This document is an excerpt from the EUR-Lex website
Document 32023R2849
Commission Delegated Regulation (EU) 2023/2849 of 12 October 2023 supplementing Regulation (EU) 2015/757 of the European Parliament and of the Council as regards the rules for reporting and submission of the aggregated emissions data at company level
Rialachán Tarmligthe (AE) 2023/2849 ón gCoimisiún an 12 Deireadh Fómhair 2023 lena bhforlíontar Rialachán (AE) 2015/757 ó Pharlaimint na hEorpa agus ón gComhairle a mhéid a bhaineann leis na rialacha maidir leis na sonraí faoi astaíochtaí comhiomlánaithe ar leibhéal cuideachta a thuairisciú agus a thíolacadh
Rialachán Tarmligthe (AE) 2023/2849 ón gCoimisiún an 12 Deireadh Fómhair 2023 lena bhforlíontar Rialachán (AE) 2015/757 ó Pharlaimint na hEorpa agus ón gComhairle a mhéid a bhaineann leis na rialacha maidir leis na sonraí faoi astaíochtaí comhiomlánaithe ar leibhéal cuideachta a thuairisciú agus a thíolacadh
C/2023/6748
IO L, 2023/2849, 15.12.2023, ELI: http://data.europa.eu/eli/reg_del/2023/2849/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2023/2849 |
15.12.2023 |
RIALACHÁN TARMLIGTHE (AE) 2023/2849 ÓN gCOIMISIÚN
an 12 Deireadh Fómhair 2023
lena bhforlíontar Rialachán (AE) 2015/757 ó Pharlaimint na hEorpa agus ón gComhairle a mhéid a bhaineann leis na rialacha maidir leis na sonraí faoi astaíochtaí comhiomlánaithe ar leibhéal cuideachta a thuairisciú agus a thíolacadh
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/757 ó Pharlaimint na hEorpa agus ón gComhairle an 29 Aibreán 2015 maidir le faireachán, tuairisciú agus fíorú a dhéanamh ar astaíochtaí gás ceaptha teasa ó mhuiriompar, agus lena leasaítear Treoir 2009/16/CE (1), agus go háirithe Airteagal 11a(4) de,
De bharr an mhéid seo a leanas:
(1) |
Ba cheart rialacha a leagan síos maidir le tuairisciú na sonraí faoi astaíochtaí comhiomlánaithe ar leibhéal cuideachta i réimse an mhuiriompair, chomh maith le rialacha maidir leis na sonraí faoi astaíochtaí comhiomlánaithe ar leibhéal cuideachta a chur faoi bhráid an údaráis riaracháin fhreagraigh. |
(2) |
Ba cheart rialacha a leagan síos freisin maidir le sonraí faoi astaíochtaí comhiomlánaithe ar leibhéal cuideachta a chinneadh ag an údarás riaracháin freagrach i gcásanna sonracha, amhail i gcás nár chuir an chuideachta sonraí faoi astaíochtaí comhiomlánaithe ar leibhéal cuideachta faoi bhráid an údaráis riaracháin fhreagraigh faoin spriocdháta. |
(3) |
Ní mór na heintitis atá freagrach as comhlíonadh Rialachán (AE) 2015/757 agus Threoir 2003/87/CE ó Pharlaimint na hEorpa agus ón gComhairle (2) a shainaithint go soiléir i gcónaí. Chuige sin, agus d’fhonn comhleanúnachas sa riarachán agus san fhorfheidhmiú a áirithiú, foráiltear le Rialachán (AE) 2015/757 nach mór don eintiteas céanna a bheith freagrach as an dá rud. D’ainneoin sin, i gcomhthéacs an athbhreithnithe ar Rialachán (AE) 2015/757, ba cheart measúnú a dhéanamh ar chomhsheasmhacht an chur chuige sin le beartais eile de chuid an Aontais agus le cleachtas idirnáisiúnta agus, i gcás inarb iomchuí, ba cheart don Choimisiún togra reachtach a dhéanamh chun athbhreithniú a dhéanamh ar Rialachán (AE) 2015/757. |
(4) |
Ba cheart don Choimisiún measúnú a dhéanamh freisin ar chomhsheasmhacht ráta nialasaigh bithmhaise, go háirithe bithmhais atá bunaithe ar bhia agus ar bharra beatha, i dTreoir 2003/87/CE le beartais eile de chuid an Aontais, agus, i gcás inarb iomchuí, ba cheart don Choimisiún togra a dhéanamh chun athbhreithniú a dhéanamh ar an reachtaíocht ábhartha. |
(5) |
Chun feidhmiú éifeachtach Chóras Trádála Astaíochtaí an Aontais a áirithiú, atá le hastaíochtaí gás ceaptha teasa ó mhuiriompar ón tréimhse tuairiscithe dar tús an 1 Eanáir 2024 a chuimsiú, ba cheart feidhm a bheith ag an Rialachán seo ón dáta sin, |
TAR ÉIS AN RIALACHÁN SEO A GHLACADH:
Airteagal 1
Rialacha tuairiscithe maidir le sonraí faoi astaíochtaí comhiomlánaithe ar leibhéal cuideachta
1. Cuirfidh cuideachtaí faoi bhráid an údaráis riaracháin fhreagraigh na sonraí faoi astaíochtaí comhiomlánaithe ar leibhéal cuideachta arna ríomh i gcomhréir leis na rialacha faireacháin dá dtagraítear i gCuid C d’Iarscríbhinn II a ghabhann le Rialachán (AE) 2015/757.
2. Áireoidh cuideachtaí an fhaisnéis seo a leanas sna sonraí faoi astaíochtaí comhiomlánaithe ar leibhéal cuideachta:
(a) |
sonraí lena sainaithnítear an chuideachta agus na longa atá faoi fhreagracht na cuideachta, mar a leanas:
|
(b) |
sonraí a bhaineann leis an bhfíorú, mar a leanas:
|
(c) |
suim astaíochtaí comhiomlánaithe iomlána gás ceaptha teasa gach loinge atá le tuairisciú faoi Threoir 2003/87/CE mar a chinntear ar leibhéal na loinge i gcomhréir le Cuid C, pointí 1.1 go 1.7, d’Iarscríbhinn II a ghabhann le Rialachán (AE) 2015/757, arna sloinneadh ina tonaí de choibhéis CO2 agus dí-chomhiomlánaithe de réir gás ceaptha teasa; |
(d) |
suimeanna astaíochtaí comhiomlánaithe iomlána gás ceaptha teasa gach loinge atá le tuairisciú faoi Threoir 2003/87/CE mar a chinntear ar leibhéal na loinge i gcomhréir le Cuid C d’Iarscríbhinn II a ghabhann le Rialachán (AE) 2015/757, arna ríomh i gcomhréir le:
|
(e) |
an fhaisnéis ábhartha uile a bhaineann leis an modheolaíocht a úsáideadh chun sonraí astaíochtaí a chomhiomlánú ar leibhéal cuideachta, lena n-áirítear athruithe ar an modheolaíocht i gcomparáid leis an tréimhse tuairiscithe roimhe sin. |
Airteagal 2
Cinneadh astaíochtaí ag an údarás riaracháin freagrach
1. Déanfaidh an t-údarás riaracháin freagrach meastachán coimeádach ar na sonraí faoi astaíochtaí comhiomlánaithe ar leibhéal cuideachta in aon cheann de na cásanna seo a leanas:
(a) |
níor thíolaic an chuideachta sonraí faoi astaíochtaí comhiomlánaithe ar leibhéal cuideachta faoin sprioc-am dá dtagraítear in Airteagal 11a de Rialachán (AE) 2015/757; |
(b) |
fuarthas amach nach bhfuil na sonraí fíoraithe faoi astaíochtaí comhiomlánaithe ar leibhéal cuideachta dá dtagraítear in Airteagal 11a de Rialachán (AE) 2015/757 i gcomhréir leis an Rialachán sin; |
(c) |
níor fíoraíodh go raibh na sonraí faoi astaíochtaí comhiomlánaithe ar leibhéal cuideachta sásúil i gcomhréir le Rialachán Tarmligthe (AE) 2016/2072 ón gCoimisiún (3). |
2. I gcás ina gcinneann fíoraitheoir, sa tuarascáil fíorúcháin de bhun Airteagal 13(5) de Rialachán (AE) 2015/757, gurb ann do mhíráitis neamhábhartha agus nár cheartaigh an chuideachta iad roimh an ráiteas fíorúcháin a eisiúint, déanfaidh an t-údarás riaracháin freagrach measúnú ar na míráitis sin, agus i gcás ina bhfaighfear amach go bhfuil na míráitis ábhartha, déanfaidh sé meastachán coimeádach ar na sonraí faoi astaíochtaí comhiomlánaithe ar leibhéal cuideachta.
3. I gcás ina ndéanann an t-údarás riaracháin freagrach meastachán coimeádach ar na sonraí faoi astaíochtaí comhiomlánaithe ar leibhéal cuideachta, cuirfidh sé in iúl don chuideachta an bhfuil gá le ceartúcháin agus cad iad na ceartúcháin a bhfuil gá leo. Cuirfidh an chuideachta an fhaisnéis sin ar fáil don fhíoraitheoir.
4. Bunóidh na Ballstáit malartú éifeachtúil faisnéise idir na húdaráis inniúla atá freagrach as pleananna faireacháin a fhormheas agus na húdaráis inniúla a fhaigheann sonraí faoi astaíochtaí comhiomlánaithe ar leibhéal cuideachta, i gcás nach ionann na húdaráis sin.
Airteagal 3
Teacht i bhfeidhm
Tiocfaidh an Rialachán seo i bhfeidhm an 20ú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2024.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 12 Deireadh Fómhair 2023.
Thar ceann an Choimisiúin
An tUachtarán
Ursula VON DER LEYEN
(1) IO L 123, 19.5.2015, lch. 55.
(2) Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear scéim i ndáil le trádáil lamháltas astaíochtaí gás ceaptha teasa laistigh den Chomhphobal agus lena leasaítear Treoir 96/61/CE ón gComhairle (IO L 275, 25.10.2003, lch. 32).
(3) Rialachán Tarmligthe (AE) 2016/2072 ón gCoimisiún an 22 Meán Fómhair 2016 maidir le gníomhaíochtaí fíorúcháin agus creidiúnú fíoraitheoirí de bhun Rialachán (AE) 2015/757 ó Pharlaimint na hEorpa agus ón gComhairle maidir le faireachán, tuairisciú agus fíorú a dhéanamh ar astaíochtaí dé-ocsaíde carbóin ó mhuiriompar (IO L 320, 26.11.2016, lch. 5).
ELI: http://data.europa.eu/eli/reg_del/2023/2849/oj
ISSN 1977-0839 (electronic edition)