(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a mhodhnú.

(2)

Le Rialachán Cur Chun Feidhme (AE) 2017/447 ón gCoimisiún (2) údaraíodh ullmhóid Bacillus subtilis (DSM 5750) agus Bacillus licheniformis (DSM 5749) a úsáid mar bhreiseán beathaithe le haghaidh cránacha, bainbh scoite, muca lena ramhrú, laonna lena dtógáil agus turcaithe lena ramhrú ar feadh tréimhse 10 mbliana.

(3)

I gcomhréir le hAirteagal 13(3) de Rialachán (CE) Uimh. 1831/2003, cuireadh iarratas isteach an 19 Aibreán 2018 ar mhodhnú ar théarmaí údarú ullmhóid Bacillus subtilis (DSM 5750) agus Bacillus licheniformis (DSM 5749) a mhéid a bhaineann le turcaithe lena ramhrú. Baineann an t-iarratas sin le comhoiriúnacht úsáid na hullmhóide sin leis an leasaitheach aigéad formach agus le roinnt coicideastat agus bhí na sonraí a thacaigh leis an iarraidh ar an athrú ag gabháil leis an iarratas sin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 15 Bealtaine 2019 (3) maidir leis an modhnú atá beartaithe ar choinníollacha údarú ullmhóid Bacillus subtilis (DSM 5750) agus Bacillus licheniformis (DSM 5749) nach modhnófaí leis an modhnú sin na conclúidí ar ar thángthas roimhe sin maidir le sábháilteacht an bhreiseáin. Dúirt an tÚdarás freisin maidir leis na conclúidí i ndáil le comhoiriúnacht an bhreiseáin le roinnt coicideastat agus an leasaitheach aigéad formach, ar conclúidí iad ar ar thángthas le haghaidh sicíní lena ramhrú sna tuairimí uaidh an 22 Deireadh Fómhair 2008 (4) agus an 6 Eanáir 2011 (5), go bhfuil feidhm ag na conclúidí sin freisin maidir le turcaithe lena ramhrú ar choinníoll go bhfuil tiúchan údaraithe uasta na gcoicideastat seamdaraimícin, amóiniam madúraimícine, sóidiam lasalaicide agus an leasaitheach aigéad formach (nuair is ann do thiúchan údaraithe uasta) comhionann leis an tiúchan údaraithe uasta le haghaidh sicíní lena ramhrú, nó níos ísle ná í. Ina theannta sin, tháinig an tÚdarás ar an gconclúid go bhfuil úsáid ullmhóid Bacillus subtilis (DSM 5750) agus Bacillus licheniformis (DSM 5749) comhoiriúnach freisin leis na coicideastait déchlasairil agus sóidiam monainsine. Ar bhonn na sonraí atá ar fáil, ní raibh an tÚdarás in ann teacht ar aon chonclúid maidir le comhoiriúnacht úsáid na hullmhóide sin leis an gcoicideastat hidreaclóiríd róibeinidín agus, in éagmais sonraí, leis an gcoicideastat halafuganón.

(5)

Údaraítear an coicideastat sóidiam lasalaicide, i gcomhréir le Rialachán Cur Chun Feidhme (AE) 2023/1172 ón gCoimisiún (6), le haghaidh sicíní lena ramhrú ag uaschion 90 mg de shubstaint ghníomhach/kg d’ábhar beatha iomlán ina bhfuil cion taise 12 %. Dá bhrí sin, chun conclúidí na tuairime ón Údarás an 15 Bealtaine 2019 a chur san áireamh ina n-iomláine, níor cheart úsáid chomhuaineach ullmhóid Bacillus subtilis (DSM 5750) agus Bacillus licheniformis (DSM 5749) agus sóidiam lasalaicide a údarú le haghaidh turcaithe lena ramhrú ach amháin i gcás inarb é 90 mg de shubstaint ghníomhach/kg d’ábhar beatha iomlán ina bhfuil cion taise 12 % an t-uaschion sóidiam lasalaicide.

(6)

I bhfianaise an mhéid thuas, measann an Coimisiún go gcomhlíonann údarú ullmhóid Bacillus subtilis (DSM 5750) agus Bacillus licheniformis (DSM 5749) na coinníollacha dá bhforáiltear in Airteagal 5 de Rialachán (CE) Uimh. 1831/2003 go fóill nuair a mhodhnaítear na téarmaí ann a mhéid a bhaineann le turcaithe lena ramhrú, trí chomhoiriúnacht na húsáide sin in éineacht le haigéad formach a shonrú agus, i gcás ina n-údaraítear iad mar bhreiseáin bheathaithe le haghaidh an speicis agus na catagóire céanna ainmhí, na coicideastait seamdaraimícin, amóiniam madúraimícine, déchalsairil, sóidiam monainsine agus sóidiam lasalaicide le huaschion 90 mg de shóidiam lasalaicide/kg d’ábhar beatha iomlán ina bhfuil cion taise 12 %. Dá bhrí sin, ba cheart Rialachán Cur Chun Feidhme (AE) 2017/447 a leasú dá réir.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

‘6.

Féadfar an breiseán a úsáid i dturcaithe lena ramhrú i mbeatha chumaisc ina bhfuil aigéad formach, nó ina bhfuil na coicideastait seo a leanas, i gcás ina údaraítear iad mar bhreiseáin bheathaithe le haghaidh an speicis agus na catagóire céanna ainmhí: seamdaraimícin, amóiniam madúraimícine, déchalsairil, sóidiam monainsine agus sóidiam lasalaicide le huaschion 90 mg de shóidiam lasalaicide/kg d’ábhar beatha iomlán ina bhfuil cion taise 12 %.’