(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus atá curtha ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

Le Rialachán Cur Chun Feidhme (AE) 2021/96 ón gCoimisiún (3), údaraíodh salann sóidiam 3’-Siailiol-lachtóis a fhaightear trí choipeadh miocróbach agus úsáid á baint as an tréithchineál géinmhodhnaithe K-12 DH1 de Escherichia coli (‘E. coli’) a chur ar mhargadh an Aontais mar bhia núíosach faoi Rialachán (AE) 2015/2283.

(4)

Le Rialachán Cur Chun Feidhme (AE) 2023/113 ón gCoimisiún (4) údaraíodh salann sóidiam 3’-Siailiol-lachtóis a fhaightear trí choipeadh miocróbach agus úsáid á baint as na tréithchineálacha díorthacha géinmhodhnaithe de E. coli BL21(DE3) a chur ar mhargadh an Aontais mar bhia núíosach faoi Rialachán (AE) 2015/2283.

(5)

An 8 Feabhra 2023, chuir an chuideachta Chr. Hansen A/S (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 ar athrú ar na coinníollacha úsáide salainn sóidiam 3’- Siailiol-lachtóis (‘3’- SL’), rud a fhaightear trí choipeadh miocróbach ina n-úsáidtear tréithchineálacha díorthacha géinmhodhnaithe (tréithchineál táirgthe agus tréithchineál díghrádúcháin roghnach) de E. coli BL21(DE3). D’iarr an t-iarratasóir go ndéanfaí méadú ar uasleibhéil salainn sóidiam 3’SL a úsáidtear i mbainne foirmle do naíonáin mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (5), ón uasleibhéal údaraithe 0,23 g/kg nó 1 atá ann faoi láthair go huasleibhéal 0,28 g/kg nó 1, agus chun úsáid salainn sóidiam 3’SL i bhforbhianna a leathnú mar a shainmhínítear i dTreoir 2002/46/CE ó Pharlaimint na hEorpa agus ón gComhairle (6) atá ceaptha do naíonáin agus do leanaí óga ag leibhéil 0,28 g/lá. Ina dhiaidh sin, an 23 Márta 2023, mhodhnaigh an t-iarratasóir an iarraidh tosaigh san iarratas agus bhain sé úsáid salainn sóidiam 3’-SL a cheaptar lena úsáid i bhforbhianna do naíonáin agus do leanaí óga de na húsáidí atá beartaithe.

(6)

Thug an t-iarratasóir údar leis an iarraidh ar na hathruithe atá beartaithe i gcoinníollacha úsáide salainn sóidiam 3′-SL i mbainne foirmle do naíonáin mar a shainmhínítear i Rialachán (AE) Uimh. 609/2013, mar mhodh chun leibhéil úsáide salainn sóidiam 3′-SL i mbainne foirmle agus na hiontógálacha atá mar thoradh orthu a thabhairt níos gaire do leibhéil 3′-SL a fhaightear go nádúrtha i mbainne daonna.

(7)

Measann an Coimisiún nach dócha go mbeidh tionchar ag an nuashonrú a iarradh ar liosta an Aontais maidir leis an athrú ar choinníollacha úsáide salainn sóidiam 3′-SL a tháirgtear le tréithchineálacha díorthacha de E. coli BL21(DE3) mar atá molta ag an iarratasóir ar shláinte an duine agus nach gá don Údarás Eorpach um Shábháilteacht Bia (‘an tÚdarás’) meastóireacht sábháilteachta a dhéanamh i gcomhréir le hAirteagal 10(3) de Rialachán (AE) 2015/2283. I ndáil leis sin, an iontógáil de shalann sóidiam 3′-SL a bhfuil méadú beag tagtha air a bheadh mar thoradh ar an úsáid mhéadaithe de bhainne foirmle mar a shainmhínítear i Rialachán (AE) Uimh. 609/2013, bheadh sí níos ísle fós ná iontógálacha 3′-SL a thagann ó bhainne cíche a mheas an tÚdarás nach mbeadh ábhar imní i gceist leo sa tuairim uaidh in 2022 maidir le salann sóidiam 3′-SL a tháirgtear le tréithchineálacha díorthacha de E. coli BL21(DE3). (7) Measann an Coimisiún freisin gur cheart an méadú ar uasleibhéil salainn sóidiam 3′-SL i mbainne foirmle do naíonáin ó 0,23 g/kg nó l go 0,28 g/kg nó l a léiriú freisin i gcoinníollacha úsáide bianna do naíonáin agus do leanaí óga chun críoch speisialta míochaine mar a shainmhínítear faoi Rialachán (AE) Uimh. 609/2013, mar tá na huasleibhéil salainn sóidiam 3′-SL sna bianna sin nasctha leis na huasleibhéil a úsáidtear i mbainne foirmle do naíonáin.

(8)

Leis an bhfaisnéis a sholáthraítear san iarratas agus sa tuairim ón Údarás in 2022, tá forais leordhóthanacha ann chun a shuí go bhfuil na hathruithe ar choinníollacha salainn sóidiam 3′-SL a tháirgtear le tréithchineálacha díorthacha de E. coli tréithchineál BL21(DE3) i gcomhréir le coinníollacha Airteagal 12(1) de Rialachán (AE) 2015/2283 agus ba cheart iad a fhormheas.

(9)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,