1.   Mínithe arna n-iarraidh ag an gCoimisiún nó ag daoine tionlacain de bhun Airteagal 69(2), pointí (f) agus (g), de Rialachán (AE) 2022/2065, is ionadaithe údaraithe nó baill foirne soláthraí ardán an-mhór ar líne, soláthraí inneall cuardaigh an-mhór ar líne nó, nuair is infheidhme, daoine eile dá dtagraítear in Airteagal 67(1) den Rialachán sin, agus iadsan amháin, a thabharfaidh iad. Féadfaidh oifigigh den Choimisiún nó daoine tionlacain na mínithe a thugtar a thaifeadadh i bhfoirm ar bith.

2.   Tar éis na cigireachta, cuirfear cóip d’aon taifeadadh a rinneadh de bhun mhír 1 ar fáil don soláthraí ardán an-mhór ar líne, don soláthraí inneall cuardaigh an-mhór ar líne nó don duine eile dá dtagraítear in Airteagal 67(1) de Rialachán (AE) 2022/2065 lena mbaineann an chigireacht sin.

(3)   I gcásanna inar iarraidh ar ionadaí nó ar bhall foirne dá dtagraítear i mír 1 mínithe a thabhairt agus gur tugadh iad, ach nach raibh an t-ionadaí sin nó an ball foirne sin údaraithe chun mínithe a thabhairt thar ceann an tsoláthraí nó an duine lena mbaineann, socróidh an Coimisiún teorainn ama ar teorainn ama faoina bhféadfaidh an soláthraí nó an duine lena mbaineann aon cheartú, leasú nó forlíonadh ar na mínithe a thug an t-ionadaí nó an ball foirne sin a chur in iúl don Choimisiún. Cuirfear an ceartú, an leasú nó an forlíonadh leis na mínithe mar a taifeadadh iad de bhun mhír 1 den Airteagal seo.

(4)   An fhéidearthacht don soláthraí ardán an-mhór ar líne, don soláthraí inneall cuardaigh an-mhór ar líne, nó, nuair is infheidhme, do na daoine eile dá dtagraítear in Airteagal 67(1) de Rialachán (AE) 2022/2065 ceartuithe, leasuithe nó faisnéis fhorlíontach a chur in iúl don Choimisiún maidir le mínithe a thugtar de bhun mhír 3, beidh an fhéidearthacht sin gan dochar do chumhacht an Choimisiúin fíneálacha agus íocaíochtaí pionósacha tréimhsiúla a ghearradh i gcomhréir le hAirteagail 74 agus 76 de Rialachán (AE) 2022/2065 faoi seach.

(1)   I gcás ina n-ordóidh an Coimisiún do sholáthraí ardán an-mhór ar líne nó soláthraí inneall cuardaigh an-mhór ar líne rochtain ar bhunachair sonraí nó ar chórais algartamacha an tsoláthraí sin a dheonú de bhun Airteagal 72(1) de Rialachán (AE) 2022/2065, féadfaidh an Coimisiún na modhanna teicniúla nó na comhéadain a shonrú faoina ndéanfaidh soláthraithe ardán an-mhór ar líne nó soláthraithe inneall cuardaigh an-mhór ar líne rochtain den sórt sin a dheonú.

(2)   Soláthraithe ardán an-mhór ar líne nó soláthraithe inneall cuardaigh an-mhór ar líne a n-ordaítear dóibh rochtain a dheonú de bhun Airteagal 72(1) de Rialachán (AE) 2022/2065, déanfaidh siad sin ar mhodh tráthúil éifeachtach, a chuirfidh ar a chumas don Choimisiún an fhaisnéis uile sna bunachair sonraí lena mbaineann agus an fhaisnéis maidir leis an algartam lena mbaineann atá riachtanach don mheasúnú ar chur chun feidhme an tsoláthraí lena mbaineann ar Rialachán (AE) 2022/2065 agus comhlíonadh leis.

(3)   Soláthraithe ardán an-mhór ar líne nó soláthraithe inneall cuardaigh an-mhór ar líne a n-ordaítear dóibh rochtain a dheonú de bhun Airteagal 72(1) de Rialachán (AE) 2022/2065, comhlíonfaidh siad na ceanglais a leagtar síos in Airteagal 7 den Rialachán seo.

(4)   I gcás ina ndéanfaidh an Coimisiún oibleagáid a fhorchur ar sholáthraí ardán an-mhór ar líne nó ar sholáthraí inneall cuardaigh an-mhór ar líne na doiciméid uile a choinneáil a bhfuil gá leo chun measúnú a dhéanamh ar chur chun feidhme agus comhlíonadh Rialachán (AE) 2022/2065 de bhun Airteagal 72(1) den Rialachán sin, saineoidh an Coimisiún na téarmaí coinneála, lena n-áirítear tréimhse agus raon na ndoiciméad atá le coinneáil a bhfuil feidhm ag an oibleagáid ina leith. Féadfar síneadh a chur leis an tréimhse sin, i gcás inar gá, chun measúnú a dhéanamh ar chur chun feidhme agus comhlíonadh Rialachán (AE) 2022/2065.

(5)   I gcás ina gceapfaidh an Coimisiún saineolaithe nó iniúchóirí seachtracha chun cúnamh a thabhairt dó faireachán a dhéanamh ar chur chun feidhme Rialachán (AE) 2022/2065 ag soláthraithe ardán an-mhór ar líne agus soláthraithe inneall cuardaigh an-mhór ar líne, agus comhlíonadh an Rialacháin, de bhun Airteagal 72(2) den Rialachán sin, áiritheoidh an Coimisiún go mbeidh na saineolaithe agus iniúchóirí sin neamhspleách ar an soláthraí lena mbaineann agus go mbeidh saineolas agus eolas a bhfuil teist air san ábhar lena dtabharfaidh siad cúnamh don Choimisiún.

(6)   Chun an neamhspleáchas a áirithiú i gcomhréir le mír 5, déanfaidh an Coimisiún, agus saineolaithe nó iniúchóirí arna gceapadh de bhun na míre sin, úinéireacht, rialachas, bainistíocht, pearsanra nó acmhainní comhroinnte a bheidh ann i gcás na saineolaithe nó iniúchóirí seachtracha lena mbaineann a chur san áireamh chomh maith le caidreamh conarthach a bheith ann leis an soláthraí ardán an-mhór ar líne nó an soláthraí inneall cuardaigh an-mhór ar líne thar na tréimhse 24 mhí roimh an nós imeachta arna dhéanamh ag an gCoimisiún. Fanfaidh an saineolaí nó an t-iniúchóir a cheapfar neamhspleách feadh thréimhse an cheapacháin.

(7)   Chun a áirithiú go mbeidh an saineolas agus an t-eolas is gá ag na saineolaithe agus iniúchóirí i gcomhréir le mír 5, cuirfidh an Coimisiún san áireamh, agus saineolaí nó iniúchóir á cheapadh de bhun na míre sin, saineolas an tsaineolaí san ábhar lena dtabharfaidh siad cúnamh don Choimisiún a bhfuil teist air nó inniúlacht theicniúil an iniúchóra chun iniúchtaí a dhéanamh faoin ábhar lena dtabharfaidh siad cúnamh don Choimisiún a bhfuil teist air.

(1)   Féadfaidh seolaí na réamhthorthaí arna gcur in iúl de bhun Airteagail 73(2), 74(3) agus 76 de Rialachán (AE) 2022/2065, laistigh de theorainn ama a shocróidh an Coimisiún, an Coimisiún a chur ar an eolas go gonta agus i gcomhréir leis na ceanglais i dtaca le formáid agus fad na ndoiciméad a leagtar amach san Iarscríbhinn a ghabhann leis an Rialachán seo, maidir lena chuid tuairimí i scríbhinn faoi na torthaí sin agus faoi bhearta a d’fhéadfadh sé a bheith i gceist ag an gCoimisiún a dhéanamh i bhfianaise na dtorthaí sin, agus cruthúnas a chur isteach a thacaíonn leis sin. Ní bheidh sé d’oibleagáid ar an gCoimisiún aon bharúil i scríbhinn a fhaightear tar éis dháta éaga na teorann ama sin a chur san áireamh.

(2)   Beidh an fhaisnéis a chuirfear faoi bhráid an Choimisiúin de bhun mhír 1 ceart, iomlán agus ní bheidh sé míthreorach. Cuirfear i láthair í ar bhealach atá soiléir, dea-struchtúrtha agus intuigthe.

(3)   Beidh na barúlacha i scríbhinn dá dtagraítear i mír 1 i gceann de theangacha oifigiúla an Aontais. Cuirfear doiciméid tacaíochta isteach sa bhunteanga agus, i gcás nach teanga oifigiúil de chuid an Aontais bunteanga an doiciméid, beidh aistriúchán dílis go teanga oifigiúil de chuid an Aontais.

(4)   Na barúlacha i scríbhinn dá dtagraítear i mír 1, comhlíonfaidh siad an fhormáid agus na teorainneacha leathanach a leagtar amach san Iarscríbhinn a ghabhann leis an Rialachán seo. Féadfaidh an Coimisiún a údarú, ar iarraidh réasúnaithe, do sheolaí na réamhthorthaí na teorannacha leathanach seo a shárú i gcás ina dtugann agus a mhéid a thabharfaidh an seolaí bunús go bhfuil sé go hoibiachtúil dodhéanta nó thar a bheith deacair chun déileáil le saincheisteanna dlíthiúla nó fíorasacha atá an-chasta laistigh d’uasteorainneacha na leathanach.

(5)   Déanfar doiciméid, bunachair sonraí nó faisnéis eile a chur faoi bhráid an Choimisiúin i gcomhréir le hAirteagal 7 den Rialachán seo.

(6)   An fhaisnéis arna tíolacadh don Choimisiún de bhun mhír 1, beidh cruthúnas i scríbhinn ag gabháil léi go bhfuil údarú ag na daoine a chuirfidh an fhaisnéis sin isteach gníomhú thar ceann sheolaí na réamhthorthaí lena mbaineann.

(7)   Admhóidh an Coimisiún, gan mhoill agus i scríbhinn, le seolaí na réamhthorthaí lena mbaineann nó lena ionadaithe, go bhfuarthas faisnéis arna tíolacadh de bhun mhír 1.

(1)   Arna iarraidh sin, déanfaidh an Coimisiún rochtain ar an gcomhad a dheonú do sheolaí na réamhthorthaí arna gcur in iúl de bhun Airteagail 73(2), 74(3) agus 76 de Rialachán (AE) 2022/2065 (‘an seolaí’). Ní dhéanfar rochtain ar an gcomhad a dheonú roimh fhógra na réamhthorthaí.

(2)   Agus é ag cur rochtain ar an gcomhad ar fáil, soláthróidh an Coimisiún na doiciméid uile a luaitear sna réamhthorthaí don seolaí, faoi réir foluithe a rinneadh de bhun Airteagal 6 chun rúin ghnó nó faisnéise rúnda eile a chosaint.

(3)   Gan dochar do mhír 4, soláthróidh an Coimisiún freisin rochtain ar na doiciméid uile ina chomhad, gan aon fholú a dhéanamh, faoi na téarmaí nochta a leagfar amach i gcinneadh ón gCoimisiún. Cinnfear na téarmaí nochta i gcomhréir leis an méid seo a leanas:

(4)   In imthosca eisceachtúla, féadfaidh an Coimisiún cinneadh a dhéanamh gan rochtain a cheadú ar dhoiciméid áirithe nó ar dhoiciméid atá páirtfholaithe faoi na téarmaí nochta dá dtagraítear i mír (3), má chinneann an Coimisiún gur mó, ar an iomlán, an tábhacht atá leis an dochar is dócha a dhéanfadh nochtadh faoi na téarmaí sin don pháirtí a chuir isteach na doiciméid ná tábhacht nochtadh an doiciméid iomláin maidir leis an gceart chun éisteacht a fháil.

(5)   De bhun Airteagal 79(4) de Rialachán (AE) 2022/2065, ní leathnófar an ceart rochtana ar chomhad an Choimisiúin go doiciméid inmheánach de chuid an Choimisiúin ná de chuid údaráis inniúla na mBallstát. Féadfaidh an comhfhreagras idir an Coimisiún agus údaráis phoiblí eile, lena n-áirítear institiúidí eile an Aontais Eorpaigh nó údaráis tíortha nach Ballstáit iad, agus doiciméid íogaire de chineálacha eile, féadfaidh siad a bheith faoi réir cosaintí comhchosúla.

(6)   Na comhairleoirí dlí agus eacnamaíocha seachtracha sonraithe agus na saineolaithe teicniúla seachtracha sonraithe dá dtagraítear i mír 3, laistigh d’aon seachtain amháin ó fuair siad rochtain faoi na téarma nochta, féadfaidh siad iarraidh réasúnaithe a dhéanamh ar an gCoimisiún ar rochtain a fháil ar leagan neamhrúnda d’aon doiciméad i gcomhad an Choimisiúin nach bhfuil curtha ar fáil cheana don seolaí faoi mhír 2, d’fhonn leagan neamhrúnda den sórt sin a chur ar fáil don seolaí, nó le haghaidh leathnú ar na téarmaí nochta chun go n-áireofar na comhairleoirí dlí agus eacnamaíocha seachtracha sonraithe agus na saineolaithe teicniúla seachtracha sonraithe. Ní fhéadfar rochtain bhreise den sórt sin a dheonú ach amháin go heisceachtúil agus ar choinníoll go bhfuil sé fíor-riachtanach maidir le feidhmiú cuí de cheart an tseolaí chun éisteacht a fháil.

(7)   Chun míreanna 4 go 6 a chur i bhfeidhm, féadfaidh an Coimisiún a chur de cheangal ar an bpáirtí a chuir isteach na doiciméid i gceist leagan neamhrúnda díobh a sholáthar de bhun Airteagal 6.

(8)   I gcás ina measfaidh an Coimisiún go bhfuil bunús maith leis an iarraidh faoi mhír 6 d’fhonn a áirithiú go mbeidh an seolaí in ann a cheart chun éisteacht a fháil a fheidhmiú go héifeachtach, déanfaidh an Coimisiún rogha idir a iarraidh ar sholáthraí na faisnéise toiliú le leagan neamhrúnda a chur ar fáil don seolaí agus a iarraidh air toiliú le leathnú a dhéanamh ar na téarmaí nochta chun daoine nó gnóthais shonraithe a áireamh i gcás na ndoiciméad i gceist amháin.

(9)   I gcás nach dtoileoidh an páirtí a chuir isteach na doiciméid i gceist, glacfaidh an Coimisiún cinneadh lena leagfar síos na téarmaí nochta maidir leis na doiciméid atá i gceist.

(10)   Doiciméid a gheofar trí rochtain ar an gcomhad arna sholáthar de bhun an Airteagail seo, ní bhainfear úsáid astu ach amháin chun críocha na n-imeachtaí ábhartha inar cuireadh rochtain ar fáil ar na doiciméid sin nó chun críocha na n-imeachtaí breithiúnacha nó riaracháin sin i ndáil le cur i bhfeidhm Rialachán (AE) 2022/2065 a bhaineann leis na himeachtaí sin.

(11)   Tráth ar bith le linn an nós imeachta, féadfaidh an Coimisiún, in ionad an modh maidir le rochtain ar chomhad a dheonú de bhun mhír 3 thuas nó i gcomhcheangal leis sin, rochtain ar na doiciméid folaithe uile, nó cuid acu, a dheonú de bhun Airteagal 6(3) chun moill dhíréireach nó ualach riaracháin a sheachaint.

(1)   Mura ndéantar foráil dá mhalairt i Rialachán (AE) 2022/2065 nó Airteagal 5 den Rialachán seo, ní dhéanfaidh an Coimisiún aon fhaisnéis ná doiciméad a bhailigh ná a fuair an Coimisiún a nochtadh ná a chur ar fáil go poiblí a mhéid atá rúin ghnó iontu nó aon fhaisnéis rúnda eile a bhaineann le haon duine nádúrtha nó duine dlítheanach.

(2)   Agus doiciméid á n-urghabháil nó rochtain dheonach á fáil ar dhoiciméid le linn cigireachtaí de bhun Airteagal 69 de Rialachán (AE) 2022/2065, nó doiciméid á bhfáil nó rochtain ar fhaisnéis á fáil ar bhealach eile de bhun Airteagal 72 de Rialachán (AE) 2022/2065, cuirfidh an Coimisiún na hardáin an-mhór ar líne nó na hinnill chuardaigh an-mhór ar líne nó, i gcás inarb infheidhme, duine nádúrtha nó dlítheanach eile lena mbaineann dá dtagraítear in Airteagal 67(1) de Rialachán (AE) 2022/2065, ar an eolas go bhféadfaidh rochtain ar an bhfaisnéis sin a dheonú de bhun Airteagal 5 den Rialachán seo. I gcás ar bith, má sholáthraíonn ardáin an-mhór ar líne nó innill chuardaigh an-mhór ar líne nó, i gcás inarb infheidhme, duine nádúrtha nó dlítheanach eile lena mbaineann faisnéis go deonach don Choimisiún faoi Rialachán (AE) 2022/2065 nó faoin Rialachán seo, aontaíonn siad go bhféadfaidh rochtain ar an bhfaisnéis sin a dheonú de bhun Airteagal 5 den Rialachán seo.

(3)   Gan dochar do mhír 2, féadfaidh an Coimisiún ceangal a chur ar ardáin an-mhór ar líne nó ar innill chuardaigh an-mhór ar líne nó, i gcás inarb infheidhme, ar dhaoine nádúrtha nó dlítheanacha eile lena mbaineann, arb iad a thionscain na doiciméid ina chomhad, na doiciméid, na ráitis nó codanna díobh a shainaithint, a measann sé go bhfuil rúin ghnó nó faisnéise rúnda eile iontu agus na daoine nádúrtha agus dlítheanacha a meastar an fhaisnéis sin a bheith rúnda ina leith. Féadfaidh an Coimisiún teorainn ama a shocrú freisin le haghaidh na n-ardán an-mhór ar líne nó na n-inneall cuardaigh an-mhór ar líne lena mbaineann nó, i gcás inarb infheidhme, duine nádúrtha nó dlítheanach eile dá dtagraítear in Airteagal 67(1) de Rialachán (AE) 2022/2065 aon chuid de chinneadh ón gCoimisiún a bhfuil rúin ghnó nó faisnéis rúnda eile ann dar leor a shainaithint.

(4)   Féadfaidh an Coimisiún teorainn ama a shocrú le haghaidh sholáthraí an ardáin an-mhór ar líne agus an innill cuardaigh an-mhór ar líne lena mbaineann nó, i gcás inarb infheidhme, an duine nádúrtha nó dlítheanach dá dtagraítear in Airteagal 67(1) de Rialachán (AE) 2022/2065, chun an méid seo a leanas a dhéanamh:

(5)   Mura gcomhlíonfaidh soláthraithe ardán an-mhór ar líne nó soláthraithe inneall cuardaigh an-mhór ar líne, nó, i gcás inarb infheidhme, an duine nádúrtha nó dlítheanach dá dtagraítear in Airteagal 67(1) de Rialachán (AE) 2022/2065 míreanna 2 agus 3, féadfaidh an Coimisiún a mheas nach bhfuil rúin ghnó ná faisnéis rúnda eile san fhaisnéis lena mbaineann.

(6)   Má chinneann an Coimisiún go bhféadfar faisnéis áirithe a maíonn soláthraithe ardán an-mhór ar líne nó soláthraithe inneall cuardaigh an-mhór ar líne nó, i gcás inarb infheidhme, duine nádúrtha nó duine dlítheanach lena mbaineann dá dtagraítear in Airteagal 67(1) de Rialachán (AE) 2022/2065, a nochtadh, toisc nach rún gnó ná faisnéis rúnda eile í an fhaisnéis sin, nó toisc go mbaineann leas sáraitheach le nochtadh na faisnéise sin, cuirfidh sé in iúl do na soláthraithe lena mbaineann nó don duine nádúrtha nó dlítheanach lena mbaineann go bhfuil sé ar intinn aige an fhaisnéis sin a nochtadh mura bhfaighidh sé agóidí ina choinne sin laistigh d’aon seachtain amháin. Má dhéanann na soláthraithe nó an duine nádúrtha nó dlítheanach i dtrácht agóid ina choinne sin, féadfaidh an Coimisiún cinneadh réasúnaithe a ghlacadh lena sonrófar an dáta ar dá éis a nochtfar an fhaisnéis sin. Ní bheidh an dáta sin níos lú ná seachtain amháin ó dháta an fhógra. Tabharfar fógra faoin gcinneadh do na soláthraithe lena mbaineann nó don duine nádúrtha nó dlítheanach lena mbaineann.

(1)   Tarlóidh tarchur doiciméad, bunachair sonraí nó aon fhaisnéise eile chuig an gCoimisiún agus uaidh de bhun Airteagail 2, 3 agus 4 den Rialachán seo trí mhodhanna digiteacha. Féadfaidh an Coimisiún sonraíochtaí teicniúla maidir le modhanna tarchurtha agus sínithe a eisiúint nó a fhoilsiú agus a nuashonrú go tráthrialta.

(2)   I dtaca le doiciméid a tharchuirtear trí mhodhanna digiteacha, síneofar iad agus úsáid á baint as Ríomhshíniú Cáilithe amháin ar a laghad ar ríomhshíniú é a chomhlíonann na ceanglais a leagtar amach i Rialachán (AE) Uimh. 910/2014 ó Pharlaimint na hEorpa agus ón gComhairle (2).

(3)   I dtaca le doiciméid a tharchuirtear chuig an gCoimisiún trí mhodhanna digiteacha, measfar go mbeidh siad faighte ar an lá a sheolann an Coimisiún admháil fála.

(4)   I gcás faisnéise fíor-ama nó gar d’fhíor-am a chomhroinntear trí chomhéadain feidhmchláir, mar shampla, nó trí aon mhodh coibhéiseach eile, saineoidh an Coimisiún an modh agus an fad amach chun faisnéis den sórt sin a chomhroinnt.

(5)   I gcás doiciméad, bunachair sonraí nó aon fhaisnéise eile a tharchuirtear chuig an gCoimisiún trí mhodhanna digiteacha, measfar nach mbeidh sé faighte ag an gCoimisiún má tharlaíonn ceann amháin de na himthosca a leanas:

(6)   Cuirfidh an Coimisiún in iúl don seoltóir gan mhoill má tharlaíonn aon cheann de na himthosca dá dtagraítear i mír 5, agus tabharfaidh sé an deis dó a thuairimí a chur in iúl agus an cás a leigheas laistigh de theorainn ama réasúnta.

(7)   De mhaolú ar mhír 1, faoi imthosca eisceachtúla ina bhfuil sé dodhéanta nó thar a bheith deacair tarchur a dhéanamh trí mhodhanna digiteacha, féadfar doiciméid a tharchur chuig an gCoimisiún trí phostas cláraithe. Measfar go mbeidh na doiciméid sin faighte ag an gCoimisiún ar an lá a thagann siad isteach ag seoladh na seirbhíse freagraí de chuid an Choimisiúin, mar atá foilsithe ag an gCoimisiún ar a shuíomh gréasáin féin.

(8)   De mhaolú ar mhír 1, faoi imthosca eisceachtúla ina bhfuil sé dodhéanta nó thar a bheith deacair tarchur a dhéanamh trí mhodhanna digiteacha agus trí phost cláraithe, féadfar doiciméid a tharchur chuig an gCoimisiún trí sheachadadh de láimh. Measfar go mbeidh na doiciméid sin faighte ar an lá a tháinig siad isteach chuig seoladh na seirbhíse freagraí de chuid an Choimisiúin, mar atá foilsithe ag an gCoimisiún ar a shuíomh gréasáin féin. Deimhneofar an seachadadh le hadmháil fála ón gCoimisiún.