1.   Laistigh de 20 lá oibre i ndiaidh teacht i bhfeidhm cead astaíochtaí gás ceaptha teasa, soláthróidh an t-údarás inniúil ábhartha nó tsuiteáil dho-aistrithe an fhaisnéis a leagtar amach in Iarscríbhinn VI don riarthóir náisiúnta ábhartha agus iarrfaidh sé ar an riarthóir náisiúnta cuntas coinneála suiteála do-aistrithe a oscailt i gClárlann an Aontais ar choinníoll go bhfuil sé d’oibleagáid ar an tsuiteáil dho-aistrithe lamháltais a thabhairt suas de bhun Airteagal 12 de Threoir 2003/87/CE.

2.   Laistigh de 20 lá oibre i ndiaidh tacar iomlán faisnéise a fháil i gcomhréir le mír 1 den Airteagal seo agus Airteagal 21, osclóidh an riarthóir náisiúnta cuntas coinneála suiteála do-aistrithe le haghaidh gach suiteála i gClárlann an Aontais nó cuirfidh sé an sealbhóir cuntais ionchasach ar an eolas faoin diúltú an cuntas a oscailt, de bhun Airteagal 19.

3.   Ní fhéadfar cuntas coinneála suiteála do-aistrithe a oscailt ach amháin mura bhfuil cuntas coinneála suiteála do-aistrithe ag an tsuiteáil dho-aistrithe cheana féin a osclaíodh bunaithe ar an gcead astaíochtaí gás ceaptha teasa céanna.’;

1.   Laistigh de 40 lá oibre i ndiaidh fhoilsiú an liosta dá dtagraítear in Airteagal 3gf(2), pointe (a) de Threoir 2003/87/CE, nó, le haghaidh cuideachtaí loingseoireachta nach bhfuil san áireamh sa liosta sin, laistigh de 65 lá oibre ón gcéad mhuiraistear a thagann faoi raon feidhme Airteagal 3ga den Treoir sin, soláthróidh an chuideachta loingseoireachta an fhaisnéis a leagtar amach in Iarscríbhinn VIIa a ghabhann leis an Rialachán seo don riarthóir náisiúnta ábhartha agus iarrfaidh sé ar an riarthóir náisiúnta cuntas coinneála oibreora mhuirí a oscailt i gClárlann an Aontais.

2.   Ní bheidh níos mó ná cuntas coinneála oibreora mhuirí amháin ag gach cuideachta loingseoireachta.

3.   Laistigh de 20 lá oibre i ndiaidh tacar iomlán faisnéise a fháil i gcomhréir le mír 1 den Airteagal seo agus Airteagal 21, osclóidh an riarthóir náisiúnta cuntas coinneála oibreora mhuirí le haghaidh gach cuideachta loingseoireachta i gClárlann an Aontais nó cuirfidh sé an sealbhóir cuntais ionchasach ar an eolas faoin diúltú an cuntas a oscailt, de bhun Airteagal 19.

De mhaolú ar an gcéad fhomhír, le haghaidh na n-iarrataí dá dtagraítear i mír 1 den Airteagal seo agus a chuirfear isteach in 2024, beidh sprioc-am 40 lá oibre ann don riarthóir náisiúnta ón uair a fhaightear sraith fhoriomlán faisnéise chun cuntas coinneála oibreora mhuirí a oscailt.

1.   Laistigh de 20 lá oibre i ndiaidh theacht i bhfeidhm cead astaíochtaí gás ceaptha teasa, soláthróidh an t-eintiteas rialáilte a thagann faoi raon feidhme Chaibidil IVa de Threoir 2003/87/CE an fhaisnéis a liostaítear in Iarscríbhinn VIIb den Rialachán seo don riarthóir náisiúnta ábhartha agus iarrfaidh sé ar an riarthóir náisiúnta cuntas coinneála eintitis rialáilte a oscailt i gClárlann an Aontais.

2.   Laistigh de 20 lá oibre i ndiaidh tacar iomlán faisnéise a fháil i gcomhréir le mír 1 den Airteagal seo agus Airteagal 21, osclóidh an riarthóir náisiúnta cuntas coinneála eintitis rialáilte i ndáil le gach eintiteas rialáilte i gClárlann an Aontais nó cuirfidh sé an sealbhóir cuntais ionchasach ar an eolas faoin diúltú an cuntas a oscailt, de bhun Airteagal 19.

3.   Ní bheidh níos mó ná cuntas coinneála eintitis rialáilte ag gach eintiteas rialáilte.

4.   De mhaolú ar an gcéad fhomhír, le haghaidh na n-iarrataí dá dtagraítear i mír 1 den Airteagal seo agus a chuirfear isteach in 2025, beidh sprioc-am 40 lá oibre ann don riarthóir náisiúnta ón uair a fhaightear sraith fhoriomlán faisnéise chun cuntais choinneála eintitis rialáilte a oscailt.

5.   Ní fhéadfar cuntas coinneála eintitis rialáilte a oscailt ach amháin mura bhfuil cuntas coinneála eintitis rialáilte ag an eintiteas rialáilte cheana féin a osclaíodh bunaithe ar an gcead astaíochtaí gás ceaptha teasa céanna.

6.   I gcás ina bhfuil faisnéis faighte cheana féin ag an riarthóir náisiúnta chun críocha na mbeart náisiúnta sna hearnálacha a thagann faoi raon feidhme Iarscríbhinn III a ghabhann le Treoir 2003/87/CE, féadfaidh sé an fhaisnéis sin a úsáid chun cuntais choinneála eintitis rialáilte a oscailt, ar choinníoll go gcomhlíonann an fhaisnéis na ceanglais a leagtar amach in Airteagal 15b den Rialachán seo.

1.   Tar éis comhshocrú neamhcheangailteach dá dtagraítear in Airteagal 25(1b) de Threoir 2003/87/CE a shíniú, féadfaidh rialtas an tríú tír nó an t-eintiteas fo-fheidearálach nó réigiúnach, trí litir oifigiúil, iarraidh ar an riarthóir lárnach cuntas scriosta lamháltas rialtais tríú tír a oscailt i gClárlann an Aontais.

2.   Ní bheidh níos mó ná aon chuntas scriosta rialtais tríú tír amháin ag an tríú tír lena mbaineann.

1.   I gcás ina dtugann Ballstát fógra don Choimisiún maidir le cur i bhfeidhm na díolúine i gcomhréir le hAirteagal 30e(3) de Threoir 2003/87/CE agus i gcás nach ndéanann an Coimisiún agóid in aghaidh chur i bhfeidhm an mhaolaithe sin, iarrfaidh an Ballstát lena mbaineann ar an riarthóir lárnach, trí litir oifigiúil, cuntais scriosta maolaithe cánach a oscailt i gClárlann an Aontais.

2.   Ní bheidh níos mó ná aon chuntas scriosta maolaithe cánach amháin ag an mBallstát lena mbaineann.

3.   Ní fhéadfar ach lamháltais eintitis rialáilte a aistriú chuig an chuntas scriosta maolaithe cánach. Scriosfar lamháltais eintitis rialáilte arna sealbhú i gcuntas scriosta maolaithe cánach faoi dheireadh na bliana i ndiaidh na bliana tagartha i gcomhréir le hAirteagal 30e(3), pointe (g), de Threoir 2003/87/CE.

4.   Ní bhainfear úsáid as an gcuntas scriosta maolaithe cánach ach amháin chun na ceanglais a leagtar amach in Airteagal 30e(3), pointe (g), de Threoir 2003/87/CE a chomhlíonadh agus ní bheidh méid na lamháltas a sheoltar chuig an gcuntas sin in aon bhliain ar leith níos airde ná an difríocht idir méid na lamháltas atá fós le cur ar ceant sa bhliain tagartha tar éis chur i bhfeidhm Airteagal 30e(3), pointe (f) den Treoir sin agus méid na lamháltas atá le cur ar ceal faoi Airteagal 30e(3), pointe (g), de Threoir 2003/87/CE.’;

1.   Tabharfaidh an t-údarás inniúil fógra don riarthóir náisiúnta laistigh de 10 lá oibre i ndiaidh an fhógra ón sealbhóir cuntais, nó i ndiaidh a fháil amach, tar éis imscrúdú a dhéanamh ar fhianaise eile, go ndearnadh an chuideachta loingseoireachta a chumasc le cuideachta loingseoireachta eile nó gur scoir sí dá hoibríochtaí uile a chumhdaítear faoi Iarscríbhinn I a ghabhann le Treoir 2003/87/CE.

2.   Féadfaidh an riarthóir náisiúnta cuntas coinneála oibreora mhuirí a dhúnadh má chomhlíontar na coinníollacha seo a leanas:

1.   I gcás ina dtarraingíonn an t-údarás inniúil cead astaíochtaí gás ceaptha teasa siar nó ina bhfaigheann sé fógra ón sealbhóir cuntais, nó ina bhfaigheann sé amach tar éis imscrúdú a dhéanamh ar fhianaise eile, go ndearnadh an t-eintiteas rialáilte a chumasc le heintiteas rialáilte eile nó gur scoir sé dá oibríochtaí uile a chumhdaítear le hIarscríbhinn III a ghabhann le Treoir 2003/87/CE, tabharfaidh sé fógra don riarthóir náisiúnta laistigh de 10 lá oibre faoin tarraingt siar, faoin bhfógra ón sealbhóir cuntais nó faoin bhfáil amach, de réir mar is infheidhme.

2.   Féadfaidh an riarthóir náisiúnta cuntas coinneála eintitis rialáilte a dhúnadh má chomhlíontar na coinníollacha seo a leanas:

1.   Más rud é, faoin 1 Aibreán gach bliain, nach bhfuil astaíochtaí bliantúla suiteála do-aistrithe, oibreora aerárthaigh nó cuideachta loingseoireachta don bhliain roimhe, nó nach bhfuil na hastaíochta bliantúla a chomhfhreagraíonn don mhéid breosla a scaoil eintiteas rialáilte chun ídithe sin, faoin 1 Bealtaine gach bliain, curtha isteach agus an mharcáil “fíoraithe” orthu i gClárlann an Aontais, áiritheoidh an riarthóir lárnach go socróidh Clárlann an Aontais stádas blocáilte ar an gcuntas oibreora comhfhreagrach.

2.   Más rud é go gcláraítear na hastaíochtaí fíoraithe oibreora thar théarma don bhliain sin i gClárlann an Aontais, áiritheoidh an riarthóir lárnach go socróidh Clárlann an Aontais stádas oscailte ar an gcuntas oibreora comhfhreagrach.’;

1.   Ó 2028 ar aghaidh, áiritheoidh an riarthóir lárnach go léireofar le Clárlann an Aontais, faoin 1 Meitheamh gach bliain, an figiúr stádais comhlíontachta don bhliain roimhe sin le haghaidh gach eintitis rialáilte ag a bhfuil cuntas coinneála eintitis rialáilte nach bhfuil stádas dúnta aige. Déanfar é sin trí ríomh shuim na lamháltas uile a tugadh suas sa tréimhse reatha lúide suim na n-astaíochtaí fíoraithe uile a chomhfhreagraíonn dá méid breosla arna scaoileadh chun ídithe sa tréimhse reatha agus an bhliain roimhe sin san áireamh. Ní dhéanfar an figiúr stádais comhlíontachta a ríomh le haghaidh cuntais a raibh figiúr stádais comhlíontachta acu roimhe sin de náid nó dearfach agus a raibh an bhliain dheireanach d’astaíochtaí socruithe ag bliain roimh an mbliain roimhe sin.

2.   Áiritheoidh an riarthóir lárnach go ndéanfaidh Clárlann an Aontais an figiúr stádais comhlíontachta a ríomh roimh dhúnadh an chuntais de bhun Airteagal 26b.

3.   Áiritheoidh an riarthóir lárnach go dtaifeadfaidh Clárlann an Aontais an figiúr stádais comhlíontachta le haghaidh gach eintitis rialáilte gach bliain.’;

1.   Aistreoidh an riarthóir lárnach, go tráthúil, thar ceann an Bhallstáit ceantála ábhartha, agus ionadaíocht á déanamh ag a cheantálaí ionadaíochta dó, arna cheapadh i gcomhréir le Rialachán (AE) Uimh. 1031/2010, lamháltais ghinearálta le haghaidh na eitlíochta ó Chuntas Cainníochta Iomláine Eitlíochta an Aontais go dtí Cuntas Ceantála Eitlíochta an Aontais i gcainníocht a chomhfhreagraíonn do na méideanna bliantúla a socraíodh de bhun an Rialachán sin.

2.   I gcás ina ndéantar coigeartuithe ar na méideanna lamháltas bliantúla i gcomhréir le hAirteagal 14 de Rialachán (AE) Uimh. 1031/2010, aistreoidh an riarthóir lárnach méid comhfhreagrach de lamháltais ghinearálta ó Chuntas Cainníochta Iomláine Eitlíochta an Aontais go dtí Cuntas Ceantála Eitlíochta an Aontais nó ó Chuntas Ceantála Eitlíochta an Aontais go dtí Cuntas Cainníochta Iomláine Eitlíochta an Aontais, de réir mar a bheidh.’;

1.   Aistreoidh an riarthóir lárnach, go tráthúil, thar ceann an Bhallstáit ceantála ábhartha agus le haghaidh an Chiste Aeráide Shóisialta arna bhunú le Rialachán (AE) 2023/955, agus ionadaíocht á déanamh ag a cheantálaí ionadaíochta dó, arna cheapadh i gcomhréir le Rialachán (AE) Uimh. 1031/2010, lamháltais eintiteas rialáilte ó Chuntas Cainníochta Iomláine Eintiteas Rialáilte an Aontais go dtí Cuntas Ceantála Eintiteas Rialáilte an Aontais i gcainníocht a chomhfhreagraíonn do na méideanna bliantúla a chinntear de bhun Airteagal 13 den Rialachán sin.

2.   I gcás ina ndéantar coigeartuithe ar mhéideanna bliantúla na lamháltas i gcomhréir le hAirteagal 14 de Rialachán (AE) Uimh. 1031/2010, aistreoidh an riarthóir lárnach méid comhfhreagrach de lamháltais eintitis rialáilte ó Chuntas Cainníochta Iomláine Eintitis Rialáilte an Aontais go dtí Cuntas Ceantála Eintitis Rialáilte an Aontais nó ó Chuntas Ceantála Eintitis Rialáilte an Aontais go dtí Cuntas Cainníochta Iomláine Eintitis Rialáilte an Aontais, de réir mar a bheidh.’;

‘1.   Léireoidh an t-údarás náisiúnta sa tábla leithdháileacháin náisiúnta maidir le gach suiteáil dho-aistrithe, gach bliain agus gach bunús dlí a leagtar amach in Iarscríbhinn X, cé acu ar cheart nó nár cheart do shuiteáil leithdháileadh a fháil le haghaidh na bliana sin.

2.   Áiritheoidh an riarthóir lárnach go n-aistreoidh Clárlann an Aontais lamháltais ghinearálta le haghaidh suiteálacha do-aistrithe go huathoibríoch ó Chuntas Leithdháileacháin an Aontais i gcomhréir leis an tábla leithdháileacháin náisiúnta ábhartha go dtí an cuntas coinneála suiteálacha do-aistrithe oscailte ábhartha ag a bhfuil stádas comhlíontachta A, mar a leagtar amach i dTábla XIV-I d’Iarscríbhinn XIII, nó don chuntas coinneála suiteála do-aistrithe stoptha ábhartha, ag féachaint do mhódúlachtaí an aistrithe uathoibríoch a shonraítear sa mhalartú sonraí agus sna sonraíochtaí dá ndéantar foráil in Airteagal 75.

3.   I gcás nach bhfaigheann cuntas coinneála suiteála do-aistrithe eisiata lamháltais faoi mhí 2, ní aistreofar lamháltais le haghaidh bhlianta an eisiaimh chuig an gcuntas más rud é go socraítear stádas oscailte air le haghaidh na mblianta ina dhiaidh sin.

4.   Áiritheoidh an riarthóir lárnach gur féidir le suiteáil dho-aistrithe aistrithe a dhéanamh lena dtugtar lamháltais bhreise ar ais don Cuntas leithdháileacháin AE i gcás inar athraíodh tábla leithdháileacháin náisiúnta Ballstáit de bhun Airteagal 75 chun ró-leithdháileadh lamháltas ar an tsuiteáil dho-aistrithe a cheartú, agus inar iarr an t-údarás inniúil ar an tsuiteáil dho-aistrithe na lamháltais bhreise sin a thabhairt ar ais.

5.   Féadfaidh an t-údarás inniúil treoir a thabhairt don riarthóir náisiúnta lamháltais bhreise a thagann ar ais a aistriú go dtí Cuntas Leithdháileacháin an Aontais i gcás ina bhfuil ró-leithdháileadh lamháltas ann mar thoradh ar leithdháileadh tar éis do shuiteáil dho-aistrithe scoradh de na gníomhaíochtaí a rinneadh sa tsuiteáil lena mbaineann an leithdháileadh, gan fógra a thabhairt don údarás inniúil’;

1.   Tabharfaidh an Coimisiún treoir don riarthóir lárnach, go tráthúil, arna iarraidh sin don Bhallstát ceantála agus maidir leis an gCiste Nuálaíochta, an Ciste don Nuachóiriú, an tSaoráid Téarnaimh agus Athléimneachta nó an Ciste Aeráide Sóisialta, agus ionadaíocht á déanamh ag a cheantálaí ionadaíochta dó, arna cheapadh i gcomhréir le Rialachán (AE) 1031/2010, chun an méid seo a leanas a aistriú chuig an gcuntas ábhartha um urrúis chomhthaobhacha cheantála a sheachadadh i gcomhréir leis an tábla ceant ábhartha:

2.   Áiritheoidh sealbhóir cuntais an chuntais ábhartha um urrúis chomhthaobhacha cheantála a sheachadadh go n-aistreofar na lamháltais a cuireadh ar ceant chuig na tairgeoirí rathúla nó chuig a gcomharbaí i dteideal i gcomhréir le hAirteagal 47(2) de Rialachán (AE) Uimh. 1031/2010.

3.   Féadfar a cheangal ar ghníomhaire údaraithe cuntais um urrúis chomhthaobhacha cheantála a sheachadadh aon lamháltas nár seachadadh a aistriú ón gcuntas um urrúis chomhthaobhacha cheantála a aistriú go dtí Cuntas Ceantála an Aontais, Cuntas Ceantála Eitlíochta an Aontais, nó go dtí Cuntas Ceantála Eintitis Rialáilte an Aontais, faoi seach.’;