(1)

In Airteagal 5(3) de Threoir 2001/95/CE, leagtar amach go mba cheart tairgeoirí agus dáileoirí údaráis inniúla na mBallstát a chur ar an eolas láithreach i gcás gurb eol dóibh nó más ceart dóibh fios a bheith acu, ar bhonn na faisnéise atá ina seilbh acu agus ina gcáil mar ghairmithe, go bhfuil rioscaí don tomhaltóir ag baint le táirge atá curtha ar an margadh acu ar rioscaí iad nach bhfuil comhréireach leis an gceanglas ginearálta sábháilteachta, agus sonraí a thabhairt, go háirithe, faoin ngníomhaíocht a rinneadh chun an riosca don tomhaltóir a chosc.

(2)

I gCinneadh 2004/905/CE ón gCoimisiún (2), leagtar amach treoirlínte oibríochtúla maidir leis na critéir is ábhartha maidir le fógraí agus gnéithe praiticiúla a bhaineann leis na fógraí. Tá na treoirlínte sin dírithe go háirithe ar chuidiú le táirgeoirí agus dáileoirí maidir lena n-oibleagáid faoi Airteagal 5(3) de Threoir 2001/95/CE a chur chun feidhme.

(3)

Le Rialachán (AE) 2023/988 ó Pharlaimint na hEorpa agus ón gComhairle (3), tugtar isteach oibleagáidí nua le haghaidh oibreoirí eacnamaíocha chun úsáid a bhaint as an Tairseach Ghnó maidir le Sábháilteacht d’fhonn údaráis um fhaireachas margaidh sna Ballstáit inar cuireadh an táirge ar fáil a chur ar an eolas maidir leis na bearta ceartaitheacha arna ndéanamh chun an táirge a thabhairt i gcomhlíontacht ar bhealach éifeachtach. Áirítear ar na bearta sin táirge a tharraingt siar nó a aisghairm, de réir mar is iomchuí.

(4)

Ós rud é go n-aisghairtear Treoir 2001/95/CE le Rialachán (AE) 2023/988 ó dháta a chur i bhfeidhm, agus ós rud é go dtugtar isteach oibleagáidí nua maidir le fógraí ó oibreoirí eacnamaíocha le Rialachán (AE) 2023/988, rachaidh Cinneadh 2004/905/CE i léig agus ba cheart é a aisghairm.

(5)

Ba cheart feidhm a bheith ag an gCinneadh seo ón dáta céanna le Rialachán (AE) 2023/988,