This document is an excerpt from the EUR-Lex website
Document 32023R2615
Commission Regulation (EU) 2023/2615 of 15 November 2023 establishing a fisheries closure for hake in GFCM geographical subareas 8, 9, 10 and 11 for demersal longliners flying the flag of Italy and having an overall length equal or superior to 18 meters and inferior to 24 meters
Rialachán (AE) 2023/2615 ón gCoimisiún an 15 Samhain 2023 lena mbunaítear iamh iascaigh le haghaidh colmóirí i bhfolimistéir gheografacha 8, 9, 10 agus 11 de GFCM le haghaidh báid spiléar grinnill a bhfuil bratach na hIodáile ar foluain acu agus atá 18 méadar nó níos mó, agus níos lú ná 24 mhéadar, ar fad foriomlán
Rialachán (AE) 2023/2615 ón gCoimisiún an 15 Samhain 2023 lena mbunaítear iamh iascaigh le haghaidh colmóirí i bhfolimistéir gheografacha 8, 9, 10 agus 11 de GFCM le haghaidh báid spiléar grinnill a bhfuil bratach na hIodáile ar foluain acu agus atá 18 méadar nó níos mó, agus níos lú ná 24 mhéadar, ar fad foriomlán
C/2023/7843
IO L, 2023/2615, 20.11.2023, ELI: http://data.europa.eu/eli/reg/2023/2615/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2023
Iris Oifigiúil |
GA Sraith L |
2023/2615 |
20.11.2023 |
RIALACHÁN (AE) 2023/2615 ÓN gCOIMISIÚN
an 15 Samhain 2023
lena mbunaítear iamh iascaigh le haghaidh colmóirí i bhfolimistéir gheografacha 8, 9, 10 agus 11 de GFCM le haghaidh báid spiléar grinnill a bhfuil bratach na hIodáile ar foluain acu agus atá 18 méadar nó níos mó, agus níos lú ná 24 mhéadar, ar fad foriomlán
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe de chuid an Aontais chun comhlíonadh rialacha an chomhbheartais iascaigh a áirithiú (1), agus go háirithe Airteagal 36(2) de,
De bharr an mhéid seo a leanas:
(1) |
Leagtar síos le Rialachán (AE) 2023/195 ón gComhairle (2) deiseanna iascaireachta le haghaidh 2023. |
(2) |
An uasiarracht iascaireachta incheadaithe a bhaineann leis an gcolmóir i bhfolimistéir gheografacha 8, 9, 10 agus 11 den Choimisiún Ginearálta Iascaigh don Mheánmhuir (GFCM) agus is infheidhme maidir le báid spiléar grinnill a bhfuil bratach na hIodáile ar foluain acu nó atá cláraithe san Iodáil, soithí atá 18 méadar nó níos mó, agus níos lú ná 24 mhéadar, ar fad foriomlán, meastar gur baineadh amach an uasiarracht iascaireachta incheadaithe sin le haghaidh 2023 de réir na faisnéise a fuair an Coimisiún. |
(3) |
Is gá, dá bhrí sin, toirmeasc a chur ar ghníomhaíochtaí áirithe iascaireachta a bhaineann leis an stocghrúpa sin. |
TAR ÉIS AN RIALACHÁN SEO A GHLACADH:
Airteagal 1
Ídiú iarrachta
An uasiarracht iascaireachta incheadaithe a leithdháileadh ar an Iodáil le haghaidh stocghrúpa an cholmóra i bhfolimistéir gheografacha 8, 9, 10 agus 11 de GFCM le haghaidh 2023 dá dtagraítear san Iarscríbhinn, measfar í a bheith bainte amach ón dáta a leagtar amach san Iarscríbhinn sin.
Airteagal 2
Toirmisc
Maidir le gníomhaíochtaí iascaireachta le haghaidh an stoic dá dtagraítear in Airteagal 1, ar gníomhaíochtaí iad a dhéanann báid spiléar grinnill a bhfuil bratach na hIodáile ar foluain acu nó atá cláraithe san Iodáil, soithí atá 18 méadar nó níos mó, agus níos lú ná 24 mhéadar, ar fad foriomlán, toirmeascfar iad ón dáta a leagtar amach san Iarscríbhinn. Go sonrach, beidh toirmeasc ar éisc ón stoc sin a ghabhann na soithí sin a choinneáil ar bord, a athlonnú, a thrasloingsiú nó a thabhairt i dtír tar éis an dáta sin.
Airteagal 3
Teacht i bhfeidhm
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 15 Samhain 2023.
Thar ceann an Choimisiúin,
Thar ceann an Uachtaráin,
Virginijus SINKEVIČIUS
Comhalta den Choimisiún
(1) IO L 343, 22.12.2009, lch. 1.
(2) Rialachán (AE) 2023/195 ón gComhairle an 30 Eanáir 2023 lena socraítear le haghaidh 2023 na deiseanna iascaireachta le haghaidh stoic áirithe agus grúpaí stoc éisc is infheidhme sa Mheánmhuir agus sa Mhuir Dhubh, agus lena leasaítear Rialachán (AE) 2022/110 a mhéid a bhaineann le deiseanna iascaireachta is infheidhme sa Mheánmhuir agus sa Mhuir Dhubh le haghaidh 2022 (IO L 28, 31.1.2023, lch. 220).
IARSCRÍBHINN
Uimh. |
16/TQ195 |
Ballstát |
An Iodáil |
Cód an ghrúpa iarrachta iascaireachta |
EFF1/MED2_LL3 |
Stocghrúpa |
An colmóir (Merluccius merluccius) in FLGanna 8, 9, 10 agus 11 |
Na soithí lena mbaineann |
Báid spiléar grinnill ≥ 18 m agus < 24 m |
Dáta an iaimh |
27 Deireadh Fómhair 2023 |
ELI: http://data.europa.eu/eli/reg/2023/2615/oj
ISSN 1977-0839 (electronic edition)