(1)

Fuair an Coimisiún Eorpach (‘an Coimisiún’) gearán de bhun Airteagal 10 de Rialachán (AE) 2016/1037 (‘an bun-Rialachán’), ina líomhnaítear go bhfuil allmhairí eistear fosfáite ailcile áirithe, de thionscnamh Dhaon-Phoblacht na Síne, á bhfóirdheonú agus go bhfuil díobháil á déanamh do thionscal an Aontais dá bharr.

(2)

Rinne ICL Europe U.A., Lanxess Deutschland GmbH agus PCC Rokita S.A (‘na gearánaigh’) an gearán a thaisceadh an 8 Samhain 2023. Rinneadh an gearán thar ceann thionscal eistir fosfáite ailcile áirithe an Aontais de réir bhrí Airteagal 10(6) den bhun-Rialachán.

(3)

Thionscain an Coimisiún imscrúdú faoi Airteagal 10 den bhun-Rialachán an 21 Nollaig 2023.

(4)

Ar an 11 Lúnasa 2023 thionscain an Coimisiún imscrúdú frithdhumpála ar allmhairí an táirge sin ó Dhaon-Phoblacht na Síne (2), agus forchuireadh bearta sealadacha ar na hallmhairí sin an 11 Aibreán 2024 (3).

(5)

I ríomhphost chuig an gCoimisiún an 15 Aibreán 2024, tharraing na gearánaigh siar a ngearán.

(6)

I gcomhréir le hAirteagal 14(1) den bhun-Rialachán, féadfar an t-imeacht a fhoirceannadh, ach amháin mura mbeadh foirceannadh den sórt sin chun leas an Aontais.

(7)

Níor tháinig aon chúinse chun cinn le linn an imscrúdaithe a léirigh nach mbeadh an foirceannadh chun leas an Aontais.

(8)

Dá bhrí sin, tháinig an Coimisiún ar an gconclúid gur cheart an t-imeacht a fhoirceannadh gan cinneadh foirmiúil maidir le cleachtais fóirdheonaithe tháirgeoirí onnmhairiúcháin na Síne.

(9)

Cuireadh na páirtithe leasmhara ar an eolas dá réir agus tugadh deis dóibh barúlacha a thabhairt.

(10)

Ní bhfuarthas aon bharúil.

(11)

Tá an Cinneadh seo i gcomhréir leis an tuairim ón gCoiste a bunaíodh le hAirteagal 25(1) den bhun-Rialachán,