(1)

Le Rialachán (CE) Uimh. 1831/2003 déantar foráil maidir le breiseáin a údarú lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú agus a athnuachan.

(2)

Le Rialachán Cur Chun Feidhme (AE) Uimh. 371/2011 ón gCoimisiún, údaraíodh salann sóidiam démheitilglicín ar feadh tréimhse 10 mbliana mar bhreiseán beathaithe le haghaidh sicíní lena ramhrú (2).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú an tsalainn sóidiam démheitilglicín mar bhreiseán beathaithe le haghaidh sicíní lena ramhrú a athnuachan, inar iarradh go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘breiseáin zóiteicniúla eile: (feabhas ar pharaiméadair zóiteicniúla)’. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas sin.

(4)

Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 5 Bealtaine 2021 (3) gur sholáthair an t-iarratasóir fianaise go bhfuil an breiseán fós sábháilte do shicíní lena ramhrú, do thomhaltóirí agus don chomhshaol faoi na coinníollacha úsáide a údaraítear faoi láthair. Tháinig sé ar an gconclúid freisin nach greannaitheoir craicinn é an breiseán ach go bhféadfadh sé gur greannaitheoir súl agus íogróir craicinn atá ann.

(5)

Déantar foráil go hearráideach san Iarscríbhinn a ghabhann le Rialachán Cur Chun Feidhme (AE) Uimh 371/2011 maidir le tuairisc ar an bhfeidhmghrúpa ‘breiseáin zóiteicniúla (feabhas ar pharaiméadair zóiteicniúla)’. Sa tuairim ón Údarás Eorpach um Shábháilteacht Bia (‘an tÚdarás’) an 7 Nollaig 2010 (4) luaitear go bhféadfadh an breiseán feidhmíocht i sicíní lena ramhrú a mhéadú. Tá an téarma ‘zóiteicniúil’ róchineálach agus d’fhéadfadh sé feidhmeanna éagsúla a chuimsiú, ach gan éifeachtaí sonracha an bhreiseáin a léiriú. Dá bhrí sin, chun bheith i gcomhréir leis an tuairim ón Údarás, ba cheart go dtagródh feidhmghrúpa an bhreiseáin beathaithe d’fheabhsú na bparaiméadar feidhmíochta. Ina theannta sin, tháinig an tÚdarás ar an gconclúid sa tuairim uaidh an 7 Nollaig 2020 (5) go bhfuil an breiseán éifeachtúil ar leibhéal 1 000 mg/kg agus, dá bhrí sin, gur cheart íosleibhéal a bhunú.

(6)

I gcomhréir le hAirteagal 5(4), pointe (c), de Rialachán (CE) Uimh. 378/2005 ón gCoimisiún (6), mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí ar thángthas orthu sa mheasúnú roimhe sin infheidhme maidir leis an iarratas atá ann faoi láthair.

(7)

Léirítear leis an measúnú ar shalann sóidiam démheitilglicín go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(8)

Mar thoradh ar údarú salainn sóidiam démheitilglicín mar bhreiseán beathaithe a athnuachan, ba cheart Rialachán Cur Chun Feidhme (AE) Uimh. 371/2011 a aisghairm.

(9)

Ós rud é gur cheart an feidhmghrúpa a bheith ar lipéad an bhreiseáin beathaithe, na réamh-mheascán agus na beatha cumaisc ina bhfuil sé, is gá foráil a dhéanamh maidir le hidirthréimhse lena bhféadfadh oibreoirí gnólachtaí beatha na hathruithe is gá a dhéanamh ar na lipéid.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,