1.   Cuirfidh an Bord comhairle ar an gComhairle agus ar an gCoimisiún maidir le feidhmiú a gcuid feidhmeanna i ndáil leis an bhfaireachas fioscach iltaobhach a leagtar amach in Airteagail 121, 126 agus 136 CFAE.

2.   Chun críocha alt 1, déanfaidh an Bord an méid seo a leanas:

3.   Cuirfidh Rúnaíocht an Bhoird an Chomhairle nó an Coimisiún ar an eolas gan mhoill faoi na hiarrataí ar chomhairle a chuirfidh an institiúid eile chuig an mBord.

1.   Beidh an Bord Fioscach Eorpach comhdhéanta de Chathaoirleach agus ceathrar comhaltaí.

2.   Déanfaidh an Coimisiún a dhícheall cothromaíocht iomchuí gheografach agus inscne a áirithiú, a mhéid is féidir, i gcomhdhéanamh an Bhoird.

3.   Roghnófar agus ceapfar Cathaoirleach agus comhaltaí an Bhoird ó shaineolaithe a bhfuil cáil idirnáisiúnta orthu ar bhonn fiúntais, scileanna agus eolais a bheidh le measúnú de réir taithí agus inniúlachtaí anailíseacha cruthaithe i ndáil leis an anailís ar airgeadas poiblí agus i ndáil leis an mhaicreacnamaíocht.

4.   Déanfaidh an Coimisiún liosta na daoine a beartófar a cheapadh a tharchur chuig Parlaimint na hEorpa agus chuig an gComhairle le haghaidh comhairliúcháin, agus iarrfaidh sé a dtuairimí laistigh de mhí amháin ón tarchur.

5.   Is é an Coimisiún a cheapfaidh Cathaoirleach agus comhaltaí an Bhoird ar thogra ón Uachtarán, tar éis dó dul i gcomhairle leis an gCoimisinéir punainne agus leis an Leas-Uachtarán de réir mar is iomchuí.

6.   Ceapfar Cathaoirleach agus comhaltaí an Bhoird ar feadh tréimhse 3 bliana, agus féadfar an tréimhse sin a athnuachan uair amháin.

7.   Ceapfar Cathaoirleach agus comhaltaí an Bhoird mar Chomhairleoirí Speisialta, a bhfuil a stádas agus a luach saothair leagtha amach in Airteagail 5, 123 agus 124 de Choinníollacha Fostaíochta Sheirbhísigh Eile.

1.   Agus a gcuid feidhmeanna á ndéanamh acu, gníomhóidh comhaltaí an Bhoird go neamhspleách agus ní lorgóidh siad ná ní ghlacfaidh siad treoir ó institiúidí ná ó chomhlachtaí an Aontais, ó rialtas aon Bhallstáit ná ó aon chomhlacht príobháideach nó poiblí eile.

2.   Déanfaidh comhaltaí an Bhoird aon choinbhleacht leasa a d’fhéadfadh a bheith ann maidir le measúnú nó tuairim ar leith a nochtadh don Chathaoirleach, agus déanfaidh an Cathaoirleach na bearta iomchuí, agus féadfaidh sé nó sí a chinneadh nach mbeidh an comhalta lena mbaineann rannpháirteach in ullmhú agus i nglacadh an mheasúnaithe nó na tuairime sin. Tabharfaidh an Bord aghaidh ar choinbhleachtaí leasa a d’fhéadfadh a bheith ag an gCathaoirleach.

3.   Tá an ceart chun tuairimí a nochtadh ag comhaltaí an Bhoird, i gcomhréir le hAirteagal 17a de na Rialacháin Foirne.

1.   Beidh an Cathaoirleach freagrach as maoirseacht a dhéanamh ar fheidhmiú na gcúraimí a chuirtear de chúram ar an mBord agus as feidhmiú cuí an Bhoird a áirithiú. Reáchtálfaidh an Cathaoirleach cruinnithe an Bhoird agus déanfaidh sé nó sí cathaoirleacht orthu.

2.   Ní ghlacfaidh an Bord le comhairle ach amháin nuair a bheidh triúr comhaltaí ar a laghad, lena n-áirítear an Cathaoirleach, rannpháirteach sa chruinniú. Féachfaidh an Bord le comhairle a ghlacadh de chomhthoil. Mura mbeifear in ann teacht ar chomhthoil, déanfaidh sé cinneadh trí thromlach simplí dá chomhaltaí atá i láthair ag an gcruinniú, lena n-áirítear an Cathaoirleach, agus ní chuirfear staonadh ó vótáil san áireamh. I gcás comhionannas vótaí, is ag an gCathaoirleach a bheidh an vóta réitigh.

3.   Bunóidh an Bord a chuid Rialacha Nós Imeachta féin.

4.   Oibreoidh an Bord i gcomhréir lena Rialacha Nós Imeachta. Ní bheidh cruinnithe an Bhoird oscailte don phobal. Féadfaidh na cruinnithe a bheith ina gcruinnithe fisiciúla, ina gcruinnithe ar líne nó ina gcruinnithe hibrideacha.

5.   Meabhrán tuisceana lena leagfar síos módúlachtaí praiticiúla maidir le raon feidhme agus modhanna comhair, lena n-áirítear go háirithe rochtain ar fhaisnéis ábhartha, déanfar é a thabhairt i gcrích idir an Bord agus seirbhísí ábhartha an Choimisiúin. Cuirfidh an Bord socruithe oibre coibhéiseacha i gcrích leis an gComhairle.

6.   D’fhéadfadh sé go n-iarrfar ar Chathaoirleach an Bhoird a chomhairle agus a thuairimí, chomh maith lena thuarascáil bhliantúil, a chur i láthair i gcruinnithe an Choimisiúin nó na Comhairle i gcás ina bpléifear iad sna cruinnithe sin.

7.   Na speansais taistil agus chothaithe a thabhóidh an Cathaoirleach agus na comhaltaí, aisíocfaidh an Coimisiún iad i gcomhréir leis na forálacha a bheidh i bhfeidhm laistigh den Choimisiún. Déanfar na speansais sin a aisíoc laistigh de theorainneacha na leithreasuithe atá ar fáil arna leithdháileadh faoin nós imeachta bliantúil um chomhroinnt acmhainní.

1.   Gheobhaidh an Bord tacaíocht ó Rúnaíocht, déanta suas de Cheann na Rúnaíochta agus baill foirne tacaíochta thiomnaithe.

2.   Ní fheidhmeoidh an Rúnaíocht ach amháin ar threoracha an Bhoird agus na cúraimí a shanntar don Bhord á gcomhlíonadh aici. Déanfaidh an Rúnaíocht na nithe seo a leanas:

3.   Is é an Coimisiún a cheapfaidh Ceann na Rúnaíochta, tar éis dó dul i gcomhairle le Cathaoirleach an Bhoird.

4.   Mura bhfuil Cathaoirleach an Bhoird ceaptha fós nó má tá a théarma oifige imithe in éag, déanfaidh an Coimisiún an Ceann Rúnaíochta a cheapadh go díreach.

5.   Oifigigh, gníomhairí sealadacha, gníomhairí ar conradh, nó saineolaithe náisiúnta ar iasacht, arna roghnú ag an gCeann Rúnaíochta i gcomhaontú leis an gCathaoirleach, a bheidh i gcomhaltaí eile na Rúnaíochta. Roghnófar comhaltaí uile na Rúnaíochta ar bhonn ardcháilíochta agus taithí i réimsí atá ábhartha do ghníomhaíocht an Bhoird.

6.   Beidh an Rúnaíocht ceangailte, chun críocha riaracháin, le hArdrúnaíocht an Choimisiúin.

1.   Aisghairtear Cinneadh (AE) 2015/1937.

2.   Tiocfaidh an Cinneadh seo i bhfeidhm ar lá a ghlactha.