‘1.   Bunóidh agus oibreoidh ECCSEL ERIC bonneagar taighde dáilte den chéad scoth atá le cur ar bun mar mhol lárnach a bheidh freagrach as oibriú comhordaithe roinnt saoráidí a oibreoidh faoi shainmharc comhpháirteach, is e sin ECCSEL ERIC.

‘2.   Déanfaidh ECCSEL ERIC na saoráidí is gá chun taighde a dhéanamh i réimsí tosaíochta a chur ar fáil don phobal taighde idirnáisiúnta. Tríd an méid sin a dhéanamh, rannchuideoidh ECCSEL ERIC leis an bhforbairt theicneolaíoch ar thús cadhnaíochta a bhrú thar an úrscothacht atá ann faoi láthair, agus ar an gcaoi sin cuirfidh sé dlús le tráchtálú agus cur in úsáid GÚSC agus na gcóras fuinnimh fodhromchla inbhuanaithe ailínithe. Sa ghnóthas sin, tabharfaidh ECCSEL ERIC aghaidh ar ghníomhaíochtaí taighde ardleibhéil i measc eolaithe laistigh de na réimsí sin agus de réir thosaíochtaí ECCSEL ERIC agus cothóidh sé na gníomhaíochtaí sin. Bunóidh ECCSEL ERIC fardal fíor-ardfhorbartha de shaoráidí taighde uathúla agus tabharfaidh sé rochtain ar na hacmhainní sin do phobail úsáideoirí Eorpacha (go príomha), agus do phobail úsáideoirí neamh-Eorpacha.’

‘4.   Gan dochar d’Airteagal 2(3), féadfaidh ECCSEL ERIC gníomhaíochtaí eacnamaíocha teoranta a dhéanamh, ar choinníoll go bhfuil dlúthbhaint acu le príomhchúraimí ECCSEL ERIC agus nach gcuireann siad baint amach na bpríomhchúraimí sin i mbaol.’

‘2.   An Bord Comhairleach Eolaíoch agus an Beartas um Meastóireacht Eolaíoch’

‘4.   Beidh díolúintí cánach bunaithe ar Ghníomh na hIorua maidir le cáin bhreisluacha an 19 Meitheamh 2009 Uimh. 58, § 10–3, teoranta don cháin bhreisluacha le haghaidh na n-earraí agus na seirbhísí sin atá le húsáid go hoifigiúil agus go heisiach ag ECCSEL ERIC agus a dhéanann ECCSEL ERIC nó Ballstáit ECCSEL a íoc agus a sholáthar ina n-iomláine. Beidh feidhm ag na díolúintí cánach maidir le gníomhaíochtaí neamheacnamaíocha. Ní bheidh feidhm acu maidir le gníomhaíochtaí eacnamaíocha. Ní bheidh feidhm ag aon teorainn bhreise.’

‘5.   Má chuirtear de chúram ar Bhallstát ECCSEL ERIC óstáil a dhéanamh ar Oifig ECCSEL ERIC atá aitheanta ag an mBallstát sin de ECCSEL ERIC mar chomhlacht idirnáisiúnta de réir bhrí Airteagail 143(1)(g) agus 151(1)(b) de Threoir 2006/112/CE ón gComhairle agus mar eagraíocht idirnáisiúnta de réir bhrí Airteagal 11(1)(b) de Threoir (AE) 2020/262 ón gComhairle, tairbheoidh an Oifig ECCSEL ERIC sin, maidir le hearraí agus seirbhísí a fhaightear laistigh den Aontas dá riachtanais féin nó chun na cúraimí a shann ECCSEL ERIC dó a bhaint amach, de dhíolúintí cánach bunaithe ar Airteagail 143(1)(g) agus 151(1)(b) de Threoir 2006/112/CE, i gcás ceannacháin a sháraíonn luach EUR 300, agus a dhéanann ECCSEL ERIC nó Ballstáit ECCSEL ERIC a íoc agus a sholáthar ina n-iomláine. Beidh feidhm ag na díolúintí cánach maidir le gníomhaíochtaí neamheacnamaíocha. Ní bheidh feidhm acu maidir le gníomhaíochtaí eacnamaíocha. Ní bheidh feidhm ag aon teorainn bhreise.’

‘1.   Beidh rochtain oscailte ar thorthaí agus sonraí taighde ECCSEL ERIC i gcomhréir le beartais um scaipeadh agus sonraí arna nglacadh ag an gComhthionól Ginearálta. Cuirfear torthaí agus sonraí taighde oscailte ar fáil do pháirtithe leasmhara gan aon chostas eile a íoc seachas na costais a bhaineann leis an scaipeadh. Chun críoch na forála seo, ciallóidh ‘torthaí agus sonraí taighde ECCSEL ERIC’ torthaí agus sonraí taighde i réimse GÚSC agus na gcóras fuinnimh fodhromchla inbhuanaithe ailínithe a ghineann úinéirí na saoráidí atá rannpháirteach i mbonneagar ECCSEL ERIC.’

‘4.   Spreagfaidh ECCSEL ERIC úsáideoirí thorthaí taighde ECCSEL ERIC go ginearálta chun a dtorthaí taighde féin a chur ar fáil go poiblí agus iarrfaidh sé ar úsáideoirí poiblíocht oiriúnach a dhéanamh faoin rochtain a thugtar dóibh laistigh de ECCSEL ERIC.’

‘5.   Úsáidfidh ECCSEL ERIC raon modhanna chun dul i bhfeidhm ar spriocphobail.’

‘6.   Tabharfar tuairisc sa bheartas um scaipeadh ar na spriocghrúpaí éagsúla, agus úsáidfear raon modhanna chun dul i bhfeidhm ar spriocghrúpaí éagsúla. Sna foilseacháin uile ina bpléitear le torthaí agus le heolas a ghintear le comhar ECCSEL nó laistigh de, tabharfar aitheantas cuí do ECCSEL ERIC.’

‘2.   Maidir le ceisteanna a bhaineann le Maoin Intleachtúil, déanfar an caidreamh idir na Ballstáit a rialú le reachtaíocht náisiúnta na mBallstát, chomh maith le rialacha agus rialacháin idirnáisiúnta ábhartha.’

‘3.   Maoin intleachtúil a sholáthraíonn Ballstáit do ECCSEL ERIC, fanfaidh sí ina maoin de chuid shealbhóir bunaidh na Maoine Intleachtúla. Má thionscnaíonn maoin den sórt sin ó obair arna maoiniú ag ECCSEL ERIC (ranníocaíocht dhíreach nó chomhchineáil), is le ECCSEL ERIC a bheidh an mhaoin intleachtúil, mura gcomhaontaítear gur leis an mBallstát a chruthaigh an mhaoin í. Ní mheasfar gur obair arna maoiniú ag ECCSEL ERIC chun críoch Maoine Intleachtúla é luach eacnamaíoch féideartha na rochtana os cionn na táille a íocadh.’

‘6.   Soláthróidh ECCSEL ERIC treoraíocht do thaighdeoirí chun a áirithiú go mbeidh taighde a dhéanfar trí úsáid a bhaint as ábhar a chuirtear ar fáil trí ECCSEL ERIC laistigh de chreat lena n-aithnítear cearta úinéirí.’