1.   Beidh an fhaisnéis uile sna Fógraí de bhun Airteagal 3(3), an chéad fhomhír, de Rialachán (AE) 2022/1925, lena n-áirítear doiciméid, a luaitear san fhoirm a leagtar amach in Iarscríbhinn I a ghabhann leis an Rialachán seo.

2.   Beidh an fhaisnéis uile in aighneachtaí faisnéise tar éis iarraidh a fháil ón gCoimisiún dá dtagraítear in Airteagal 3(3), an dara fomhír, de Rialachán (AE) 2022/1925, lena n-áirítear doiciméid, a leagtar amach san iarraidh ón gCoimisiún. Féadfaidh an Coimisiún a shonrú, ina iarraidh ar fhaisnéis, na ranna den fhoirm a leagtar amach in Iarscríbhinn I a ghabhann leis an Rialachán seo a bheidh líonta isteach.

3.   I gcás, i gcomhréir hAirteagal 3(5) de Rialachán (AE) 2022/1925, gur mian leis an ngnóthas a thugann fógra, in éineacht lena fhógra, argóintí atá cuí-réasúnaithe go leormhaith chun a léiriú, go heisceachtúil, cé go gcomhlíonann sé na tairseacha go léir in Airteagal 3(2) den Rialachán sin, de bharr na n-imthosca ina n-oibríonn an chroísheirbhís ardáin ábhartha, nach gcomhlíonann sé na ceanglais in Airteagal 3(1) den Rialachán sin, soláthróidh sé argóintí den sórt sin in iarscríbhinn a ghabhann lena fhógra. Cuirfear iarscríbhinn ar leithligh isteach le haghaidh gach croísheirbhíse ardáin ar mian leis an ngnóthas a thugann fógra argóintí atá cuí-réasúnaithe a sholáthar. Déanfaidh an gnóthas a thugann fógra a shainaithint go soiléir cé acu de na trí cheanglas charnacha a leagtar amach in Airteagal 3(1) de Rialachán (AE) 2022/1925 a bhaineann a argóintí agus, le haghaidh gach argóinte, míneoidh sé an fáth nach gcomhlíonann an chroísheirbhís ardáin ábhartha an ceanglas sin go heisceachtúil, cé go gcomhlíonann sé an tairseach chomhfhreagrach a leagtar síos in Airteagal 3(2) den Rialachán sin.

4.   Beidh an fhaisnéis a chuirfear faoi bhráid an Choimisiúin de bhun mhíreanna 1, 2 agus 3 ceart, iomlán agus ní bheidh sé míthreorach. Cuirfear i láthair í ar bhealach atá soiléir, dea-struchtúrtha agus intuigthe.

5.   I gcás ina n-iarrfaidh an gnóthas a thugann fógra nach bhfoilseofar nó nach nochtfar ar bhealach eile do pháirtithe eile aon phíosa faisnéise, cuirfidh sé an píosa faisnéise sin i ndoiciméad ar leithligh, ina mbeidh gach leathanach marcáilte go soiléir le “Rúin Ghnó”, agus cúiseanna a sholáthar.

6.   Déanfar na fógraí agus na haighneachtaí dá dtagraítear i míreanna 1, 2 agus 3 a tharraingt suas i gceann amháin de theangacha oifigiúla an Aontais. Beidh teanga an nós imeachta sa teanga chéanna den fhógra dá dtagraítear i mír 1, nó ina éagmais sin, sa teanga den chur isteach faisnéise dá dtagraítear i mír 2, mura gcomhaontaíonn an Coimisiún agus an gnóthas lena mbaineann a mhalairt. Cuirfear aon iarscríbhinn a bheidh i gceangal de bhun mhír 1 isteach sa bhunteanga agus, i gcás nach teanga oifigiúil de chuid an Aontais bunteanga an doiciméid, beidh aistriúchán dílis go teanga an nós imeachta a ghabhann leis.

7.   Beidh cruthúnas i scríbhinn ag gabháil leis na fógraí agus na haighneachtaí dá dtagraítear i míreanna 1, 2 agus 3 a léireoidh go bhfuil na daoine atá á gcur isteach údaraithe le gníomhú thar ceann an ghnóthais lena mbaineann.

8.   Féadfaidh an Coimisiún, ar iarraidh réasúnaithe, eisceacht a thabhairt do ghnóthas ón oibleagáid chun doiciméid sonracha a sholáthar nó píosaí faisnéise is gá le haghaidh an fhógra dá dtagraítear i mír 1, i gcás ina measann an Coimisiún nach bhfuil gá le comhlíontacht leis na hoibleagáidí dá mheasúnú ar an bhfógra de bhun Airteagal 3(4) de Rialachán (AE) 2022/1925.

9.   Admhóidh an Coimisiún, gan mhoill, i scríbhinn chuig an ngnóthas lena mbaineann nó chuig a ionadaithe go bhfuarthas fógraí nó aighneachtaí dá dtagraítear i míreanna 1, 2 agus 3.

1.   I gcás ina mbeidh an fhaisnéis atá i bhfógra nó in aighneacht faisnéise nó maidir le hargóintí cuí-réasúnaithe dá dtagraítear in Airteagal 2(1), (2) agus (3) den Rialachán seo neamhiomlán in aon ghné ábhartha, cuirfidh an Coimisiún an gnóthas lena mbaineann, nó a ionadaithe, ar an eolas i scríbhinn ina thaobh gan moill mhíchuí. I gcás den sórt sin, gabhfaidh éifeacht leis an bhfógra nó an aighneacht an dáta a gheobhaidh an Coimisiún an fhaisnéis iomlán nó an dáta a chuireann an Coimisiún an gnóthas lena mbaineann ar an eolas, mar gheall ar imthosca ábhartha, nach bhfuil gá a thuilleadh leis an bhfaisnéis a iarrtar.

2.   Má chumhdaíonn fógra, nó aighneacht faisnéise nó argóint chuí-réasúnaithe dá dtagraítear in Airteagal 2(1), (2) agus (3) croísheirbhís ardáin amháin nó níos mó, féadfaidh an Coimisiún a shonrú go bhfuil an fhaisnéis atá san fhógra, nó san aighneacht, neamhiomlán i ndáil le ceann amháin nó níos mó de na croísheirbhísí ardáin sin amháin. I gcás den sórt sin, i ndáil leis na croísheirbhísí ardáin sin amháin, gabhfaidh éifeacht leis an bhfógra nó an aighneacht an dáta a gheobhaidh an Coimisiún an fhaisnéis iomlán nó an dáta a chuireann an Coimisiún an gnóthas lena mbaineann ar an eolas, mar gheall ar imthosca ábhartha, nach bhfuil gá a thuilleadh leis an bhfaisnéis a iarrtar.

3.   Agus fógra faoi athbhreithniú, cuirfidh an gnóthas a thugann fógra an Coimisiún ar an eolas, gan moill mhíchuí, maidir leis an méid a leanas:

4.   Cuirfidh an Coimisiún an gnóthas lena mbaineann ar an eolas go bhfuarthas an cumarsáid maidir leis na hathruithe ábhartha nó maidir le faisnéis nua de bhun mhír 3 i scríbhinn agus gan moill mhíchuí. I gcás ina bhféadfadh éifeacht shuntasach a bheith ag na hathruithe ábhartha sin nó ag an bhfaisnéis nua sin ar mheasúnú an Choimisiúin ar an bhfógra, ar an aighneacht faisnéise ná ar argóintí cuí-réasúnaithe dá dtagraítear in Airteagal 2(1), (2) nó (3), measfar go mbeidh éifeacht ag an bhfógra nó ag an aighneacht faisnéise ar an dáta a fhaigheann an Coimisiún an fhaisnéis ábhartha. Cuirfidh an Coimisiún an gnóthas ar an eolas faoi sin.

5.   Chun críocha an Airteagail seo, breithneofar faisnéis atá go páirteach nó go hiomlán mícheart nó faisnéis mhíthreorach ina faisnéis neamhiomlán.

1.   Doiciméid a cuireadh faoi bhráid an Choimisiúin faoi Rialachán (AE) 2022/1925, comhlíonfaidh siad an fhormáid agus teorainneacha leathanach a leagtar amach in Iarscríbhinn II a ghabhann leis an Rialachán seo.

2.   Féadfaidh an Coimisiún a údarú, ar iarraidh réasúnaithe, do ghnóthas nó comhlachas gnóthas na teorannacha leathanach seo a shárú i gcás ina dtugann agus a mhéid a thabharfaidh an gnóthas nó comhlachas gnóthas bunús go bhfuil sé go hoibiachtúil dodhéanta nó thar a bheith deacair chun déileáil le saincheisteanna dlíthiúla nó fíorasacha atá an-chasta laistigh de na teorainneacha leathanach ábhartha.

3.   I gcás nach gcomhlíonfaidh doiciméad, a chuir gnóthas nó comhlachas gnóthas isteach de bhun an Rialacháin seo nó de bhun Rialachán (AE) 2022/1925, míreanna 1 agus 2, féadfaidh an Coimisiún a iarraidh ar an ngnóthas nó ar an gcomhlachas an doiciméad a thabhairt chun rialtachta.

1.   Féadfaidh an Coimisiún cinneadh a dhéanamh imeachtaí a thionscnamh d’fhonn cinneadh de bhun Airteagal 29 de Rialachán (AE) 2022/1925 a ghlacadh ag aon tráth, ach tráth nach déanaí ná an dáta a eisíonn sé na réamhthorthaí de bhun Airteagal 29(3) den Rialachán sin.

2.   Cuirfidh an Coimisiún tionscnamh imeachtaí ar fáil go poiblí.

1.   Mura ndéantar foráil dá mhalairt i Rialachán (AE) 2022/1925 nó Airteagal 8 den Rialachán seo agus gan dochar do mhír 6 den Airteagal seo, ní dhéanfaidh an Coimisiún aon fhaisnéis ná doiciméad a bhailigh ná a fuair an Coimisiún a nochtadh ná a chur ar fáil go poiblí a mhéid atá rúin ghnó iontu nó aon fhaisnéis rúnda eile a bhaineann le haon duine nádúrtha nó duine dlítheanach.

2.   Nuair a bheidh faisnéis á hiarraidh de bhun Airteagal 21 de Rialachán (AE) 2022/1925 nó nuair a bheidh agallaimh á ndéanamh de bhun Airteagal 22 de Rialachán (AE) 2022/1925, cuirfidh an Coimisiún in iúl na daoine nádúrtha nó na daoine dlítheanacha gurb amhlaidh atá siad, trí fhaisnéis a chur ar fáil don Choimisiún, ag toiliú go bhféadfar rochtain ar an bhfaisnéis sin a cheadú de bhun Airteagal 8 den Rialachán seo. Ar aon slí, beidh feidhm ag forálacha Airteagal 8 maidir le haon doiciméad a chuirfear faoi bhráid an Choimisiúin go spontáineach faoi Rialachán (AE) 2022/1925 nó faoin Rialachán seo.

3.   Gan dochar do mhír 2, féadfaidh an Coimisiún ceangal a chur ar dhaoine nádúrtha nó daoine dlítheanacha, arb iad a thionscain na doiciméid ina chomhad, na doiciméid, na ráitis nó codanna díobh a shainaithint, a measann sé go bhfuil rúin ghnó nó faisnéise rúnda eile iontu. Féadfaidh an Coimisiún, chomh maith leis sin, teorainn ama a leagan síos le haghaidh daoine nádúrtha nó daoine dlítheanacha maidir le haon chuid de chinneadh arna ghlacadh ag an gCoimisiún a shainaithint i gcás ina measann siad go bhfuil rúin ghnó nó faisnéis rúnda eile iontu.

4.   Féadfaidh an Coimisiún teorainn ama a shocrú le haghaidh daoine nádúrtha nó daoine dlítheanacha maidir leis na nithe a leanas a dhéanamh:

5.   I gcás nach gcomhlíonfaidh daoine nádúrtha nó daoine dlítheanacha iarraidh ón gCoimisiún de bhun mhíreanna 3 nó 4, féadfaidh an Coimisiún a mheas nach bhfuil rúin ghnó nó aon fhaisnéis rúnda eile sna doiciméid nó sna ráitis lena mbaineann.

6.   Má chinneann an Coimisiún go bhféadfar faisnéis áirithe a maíonn duine nádúrtha nó duine dlítheanach go bhfuil sí rúnda a nochtadh, toisc nach rún gnó ná faisnéis rúnda eile í an fhaisnéis sin, nó toisc go mbaineann leas sáraitheach ilenochtadh na faisnéise sin, cuirfidh sé in iúl don duine nádúrtha nó don duine dlítheanach lena mbaineann go bhfuil sé ar intinn aige an fhaisnéis sin a nochtadh mura bhfaighidh sé agóidí ina choinne sin laistigh de sheachtain amháin. Má dhéanann an duine nádúrtha nó dlítheanach agóid ina choinne sin, féadfaidh an Coimisiún cinneadh réasúnaithe a ghlacadh lena sonrófar an dáta ar dá éis a nochtfar an fhaisnéis sin. Ní bheidh an dáta sin níos lú ná seachtain amháin ó dháta an fhógra. Tabharfar fógra faoin gcinneadh don duine nádúrtha nó don duine dlítheanach lena mbaineann.

7.   Measfar gur neamhrúnda aon bharúil ó thríú páirtithe faoi foilseacháin nó comhairliúchán de bhun Airteagal 8(6), Airteagal 18(5) agus (6), Airteagal 19(2) agus Airteagal 29(4) de Rialachán (AE) 2022/1925, ach amháin i gcás ina léiríonn an Coimisiún a mhalairt. Beidh se de cheart ag tríú páirtithe leasmhara a chuireann barúlacha isteach folú a dhéanamh ar ainm an údair nó ar ainm an tseoltóra nó ar aon faisnéis aitheantais eile sula roinntear na nótaí tráchta leis an seolaí na réamhthorthaí nó le haon thríú páirtí eile. Féadfaidh an Coimisiún na nótaí tráchta sin, nó aon leagan neamhrúnda de sin, a chur ar fáil go poiblí, ar choinníoll gur léirigh sé an fhéidearthacht sin i gcomhthéacs an fhoilsithe nó an chomhairliúcháin.

1.   Arna iarraidh sin, déanfaidh an Coimisiún rochtain ar an gcomhad a dheonú don ghnóthas don chomhlachas gnóthas ag a bhfuil a réamhthorthaí dírithe de bhun Airteagal 34(1) de Rialachán (AE) 2022/1925 (an “seolaí”). Ní dhéanfar rochtain ar an gcomhad a dheonú roimh fhógra na réamhthorthaí.

2.   Agus é ag cur rochtain ar an gcomhad ar fáil, soláthróidh an Coimisiún na doiciméid uile a luaitear sna réamhthorthaí don seolaí, faoi réir foluithe a rinneadh de bhun Airteagal 7(3) chun rúin ghnó a nó faisnéise rúnda eile a chosaint.

3.   Gan dochar do mhír 4, soláthróidh an Coimisiún freisin rochtain ar na doiciméid uile ina chomhad, gan aon fholú a dhéanamh, faoi na téarmaí nochta a leagfar amach i gcinneadh ón gCoimisiún. Cinnfear na téarmaí nochta i gcomhréir leis an méid seo a leanas:

4.   In imthosca eisceachtúla, féadfaidh an Coimisiún cinneadh a dhéanamh gan rochtain a cheadú ar dhoiciméid áirithe nó ar dhoiciméid atá páirtfholaithe faoi na téarmaí nochta dá dtagraítear i mír (3), má chinneann an Coimisiún gur mó, ar an iomlán, an tábhacht atá leis an dochar is dócha a dhéanfadh nochtadh faoi na téarmaí sin don pháirtí a chuir isteach na doiciméid ná tábhacht nochtadh an doiciméid iomláin maidir leis an gceart chun éisteacht a fháil. Gan dochar d’Airteagal 34(4), an ceathrú habairt agus an cúigiú habairt, de Rialachán (AE) 2022/1925, féadfaidh an Coimisiún a chinneadh ar an gcúis chéanna gan comhfhreagras idir an Coimisiún agus údaráis phoiblí na mBallstát nó údaráis phoiblí tríú tíortha agus cineálacha eile doiciméad íogair a nochtadh nó gan an comhfhreagras sin a nochtadh i bpáirt.

5.   Na comhairleoirí dlí agus eacnamaíocha seachtracha sonraithe agus na saineolaithe teicniúla seachtracha sonraithe dá dtagraítear i mír 3, laistigh d’1 seachtain amháin ó fuair siad rochtain ar an gcomhad faoi na téarma nochta, féádfaidh siad iarraidh réasúnaithe a dhéanamh ar an gCoimisiún ar rochtain a fháil ar leagan neamhrúnda d’aon doiciméad i gcomhad an Choimisiúin nach bhfuil curtha ar fáil cheana don seolaí faoi mhír 2, d’fhonn leagan neamhrúnda den sórt sin a chur ar fáil don seolaí, nó le haghaidh leathnú ar na téarmaí nochta chun go n-áireofar na comhairleoirí dlí agus eacnamaíocha seachtracha sonraithe agus na saineolaithe teicniúla seachtracha sonraithe. Ní fhéadfar rochtain nó leathnú breise den sórt sin a dheonú ach amháin go heisceachtúil agus ar choinníoll gur léiríodh go bhfuil se fíor-riachtanach maidir le feidhmiú cuí de cheart an tseolaí chun éisteacht a fháil.

6.   Chun mír 4 nó mír 5 a chur i bhfeidhm, féadfaidh an Coimisiún a iarraidh ar an bpáirtí a chuir isteach na doiciméid i gceist leagan neamhrúnda díobh a sholáthar de bhun Airteagal 7(3) agus (4).

7.   I gcás ina measfaidh an Coimisiún go bhfuil bunús maith leis an iarraidh faoi mhír 5 ós rud é gur gá a áirithiú go mbeidh an seolaí in ann a cheart chun éisteacht a fháil a fheidhmiú go héifeachtach, déanfaidh an Coimisiún rogha idir a iarraidh ar sholáthraí na faisnéise toiliú le leagan neamhrúnda a chur ar fáil don seolaí agus a iarraidh air toiliú le leathnú a dhéanamh ar na téarmaí nochta chun daoine nó gnóthais shonraithe a áireamh i gcás na ndoiciméad i gceist amháin. I gcás nach dtoileoidh an páirtí a chuir isteach na doiciméid i gceist, glacfaidh an Coimisiún cinneadh lena leagfar síos na téarmaí nochta maidir leis na doiciméid atá i gceist.

8.   Doiciméid a gheofar trí rochtain ar an gcomhad bhun an Airteagail seo, ní bhainfear úsáid astu ach amháin chun críocha na n-imeachtaí ábhartha inar cuireadh rochtain ar fáil ar na doiciméid sin nó chun críocha na n-imeachtaí breithiúnacha nó riaracháin sin i ndáil le cur i bhfeidhm Rialachán (AE) 2022/1925 a bhaineann leis na himeachtaí sin.

9.   Tráth ar bith le linn an nós imeachta, féadfaidh an Coimisiún, in ionad an modh maidir le rochtain ar chomhad a dheonú de bhun mhír 3 thuas nó i gcomhcheangal leis sin, rochtain ar na doiciméid folaithe uile, nó cuid acu, a dheonú de bhun Airteagal 7(3) chun moill dhíréireach nó ualach riaracháin a sheachaint.

1.   Gan dochar do mhír 2, déanfar na teorainneacha ama faoi Rialachán (AE) 2022/1925 nó faoin Rialachán seo a ríomh i gcomhréir le Rialachán (CEE, Euratom) Uimh. 1182/71.

2.   De mhaolú ar mhír 1, cuirfear tús le tréimhsí ar an lá oibre tar éis an teagmhais dá dtagraíonn an fhoráil ábhartha de Rialachán (AE) 2022/1925 nó den Rialachán seo.

3.   I gcás nach gcomhlíonfaidh doiciméad na ceanglais maidir le formáid agus fad a leagtar síos in Iarscríbhinn II a ghabhann leis an Rialachán seo, ní chuirfear tús le tréimhsí go dtí go gcuirfear an doiciméad in ord i gcomhréir le hiarraidh ón gCoimisiún de bhun Airteagal 4(3).

1.   I gcás ina socróidh an Coimisiún teorainn ama faoi Rialachán (AE) 2022/1925 nó faoin Rialachán seo, tabharfaidh sé aird chuí ar na heilimintí ábhartha do na sonraí fhíorais agus dlí agus do na leasanna uile lena mbaineann, go háirithe an fhéidearthacht do dhaoine chun a gceart chun éisteacht a fháil a fheidhmiú agus seiftiúlacht na n-imeachtaí.

2.   I gcás inarb iomchuí agus ar iarraidh réasúnaithe ó na gnóthais nó comhlachais gnóthas lena mbaineann arna déanamh roimh éag na teorann ama arna socrú ag an gCoimisiún de bhun Rialachán (AE) 2022/1925 nó an Rialacháin seo, féadfar síneadh a chur le teorainn ama. Maidir le cinneadh a dhéanamh ar shíneadh den sórt sin a dheonú, déanfaidh an Coimisiún measúnú cíbe atá an iarraidh réasúnaithe cuí-réasúnaithe go leormhaith agus atá an baol ann go ndéanfaidh an iarraidh ar shíneadh dochar don chomhlíontacht leis an nós imeachta ábhartha maidir le teorainneacha ama a leagtar síos i Rialachán (AE) 2022/1925.

1.   Tarlóidh tarchur doiciméad chuig an gCoimisiún agus uaidh de bhun Rialachán (AE) 2022/1925 agus an Rialacháin seo trí mhodhanna digiteacha. Féadfaidh an Coimisiún sonraíochtaí teicniúla maidir le modhanna tarchurtha agus sínithe a fhoilsiú agus a nuashonrú go tráthrialta.

2.   I dtaca le doiciméid a tharchuirtear trí mhodhanna digiteacha, síneofar iad agus úsáid á baint as Ríomhshíniú Cáilithe amháin ar a laghad ar ríomhshíniú é a chomhlíonann na ceanglais a leagtar amach i Rialachán (AE) Uimh. 910/2014 ó Pharlaimint na hEorpa agus ón gComhairle (3).

3.   I dtaca le doiciméid a tarchuireadh chuig an gCoimisiún trí mhodhanna digiteacha, measfar go mbeidh siad faighte ar an lá a seoladh a sheol an Coimisiún admháil fála.

4.   I gcás doiciméad a tharchuirtear chuig an gCoimisiún trí mhodhanna digiteacha, measfar nach mbeidh sé faighte ag an gCoimisiún má tharlaíonn ceann amháin de na himthosca a leanas:

5.   Cuirfidh an Coimisiún in iúl don seoltóir gan moill mhíchuí má tharlaíonn aon cheann de na himthosca dá dtagraítear i mír 4, agus tabharfaidh an deis dó a thuairimí a chur in iúl agus an cás a leigheas laistigh de theorainn ama réasúnta.

6.   De mhaolú ar mhír 1, faoi imthosca eisceachtúla ina bhfuil sé dodhéanta nó thar a bheith deacair tarchur a dhéanamh trí mhodhanna digiteacha, féadfar doiciméid a tharchur chuig an gCoimisiún trí phostas cláraithe. Measfar go mbeidh na doiciméid sin faighte ag an gCoimisiún ar an lá a thagann siad isteach ag seoladh na seirbhíse freagraí de chuid an Choimisiúin, mar atá foilsithe ag an gCoimisiún ar a shuíomh gréasáin féin.

7.   De mhaolú ar mhír 1, faoi imthosca eisceachtúla ina bhfuil sé dodhéanta nó thar a bheith deacair tarchur a dhéanamh trí mhodhanna digiteacha agus trí phost cláraithe, féadfar doiciméid a tharchur chuig an gCoimisiún trí sheachadadh de láimh. Measfar go mbeidh na doiciméid sin faighte ar an lá a tháinig siad isteach chuig seoladh na seirbhíse freagraí de chuid an Choimisiúin, mar atá foilsithe ag an gCoimisiún ar a shuíomh gréasáin féin. Deimhneofar an seachadadh le hadmháil fála ón gCoimisiún.

“Dearbhaíonn an gnóthas a thugann fógra, a mhéid is eol dó, go bhfuil an fhaisnéis atá tugtha san fhógra seo, lena n-áirítear a iarscríbhinní, ceart, iomlán agus nach bhfuil sé míthreorach, gur cuireadh ar fáil fíorchóipeanna iomlána de dhoiciméid a cheanglaítear leis an bhFoirm, go bhfuil na meastacháin uile atá ann sainaitheanta mar mheastacháin agus gurb iad na meastacháin is fearr aige iad bunaithe ar na fíorais bhunúsacha atá ann, agus gur tuairimí dílse iad na tuairimí uile atá tugtha ann. Is feasach dó na forálacha d’Airteagal 30(3)(a) de Rialachán (AE) 2022/1925.”