(1)

Is galar víreasach tógálach é an bholgach caorach agus an bholgach gabhar a bhíonn ar ainmhithe den chineál caorach nó den chineál gabhair agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha.

(2)

Liostaítear an bholgach caorach agus an bholgach gabhar mar ghalar de chatagóir A i Rialachán Cur Chun Feidhme (AE) 2018/1882 ón gCoimisiún (2). Ina theannta sin, le Rialachán Tarmligthe (AE) 2020/687 ón gCoimisiún (3) forlíontar na rialacha a leagtar síos i Rialachán (AE) 2016/429 i dtaca le rialú na ngalar liostaithe de chatagóir A. Go háirithe, déantar foráil in Airteagail 21 agus 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar i gcatagóir A, lena n-áirítear an bholgach caorach agus an bholgach gabhar, agus maidir le bearta áirithe rialaithe galar atá le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseofar leis an gcrios srianta crios cosanta, crios faireachais, agus, más gá, criosanna srianta breise timpeall na gcriosanna cosanta agus faireachais nó cóngarach dóibh.

(3)

Le Cinneadh Cur Chun Feidhme (AE) 2023/2725 (4) ón gCoimisiún leagtar síos bearta éigeandála áirithe a bhaineann le ráigeanna den bholgach caorach agus den bholgach gabhar a deimhníodh sa Bhulgáir agus sa Ghréig. Go háirithe, foráiltear leis maidir leis na criosanna srianta breise atá le bunú ag na Ballstáit sin, i gcomhréir le Rialachán Tarmligthe (AE) 2020/687, go gcuimseoidh na criosanna sin na limistéir a liostaítear san Iarscríbhinn a ghabhann leis an gCinneadh Cur Chun Feidhme sin ar a laghad.

(4)

Tar éis ghlacadh Chinneadh Cur Chun Feidhme (AE) 2023/2725, thug an Ghréig fógra don Choimisiún faoi ráigeanna breise den bholgach caorach agus den bholgach gabhar i mbunaíochtaí inar coimeádadh ainmhithe den chineál caorach, bunaíochtaí atá lonnaithe in aonad réigiúnach Phthiotis, i réigiún na Gréige Láir. Dá thoradh sin, na limistéir a liostaítear mar chriosanna cosanta agus faireachais, chomh maith leis na limistéir a liostaítear mar chriosanna srianta breise le haghaidh na Gréige, san Iarscríbhinn a ghabhann le Cinneadh Cur Chun Feidhme (AE) 2023/2725, leasaíodh iad. Rinneadh na leasuithe deireanacha ar an Iarscríbhinn sin le Cinneadh Cur Chun Feidhme (AE) 2024/400 (5) ón gCoimisiún.

(5)

Ó glacadh Cinneadh Cur Chun Feidhme (AE) 2024/400, thug an Ghréig fógra don Choimisiún faoi dhá ráig bhreise den bholgach caorach agus den bholgach gabhar i mbunaíochtaí inar coimeádadh caoirigh agus gabhair, bunaíochtaí atá lonnaithe in aonad réigiúnach Phthiotis, i réigiún na Gréige Láir, laistigh den chrios cosanta atá bunaithe sa réigiún sin cheana. Tharla an chéad ráig de na ráigeanna sin laistigh de thréimhse an-ghearr ama agus laistigh d’achar gearr ó na ráigeanna roimhe sin a cumhdaíodh cheana leis na leasuithe a rinneadh ar an Iarscríbhinn a ghabhann le Cinneadh Cur Chun Feidhme (AE) 2023/2725 le Cinneadh Cur Chun Feidhme (AE) 2024/400, agus dá bhrí sin níor ghá na limistéir a liostaítear mar chriosanna cosanta, faireachais agus criosanna srianta breise a leasú. Tharla an dara ráig freisin laistigh d’achar gearr ó na ráigeanna roimhe sin a cuireadh san áireamh i limistéir a liostaíodh le haghaidh na Gréige san Iarscríbhinn sin, ach i bhfad níos déanaí ar aghaidh, go luath i mí an Mhárta 2024.

(6)

Agus éabhlóid na staide eipidéimeolaíche a mhéid a bhaineann le bolgach caorach agus bolgach gabhar sa Ghréig á cur san áireamh, is gá na criosanna srianta i dtaca leis an mbolgach caorach agus leis an mbolgach gabhar, ar criosanna iad atá comhdhéanta de na criosanna cosanta agus na criosanna faireachais, mar aon leis na criosanna srianta breise sa Ghréig, a coigeartú go tapa ar leibhéal an Aontais i gcomhar leis an mBallstát sin. I bhfianaise na staide eipidéimeolaíche atá ann faoi láthair agus go háirithe na tréimhse fada ama idir an ráig is déanaí a tharla go luath i mí an Mhárta 2024 agus an ráig sin go díreach roimhe sin, is gá fad na gcriosanna srianta a leasú, chun a áirithiú go bhfanfaidh an galar faoi smacht agus nach leathfaidh sé ó na criosanna srianta sin go dtí codanna eile den Ghréig ná chuig Ballstáit eile.

(7)

Dá bhrí sin agus de bharr éabhlóid is déanaí an ghalair, maidir le fad na cosanta, an fhaireachais agus na gcriosanna srianta breise sa Ghréig, a liostaítear san Iarscríbhinn a ghabhann le Cinneadh Cur Chun Feidhme (AE) 2023/2725, ba cheart iad a leasú, agus an staid eipidéimeolaíoch atá ann faoi láthair maidir leis an mbolgach caorach agus leis an mbolgach gabhar i réigiún na Gréige Láir á cur san áireamh.

(8)

Ina theannta sin, agus an staid eipidéimeolaíoch atá ann faoi láthair san Aontas maidir le bolgach caorach agus bolgach gabhar á cur san áireamh, ba cheart síneadh a chur le tréimhse chur i bhfeidhm Chinneadh Cur Chun Feidhme Cinneadh (AE) 2023/2725 go dtí an 31 Lúnasa 2024.

(9)

Tá bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

Cuirtear an méid seo a leanas in ionad Airteagal 5:

2.

leasaítear an Iarscríbhinn i gcomhréir leis an Iarscríbhinn a ghabhann leis an gCinneadh seo.