúil a áirithiú, is gá dáta chur i bhfeidhm an Treoirlíne seo a ailíniú le dáta chur i bhfeidhm Chinneadh (AE) 2024/1209 (BCE/2024/11). Dá bhrí sin, ba cheart feidhm a bheith ag an Treoirlíne seo ón 1 Nollaig 2024,

(1)

ciallaíonn ‘eagraíocht idirnáisiúnta’ aon eagraíocht, seachas institiúid nó comhlacht de chuid an Aontais, a bhunaítear trí bhíthin nó faoi údarás conradh idirnáisiúnta;

(2)

ciallaíonn ‘seirbhísí bainistíochta cúlsócmhainní an Eurochórais’ nó ‘Eurosystem reserve management Services, ERMS’ na seirbhísí bainistíochta cúlsócmhainní a liostaítear in Airteagal 3 agus a fhéadfaidh soláthraithe ERMS a sholáthar do chustaiméirí agus lena gcuirtear ar chumas custaiméirí a gcúlsócmhainní a bhainistiú go cuimsitheach trí sholáthraí ERMS amháin nó níos mó;

(3)

ciallaíonn ‘custaiméir’ aon bhanc ceannais (lena n-áirítear aon údarás airgeadaíochta) nó aon tír (lena n-áirítear aon údarás poiblí nó gníomhaireacht rialtais) atá lonnaithe lasmuigh den limistéar euro, nó aon eagraíocht idirnáisiúnta a gcuireann banc ceannais amháin nó níos mó de chuid an Eurochórais seirbhísí bainistíochta cúlsócmhainní an Eurochórais ar fáil dó nó di;

(4)

ciallaíonn ‘banc ceannais Eurochórais’ BCE nó aon bhanc ceannais náisiúnta de chuid Ballstáit a bhfuil an euro mar airgeadra aige;

(5)

ciallaíonn ‘soláthraí ERMS’ banc ceannais Eurochórais a sholáthraíonn seirbhísí bainistíochta cúlsócmhainní uile an Eurochórais nó fothacar de na seirbhísí sin, bíodh conradh tugtha i gcrích ag an mbanc ceannais ábhartha de chuid an Eurochórais leis an gcustaiméir nó ná bíodh;

(6)

ciallaíonn ‘saoráid infheistíochta ar Leibhéal 1’ saoráid theoranta le haghaidh infheistíocht go díreach leis an soláthraí ERMS;

(7)

ciallaíonn ‘saoráid infheistíochta ar Leibhéal 2’ saoráid le haghaidh infheistíocht ar bhonn gníomhaireachta ar an margadh le contrapháirtithe arna roghnú ag an soláthraí ERMS;

(8)

ciallaíonn ‘bonn gníomhaireachta’ go ngníomhaíonn an soláthraí ERMS mar ghníomhaire do chustaiméir ar cheachtar de na bealaí seo a leanas: (a) ar bhonn nochta, is é sin go ngníomhaíonn an soláthraí ERMS in ainm agus thar ceann a chustaiméara vis-à-vis a chontrapháirtí, i.e. nochtann sé céannacht a chustaiméara agus nochtann sé an fhíric go ngníomhaíonn sé mar ghníomhaire don chustaiméir sin; nó (b) ar bhonn neamhnochta, is é sin go ngníomhaíonn an soláthraí ERMS thar ceann a chustaiméara ach gan bheith in ainm a chustaiméara vis-à-vis a chontrapháirtí, i.e. nochtann sé an fhíric go ngníomhaíonn sé mar ghníomhaire thar ceann custaiméir amháin dá chustaiméirí ach ní nochtann sé céannacht an chustaiméara sin;

(9)

ciallaíonn ‘iarmhéid airgid farasbairr’ iarmhéid nach féidir, aon lá ar leith, freastal air faoin tsaoráid infheistíochta ar Leibhéal 1 ná faoin tsaoráid infheistíochta ar Leibhéal 2;

(10)

ciallaíonn ‘bonn príomhaí’ go ngníomhaíonn an soláthraí ERMS ina ainm féin agus thar a cheann féin i dtaca lena chustaiméirí agus lena chontrapháirtithe;

(11)

ciallaíonn ‘cúlsócmhainní’ airgead arna ainmniú in euro agus na hurrúis sin arna n-ainmniú in euro atá ar áireamh i liosta an Eurochórais de shócmhainní incháilithe indíolta, arna bhfoilsiú agus arna nuashonrú go laethúil ar shuíomh gréasáin BCE i gcomhréir le hAirteagal 61 de Threoirlíne (AE) 2015/510 ón mBanc Ceannais Eorpach (BCE/2014/60) (4), cé is moite díobh seo a leanas:

(1)

na seirbhísí cuntais airgid seo a leanas:

(2)

na seirbhísí taisceánaigh seo a leanas:

(3)

na seirbhísí socraíochta seo a leanas:

(4)

na seirbhísí infheistíochta airgid thar oíche seo a leanas:

(5)

na seirbhísí taisce téarma shocraithe seo a leanas:

(6)

infheistíochtaí a fhorghníomhú do chustaiméirí i gcomhréir lena mbuantreoracha, nó le sainordú infheistíochta, agus i gcomhréir le tacar sheirbhísí bainistíochta cúlsócmhainní an Eurochórais, faoi réir an mhéid seo a leanas:

(7)

orduithe custaiméirí le haghaidh ceannach nó díolacháin urrús a fhorghníomhú sa mhargadh tánaisteach lena gcumhdófar urrúis ó raon iomlán na n-urrús incháilithe a soláthraítear cuntais urrús ina leith mar a leagtar amach i bpointe (2)(a) faoi réir an mhéid seo a leanas:

(8)

na seirbhísí idirbhirt malairte eachtraí seo a leanas i ndáil leis an euro in aghaidh airgeadraí agus in aghaidh óir mar maith le comhaontuithe athcheannaigh droim ar ais in euro:

seirbhísí idirbhirt malairte eachtraí de chuid an Eurochórais arna dtairiscint ag soláthraithe ERMS ar bhonn príomhaí, forghníomhófar iad ina n-ainm féin agus féadfaidh siad a bheith faoi réir na dtreoirlínte arna nglacadh ag BCE ar bhonn Airteagal 31 de Reacht CEBC lena leagtar amach na tairseacha ar dá réir nó faoina mbun a fhéadfaidh bainc cheannais náisiúnta cineálacha éagsúla oibríochtaí malairte eachtraí a dhéanamh aon lá ar leith gan ceadú BCE a fháil, agus nach bhféadfaidh bainc cheannais náisiúnta, má théitear os cionn na dtairseach sin, cineálacha éagsúla oibríochtaí malairte eachtraí a dhéanamh aon lá ar leith gan ceadú BCE a fháil roimh ré. A mhéad atá na hidirbhearta a fhorghníomhaítear de bhun na Treoirlíne seo faoi réir na dtreoirlínte arna nglacadh ag BCE ar bhonn Airteagal 31 de Reacht CEBC, beidh feidhm freisin ag na treoirlínte is deireanaí a luaitear.

(1)

chun go n-aisghabhfar costais inmheánacha a bhaineann leis na seirbhísí taisceánaigh agus socraíochta a sholáthraítear do chustaiméirí le haghaidh an raoin urrús incháilithe a leagtar amach in Airteagal 3, pointí (2) agus (3), na táillí seo a leanas, arna gcinneadh ag an gComhairle Rialaithe:

(2)

chun orduithe urrús a fhorghníomhú, cumhdófar costais inmheánacha trí chorrlach a chinnfidh an soláthraí ERMS lena mbaineann ar bhonn idirbhirt a chur i bhfeidhm. Aon táillí seachtracha, mar shampla táillí a ghearrann CSDanna, ICSDanna agus bainc cheannais chomhfhreagracha i gcomhthéacs socruithe déthaobhacha, cuirfear ar aghaidh ina n-iomláine iad chuig na custaiméirí. Féadfaidh na táillí sin a bheith éagsúil lena chéile agus níl siad comhchuibhithe ar leibhéal an Eurochórais;

(3)

is éard a bheidh sna táillí a ghearrfar ar chustaiméirí i leith infheistíochtaí i gcomhréir le buantreoracha nó le sainordú infheistíochta ná na táillí a chuirfear i bhfeidhm le haghaidh na hoibríochta foluití a bhaineann le hurrúis nó na seirbhíse foluití airgid. Ní chuirfear aon táillí ar leithligh ná táillí breise i bhfeidhm chun buantreoracha a fhorghníomhú sa cháil sin. Is é an soláthraí ábhartha ERMS a chinnfidh an táille i leith sainordú infheistíochta;

(4)

maidir leis na costais a thabhaítear agus seirbhísí idirbhirt malairte eachtraí á soláthar ar bhonn príomhaí, cuirfidh an soláthraí ábhartha ERMS corrlach i bhfeidhm idir praghas ceannaigh nó díola na malairte eachtraí, arna chinneadh ag an soláthraí ERMS ábhartha, agus an ráta atá i réim sa mhargadh ar bhonn idirbheart aonair;

(5)

áiritheoidh custaiméirí go mbeidh iarmhéideanna a gcuid cuntas airgid níos mó ná nialas nó cothrom le nialas tráth nach déanaí ná am scoir gnó gach lá gnó.