This document is an excerpt from the EUR-Lex website
Document 32024L0299
Commission Delegated Directive (EU) 2024/299 of 27 October 2023 amending Directive (EU) 2016/2284 of the European Parliament and of the Council on the methodology for the reporting of projected emissions of certain atmospheric pollutants
Treoir Tarmligthe (AE) 2024/299 ón gCoimisiún an 27 Deireadh Fómhair 2023 lena leasaítear Treoir (AE) 2016/2284 ó Pharlaimint na hEorpa agus ón gComhairle maidir leis an modheolaíocht chun astaíochtaí réamh-mheasta truailleán áirithe san aer a thuairisciú
Treoir Tarmligthe (AE) 2024/299 ón gCoimisiún an 27 Deireadh Fómhair 2023 lena leasaítear Treoir (AE) 2016/2284 ó Pharlaimint na hEorpa agus ón gComhairle maidir leis an modheolaíocht chun astaíochtaí réamh-mheasta truailleán áirithe san aer a thuairisciú
C/2023/7156
IO L, 2024/299, 17.1.2024, ELI: http://data.europa.eu/eli/dir_del/2024/299/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2024/299 |
17.1.2024 |
TREOIR TARMLIGTHE (AE) 2024/299 ÓN gCOIMISIÚN
an 27 Deireadh Fómhair 2023
lena leasaítear Treoir (AE) 2016/2284 ó Pharlaimint na hEorpa agus ón gComhairle maidir leis an modheolaíocht chun astaíochtaí réamh-mheasta truailleán áirithe san aer a thuairisciú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir (AE) 2016/2284 ó Pharlaimint na hEorpa agus ón gComhairle an 14 Nollaig 2016 maidir le hastaíochtaí náisiúnta truailleán áirithe san aer a laghdú, lena leasaítear Treoir 2003/35/CE agus lena n-aisghairtear Treoir 2001/81/CE (1), agus go háirithe Airteagal 8(7) de,
De bharr an mhéid seo a leanas:
|
(1) |
Le hAirteagal 8(2) de Threoir (AE) 2016/2284 ceanglaítear ar na Ballstáit réamh-mheastacháin náisiúnta astaíochtaí le haghaidh na dtruailleán a leagtar amach i dTábla C d’Iarscríbhinn I a ghabhann leis an Treoir sin a ullmhú agus a thabhairt cothrom le dáta gach 2 bhliain i gcomhréir leis na ceanglais a leagtar amach sa Treoir sin. |
|
(2) |
Foráiltear le hAirteagal 8(5) de Threoir (AE) 2016/2284 gur cheart réamh-mheastacháin náisiúnta astaíochtaí a ullmhú agus a thabhairt cothrom le dáta i gcomhréir leis na ceanglais a leagtar amach in Iarscríbhinn IV a ghabhann leis an Treoir sin agus gur cheart iad a mheas agus a chomhiomlánú de réir na n-earnálacha foinseacha ábhartha. |
|
(3) |
Ba cheart réamh-mheastacháin astaíochtaí a thuairisciú don Choimisiún agus don Ghníomhaireacht Eorpach Chomhshaoil i gcomhréir le hAirteagal 10(2) de Threoir (AE) 2016/2284. Beidh an tuairisciú sin comhsheasmhach leis na rialacha tuairiscithe dá bhforáiltear i gCoinbhinsiún 1979 de chuid Choimisiún Eacnamaíochta na Náisiún Aontaithe don Eoraip (UNECE) maidir le hAerthruailliú Trasteorann Fadraoin (2) (Coinbhinsiún LRTAP). |
|
(4) |
Bunaítear na ceanglais tuairiscithe faoi Choinbhinsiún LRTAP leis na Treoirlínte maidir le hAstaíochtaí agus Sonraí Réamh-mheastacháin a thuairisciú faoin gCoinbhinsiún maidir le hAerthruailliú Trasteorann Fadraoin (Treoirlínte Tuairiscithe). Rinne Comhlacht Feidhmiúcháin an Choinbhinsiúin athbhreithniú ar na Treoirlínte Tuairiscithe sin ag a 42ú seisiún i mí na Nollag 2022 (3), lena ndéantar modhnú ar na ceanglais maidir le réamh-mheastacháin astaíochtaí a thuairisciú. Faoi mhíreanna 27, 41(b) agus 46 de na Treoirlínte Tuairiscithe athbhreithnithe, ba cheart astaíochtaí réamh-mheasta a thuairisciú trí úsáid a bhaint as an teimpléad a leagtar amach in Iarscríbhinn IV a ghabhann leis na Treoirlínte Tuairiscithe sin. Comhfhreagraíonn an teimpléad sin do struchtúr an teimpléid le haghaidh fardail astaíochtaí a thuairisciú, rud a fhágann gur cheart réamh-mheastacháin astaíochtaí a thuairisciú de réir na hainmníochta aonair le haghaidh catagóirí foinsí a thuairisciú mar a fhoráiltear i gCoinbhinsiún LRTAP. |
|
(5) |
Ó rinneadh athbhreithniú ar na Treoirlínte Tuairiscithe in 2022, níl an leibhéal comhiomlánaithe le haghaidh réamh-mheastacháin astaíochtaí a cheanglaítear faoi Threoir (AE) 2016/2284 i gcomhréir leis na ceanglais tuairiscithe a leagtar amach i gCoinbhinsiún LRTAP a thuilleadh. An teimpléad a leagtar amach in Iarscríbhinn IV a ghabhann leis na Treoirlínte Tuairiscithe athbhreithnithe, tá leibhéal níos mionsonraithe ag teastáil uaidh, ar leibhéal é a chomhfhreagraíonn don leibhéal le haghaidh fardail astaíochtaí a thuairisciú a cheanglaítear le hIarscríbhinn I a ghabhann leis na Treoirlínte Tuairiscithe athbhreithnithe agus le hAirteagal 8(1) de Threoir (AE) 2016/2284. Chun inchomparáideacht agus comhsheasmhacht a fheabhsú, tá sé iomchuí tuairisciú na réamh-mheastachán astaíochtaí a leagtar amach i dTreoir (AE) 2016/2284 a choigeartú do thuairisciú na bhfardal astaíochtaí a cheanglaítearfaoi Threoir (AE) 2016/2284. |
|
(6) |
Ba cheart, dá bhrí sin, Iarscríbhinní I agus IV a ghabhann le Treoir (AE) 2016/2284 a leasú dá réir sin, |
TAR ÉIS AN TREOIR SEO A GHLACADH:
Airteagal 1
Leasaítear Iarscríbhinn I agus Iarscríbhinn IV a ghabhann le Treoir (AE) 2016/2284 i gcomhréir leis an Iarscríbhinn a ghabhann leis an Treoir seo.
Airteagal 2
1. Na forálacha reachtaíochta, rialúcháin agus riaracháin is gá chun an Treoir seo a chomhlíonadh, déanfaidh na Ballstáit iad a thabhairt i bhfeidhm faoin 31 Nollaig 2024. Cuirfidh siad téacs na bhforálacha sin in iúl don Choimisiún láithreach.
Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh.
2. Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.
Airteagal 3
Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.
Airteagal 4
Is chuig na Ballstáit a dhírítear an Treoir seo.
Arna dhéanamh sa Bhruiséil, an 27 Deireadh Fómhair 2023.
Thar ceann an Choimisiúin
An tUachtarán
Ursula VON DER LEYEN
(1) IO L 344, 17.12.2016, lch. 1.
(2) Coinbhinsiún maidir le haerthruailliú trasteorann fadraoin (IO L 171, 27.6.1981, lch. 13).
(3) Treoirlínte maidir le hAstaíochtaí agus Sonraí Réamh-mheastacháin a thuairisciú faoin gCoinbhinsiún maidir le hAerthruailliú Trasteorann Fadraoin, ar Treoirlínte iad de chuid Chomhlacht Feidhmiúcháin an Choinbhinsiúin maidir le hAerthruailliú Trasteorann Fadraoin (ECE/EB.AIR/125, Cinntí an Chomhlachta Feidhmiúcháin 2013/3 agus 2013/4), mar a leasaíodh iad ag a 42ú seisiún i mí na Nollag 2022.
IARSCRÍBHINN
Leasaítear Iarscríbhinn I agus Iarscríbhinn IV a ghabhann le Treoir (AE) 2016/2284 mar a leanas:
|
(1) |
In Iarscríbhinn I, cuirtear an méid seo a leanas in ionad Thábla C: ‘Tábla C Ceanglais tuairiscithe le haghaidh astaíochtaí agus réamh-mheastachán dá dtagraítear in Airteagal 8(2)
|
|
(2) |
In Iarscríbhinn IV, Cuid 2 (‘Réamh-mheastacháin náisiúnta astaíochtaí’), cuirtear an méid seo a leanas in ionad phointe 2:
|
(1) Laistigh de thréimhse 4 seachtaine, soláthrófar ath-aighneachtaí de dheasca earráidí agus áireofar orthu míniú soiléir ar na hathruithe a rinneadh.’
ELI: http://data.europa.eu/eli/dir_del/2024/299/oj
ISSN 1977-0839 (electronic edition)